Leviticus 4:3 - Ohiatonhseratokénti

³ Tó꞉ka né꞉ne kwáh éhʼneken tót꞉the ratsihénsthatsi wahariwánerake tánon taháhaʼwe nashakorihwároh nonhkweshón꞉as, ónenk tsi ienhót꞉kaʼwe ken nithohiónha tionhnónskwahron rátsinn né꞉ne iáh othènen tehotsihióha tánon ne enhoteskónhten rahohénton ne Roiá꞉ner né tsi rorihwanerenhákskon.

Leviticus 4:3 ပူးပေါင်းရင်းမြစ်များ

2 Chronicles 29:21

Tsi tahatí꞉iesʼte né nahé꞉renh ahonsakahawítonke né raotirihwaneraháktsheras ne kanontiʼiótshera kawátsire ó꞉ni nonhkweʼshón꞉as ne Judah tánon nahonshakanonhshí꞉ioʼne Nononsatokentiʼkówa, tsáta nihá꞉ti tionónskwahron ratítsinn iahonwatihiaténhaʼwe, tsáta nihá꞉ti teiotinakaronhtónʼas, tsáta nihá꞉ti teiotinakaronhtónʼa owíras, tánon tsáta nihá꞉ti kaiatákeras. Né ronnontí꞉io washakoró꞉ri ne ratitsihénstatsis, né꞉ne Aaron nón꞉we nithonatwatsiríhnon, né thatí꞉ies ne katshénens nahonwanateskónhten ne ietsienharáhkwahke.

Ezra 8:35

Ratikwé꞉kon ne sót꞉ti ne rananahkerá꞉kwenhne ethò꞉ne ó꞉nen tahatihásheron ne tkaiesthánion nahontsahathónhake tsi ahonteskónhthake ne Rawenni꞉io rahorihwà꞉ke ne Israerró꞉nonke. Ne tahatiiesthánion 12 nihá꞉ti té꞉ro né꞉ne kanenhrakwé꞉kon akorihwà꞉ke Nisraerró꞉nonke, 96 nihá꞉ti teiotinakarontón꞉a ratítsinn, tánon 77 nihá꞉ti teiotinakarontón꞉a owí꞉ra; tánon shé꞉kon 12 nihá꞉ti kaiaʼtákeras ne nénhne nahonsahontonhnakanón꞉niate ne ronónha tsi nokwáh ne karihwanéren. Ratikwé꞉kon ki konhtitsénhnens wahonwanateskónhten rahohén꞉ton ne Roiá꞉ner.

Exodus 29:14

Ók shaʼtsahat ne tsonónhskwahron rátsinn raowáronk, raoné꞉honk, tánon ne raokahrósta nátsthe tsi watóhserohthe. Né kí꞉ken nathatawítsera nèrenh ahonsakaháwiʼthe ne rotikháres raotiʼriwaneraháktsheras.

Exodus 29:21

Ethòne iahásaf nonekwénhsa ne ietsienharakwáhke káhere tánon ostónha ne kènhie ne ronhwatiʼriwaniratstákwa ne ratiʼtsihénsʼtatsis, tánon tesatsʼtaró꞉kwat ne Aaron rahotseronhniaʼkwáhke ó꞉ni ne sakohiohʼokónhas rahonatʼtseronhniaʼkwáhke. Raónha ó꞉ni ne sakohiohʼokónhas, tánon ne rahonatʼtserónhniat enhiotokentíke nakeriwáh꞉ke.

Exodus 29:7

Ethòne tések ne hionthatiatoʼkástha kènhie, tánon ranonhtsíne tasáweron, tánon tieʼriwanírats.

Exodus 30:10

Énska ne tsósehra ne Aaron thóh nenhá꞉iere tsi nihiorenhnáhon nahonsakanoharéke ne ietsienharáhkwah né kaiéri nikanikonharáhkes tsi ienhá꞉ren nonekwénhsa ne watʼtsahaʼtákwen ne kariwá꞉neren ahoriwàke. Né꞉ne kwáh iatehiosehráke kíʼ thóh nenhkaiérahke né꞉ne tsi nénhwe. Kí꞉ken ietsienhaʼráhkwah kwáh toʼkénʼen tsi enhiotoʼkentíke, né꞉ne Í꞉i iontsiathakweniʼióston, ne Watiá꞉ner.”

Ezekiel 40:39

Né kí꞉ken iontewehiathákwa ionákthaien thóh wathekhwarahtsheró꞉the kaiéri níkon, tekenísons ne skatísonhs nokwáhti ne ionákthaien. Thóh kíʼ atekhwárahne nónhwe nikonhwahtiriosthákwa ne katshénenhs niahatítate nenhkonhwanatsatátʼtsahathe, ne꞉ne tsekonhtihiathakwékon tsi ahontsahathónhake tó꞉ka ó꞉ni akonhwanahteskónhten né kariwáhneren aoriwáhke tó꞉ka ó꞉ni né꞉ne ahonsahkakarhiákonh tsi akaró꞉ronhke.

