Leviticus 26:9 - Ohiatonhseratokénti

⁹ Kwáh enkwahiatatérisʼte tánon wéso enkwaksatawíhon; kwáh enkatiénawasʼte naterihwaseronhniátshera ne wát꞉son tsi natetewátere.

Leviticus 26:9 ပူးပေါင်းရင်းမြစ်များ

Genesis 1:28

Rawenni꞉io wahshakoiatatérihste, tánon ne Rawenni꞉io wahshakóhnaʼne, “Sewawatsirowáhna tánon sewentiohkowáhna, tánon thontasewáraʼn ne tsi ionhwentsá꞉te tánon tasewaniarotáhrhok: tánon ietshiiatiaʼtakweʼní꞉iohste ne kentsonʼshón꞉ʼa ne kaniatarakehkowáhne ó꞉ni notsitenʼokón꞉ʼa ne tsi karonhiá꞉te kontitses ó꞉ni kwáh tsi nikón꞉ti ne konnónhne ne kón꞉nes ne tsi ionhwentsá꞉te.”

Genesis 17:20

Tsi nokwá ne Ishmael, waʼkonwenná꞉ronke; kwáh kíʼ enhiiaʼtaté꞉riste tánon enhitiohkó꞉wanahte ó꞉ni kwáh í꞉ken tsi enhonatiohkowá꞉nenke; tékeni iawén꞉re nihá꞉ti enhonekenhteronʼtsheraién꞉take né꞉ne rotinontí꞉ioʼs enkénhake, tánon né enhiiónniaʼte nahotiohkowá꞉nenke.

Genesis 22:17

kwáh kíʼ eniokwátstonke tsi enkoniaʼtaté꞉riste, tánon thóh niió꞉re tsi enkhetiohkó꞉wanahte tsi nienhsathwatsí꞉rine tsi ní꞉ioht tsi iotsistohkwahrónnion ne tsi karonhiá꞉te tánon tsi ní꞉ioht tsi tekatsiʼnehtarotáhrhonʼs noʼnehsarónhkwas naʼtsaʼktónties. Tánon tsi nienhsathwatsí꞉rine kwáh kíʼ enhsatiénawahste ne raotinataʼshón꞉ʼahs ne tehontátswenhs.

Genesis 26:4

Kwáh tenkheiaʼserónnion tsi nienhsathwatsí꞉rine tsi ní꞉ioht tsi iotsistohkwarónnion ne tsi karonhiá꞉te, tánon kwáh enkhé꞉ion tsi nienhsathwatsí꞉rine akwé꞉kon ki꞉ken ionhwentsá꞉iens. Kwáh onkweʼtakwé꞉kon tsi enionkeriʼwanón꞉tonhse nakheiaʼtaté꞉rihste tsi nenhkheiaʼtatérihste tsi nienhsathwatsí꞉rine.

Genesis 28:14

tánon tsi nienhsathwatsí꞉rine ʼeh nenhonatióhkwahske tsi ní꞉ioht tsi tewaʼkenhrotarhon tsi ionhwentsá꞉te, tánon kwáh iaʼtenhsaré꞉ni nakté꞉shon nón꞉we tionhontsaièn꞉ton ne ne tsi iaʼtewatshénthohs, tánon ne tsitkarahkwínekenʼs tánon nothorè꞉ke tánon nentiè꞉ne; tánon kwáh ne tsi iehwatsiraièn꞉ton ne tsi ionhwentsá꞉te kwáh kíʼ eniakoiaʼtaté꞉rihste ne ne sonhà꞉ke nón꞉we entkaientákwe tánon ne tsi nienhsathwatsí꞉rine.

Genesis 28:3

Aiá꞉wens ne Roʼshatstenhserowá꞉nen Rawenni꞉io ahiaiaʼtaté꞉rihste tánon ahiónnien ne wé꞉so aesawiraién꞉taʼne tánon naesewentiohkowáhnha, í꞉se kaʼníhsera ahsá꞉ton ne iakotiohkowá꞉nen onkwehshón꞉ʼa!

Genesis 48:4

tánon wahakènhahse, ‘Ne enkoniónnien ne wé꞉so aesawiraién꞉taʼne tánon nahswatsirowáhnha; enkontiohkó꞉wanahte, tánon entekhé꞉ion kíʼ kén꞉ʼen ionhontsá꞉ien tsi ienhsatwatsí꞉rine ne nahonawenkhón꞉weke tsi nèn꞉we.’

