Leviticus 4:21 - Ohiatonhseratokénti

²¹ Ethòne ástste tsi watóhsehrothe nienhohiaténhaʼwe ne tsionónskwahron rátsinn tánon enhát꞉tsahathe, kwáh kíʼ tsi nihatʼtsahátha ne tsionónskwahron rátsinn ne rahónʼa rahorihwanerahák꞉tshera. Né kíʼ ken ne iewatkháwen nahéren ahonsakaháwiʼthe nonhkweshón꞉as akorihwanerahát꞉tshera.

Leviticus 4:21 ပူးပေါင်းရင်းမြစ်များ

Ezra 8:35

Ratikwé꞉kon ne sót꞉ti ne rananahkerá꞉kwenhne ethò꞉ne ó꞉nen tahatihásheron ne tkaiesthánion nahontsahathónhake tsi ahonteskónhthake ne Rawenni꞉io rahorihwà꞉ke ne Israerró꞉nonke. Ne tahatiiesthánion 12 nihá꞉ti té꞉ro né꞉ne kanenhrakwé꞉kon akorihwà꞉ke Nisraerró꞉nonke, 96 nihá꞉ti teiotinakarontón꞉a ratítsinn, tánon 77 nihá꞉ti teiotinakarontón꞉a owí꞉ra; tánon shé꞉kon 12 nihá꞉ti kaiaʼtákeras ne nénhne nahonsahontonhnakanón꞉niate ne ronónha tsi nokwáh ne karihwanéren. Ratikwé꞉kon ki konhtitsénhnens wahonwanateskónhten rahohén꞉ton ne Roiá꞉ner.

Exodus 29:14

Ók shaʼtsahat ne tsonónhskwahron rátsinn raowáronk, raoné꞉honk, tánon ne raokahrósta nátsthe tsi watóhserohthe. Né kí꞉ken nathatawítsera nèrenh ahonsakaháwiʼthe ne rotikháres raotiʼriwaneraháktsheras.

Ezekiel 45:22

Nenhtewatenhniserahtsérente ne watenikonhró꞉ri né rotkhoráston ónenk tsi ienhótkaʼwe ne tionónhskwaron rátsinn nahoteskónten ne raoriwanerahákʼtshera aoriwáhke tánon ó꞉ni nonhkwetakwékon akoriwáhke.

Leviticus 16:15

Ethóhʼne ónen, enhononhwariákon ne kaiatákeras né꞉ne karihwáneren tsi ienhá꞉thaʼte né꞉ne onkweshón꞉a akorihwáke, ienhá꞉haʼwe nonekwénhsa tsi nónhwe nakwáh tsiotokénti í꞉ken, tánon athenontékʼthaʼke tsáta nihiorihwáke tenhastarohkwahthánion tánon ethóhʼne ahohénton ne Aterihwaseronhniátshera Oneróhkwa, tsi kíʼ nihohiéren ne tèro rahonekwénhsa.

Leviticus 16:21

Ónenk tsi tetsáron ne ratshaná꞉ke tsi tenhotshaʼnáren ranonhtsíne ne kaiatákeras tánon enharihwaníraʼte akwékon ne karihwahétkens, karihwánerens, tánon tsi iáh tehontewenhnarákwa nonhkweshón꞉as Nisraerʼró꞉nonhke, káti thoʼnòkwah ienhá꞉ren rannonhtsíne ne kaiatákeras. Ethóhʼne kíʼ ne ónhkak enhionthatiataráko ne kaiatákeras ienhonwasárihne iahonwenhtsiátʼthenke niénhre.

Leviticus 16:27

Ne tèro tánon ne kaiatákeras ronáston ne karihwáneren ahorihwáke, né꞉ne rahotinekwénhsa tkahiónton ne tsi nónhwe ne kwáh Tsiotokénti né nahéren ahonsakahawíthonke ne karihwanerahák꞉tshera, ónenk tsi ástste ne tsi ronanáhthaien nienshatíhaʼwe tánon enwatsaháthonke. Kanéhonk, owáron, okarós꞉tha ónenk tsi enwatsahathónhake.

Leviticus 4:13

Tó꞉ka kanenhrakwékon Nisraerʼró꞉nonhke ierihwáneraks tánon wahonthatsiatatʼtsénhri tehatíhias ne Roiá꞉ner rahorihwatátʼtsheras né꞉ne iáh tsiatehonanonhthonhniónhon,

Leviticus 4:20

Kwáh kíʼ thóh nenhoiéraʼse kí꞉ken tsionónskwahron rátsinn tsi kíʼ nhishaʼkoiéraʼse ne tsionónskwahron ratítsinn tsi nòkwah ne karihwáneren ahorihwáke, tánon thóh kíʼ nʼi꞉ioht tsi enhateskónhten tsi nókwah nonhkweshón꞉as akorihwanerahákʼtsheras, tánon enshonwatiʼnikónhrenhse.

Leviticus 6:11

Ethóhʼne ónenk tsi tenshathataʼkwénion tánon ienháhaʼwe ne wakenronhthákwen ástste nòkwah tsi nónhwe nihonanáthaien thóh nienháhaʼwe tsi nónhwe ne sahoiéren iotkwéniens.

Leviticus 6:23

Iáh othènen ne onátsias ne iewatkáwen nètho ratsihénsthatsi kén nienháiere nónhka aiéke; kwáh kíʼ akwékon tsi enwatʼtsahathónhaʼke.

Leviticus 8:17

Iaháhaʼwe ne iothatenronhonkón꞉a ne rátsinn, kará꞉tse ne kané꞉honk, owáron, tánon nokarósthas, tánon iahátsahaʼte ástste ne tsi nónhwe nihonatenáthaien, kwáh kíʼ tsi nihorihwíson ne Roiá꞉ner.

Numbers 15:24

Ók tó꞉ka tewaterientawenhriéhon tsioríhwa ne iená꞉kere tsi iáh teierihwaientérihkwe, ónenk kíʼ tsi teró ienhonwát꞉kawe nahonwateskónhten, né ahónsehra né rawehrientiʼióstha ne Roiá꞉ner, né꞉ne tkarihwaiéri nonátsia iewatkáwen ó꞉ni nonenharatasehontsherákeri iewatʼkáwen. Né꞉ne iehiowénhte íken, ónenk tsi kaiatákeras rátsinn ienhonwát꞉kawe né꞉ne karihwáneren aorihwáke.

Matthew 20:28

Tsi ki niiot, nʼOnkȣe Roienha, iah neh tehaniente nahonȣakonnienste; asakokonnienste tanon, nok oni kentiokoȣanen asakaȣenheiase.

2 Corinthians 5:21

Kerístos iáh nowén꞉ton tehorihwanéren! Nok ne Rawenni꞉io eh nontahó꞉tate tsi shí꞉ken ní꞉ioht ne ahorihwanéren, eh naontá꞉we ne Kerístos ahshonkwariʼwawá꞉se ne Rawenni꞉io ahshonkwaié꞉na.

Hebrews 13:11

Ne Sitaeró꞉non rahtsihenstowáhne tháhas ne katshénen aotinekwénsa tsi nónwe né kwáh ionakʼtatokénti ne tahatenonweráhton tsi ahatienkwahrónniaʼte ne kariwáhneren aorihwáhke; nók ne katshénen ahotiʼieróntas watʼtsaháton thóh átsthe tsi nónwe nihonahnátaien.