Leviticus 3:6 - Ohiatonhseratokénti

⁶ Tó꞉ka teiotinakaronhtónʼa tó꞉ka ó꞉ni kahiatákeras wátston né tsi iewátʼkawen ne sakaríhwa í꞉ken, ahónton ne rátsinn tó꞉ka ó꞉ni onétsien akénhake, ók ónenk kíʼ tsi kwáh iáh othènen tahotitsiʼióhake.

Leviticus 3:6 ပူးပေါင်းရင်းမြစ်များ

Isaiah 60:7

Kontiʼkwé꞉kon ne tionhnóns꞉kwahrons ne Kedar kwáh enkonhwatiʼiataróroʼke ní꞉se sarihwá꞉ke, né teotinakarontónhas ratítsinn ne Nebaioth nón꞉we nenhtonwatiʼiaténhaʼwe né ensehiaʼteskónten; né enhonwatiʼiéna ne tsitʼtsenharákwah, tánon kwáh thenkerénhsaron tsi niʼiotkwéniens naʼkenonsatokentikówaʼne.

Leviticus 1:10

Tó꞉ka teséstha énska ne shaʼtshenenhókons teiotinakaronhtónha tó꞉ka ó꞉ni kahiatákeras, ónenk tsi rátsinn enkénhake né꞉ne iáh othènen tehotsihiótaʼre.

Leviticus 1:2

né꞉ne Israerʼró꞉nons nahatiʼkwéniensʼthe nónen henthatíʼiesthe ne karihwiʼiosehokónhas. Nónen enthésesʼthe ne katshénen akonwateskónhten, tó꞉ka nónh꞉wa kaknikáien tsi nikónhti ne senáskwahiens tó꞉ka ó꞉ni kakʼnikáien ne satshénens teiotinakaronhtón꞉a tó꞉ka ó꞉ni kahiatákeras.

Leviticus 19:5

“Nónenh ensewanonhwariákon ne katshénen né꞉ne skaríhwa aorihwáke íken, sewateweiénton ne kaianerénseras ne tkwáhwi, tánon káti entiéna ne iesewatkháwas.

Leviticus 22:20

Tó꞉ka thènen ne katshénen iatsiátkaʼwe né rotsihiótare, ne Roiá꞉ner iáh kíʼ tahaiéna.

Leviticus 23:19

Tánon ó꞉ni sahiáta kaiatákeras rátsinn né nènhne ne kariwáneren aoriwáke tsi ienwatkáwenhke tánon tenihiáse nénska tehonoserihiákon teiotinakaronhtónʼa tenítsinn né nènhne ne sakaríhwa íken tsi ienwatkáwenhke.

Numbers 6:14

tánon Roiá꞉ner entétsion áhsen niháti kaʼtshénens né꞉ne kwáh iáh othenènen tehotiʼtsiʼióthare: ne nènska tehahosehrihiákon teiotinakaronhtónʼa né nahonwateskónhten, énska tehiahosehriʼhiákon teiotinakaronhtónʼa né꞉ne kariwáneren aorihwáke, tánon ne teiotinakaronhtónʼa rátsinn.

Acts 4:27

Asèken ne Herod tánon ne Pontius Pilate skátʼke tehonatátʼken ne kén꞉en kanátakon ratikwékon ne iáh tehatiʼsitaerónons ó꞉ni ne Israerʼró꞉nons nahonwatʼkónten ne Ié꞉sos, ne Rohiatathokénʼti sanátsera, tsi nikáien neh Kerístos tiónʼni.

Galatians 3:28

Kwáh káti iáh thénen tathetiatʼthíhen ne Sitaeró꞉nons tánon ne Iatehatisitaerónons, tsi natehónteron ne rathináskwas ó꞉ni ne rontatewenní꞉io onkwesónha, tsi natehóntere ne ronnónkwe tánon ne konnónkwe; kwáh sewakwékon tsi énskat iéken tsi tesewateriwasóntere ne Kerístos Ié꞉sos.

Galatians 4:4

Nók nónen shiaʼhontenniseríhewe ne Rawenni꞉io shiatoriwaiéntase, tahothéniethe ne Roiénha. Tsi wáraʼwe iakónkwe kanisténsera wahónton neh ronwaiénha waháton tsi warennákerathe, tánon neh skátʼke rathiteróntakwe nehne thoʼnethákwen ne Sitaerononké꞉ha kaianerénsera.

Ephesians 1:10

Tsi nihotenikonríson, ne Rawení꞉io ienwatewehieiéntaʼne ne nónen kwáh entkaiérike neh naiáwen꞉ne, nehne oriwakwekon ensaróhʼroke tsi naotenson rosahanion, oriwakwekon ne karonhiáke ó꞉ni nonwentsiáke, tánon Kerístos nonóntsi íken.