Leviticus 4:12 - Ohiatonhseratokénti

¹² Akwékon ástste nienháhaʼwe ne tsi nónhwe niwatosehróthe thóh nienháhaʼwe tsi nónhwe ne iotkwéniens iehiakotietákwa ne wakenronhtákwen, tánon thóh nónhwe nenhátsahate ne oientháke.

Leviticus 4:12 ပူးပေါင်းရင်းမြစ်များ

Exodus 29:14

Ók shaʼtsahat ne tsonónhskwahron rátsinn raowáronk, raoné꞉honk, tánon ne raokahrósta nátsthe tsi watóhserohthe. Né kí꞉ken nathatawítsera nèrenh ahonsakaháwiʼthe ne rotikháres raotiʼriwaneraháktsheras.

Ezekiel 43:21

Ientsiaténhawe ne tsionónhskwaron rátsinn né watkáwen nahonwatsiatátʼtsahathe ne kariwáhneren aoriwáke tánon sáhtsahat tsi nónhwe nikatokénston nátste nòkwah Nononhsatokentiʼkówa.

Leviticus 13:46

Ienhionkonhthákwen tsi iáh thahisatʼkweniensthónhake tsi nikaríhwes sannhrá꞉re, tánon tó꞉sa ienshiá꞉kenhne tsi nónhwe niwatená꞉thaien, é꞉ren íset tsi rónhnes nakorénhsons.

Leviticus 16:27

Ne tèro tánon ne kaiatákeras ronáston ne karihwáneren ahorihwáke, né꞉ne rahotinekwénhsa tkahiónton ne tsi nónhwe ne kwáh Tsiotokénti né nahéren ahonsakahawíthonke ne karihwanerahák꞉tshera, ónenk tsi ástste ne tsi ronanáhthaien nienshatíhaʼwe tánon enwatsaháthonke. Kanéhonk, owáron, okarós꞉tha ónenk tsi enwatsahathónhake.

Leviticus 4:21

Ethòne ástste tsi watóhsehrothe nienhohiaténhaʼwe ne tsionónskwahron rátsinn tánon enhát꞉tsahathe, kwáh kíʼ tsi nihatʼtsahátha ne tsionónskwahron rátsinn ne rahónʼa rahorihwanerahák꞉tshera. Né kíʼ ken ne iewatkháwen nahéren ahonsakaháwiʼthe nonhkweshón꞉as akorihwanerahát꞉tshera.

Leviticus 6:23

Iáh othènen ne onátsias ne iewatkáwen nètho ratsihénsthatsi kén nienháiere nónhka aiéke; kwáh kíʼ akwékon tsi enwatʼtsahathónhaʼke.

Leviticus 6:30

Ók tó꞉ka thènen nonekwénhsa ienhiéhionte natohsehrákon tánon né áhionsthe ne karihwiiosehokónha nahéren ahonsakahawíthonʼke ne karihwáneren, ne katshénen iáh kíʼ tahónton naiewáraʼke; ónenk tsi enwatʼtsahatónhake.

Leviticus 6:4

Né nó꞉nen enserihwánerahke ne kakʼnikáien tsi níkons kí꞉kens, ónenk tsi enshé꞉shen tsi nahó꞉ten saienáhon ne kanikonhráton iorihonhníʼon. Nenhwenhnisehráteke nenhiesaiatatʼtsénri saníkon, ónenk tsi kwáh enkanánonhke tsi akwékon entieská꞉riatse ne rahowenhkénʼen, tánon enhiowénhteke tewáhsen iosénhtseroʼthe.

Leviticus 8:17

Iaháhaʼwe ne iothatenronhonkón꞉a ne rátsinn, kará꞉tse ne kané꞉honk, owáron, tánon nokarósthas, tánon iahátsahaʼte ástste ne tsi nónhwe nihonatenáthaien, kwáh kíʼ tsi nihorihwíson ne Roiá꞉ner.

Leviticus 9:11

Ók nowárons ó꞉ni ne kanèhonk ástsʼte tsi nónhwe nihonatená꞉thaien wahát꞉tsahaʼte.

Numbers 15:35

Ethòne ne Roiá꞉ner wahoró꞉ri ne Mahís, “Ne rónhkwe ónenk tsi enhonwanonhwariákon; kanakerasehrakwékon tsi enhonwanenhióhiaʼke tsi enrénheie náhtste tsi nónhwe nihonatenátaien.”

Numbers 19:3

tánon Eleazar thónʼhion né꞉ne ratsihénstatsi. Tánon áhtste ne tsi ronanáhtaien niekonhwahiaténhaf tánon rahohénton konhwanonhwariákon.

Numbers 19:5

Kaiataʼkwékon ne katshénen, tshiewakwékon ne kané꞉honk, nowáron, nonekwénhsa, tánon nokaróhstha, thóh watsahatónhak rahohénton ne ratsihénstatsi.

Numbers 5:3

Ratiʼkwékon ietsihiatínekenf kí꞉ken ne shiʼhiorihwakáion tehiaʼkohiatátshons, né káti ne tó꞉sa thaʼhatítsionhte tsi watenáthaʼien, tsi nónhwe ne skát꞉ke iakwaná꞉kere nakonhkwetashón꞉ʼas.”

Hebrews 13:11

Ne Sitaeró꞉non rahtsihenstowáhne tháhas ne katshénen aotinekwénsa tsi nónwe né kwáh ionakʼtatokénti ne tahatenonweráhton tsi ahatienkwahrónniaʼte ne kariwáhneren aorihwáhke; nók ne katshénen ahotiʼieróntas watʼtsaháton thóh átsthe tsi nónwe nihonahnátaien.