Ezekiel 43:19

Thiʼken rothikháres ne rathihiátare tsi rothitárahien ne Levi tsi ronónha thóh nithonatwatsirínonh né Zadok ronónhakʼkok rothiríhwaien nakʼkhénton nahontahónʼne nahiontsiótenhse. Í꞉i ne Wakenonhtí꞉io Watiá꞉ner, katénhnas kí꞉ken. Kwáh ensehnáskon ne ken nithohiónha tionónhskwaron rátsinn.

Ezekiel 44:27

tánon ethòne ienshatáwehiate natenhénrakon Nononsatokentiʼkówahne tánon ienhákhaʼwe nakonwatsiatátʼtsahate katʼtshénen tsi sahathonʼnhakanónhni, né káti ne shé꞉kon ahonsónhton nahonsahohióten ne kanónhskon Nononsatokentiʼkówa. Í꞉i, ne Wakenonhtí꞉io Watiá꞉ner, wakatáti.

Leviticus 1:10

Tó꞉ka teséstha énska ne shaʼtshenenhókons teiotinakaronhtónha tó꞉ka ó꞉ni kahiatákeras, ónenk tsi rátsinn enkénhake né꞉ne iáh othènen tehotsihiótaʼre.

Leviticus 1:3

Tó꞉ka kák tsi níkonh ne shanáskwahiens enthésesʼthe nakonhwaʼteskónhten, ónenk tsi né꞉ne rátsinn tsionónskwahron enthetsiaténhawe né꞉ne kwáh iáh othènen tehotsihiótare. Ónenk tsi thóh nónhwe nahthéntsʼtastshe ne tsi iehiontawehiatákwa ne rahotohsehrákon ne Roiá꞉ner tsi nónhwe nihéntheron ne káti nahónhton nètho Roiá꞉ner nahoiéna.

Leviticus 16:11

Nónen ne Aaron enhoteskónhten ne tèro né꞉ne rahónʼa tánon ne rahowátsire rahotirihwanerahákʼtshera aorihwáke,

Leviticus 16:3

Enwáton niahatháwehiaʼte tsi nónhwe ne kwáh tsiotokénti thohʼnèkhok kíʼ ne nónen thohiaténha ne tèro owíra né꞉ne kariwáneren aorihwáke tánon teiotinakarontónha rátsinn né꞉ne ahonteskónhthake aorihwáke.”

Leviticus 16:5

Ne iená꞉keres ne Israerʼró꞉nonhke ónenk tsi entʼthónhion ne Aaron tenihiáse teʼnítsinn kahiatákeras né꞉ne karihwáneren aorihwáke tánon ne teiotinakaronhtónha né nènhne nahonteskónhthake aorihwáke.

Leviticus 16:6

Ónenk tsi né ienhót꞉kaʼwe ne tèro nahonwatéskonhthe né nahèren ahonsakahawíthonke ne rahónʼa rahorihwanerahák꞉tsheras tánon ne rahowátsire.

Leviticus 4:14

ethòne kwáh tsi niostó꞉re ne kariwáneren tsi enwaterihotási, nonhkweshón꞉a tsionónhskwahron owíra rátsinn enthonwahiaténhaʼwe né iahontkáwen tsi nòkwah ne karihwáneren ahorihwáke. Eh nienhatíhaʼwe rahotosehrákon ne Roiá꞉ner tsi nónhwe nihénteron;

Leviticus 4:23

ethóhʼne kíʼ kwáh tsi niostó꞉re ne karihwáneren tsi enhonwarihwahéraʼse, ónenk tsi kahiatákeras ienhót꞉kaʼwe né꞉ne kwáh iáh othènen tehotsihiótare.

Leviticus 4:28

ethòne kíʼ tsi niʼiostó꞉re enietʼtsirihwahéraʼse, entisewahiaténhaʼwe nitsiohiónha kahiatákeras oné꞉tsien né꞉ne kwáh iáh othènen tshiotsihiótare né iensewákʼkhaʼwe.

Leviticus 4:5

Ehʼthóhʼne ne kwáh éhʼneken tót꞉the ne ratsihénsthatsi ostónha ienháhaʼwe ne tsionónhskwahron rátsinn raonekwénhsa tánon ienhahiónthe natohsehrákon.

