Leviticus 3:5 - Ohiatonhseratokénti

⁵ Ne ratsihénsthatsi akwékon kí꞉ken enhátʼtsahaʼte ne ietsienharáhkwahke skátke ne watéskonhtes. Né tewenhserateníhons ne ká꞉khwas ne iewatkáwen né rawerientiʼióstha ne Roiá꞉ner.

Leviticus 3:5 ပူးပေါင်းရင်းမြစ်များ

1 Kings 8:64

Kwáh ó꞉ni né sahenhnísera wahatonhnahé꞉rahse nasénhnon nónhwe nathenhénrahkon íken, né꞉ne tsi iokwénhrahre ne ohénton nónhwe Nononhsatokentiʼkówa, tánon éhtho nónhwe nasakoteskónhten ne tsehatihiathakwékon ne konhtitʼtsénens, nonátsas thotiʼiéstons, ó꞉ni nahonaresénhtseras ne konhtitshénens né꞉ne skaríhwa íken tsi thotiʼiéstons. Né kí꞉ken aoríhwa thóh nahá꞉iere tsioríhwa ne otsínekwar karístatsi ietienhará꞉kwah shó꞉tsi kenhniwáha íken nakwékon kí꞉ken thaiesthánions.

2 Chronicles 35:14

Nó꞉nenh kí꞉ken thóh sahá꞉wenhne, ne Leviró꞉nons waʼhonthateweienhtónhase nowàʼron tánon né ratiʼtsihénstatsis ne Aaron nón꞉we nithonatwatsiríhnon, né ratsitsihénstsis kwáh tsahokárahwe tsi tehotiweienhnaráhonhne, shakonatéskonhte ne katshénens ne tsehatiʼiathakwékon tánon ne ioré꞉senhs ne waʼtéskonte.

Exodus 29:13

Ethòne, tések akwékon ne iorésens né iororóksthon ne rahiáthakon, né꞉ne kwáh tsioiánere ne rahotwénhson, tánon ne tèkeni raostiéhsehri ne iorésen thóh ioranentakónhak, tánon ietsienharakwáhke sátʼtsahat né nasékʼtaʼtse.

Ezekiel 44:15

Ne Ronhnontí꞉io Roiá꞉ner wahénron, “Thí꞉ken rothikháres né nónhwe nihatihiáthare tsi kentárahien ne Levi ne tsi nithonatwatsirínon ne Zadok, ók kíʼ, iahathikónthakwe ioriwahtó꞉ken tsi wahontsiótenhse ne Ononhsatokentiʼkówahne nónen ne ronáhtsiakes Nisraeró꞉nonhs wahonkatʼkarahthéni. Káti nónhwa roʼnónha kíʼ ónenh enhiontsiótenhse tánon entʼthónhne nakʼkénton nahionktátʼtse ne ióreseh tánon né raothinhekwénhsa ne konwanatsatatʼtseháthon katʼtshénenh.

Ezekiel 44:7

Rotihetkénton nakenonsatokénti tsi wahonwathiríhon ne iáh tehonatewahrahkwétharon ne thihononhontsátes, nónhkwe ne iáh tehionkewenhnaráhkwa, niahontháwehiathe Nononhsatokentiʼkówahne nónenh ne ionarésenhs tánon ne rahothinhekwénhsas ne konhwanahtsatatʼtsahátons ne katshénenhs hiontʼtáti. Káti nahkonhkwetashón꞉ʼas wahthatíhiake nahkateriwahsehronhniátshera né tsi nihioteriwahthehasónhas tsi nihonahtieráhnions.

Leviticus 1:13

Ónenk tsi ensenó꞉hare ne kahiathaʼkónsons ó꞉ni nonàken kashinakésons, tánon ne ratsihénsthatsi enhotátʼtse ne Roiá꞉ner nahonteskónhthake tánon akwékon enwatʼtsahatónhaʼke ne ietsienharákwahke. Ne tewenhseratheníhons ne tkaiéston kákhwa ne rawerientiʼióstha ne Roiá꞉ner.

Leviticus 1:17

Enhaiéna ne rahonerahónhtsas tánon enharáhtions ne rahoierónhta tsi tenhakháshion, iáh thaʼharáhtion ne rahowèhia, tánon ethóhʼne rahiathaʼkwékon tsi enhátʼtsahathe ne ietsienharáhkwahke. Ne tsi tewenhseratheníhons ne rawenhrientiʼióstha ne Roiá꞉ner.

Leviticus 1:9

Ónenk tsi ensehnó꞉hare ne kahiathaʼkónsons tánon ne onàken kashinaʼkésons, tánon ne roʼterihwatsʼteríston ratsihénsthatsi kahiathakwékon tsi enhateskónhten ne ietsienharákwahke. Tsi tewenhserateʼníhons kí꞉ken kákhwa ne tkaiéston né rawerientiʼióstha ne Roiá꞉ner.

