Leviticus 26:7 - Ohiatonhseratokénti

⁷ Kwáh enietʼtsisenhniónhko ne tesewatátʼtsions;

Leviticus 26:7 ပူးပေါင်းရင်းမြစ်များ

1 Chronicles 19:15

Nó꞉nen ne Ammonró꞉nons waʼshakotíken ne Syriaró꞉nons ronaʼtekwenhátie, sahonwaʼtékwahse ne Abishai tánon kanatowanénhke nionsahón꞉ne. Ethóhʼne ne Joab Jerusalem né nionsá꞉re

Esther 9:16

Kí꞉ken Sitaeró꞉non tsi kakorahseraké꞉ron wahonnitiohkwahserón꞉ni tánon wahontatiatanónhstate. Wahshakonáhtonʼte ne ronwatíhswenhs tsá꞉ta niwáhsen wisk niwenʼniaweʼehtseráhsen nihá꞉ti ne ronwatíhswenhskwe. Nók iáh kiʼ thé꞉nen tshiehotíha.

Psalms 81:15

Tsi nihiákon ne iónkʼsons kwáh tehonʼnón꞉saien natʼkénton, tánon né꞉ne tsi nénhwe tsi enkheréwaʼte.

Leviticus 26:36

“Kwáh ne entsiónhnien tsi nítsion ne ietsinakerakwáhton thóh nióre tsi ensewaterónhseke nék nahionerathákare ne tsi ioweráre kwáh ensónhnien nashatèko. Kwáh enshatèko tsi shí꞉ken ní꞉ioht ne tsi wateríhio shaʼtekwenhátie, tánon kwáh enshiatiénenhne iawerohátsien tsi iáh ónhka tehieshá꞉sere.

Leviticus 26:6

“Entkwáhion ne skénnen íken ne tionhontsáke, tánon enwáton nahisewénhtawe ne kwáh iáh ónhka tahietsitsanísehke. Kwáh éhren henkhehiatenháwite ne konhtisehró꞉hens katshénens ne tsi ionhontsáien, tánon iáh shé꞉kon tahonsakaiénthake naterihióseras né nónhwe.

Leviticus 26:8

ne wísk nenhtiónhake ensewakwéni énska tewenhniáwe niháti aietʼtsisénhni, tánon nénska tewenhniáwe niháti kwáh enhatikwéni nashakotisénhni ne oiéri tewenhniawehetsheráhsen niháti.

Deuteronomy 28:7

“Ne Roiá꞉ner enshakoshén꞉ni ne ieshá꞉sons nó꞉nen ieniesatiaʼtón꞉ti. Énskak tsi nón꞉we nenʼthón꞉ne tsi ieniesatiaʼtón꞉ti, ók ki tsík nón꞉we nienhatitátke nenhontè꞉ko.

Deuteronomy 32:30

Saiáta ne tehontà꞉tsons raterí꞉ios washakoshén꞉ni ne énska tewenhniaweheʼtseráhsen niháti Israerʼró꞉nons, tánon oié꞉ri natewenhniaweheʼtseráhsen niháti Israerʼró꞉nons tehnihiásek kók ne tehontà꞉tsons wahonwathishén꞉ni? Ne ki aorì꞉wa ne Roiá꞉ner, Raotiní꞉io tsi shakotiathónthakwe; ne roshatstenhserowá꞉nen Raotiní꞉io tsi shakotiakwarí꞉shion.

Joshua 23:10

Kwáh tsikʼónhka ne tsi nítson ensewakwé꞉ni ne énska tewenhniaweheʼtseráhsen niháti nahonhté꞉ko, tiorì꞉wa ne Roiá꞉ner Sewaní꞉io raónha tsi sewaterí꞉iose, kwáh ki tsi nihorahrátston.

Judges 15:15

Ethòne wahastsienhtatʼtsénhri ne tewahóntes rarhiotsáke kènhne né꞉ne iáh wahónhnise tsi náhe thawenhé꞉hion. Watatʼtsakéthe tánon wákrakwe, tánon ne wáratsʼthe enskatewenhniawehetserásen niháti ronnónhkwe washakononhwarhiákon.

Judges 4:16

Ne Barak washakósehre kíʼ notsón꞉kwas tánon ne ronhterí꞉ios tsi nióre ne Harosheth-Né꞉ne-Iáh-Tehatiʼshíʼtaeró꞉nons, tánon ratikwékon kíʼ ne Sisera rahonkwetashón꞉as ronterí꞉ios wahonwatinonhwariákon. Iáh ne tsonkwéta tiatesohthaténron.

Judges 7:23

Ethòne ne ronhnónhkwe ne tsi ratitsiókwahien ne Naphtali, Asher, tánon tetsáron ne tsi iokwénhrare ne Manasseh, iahonwatínonhke, tánon ronónha wahonwatísere ne Midiarró꞉nons.

1 Samuel 14:13

Eʼthóhʼne ne Jonathan ratshaʼnáke tánon rashitáke tsi ratésere tsi sahatawénhrate ne tsi iohatátie, nikwekonhátie ne raonkwé꞉ta ne raháse rateriʼiostákwah rononterátie. Ne Philistine wahatihiaʼtiénenhne rahohénton ne Jonathan, tánon ne rahonkwéta ne ráhase rateriʼiostákwas, onàken rononterátie, washakononwarhiá꞉khon.