Leviticus 5:6

tánon tsi eniesakaraiénhaʼse ne sarihwanerahák꞉tshera ónenk tsi entetsawíten ne Roiá꞉ner teiotinakaronhtónha onètsien tó꞉ka ó꞉ni kahiatákeras ientsiátkaʼwe. Né ratsiʼhénsthatsi né ienhát꞉kaʼwe ne karihwiʼiosehokónhas ne sarihwanerahák꞉tshera aorihwáke.

Leviticus 6:18

Né꞉ne tsi nienhwenhniserathénionʼke nónhka tsi nienhatwatsiríhne ne Aaron enwáton nahónhneke tsi nienhatikónhthaʼkwe nénhonste ne kákhwa nenhonwátatʼtse ne Roiá꞉ner. Nónhka akóren ne iáh Aaron rahoneʼkentheraʼsónhas akénhake niaʼhatiʼiéna ne ká꞉khwa ne iewakʼkáwen enhatitʼtsénri naʼteraswatsénhtshera né tsi nihioshastsʼtenserowánen ne iotokénti.

Leviticus 8:12

Káti wahorihwaníratʼtse ne Aaron tsi tahá꞉weronh ne sakoienarós꞉tha kénhie ne ranonhtsíne.

Leviticus 9:2

Wahawénhase ne Aaron, “Iatsiaténhaf ne tsionónskwahron rátsinn tánon ne teiotinakaronhtónʼa rátsinn né꞉ne kwáh iahothènen tehothiʼtsihióthare tánon thá꞉tion ne Roiá꞉ner, ne tsionónskwahron rátsinn né꞉ne kariwanerenhákʼtshera aorihwáke tánon ne teiotinakarontónʼa né nenʼné꞉e nahonwateskónhten aorihwáke.

Leviticus 9:3

Ethóhʼne sheʼróhri nonhkweshón꞉as Nisraerʼró꞉nonhke kaiatákeras rátsinn iehonwahiaténhaf né꞉ne karihwanerahák꞉tshera aorihwáke, né꞉ne énska tehahoserihiákon, tánon énska tehahosehrihiákon teiotinakaronhtónʼa né꞉ne kwáh iáh othènen tehotsihióthare né nahonwanaʼteskónhten,

Numbers 16:22

Ók kíʼ ne Mahís tánon ne Aaron wathiaʼtshàkete ohontsáke teniká꞉nere tánon waní꞉ron, “Ó Sewenní꞉io, í꞉se akwékon tsatakwení꞉io ne tsi iakónhnhe. Nó꞉nen tsaʼkwahiatáʼtshons enhiakwarihwánerake, kanakerasehrakwékon kén ensehnákwahse?”

Numbers 8:8

Ethòne nithohiónha tèro iehonwahiaténhaf tánon tsi níkonh waterihwanónhtons nonátsia kaʼtheseronhniáton né꞉ne iakeniewátha kènhie tekaiéston; tánon shé꞉kon ó꞉ia té꞉ro hionsatʼtshiaténhaf né nènhne ne karihwáneren aorihwáke.

Romans 8:3

Tsi nahóten ne kaianerénsera iáh tehiotónʼon tsi naioiéren, neh iorihónʼni sóhtsi iotsihióhakwe tsi niʼiakonnhóten nónkwe, tsi naháiere ne Rawenni꞉io, waharéwate ne kariwáneren neh꞉ne tsi niwátstha tsi nihiakonnhótens ne ónhkwe tsi tahothéniete nénskat khók roiénha, neh꞉ne ahariwáthonʼne ne kariwáneren.

2 Corinthians 5:21

Kerístos iáh nowén꞉ton tehorihwanéren! Nok ne Rawenni꞉io eh nontahó꞉tate tsi shí꞉ken ní꞉ioht ne ahorihwanéren, eh naontá꞉we ne Kerístos ahshonkwariʼwawá꞉se ne Rawenni꞉io ahshonkwaié꞉na.

Hebrews 5:3

Tánon tioríhwa tsi raónha óni rohtsiʼióha, onénk tsi enhatienkwahronniátahke iáh nék khók tèken nakhó꞉ren akorihwahneraháktshera nók kíʼ óni ne iatehʼahiá꞉ti raorihwahneraháktsheras.

Hebrews 9:12

Nónen ne Kerístos hiatriótʼkaʼwe nètho atóhsera tánon énskak khók iahónteratsʼthe tsi hiahatáwehiate nonkwetakwékon akorihwáhke ne thóh nónwe ne kwáh iotokénti ionáktaien, iáh tiehóha ne kaiatákeras rahotinekwénsa iáh ó꞉ni ne tehotinákares rahtísinn nahotiahátonke, kék, raónha khók rahonekwénsa hiaháhawe tánon ne wahatiénawasthe né꞉ne tsi nénhwe enhionkwahniákenthe.