Leviticus 3:2 - Ohiatonhseratokénti

² Ranónh꞉tsine tentsiaʼnisnonhsharen ne katʼtsenhnen tánon thóh ne tsi iehionhtawehiathakwa ne raotó꞉sehrakon ne Roiá꞉ner tsi nónhwe nihenteron entienón꞉wariakon. Ne Aaronite ratsihénsthatsi ienhonekwenhsónti ne skatíson ne kaiéri naʼtekahiósaiens ne ientsienharáhkwah

Leviticus 3:2 ပူးပေါင်းရင်းမြစ်များ

Exodus 29:10

“Taʼtsaténhaf ne tsonónhskwahron rátsinn ohénton natohsehrákon tsi nónhwe niʼkíteron tánon sehró꞉ri ne Aaron tánon ne sakohiohʼokónhas tehonnisnónhsaren rahnonhtsíne.

Exodus 29:11

Thóh tienonhwaʼrhiákon ne tionhnónhskwahron rátsinn tsi íkes ne waʼtiatatokénti né꞉ne tsi tsionhtawehiatákwah natohsehrákon.

Exodus 29:15

“Saiáta tetshiátak ne teiotinakaronhtónha rátsinn tánon tsró꞉ri ne Aaron ó꞉ni ne sakohiohʼokónhas ranonhtsíne tehonhniʼsnónhsaren.

Exodus 29:16

Tienonhwarhiákon, tánon iahásaf ne raonekwénhsa tánon thóh iasáti akwékon ne kaiéri natekahiósaiens ne ietsienharakwáhke.

Exodus 29:19

“Iatsiaténhaf nó꞉ia teiotinakaronhtónʼa rátsinn—né꞉ne teiotinakaronhtónha rátsinn rónhstha nahontonhʼnárasthe—tánon tsró꞉ri ne Aaron tánon ne sakohiohʼokónhas ranonhtsíne tehonhniʼsnónhsaren.

Isaiah 53:6

Tewaʼkwékon thóh nitewahiató꞉tens tsi ní꞉ioht ne teiotinakaronhtónhas ne kénk tsehionénon; tewaʼkwékon thóh nihionkwahierenhátie tsi nitionkwahnikonró꞉ten, tánon ne Roiá꞉ner rahónha wahoterihwahkerónhaʼse ne karihwanerahát꞉tshera ne tewakwékon onkwahrihwàke.

Leviticus 1:11

Ónenk tsi othoréke nokwàhti ne ietsienharákwa nónhwe nenhtsenonhwariákon, tánon ne ratsihénsthatsi ne kaiéri naʼtekahiosakérons ne ietsienharáhkwa ienhonekwenhsónhti.

Leviticus 17:3

Nónhka Nisraerʼró꞉nons akonhwanonhwariákon ne tsionónskwaron tó꞉ka ó꞉ni teiotinakaronhtónʼa tó꞉ka ó꞉ni kaiatákeras né꞉ne ahonwátatʼtse ne Roiá꞉ner ne kwák tsiknónhwe nakénhake ók iáh kíʼ ne tsi iehionthawehiathákwa natohsehrákon tsi nónhwe nihénteron ne Roiá꞉ner waʼtewátiaʼke kíʼ ne kaianerénhsera. Wahatinékwahte tánon iáh kíʼ ónen ne tahonsahiakotená꞉thonkwe Rawenni꞉io rahonkwéta akénhake.

Leviticus 3:3

tánon iasehwátkaf ne oiásons nahoténsons ne katshénens né꞉ne kákhwas íken niahonwátatʼtse ne Roiá꞉ner: akwékon ne iorèsenhs né rahiathakónhsons,

Leviticus 3:8

ónenk tsi ranonhtsíne tentsianisnonhsáren ohénton ne tsi watohsehró꞉the. Ne ratsihénsthatsi tenhanekwenhsénhtonhwe akwékon ne skatísons ne kaiéri naʼtekahiósaiens ne ietsenharáhkwahke

Leviticus 8:22

Ethòne ne Mahís tahohiaténhaʼwe ne tekeníhaton ne teiotinakaronhtónha rátsinn, né nènʼne tsi enhowatirihwaníratʼtse ne ratiʼtsihénsthatsis aorihwáke, tánon ne Aaron ó꞉ni ne sakohiohokónhas wathonwanisnonhsáren ne ranonhtsíne.

Zechariah 12:10

“Kwáh enkenáhʼne tsi nithotwatsirí꞉nonh ne Táwit ó꞉ni ne ronahtiakhésons ne Jerusalem nón꞉we né꞉ne kenténrat ó꞉ni aterén꞉naient. Enhonwakenhénhion tsi niká꞉ien ne ronwaháson tsi rawenhé꞉ion, kwáh enhothinikonratsénhsehke ne rahonhà꞉ke tsi ní꞉ioht tsi enhiakonikonrátsen ne enskakʼkok iakowí꞉raien nenhiahié꞉heie. Kwáh kátsi towá꞉nenh tsi tenhonsénhtho, kwáh tsi ní꞉ioht nahiakothónse nénhskak khók iakonekenterontsherá꞉ien.

Numbers 18:17

Ók nenhtewatiérenhte enhonnákerate ne tsionónskwahrons, teiotinakaronhtón꞉a, tánon ne kaiatákeras iáh nènhne tahonsahonwatinaskwahnínon; kwáh nènhne Í꞉i akitshenenhókons íken tánon enhonwanateskónhten. Né rahotinekwénhsa ákta ne ietsienharakwáhke tenhonhnóhiake tánon enhontsahate ne rahonaresénhtsera né꞉ne kákhwa aorihwáke, nahónsera ne wakenikonhriʼiostákwah.

Acts 3:15

Í꞉se sewarihonníʼon tsi warénheie ne tsi nikáien thesakówis natónnhets, nók Rawení꞉io sohkétskwen ne kenheʼiátʼne—tánon í꞉i iakwariwanírats kí꞉ken.

Acts 3:26

Tánon káti ne Rawenni꞉io wahohiataráko ne rahonkwéta tánon tsi tahothénieʼte tsionháke tahatiérenʼthe niaháre, neh nahiaʼhiatatérisʼte tsi kwáh niatehionkwétaʼke ahsakahónnien tahonsahiontʼkaraténi tsi niʼieweʼiennáksens.”

2 Corinthians 5:21

Kerístos iáh nowén꞉ton tehorihwanéren! Nok ne Rawenni꞉io eh nontahó꞉tate tsi shí꞉ken ní꞉ioht ne ahorihwanéren, eh naontá꞉we ne Kerístos ahshonkwariʼwawá꞉se ne Rawenni꞉io ahshonkwaié꞉na.