Leviticus 4:25 - Ohiatonhseratokénti

²⁵ Ne ratsihénsthatsi iatenhanisnónhsohʼwe raonekwenhsáke ne katshénen, tánon thóh enhanekwenhsaró꞉sehron tsi ioshióntons ne kaiéri níkons tsi tekaʼiósaiens ne ietsienharákwahke, tánon nenhiotenekwenhsatáteʼre ehʼienháweron tsitʼkenskwáhere ne ietsienharákwah.

Leviticus 4:25 ပူးပေါင်းရင်းမြစ်များ

Leviticus 4:34

Ne ratsihénsthatsi iatenhanisnónhsóh꞉we nahonekwásaʼke ne katshénen, tánon thóh enharó꞉seron tsi ioshióntons ne ietsienharákwah né꞉ne tsi tekahiosakérons ne kaiéri níkons, nenhiotenokwenhsathátere thóh entʼtháweron tsitkárate ne ietsienharáhkwah.

Leviticus 4:30

Ne ratsihénsthatsi iatenhanisnónhsohwe raonekwenhsáke ne katshénen, tánon thóh enharó꞉serons tsi ioshióntons ne tsi tekhahiosakérons ne kaiéri níkons ne ietsenharáhkwahke, tánon nenhiotátere thóh entʼtháweron tsitkárate ne ietsienharáhkwa.

Leviticus 4:18

Thóh enhanekwenhsarósehron ne tsi ioshón꞉tons ne kaierihníkon tsi tekahiósaiens ne tsi ionhtsienkwaronhniatákwa ne ietsienharákwahke ne kanónskon ne tsi watohsehróthe tánon ne ioʼtenenhkwenhsathaténhron thóh né ienháweron tsi tkenskwáhere ne ietsienharákwa né꞉ne rónstha nashakonateskónhten katshénens, né꞉ne tsi iehionthawehiatákwa natóhsehra nónhwe nikáien.

Leviticus 4:7

Ethòne ostónha enhanekwenhsaró꞉sehrons tsi ioshón꞉tons ne kaiéri níkons ne tsi ieiothioshaʼthónhnions tsi hionhtsienkwahronhniathákwa ne ietsienharákwahke natohsehrákon. Tánon akwékon ienhashá꞉hate tsi ienhanekwenhsaweron tsitkarate ne ietsienharakwah né꞉ne ronstha nakonwaná꞉teskonten katʼtsenens, né꞉ne tsi iehionthawehiathakwah nónhwe niká꞉ien.

Leviticus 9:9

Sakohiohokónʼa tahonwanekwenhsahawíten, tánon thóh iaʼthanisnónhsoʼwe, tánon ostónha thóh tsi iosónhtons ne tsi tekahiosakérons ne ietsienharákwahke wahanekwenhsaró꞉sehron, tánon ne wahotenekwenhsatháteʼre tsikʼkárate ne ietsienharákwa iahanekwenhsáweron.

Hebrews 9:22

Kwáh orihwiioʼón꞉we, tsi nikéntons ne kaianerénsera kwáh thóhʼwah akwékon onekwénsa skanóhares, tánon ne karihwáhneren tóh꞉nek enskanikonrén꞉en tsík onekwénsa entewahwéronke.

Romans 10:4

Asèken Kerístos roʼriwaieríton neh kaianerénsera, ehnahontáwe tsi niʼiákon ne tiakawetákwen entiakoteriwaserónʼnien rahohénton ne Rawenni꞉io.

Isaiah 40:21

Iáh kén tesateriéntaraʼkwe? Iáh kén tesariwarónhken? Iáh kén teʼiesaró꞉ri ne kwáh tsi tiotásaʼwe? Iáh kén tesanikonraientáhon ne kwáh sahontenonʼkónhni ne tsi ionhontsàte?

Leviticus 16:18

ónenk tsi ietsienharákwaʼke niénrhenre né꞉ne ronhteskonhthákwa tánon naharihwatokéntisʼte. Ónenk tsi ostónha ienháhaʼwe ne tèro rahonekwénhsa tánon ostónha ne kaiatákeras rahonekwénhsa tánon akwékon tsi iosónhtons ne tsi tekahiosakérons ne ietsienharákwa enharó꞉sehron.

Leviticus 8:15

Ne Mahís wahononwarhiákon tánon ostónha iaháhaʼwe nonekwénhsa, tánon rasnonsáke wárasʼthe tsi wahanekwenhsarósehron ne tsi ioshón꞉tons ne tsi tekahiosakérons ne ientsienharákwahke, né nahónton naʼkonwatonhnahéraʼse. Ethòne tsitkáraʼte ne ietsienharákwa iahá꞉weron ne iotenekwenhshathaténron, Thóh kíʼ ní꞉ioht tsi wahatonhnahéraʼse tánon tsi wahanohárethe.

Leviticus 8:10

Ethòne ne Mahís wátraʼkwe ne shaʼkoterenhnaienhnítha kénhie tánon waʼtatsthaʼtharokwahthánion natohsehráke tsi nónhwe nihénteron ne Roiá꞉ner tánon ó꞉ni akwékon tsi nahoténsons ne thóh atohsehrákons káiens, tánon thóh kíʼ kén ní꞉ioht tsi wahotonhnahéraʼse ne Roiá꞉ner.

Hebrews 2:10

Ne khók tkariwahiériʼkwe ne Rawenni꞉io, tsi nikáien rashahánions ó꞉ni orihwakwékon rahnónstats, ne aoríhwah ne Ié꞉sos rotesénnion tsi nòkwah ne raoronhiakénsera ehnahontáwe rohnatiokowáhnen ahontasakotiʼiaténhawe ne ieksaokónhas nahontiátaren ne raoiatanerakwahtsherákon. Asèken ne Ié꞉sos rahónha iensakosárine tsi nòkwah ne kaiatakenáhtshera.

Leviticus 4:24

Ranonhtsíne tenhoniʼsnonhsáren tánon othoréke nòkwah ne ietsienharákwahke enhononhwariákon, tsi nónhwe ne katshénens nikonhwatiʼnonhwarhiákons naʼkonhwanateskónhten.

Exodus 29:12

Tések ne tsionhnónhskwahron rátsinn raonekwénsa tánon seʼsnonhsàke íshastste thóh sèroh tsi kanikónharoʼte ne ietsienharákwah. Ethòne nenhiotheʼnekwenhsatátere tsi iatewashíthaien ne ietsienharáhkwah tasáweron.

Leviticus 5:9

tánon tenhatstharó꞉kwahte nonekwénhsa ákta ne tsi ientsienharáhkwake. Nenhiotátere nonekwenhsa etʼienwatenonhwákensthe tsitʼkaráte ne ietsienharákwa. Né kí꞉ken ne iewatkáwen nahéren ahonsakaháwiʼte ne karihwáneren.

Leviticus 17:11

Ne tsi konhnónhnhe ne kwáh tsikʼniatekónhti onekwenhsáke nónhwe nikonhnónhnhe, tánon né kíʼ ahoríhwa ne Roiá꞉ner rotenhnáhon kwáh akwékon nonekwénhsa ietsienharákwahke ahonthonwerónhtake né nahéren ahonsakahawíthonke nonhkweshón꞉as akorihwanerahák꞉tsheras. Nonekwénhsa, né natónhnets, é꞉ren kahawítha ne karihwánerens.