Leviticus 3:1 - Ohiatonhseratokénti

¹ Ne nónen ónhkak tsi nítsion ieietʼtsihiátkaʼwe ne sewatsenenhó꞉kons né sakaríhwa í꞉ken tsi iaʼisewátkaʼwe, ónenk né꞉ne rátsinn tsionónskwahron enkénhake tó꞉ka ó꞉ni tsionónskwahron né꞉ne iáh othènen tehiotsihiótare.

Leviticus 3:1 ပူးပေါင်းရင်းမြစ်များ

1 Chronicles 21:26

Thóh nón꞉we nahahónhnien ne ietienharáhkwah ne Roiá꞉ner tánon tahá꞉ieste nahateskónhten ó꞉ni ne skaríhwa í꞉ken tsi tkaiéston. Wahaterénhnaien, tánon ne Roiá꞉ner wathoʼrihwaserákwahse tsi tahasén꞉te nótsire ne karonhiáke nahióteʼke tsi enhonteskónhten ne ietienharáhkwahke.

Exodus 20:24

Thaʼtiónhnen ietsienharáhkwah okénrah nahóten tsónhniaʼt, tánon thoʼèhneken sewatsiaʼtáʼtsaʼàhtt ne sewatshénen teiotinakaronhtónʼa ó꞉ni ne sewatʼtshénen tionónhskwahron niaʼhisewá꞉thate né꞉ne kwáh í꞉ken tsi ahontsahathonhake tánon né꞉ne skariwa tsi iahisewataʼte. Né kwáh tsík nonhwéhsons ne kwahrahkwénhni naskwahsénhnaien, kwáh kíʼ èntke tánon enkwaʼhiatatérisʼthe.

Exodus 24:5

Ethòne kén nithoʼtihiónsas iasakoténienthe, tánon wahonwenhtienkwaronhniáten ne Roiá꞉ner ó꞉ni tó꞉ka niháti wakonhwanatsaʼtaʼtsa꞉áhte ne tsionónskwarons né tsi sahotiríwa íken tsi iahatíthate.

Exodus 29:28

Né꞉ne iáh thaʼtesehwakateriwaʼteniénhnis natiatoreʼtátshera né nó꞉nen nakonhkwetashón꞉ʼas sahotiríwa tsi ienhatíthate, né꞉ne oronhkwéna, tánon ne ranhitsàke ne katshénen né nènʼneʼe ne ratitsihénsthatsi rahonáwenhk. Né kí꞉ken nonhkweshón꞉ʼas wahónkon, ne Watiá꞉ner.

Proverbs 7:14

“Ón꞉wa wenhniserá꞉te iaʼkerihwaié꞉rite aterennaientahtsherá꞉kon tsi waʼkonwanatiaʼtátshaʼahte ne katshé꞉nen tánon onkwatá꞉tenre noʼwá꞉ron. Káts skátne tetiatská꞉hon.

Ezekiel 43:27

Nónen enwakhiasehróhetsthe, ne rothikháres enthontásahwenh enhatirónhnion ne ientsienharáhkwake ne konhwanatsatatʼtsahátons ne katshénenhs tánon skátke tsi ensakothitátʼtse nonhkweshón꞉ʼa. Ethòne káti kwáh sewahkwékon tsi enwakerientí꞉iosthe. Í꞉i, ne Wakenonhtí꞉io Watiá꞉ner, wakatáti.”

Leviticus 1:10

Tó꞉ka teséstha énska ne shaʼtshenenhókons teiotinakaronhtónha tó꞉ka ó꞉ni kahiatákeras, ónenk tsi rátsinn enkénhake né꞉ne iáh othènen tehotsihiótaʼre.

Leviticus 1:3

Tó꞉ka kák tsi níkonh ne shanáskwahiens enthésesʼthe nakonhwaʼteskónhten, ónenk tsi né꞉ne rátsinn tsionónskwahron enthetsiaténhawe né꞉ne kwáh iáh othènen tehotsihiótare. Ónenk tsi thóh nónhwe nahthéntsʼtastshe ne tsi iehiontawehiatákwa ne rahotohsehrákon ne Roiá꞉ner tsi nónhwe nihéntheron ne káti nahónhton nètho Roiá꞉ner nahoiéna.

Leviticus 17:5

Tsi nikéntons tsi niwatró꞉ris kí꞉ken nètho nonhkweshón꞉as ne Israerʼró꞉nonhke ónenk tsi enthonwahawíten ne Roiá꞉ner konhtitshénens né tsi nikonwatinonhwariákhonsʼkwe ne kahentáke nónhwe. Ónenk tsi entʼkonhwatihiaténhaʼwe rahohénton ne ratsihénstatsi ne tsi iehiontawehiathákwa natohsehrákon tánon enhkonhwatinonhwariákon né꞉ne skaríhwa aorihwáke.

Leviticus 3:6

Tó꞉ka teiotinakaronhtónʼa tó꞉ka ó꞉ni kahiatákeras wátston né tsi iewátʼkawen ne sakaríhwa í꞉ken, ahónton ne rátsinn tó꞉ka ó꞉ni onétsien akénhake, ók ónenk kíʼ tsi kwáh iáh othènen tahotitsiʼióhake.

Leviticus 9:18

Wahononhwarhiákon ne teró ó꞉ni ne tehiotinakaronhtónhʼa rátsinn né ꞉ne skaríhwa akorihwáke íken nonhkweshón꞉a. Sakohiohokónhas tahonwanekwenhsenhawíten, tánon thóh iahotsésehron ne kaiéri níkons ne skatísons nokwahtísons ne ietsienharáhkwahke.