Genesis 6:18

Ók entiaterihwahserón꞉ni. Kahón꞉wakon iaʼsheiaʼtíta ne tesení꞉teron, í꞉se tánon ne sanekenhteronʼtsheraʼshón꞉aʼs tánon skátne ne rotiniákhonʼs.

1 Kings 3:8

Kénʼen skát꞉ke iakwahnákere nonhkweshón꞉as né sehiatarákwen ne kwáh í꞉se ahishonkwetaʼsónhake akénhake, né nonhkweshón꞉as ne sóh꞉tsi ronatsiokowánen iáh thahónton nahonwanásehte.

2 Kings 13:23

ók kíʼ ne Roiá꞉ner kwáh í꞉ken tsi thorihwaʼiérikwe tánon shakoténhrakwe. Iáh tesahkorihwáʼwi nahonwanáthonte, ók kíʼ washakorihwáʼwase tsioríhwa tsi ronaʼtsanerenhserónhni ne Abraham, Isaac, tánon ne Jacob. Kwáh kíʼ iáh nonwénton teshakoiatanikonrénhʼen ne rahonkweʼtashón꞉as.

Nehemiah 2:20

Eʼthó꞉ne watekerihwaserá꞉kwase tánon wakeién꞉hase, “Ne Rawenni꞉io ne tsi karonhiá꞉te kwáh enteshón꞉tion nahionkwahianerásten. Ní꞉i ne tsitewaiò꞉tense, Kwáh tentitewáthane tánon entsitewatenatón꞉ni. Ók ní꞉se kwáh iáh thaó꞉then tesewá꞉ien nahisewaianerenhseraiéntake khéhs norihwaka꞉ion ne Jerusalem nón꞉we.”

Nehemiah 9:23

Ne washehionhniá꞉te ne raotinekenteronhtsherashón꞉as Toh nahonatiókwasʼke tsi iotsistohkwarónhnions ne tsi karonhiá꞉te, tánon ní꞉se thóh niashehiaténhawe tsi tiohontsá꞉ien tsi niká꞉ien ne sheró꞉ri ne shakotinihó꞉kons tehiotonhontsó꞉hon thóh niahón꞉ne tánon ronhtié꞉nawast né꞉tho.

Psalms 107:38

Ne tsi waʼhahiathatériste iawetatʼtsáni watkaiasehrón꞉nion, tánon iáh tehothontháton tsi iotitsiókwaiens ne rahothitsenenhókons tionhnónskwahrons, kaiatákeras, teiotinakaronhtónhas ne nakanenhrásthoʼne.

Psalms 89:3

Waʼshí꞉ron, “Wát꞉shon naterihwaʼseronniátshera skát꞉ne ne Táwit tsi rahónha rihiatará꞉kwen, tánon sénha ishiʼnónwe níken, waʼkerihwaniráton tsi enwaʼkerihwatókenhake ne rahonháke:

Exodus 1:7

ók ne sakonahterehokónhas, né꞉ne lsraeró꞉nonhs, wéso wahotiʼwirahʼientàsehron tánon tsi nahonahtsiokowàhna tánon wahatiʼtsiokwahnírahne né Egypt nónhwe kwáh ronònhak khók thitahtírahkwe.

Exodus 2:25

Wasakóken ne lsraeró꞉nonhs tsi nihotironhiàken tánon watiátʼtoke tánon nasakohiaʼtakèhna.

Exodus 6:4

Káti ó꞉ni wákʼshon naʼkateriwaʼsehronhniátshera skátʼke ne roʼnónha, khehiaʼrahratsʼténhni tsi entekhé꞉ion nonhóntsa ne Canaan nónwe, né ionhontsáien tsi ehʼnónhwe nihatináhkereʼkwe tsi shí꞉ken ní꞉ioht ne thiʼhononhontsáʼte akénhake.

Isaiah 55:3

Satahonsí꞉iost, tánon akonháke nontáse; satahón꞉satat, né ká꞉ti nahón꞉ton ashón꞉nheke. I꞉i kwáh ne enkonhiónhnien ne tsi nénhwe enkénhake naʼterihwaseronniátshera, naká꞉wenk iorihwató꞉ken, né noriwí꞉io kanoronkwáhtshera tsi nihiʼiararatsʼthénhni ne Táwit.

