Leviticus 4:24 - Ohiatonhseratokénti

²⁴ Ranonhtsíne tenhoniʼsnonhsáren tánon othoréke nòkwah ne ietsienharákwahke enhononhwariákon, tsi nónhwe ne katshénens nikonhwatiʼnonhwarhiákons naʼkonhwanateskónhten.

Leviticus 4:24 ပူးပေါင်းရင်းမြစ်များ

Isaiah 53:6

Tewaʼkwékon thóh nitewahiató꞉tens tsi ní꞉ioht ne teiotinakaronhtónhas ne kénk tsehionénon; tewaʼkwékon thóh nihionkwahierenhátie tsi nitionkwahnikonró꞉ten, tánon ne Roiá꞉ner rahónha wahoterihwahkerónhaʼse ne karihwanerahát꞉tshera ne tewakwékon onkwahrihwàke.

Leviticus 16:15

Ethóhʼne ónen, enhononhwariákon ne kaiatákeras né꞉ne karihwáneren tsi ienhá꞉thaʼte né꞉ne onkweshón꞉a akorihwáke, ienhá꞉haʼwe nonekwénhsa tsi nónhwe nakwáh tsiotokénti í꞉ken, tánon athenontékʼthaʼke tsáta nihiorihwáke tenhastarohkwahthánion tánon ethóhʼne ahohénton ne Aterihwaseronhniátshera Oneróhkwa, tsi kíʼ nihohiéren ne tèro rahonekwénhsa.

Leviticus 7:2

Né kíʼ katshénen né tkaiéston tsi enkonhwanonhwarhiákon né꞉ne othoréke nokwáhti tsi ientseharáhkwa, tsi nónhwe nikonhwanawéntʼthos ne katʼtshénens nenkonhwanateskónhten, tánon nonekwénhsa ienwatsiónh꞉ke ne kaiéri níkon skatísons nòkwahtis ne ietsienharahkwáhke.

Leviticus 6:25

nahonthashakáwen ne Aaron tánon ne sakohiohokónhas ne tekarihwasonhteriónhnion kaianerénseras né꞉ne karihwáneren aorihwáke tsi iaiéthaʼte. Né katshénen tsi enkonhwanonhwarhiákon né karihwáneren ahorihwáke tsi ienkonhwátkaʼwe ónenk tsi othoréke nokwáhti ne ietsienharákwahke nónhwe nenhkonhwanonhwarhiákon, tsi nónhwe nikonhwatiʼnonhwarhiákons nenhkonhwanaʼteskónten. Né kí꞉ken ne kwáh íken tsi iotokénti tsi iewatkáwen.

Leviticus 3:13

ónenk tsi ranonhtsíne tentsianisnonhsáren tánon entsenonhwariákon ohénton ne tsi iehionthawehiatákwa tsi watohsehró꞉te. Ne ratsihénsthatsi tenhanekwenhsénhtonhwe akwékon ne kaiéri níkonh ne skatísons ne ietsienharáhkwahke

Leviticus 3:8

ónenk tsi ranonhtsíne tentsianisnonhsáren ohénton ne tsi watohsehró꞉the. Ne ratsihénsthatsi tenhanekwenhsénhtonhwe akwékon ne skatísons ne kaiéri naʼtekahiósaiens ne ietsenharáhkwahke

Leviticus 3:2

Ranónh꞉tsine tentsiaʼnisnonhsharen ne katʼtsenhnen tánon thóh ne tsi iehionhtawehiathakwa ne raotó꞉sehrakon ne Roiá꞉ner tsi nónhwe nihenteron entienón꞉wariakon. Ne Aaronite ratsihénsthatsi ienhonekwenhsónti ne skatíson ne kaiéri naʼtekahiósaiens ne ientsienharáhkwah

Leviticus 1:11

Ónenk tsi othoréke nokwàhti ne ietsienharákwa nónhwe nenhtsenonhwariákon, tánon ne ratsihénsthatsi ne kaiéri naʼtekahiosakérons ne ietsienharáhkwa ienhonekwenhsónhti.

Leviticus 1:5

Tánon thóh nónhwe nenhtienonwariákon ne tsionónskwahron rátsinn, tánon ne Aaronite ratsihénsthatsi ienhótatʼtse nonekwénhsa ne Roiá꞉ner tánon ethóhʼne thóh ienhó꞉ti ne kaiéri natekahiosaiens ne ientsienharakwahke né thóh nónhwe nikáien tsi iehionthawehiathakwah nató꞉sera.

Exodus 29:38

“Niatewenhniseráke né꞉ne tiókonhte enkénhake, ietsihiateskónhthen ne ietsienhenraʼkwáhke tenihiáse né꞉ne énska tehonoseriʼiákons teiotinakaronhtónʼa tenítsinn.

Leviticus 14:13

Enhononhwariákon ne teiotinakaronhtónʼa owíra ne tsi iotokénti nónhwe tsi nónhwe nikonhwatirhiostakwa ne konhtitshénens nenhkonhwanateskónhten ne karihwanerahák꞉tshera ahorihwáke. Ónenk kíʼ tsi thóh nenháiere tsioríhwa tsi né꞉ne enskakariákʼthonke ahorihwáke, tsi kíʼ ní꞉ioht ne kariwanerahák꞉tshera iewatkáwen ahorihwáke, né꞉ne ratsihénsthatsi rahó꞉wenk tánon kwáh íken tsi iotokénti.

2 Kings 12:16

Nowístas ne tewatʼkáʼwens nahonsakaʼkariátonke tsi nòkwah ne tkaiesthánions ó꞉ni ne karihwánerens aorihwá꞉kes iáh né kaʼnerókwahkon tseiakosénhton; ratitsihénstatsis né rahonawenhkhónʼwe í꞉ken.

Leviticus 1:4

Ónenk tsi ranonhtsíne tentsiaʼnisnonʼsháren, tánon káti kwáh enhonhwaiéna nahonwateskónhten né nahonsakarakéwenhke ne sarihwaneraháktsheras.

Leviticus 6:18

Né꞉ne tsi nienhwenhniserathénionʼke nónhka tsi nienhatwatsiríhne ne Aaron enwáton nahónhneke tsi nienhatikónhthaʼkwe nénhonste ne kákhwa nenhonwátatʼtse ne Roiá꞉ner. Nónhka akóren ne iáh Aaron rahoneʼkentheraʼsónhas akénhake niaʼhatiʼiéna ne ká꞉khwa ne iewakʼkáwen enhatitʼtsénri naʼteraswatsénhtshera né tsi nihioshastsʼtenserowánen ne iotokénti.

Leviticus 6:22

Né꞉ne tsi nienhénwe kí꞉ken tsiakokʼkawá꞉nion ronónhak khók ne Aaron sakohiohokónhas kén nienhatiʼiérahke né tsi ronónha ratiʼtsihenstowánens íken. Ónenk tsi kwáh toʼkénʼen tsi enwatʼtsaháthonʼke tsi nenhonwateskóhtʼthaʼse ne Roiá꞉ner.

2 Chronicles 29:23

Onaʼkènkha wahonónhniaʼte né꞉ne kaiatákeras ronnontí꞉ioke niahonwatihiaténhaʼwe tánon né ronatiakésonhs né ronaterenhnaiénthaʼkwe, roʼnónha wathonwananisnón꞉sharen.