Leviticus 3:11

Ne roteriwatsteríston ne ratsihénsthaʼtsi akwékon kíʼ enhátʼtsahathe ne ietsienharákwahke né꞉ne ká꞉khwa iotenathónkwenh tsi ronhwatáti ne Roiá꞉ner.

Leviticus 3:4

ne otstiéhseris né iorèsens nètho iorahnenhtátkons, tánon ne kwáh tsioiáneres ne otwénhson.

Leviticus 4:31

Ethòne akwékon enharákewe ne iorèsenhs, kwáh kíʼ tsi ní꞉ioht tsi karahkéwen ne iorèsenhs ne katshénen tsi konwanonhwarhiákon né skaríhwa aorihwáke, tánon ietsienharáhkwahke enhátʼtsahate né꞉ne tahonserateníhon nahawerientiʼiósthaʼkwe ne Roiá꞉ner. Thóh kíʼ ní꞉ioht ne ratsihénsthatsi tsi ienháthate ne kariwiʼiosehokónhas né rónhkwe raorihwáke, tánon kwáh kíʼ ensonhwanikónhrenhse.

Leviticus 4:35

Ethòne akwékon enharónhko ne iorèsenhs, kwáh kíʼ tsi kíʼ karakèwen ne iorèsenhs tsi nikonhwanonhwarhiákon ne teiotinakaronhtónʼa né꞉ne sakaríhwa aorihwáke, tánon ietsienharákwahke enhátʼtsahate skátke ne ká꞉khwas ne iewatkáwen né thonwáwi ne Roiá꞉ner. Thóh kíʼ ní꞉ioht ne ratsihénsthatsi tsi ienháthate ne karihwiʼiosehokónhas né꞉ne sewarihwanerahák꞉tsheras aorihwáke, tánon kíʼ kwáh entsiʼtsinikónhrenhse.

Leviticus 6:12

Ne tsi iotékʼkha ne ietsienharahkwáhke ónenk tsi tiókonhte enhiotékʼkhake tánon tó꞉sa nonhwénhton nahonswá꞉thonhke. Iaʼtehioronhketsheráke ne ratsihénsthatsi enshaienthóntʼtho, enhakwahtáko naʼkonhwanateskónhten, tánon enhátʼtsahathe ne iorèsen ne skaríhwa íken tsi iewatká꞉wen.

Leviticus 7:28

Ne Roiá꞉ner tahá꞉wen ne Mahís ne tehioteriwasonhterónhnions kaianerénseras

Leviticus 9:17

Iahát꞉kaʼwe ne onátsia aorihwáke tánon wahatsanó꞉tsienʼthe nothèsera tánon wahát꞉tsahaʼte tsi ietsienharákwahke. (Né kí꞉ken nisiʼnónhwe nihiówenhte ne niaʼtewenhniseráke tsi hionteskónhtʼtha.)

Numbers 15:8

Nó꞉nen ne teró ienhonwát꞉kaʼwe nahonwateskónhten ne Roiá꞉ner rahorihwáke khès ne karihwiʼiosehokónhas né nakananónhke ne wararátston khès ne skaʼríhwa ahorihwáke tsi iewatkáwen,

Numbers 18:17

Ók nenhtewatiérenhte enhonnákerate ne tsionónskwahrons, teiotinakaronhtón꞉a, tánon ne kaiatákeras iáh nènhne tahonsahonwatinaskwahnínon; kwáh nènhne Í꞉i akitshenenhókons íken tánon enhonwanateskónhten. Né rahotinekwénhsa ákta ne ietsienharakwáhke tenhonhnóhiake tánon enhontsahate ne rahonaresénhtsera né꞉ne kákhwa aorihwáke, nahónsera ne wakenikonhriʼiostákwah.

Numbers 28:12

Né onátsia iewatkáwen, iasehwát꞉kaf kaiéri níkon né tekaiestónhak ne iakeniewátha kénhie: né satihiatátshons teró, iáʼiak nikakontseráke othésera, né teiotinakaronhtónʼa rátsinn, 4 nikakonhtseráke;

Numbers 28:3

Né kí꞉ken ne ká꞉khwas niaʼhiónhtkawe nahonthahónhion rahohénton ne Roiá꞉ner: né niaʼtewenhniseráke ahionteskónhten, tenihiáse ne énska tehonoserihiákon teiotinakaronhtónʼa owíra tenítsinn né kwáh iáh othènen tahotitsihiotharáke.

1 Tiér 2:5

Kásewe tsi ní꞉ioht ne iónnhe onénias, tánon sewathóntat naʼietsiʼiastste tsi akanonsonníhake ne ionnheʼónwe ononsatokénti, thoʼnónwe nensahióten tsi ní꞉ioht ne rotokénti ratsihénstatsi nasétatʼtse kariwiʼiostóntsera tánon ne kaienawasétsera ó꞉ni naontatsenikonraiérite ne Rawenni꞉io rahonháke ne Ié꞉sos Kerístos.