Jeremiah 23:3

Ensheʼkhehiataróhroʼke nakonhkwetaʼshón꞉a tsi nonhwésons niʼkanakerahsehrakérons iaʼtekhehiareʼniáton, tánon tenthekheʼhiaténhaʼwe tsi nónhwe nihonahnakeráhton. Wéso enhotiwirahiénthaʼne ó꞉ni enhonatiokowáhna.

Jeremiah 23:4

Enkheʼhiatarahkwenʼháton ne ratikóras nashaʼkonatennikonhráren. Naʼkonkwetashón꞉a iáh ónenh tahonshaʼhotiterónsehke iáh ó꞉ni tahontahonátonnhe, tánon iáh shé꞉kon tahonsatkheréwahʼte. Tánon iáh ne shahiáta tahotiathaʼtónhake. Í꞉i, ne Watiá꞉ner, wakatáti.”

Jeremiah 33:3

“Taskenáhthon, tánon tenkonrihwahsehrákwahse; kwáh enkonriorhiánion ne ionerahkwahténions ó꞉ni ne iorihwahnerahkwahténions nètho ne kwáh iáh othènen tesehriwahientéri.

Ezekiel 16:62

Tánon kwáh enskeriwahnírahte nateriwahseronhniátshera tsi natetiátere, tánon kwáh enshaterentárahne tsi Í꞉i ne Watiá꞉ner.

Ezekiel 36:9

Í꞉se nokwáhti íkethe, tánon kwáh oriwí꞉io enkónhni ne sonhóntsa shé꞉kon enskentarahkarátʼthonke tánon kaientʼthótshera thóh enkaiéntʼthonke.

Leviticus 26:15

Tó꞉ka ensewaterahiáthaʼkwe nahiʼsewatewénhnaraʼkwe natianerénhseras ó꞉ni nakerihwatátʼtseras tánon tesewáhiake naʼterihwaseronhniátshera né wát꞉son skát꞉ke níse,

Luke 1:72

Ne ȣene aonton ne raotanitenrasera nonkȣaniserake nok aiakeiarastakȣake tsini horiȣatokenti.

Deuteronomy 28:11

Ne Roiá꞉ner wé꞉so énthion nahisawiraiéntaʼne, ionatiohkowá꞉nen tionónhskwarons, tánon ienkaié꞉rike ne kaienʼthótsheras ne tsi ionhontsá꞉ien ne shakorahratstén꞉ni ne ietsisoʼthokonhkén꞉en tsi enthetsí꞉tion.

Deuteronomy 28:4

“Ne Roiá꞉ner kwáh enhaiaʼtaté꞉riste ne wé꞉so ahisawiraiéntaʼne, ahiowátstonke ne saienʼthó꞉tsheras, ó꞉ni ne wé꞉so ahisanaskwaiéntake ne tionónhskwarons tánon ne teiotinakaronhtón꞉a.

Deuteronomy 7:13

Akwáh enhianó꞉ronhkwe ó꞉ni enhiaiaʼtaté꞉riste, káti né꞉ne akwáh ahisewentiohkowá꞉nen ó꞉ni wé꞉so ahisewawiraién꞉taʼne; enhaiaʼtatériste tsi sahenthaké꞉rons, ne káti nahónton nahishanatsaiéntaʼne, onenharataʼsehontsherá꞉keri, tánon ne iakeniewáhtha kénhies; tánon tsi enhiaiaʼtaté꞉riste ne tsi nénhthion ne tionhnónskwarons ó꞉ni ne teiotinakaronhtón꞉a. Akwé꞉kon énthion kí꞉ken kaiataterí꞉tsheras ne tsi nishakorahratstén꞉ni ne ietsisoʼthonkonhkén꞉en tsi énthion.

Hebrews 8:9

Kwáh iáh thóh tahiothónhake tsi niʼiohthónʼne ne kahianerensehrakáion tsi niwákson tsi naʼtehiakwáhtereh ne sathiʼtisoʼthonkonhkén꞉en nó꞉nen ne sonshaʼkhenentsí꞉ne tánon shaʼkhehiatinekénʼwe ne Egypt. Iáh tehotirihwahtókenne tsi nòkwah nahterihwahsheronniátshera ne khesenhénni, tánon káti iáh thènen tekhehiatahonshatáton.