Leviticus 9:4

tánon tehonakares rátsinn tánon teiotinakaronhtónʼa rátsinn né nènhne ne skaríhwah íken tsi iahontkáwenhke. Né꞉ne Roiá꞉ner ahonwateskóntʼthaʼse skátke noná꞉tsias aorihwáke né꞉ne teweienaʼiéston. Ónenk kíʼ tsi thóh nenhatí꞉iere tsioríhwa ne Roiá꞉ner tsi ónhwa wenhniseráte enshakothotháshiaʼse.”

Amos 5:22

Iawerohátien tsi takwahtá꞉ti ne tsi sewateskóntʼtha tánon nonátsas tsi nitisewaiéstha, kwáh kí iáh thatié꞉na; tánon tsi nitisewaiéstha ne kwáh ionatakarí꞉tes ne ietsiiarehsénston sewatsenenhó꞉kons kwáh kí iáh takhehiatkáto.

Malachi 1:14

Ók ronorónhsten ne raʼnikonhrhá꞉tha ne rá꞉tsiʼn ronáhskwaien tánon enhahrhá꞉ratsteʼ nahatenáhskon, tánon eʼthó sá꞉ne ne enhotʼskónthahse ne Roiá꞉ner nahó꞉ten ne iáh tshiekaiaʼtaié꞉ri; Aseʼkénh Í꞉i ne Kenontiiohtsherowá꞉nen í꞉ken, Rá꞉ton ne Sakoiá꞉ner ne ratironhiaʼkehró꞉nonʼs, tánon nakhsèn꞉na kwáh tsi niaʼteionkwé꞉tákeʼs tsi ratikweniènhstha.

Malachi 1:8

Nó꞉nen ne ièntstatshe ne Roiá꞉ner ne katshé꞉nen ne iáh teká꞉ken ne ahsateʼskón꞉ten, iáh kenh tekarihwáksen nétho? Tánon nó꞉nen ne entéhshiehste ne kontshinoʼkáhtha tánon ne iotinonhwáktani, iáh kenh tekarihwáksen nétho? Sateʼnién꞉ten ne iahá꞉tstats ne sakó꞉ra; ahawerienʼtí꞉io ónhte kenh ne sonhá꞉ke khehs naiʼnéhsten kaiaʼtateríhtshera? rá꞉ton ne Sakoiá꞉ner ne ratironhiaʼkehró꞉nonʼs.

Numbers 15:8

Nó꞉nen ne teró ienhonwát꞉kaʼwe nahonwateskónhten ne Roiá꞉ner rahorihwáke khès ne karihwiʼiosehokónhas né nakananónhke ne wararátston khès ne skaʼríhwa ahorihwáke tsi iewatkáwen,

Numbers 6:14

tánon Roiá꞉ner entétsion áhsen niháti kaʼtshénens né꞉ne kwáh iáh othenènen tehotiʼtsiʼióthare: ne nènska tehahosehrihiákon teiotinakaronhtónʼa né nahonwateskónhten, énska tehiahosehriʼhiákon teiotinakaronhtónʼa né꞉ne kariwáneren aorihwáke, tánon ne teiotinakaronhtónʼa rátsinn.

Deuteronomy 12:27

Thó꞉nonhwe iahástat ne kariwihiosehʼokónhas né꞉ne kwáh ahonteskónhtake ne Roiá꞉ner rahotsenharáhkwake. Káti ó꞉ni iahástat thí꞉ken kariwihiosehʼokónhas tsi niká꞉ien ná꞉sehke noʼwá꞉ron tánon nonekwénhsa ietienharáhkwake tasawé꞉ron.

Colossians 1:20

Rahonhá꞉ke ne Roiénha, káti non, ne Rawenni꞉io iathoriwahiéntase orihwakwé꞉kon ahonsahariwaseronhni ne rahónha raorihwà꞉ke. Kaiá꞉sake raonekwénsake ne Roiénha non skén꞉non wahrón꞉ni ne Rawenni꞉io, tánon káti orihwakwé꞉kon rahonhà꞉ke nón꞉we nathontáwe, kenikwé꞉kon nonwentsiá꞉ke oni ne tsi karonhiá꞉te.

Hebrews 10:22

Ánion ki rahiatát꞉ta iehetewe ne Rawenni꞉io ne kwáh aiteweriasí꞉iohake ó꞉ni aoskon ne tewetakwenh, ne seweriatokenʼtiston ne tsi niweriahsakʼsénhne ó꞉ni noieronta né skanoharéhton ne iotnekatʼkwé꞉niens.

1 Sawátis 1:3

Nahóten ne ionkwatkáton ó꞉ni ionkwarónken kwá kwaronkaténni nòn꞉ne, ehnahóntawe naskwatiátharase naihtewakwekónhake ne Kaníhsera ó꞉ni ne Roiénha Ié꞉sos Kerístos.

Judges 20:26

Ethòne ó꞉nenh kwáh kanenhrakwékon Nisraerró꞉nonke Bethel niahónhne tánon wahontsónhnion rahohénton ne Roiá꞉ner tánon iáh othènen tatehonaskáhon kwáh tsik tsiahókaraʼwe. Iahatítaʼte ne ská꞉rih í꞉ken karihwihiosehokónhas tánon kwáh rahiatakwékon ne katshénen tsi wahonwateskónhten—thóh akwékon rahohénton ne Roiá꞉ner.

Judges 21:4

Ohʼronhkéstsi nó꞉ia sahiórenhne nonhkweshón꞉as wahontʼkétsko tánon thóh nónhwe nahonnónhni ietsienharákwah. Wahatíthaʼte ne skaríhwa í꞉ken karihwihiosehokónhas tánon tó꞉ka niháti ne kaʼtshénens ratiʼhiathakwékon tsi wahonwanateskónhten.