Leviticus 3:9 - Ohiatonhseratokénti

⁹ tánon iensátkaʼwe ne oiásons nahoténsons ne katshénens ahoierónhtha né꞉ne ká꞉khwa iotenathónkwen tsi ronhwatáti ne Roiá꞉ner: ne iorénsens, akwékon ne iothasaʼrésen tsi ronhwenhthaʼshiákon ákta ne onàken ieostsiénthare ne tsi iehonitháshaʼthe, akwékon ne iororóston ne rahiathakónhsons,

Leviticus 3:9 ပူးပေါင်းရင်းမြစ်များ

2 Samuel 6:17

Tahatiʼiónte ne raoneró꞉kwah nateriwasehronniátshera ne Roiá꞉ner, tánon thóh wahá꞉tien tsi nón꞉we niionát꞉te, atohsehrákon nètho Táwit rotohsehró꞉te ne ne aorihwáke; tánon ne Táwit wateskónten tánon neh washakotátʼtse ne otsiokwahtokénti raohén꞉ton ne Roiá꞉ner.

1 Kings 3:15

Ne Solomon sahá꞉ie tánon wahát꞉thoke ne Rawenni꞉io tsi atetʼtsenhsehrákon tsi wahotháraʼse. Ethòne kíʼ Jerusalem niaháre tánon ohénton waʼthátaʼne ne tsi kanerókwahien ne Roiá꞉ner rahoterihwasehronhniátsera í꞉wa tánon né wahaterihwathénhtsaʼte katʼtshénen wahoteskónhten tánon ne skaríhwa íken wahótatsʼtse ne Roiá꞉ner. Ethòne ónen ratikwékon ne rahonkwetashón꞉ʼas ne ratirihwakweʼní꞉ios washaʼkhokwahéraʼse.

1 Kings 8:63

22,000 nikanonhtsísʼtakes tiononhskwahrons wahonwanateskónhten tánon 120,000 niháti teiotinakaronhtonhʼa neʼnènhʼne ne sakaríhwa í꞉ken. Tánon káti ne ronhnonhtí꞉io ó꞉ni ratikwékon nonhkweshón꞉as wakonwatonhnahé꞉raʼse Nononhsatokentiʼkówa.

1 Kings 8:64

Kwáh ó꞉ni né sahenhnísera wahatonhnahé꞉rahse nasénhnon nónhwe nathenhénrahkon íken, né꞉ne tsi iokwénhrahre ne ohénton nónhwe Nononhsatokentiʼkówa, tánon éhtho nónhwe nasakoteskónhten ne tsehatihiathakwékon ne konhtitʼtsénens, nonátsas thotiʼiéstons, ó꞉ni nahonaresénhtseras ne konhtitshénens né꞉ne skaríhwa íken tsi thotiʼiéstons. Né kí꞉ken aoríhwa thóh nahá꞉iere tsioríhwa ne otsínekwar karístatsi ietienhará꞉kwah shó꞉tsi kenhniwáha íken nakwékon kí꞉ken thaiesthánions.

1 Chronicles 16:1

Athoserákon iahatí꞉ionhte Naʼterihwaʼseronniátshera Oneró꞉kwah tsi niká꞉ien ne Táwit rothoseró꞉te né꞉ne aorihwá꞉ke. Ethóhʼne ó꞉nen waʼonteskonthón꞉nion tánon kwáh skaríhwa í꞉ken tsi ní꞉ioht tsi waʼonwátat꞉tse ne Rawenni꞉io

Exodus 29:22

“Skwé꞉tar ne teiotinakaronhtónʼa rahoresénhtshera, ne iothasaʼrésen, ne iorésen ne rahiatakónhsons, né kwáh tsoiánere ne rahotwénhsa, ne tékeni raostiéhseri ne iorésen iorahnenhtáʼkons, tánon ne saweientetáhkwen nahanítʼtsati.

Proverbs 23:26

Satahonhsí꞉iohst, konién꞉ʼa, tánon tsi kónhnhe satenonwará꞉ko.

Isaiah 53:10

Kwáh kí ó꞉ni thóh nithoʼnikonhrihʼióhon ne Roiá꞉ner ne tahonensʼtsiá꞉ke tsi aharonhiáken. Né nó꞉nenh né enshón꞉niate ne tsi rónhnhe ne iàstate ne karihwáhneren aorihwáke, kwáh kí enshaʼkóken ne sakohiohʼokónhas, tánon kwáh kí enronnhé꞉sonhke; rahonháke kí thóh nenhthoʼnikonrihʼióhon ne Roiá꞉ner tsi enhoianerásthen.

Leviticus 17:5

Tsi nikéntons tsi niwatró꞉ris kí꞉ken nètho nonhkweshón꞉as ne Israerʼró꞉nonhke ónenk tsi enthonwahawíten ne Roiá꞉ner konhtitshénens né tsi nikonwatinonhwariákhonsʼkwe ne kahentáke nónhwe. Ónenk tsi entʼkonhwatihiaténhaʼwe rahohénton ne ratsihénstatsi ne tsi iehiontawehiathákwa natohsehrákon tánon enhkonhwatinonhwariákon né꞉ne skaríhwa aorihwáke.

Leviticus 7:3

Akwékon ne ioré꞉senhs tsi enkathakwénhke ne konhtihiátakons ne katshénens tánon ietsienharahkwáhke enkaráhke: ne iothashaʼrésen, ne iorèsenhs ne iorahnentátkons kahiathakónsons,

Leviticus 8:25

Wátrakwe ne iorèsen, ne iohthashaʼrésen, akwékon ne iorèsenhs iororóks꞉ton tsi nihioteriwátsere ne kahiátakons, ne kwáh tkatwenhsí꞉io, ostsésehris ne iorésen ioranénthakon, tánon nonàken nahasináti ne saweientheʼthákwen.

Leviticus 9:19

Ne Aaron ne teró rahoresénhtsheras raierónhthake ne teiotinakaronhtónʼa waharónhnion

1 Samuel 10:8

Tánon ní꞉se kwáh èhʼthoh niaʼháse Gilgal í꞉se sénhtet tsi ní꞉iot ní꞉i; ehʼthóhʼne thóh iénʼkewe tsi téhses ne ne akateriwaʼténtsiaʼte akaʼtenaskwátʼtsahate tánon ne ahontátiesʼte ne wateskóntes neh natakaritétsheras. Tsá꞉ta nón꞉ta ensaterá꞉rate tsi ní꞉iore ienʼkoniatórenhne tánon nakonhnatónhase tsi nénhshieʼre.”