Leviticus 26:5 - Ohiatonhseratokénti

⁵ Ne saientʼthótseras thóh nióre tsi enwesóhake kwáh shé꞉kon enshenatsiʼiákseʼke nó꞉nen ienkáhewe nasenenharáko, tánon shé꞉kon senenharakwáseke tsi ienskáhewe nahonshasenatsaiéntʼtho. Kwáh thóh tsi nenhkónhake tsi niatahisaiériʼse ná꞉sehke tsi naʼtesatonhontsóni, tánon skenenhkówat tsi ní꞉ioht tsi ensiterónhthake ne sonhontsáke.

Leviticus 26:5 ပူးပေါင်းရင်းမြစ်များ

Psalms 144:13

Aiáwens ne tsi iakwahientákwah tahontakaráhke, ne kaienthwa꞉kwens ne kwáh tsík nahoténhsons akénhake; aiáwenhs nonkwahtshenenhókons teiotinakaronhtónhas tewenhniawehetsherásen tsi nahionatsokwáske, né꞉ne oiéri niwenhniawehetsherásen natahontsiáseren nonhkwahentákes,

Psalms 90:1

Saiá꞉ner, í꞉seke nón꞉we nikáien ne skenenkówak thí꞉ken né꞉ne tsi nénhwe enkénhake.

Exodus 16:8

Ethòne ne Mahís wahénron, “Kwáh seh Roiá꞉ner enteʼtshítion nowáhron nahísehwake nʼokarasnéha tánon kwáh tsi níkon tesewatonwenhtsóni ne kanátaro noronhkène, tsoríwa tsi wahoʼthóntene tsi nisewariwakátenʼen tsi nókwah ne rahonhàke. Nó꞉nen ensewariwakathate nonhkenonhàke, kwáh seh rahonhàke ne Roiá꞉ner sewariwaká꞉tats”

Proverbs 1:33

Ónhka ká꞉ti enhakwatahónhsatate enhoién꞉take ne enhoiaʼtahníhrha. Skén꞉nen tsi enhanonhtonniónheke iáh oʼthé꞉nen thaʼhatshahníhseke.”

Proverbs 18:10

Roiá꞉ner ne táhtsheren ne kwáh tioʼnikahtaʼní꞉ron, tsi nón꞉we enwá꞉ton niá꞉ien ne tionkweʼtaié꞉ri ne skén꞉nen aionnonhtonniónhake.

Isaiah 1:19

Tó꞉ka sathontahtserí꞉io tánon satewenhnará꞉kwah, ní꞉se kwáh ne ensék꞉seke ne ioiá꞉nere thá꞉has nonhontsáke;

Isaiah 30:23

Kwáh enhakenhnó꞉reste tsi nisatsinetarón꞉tion nonwenhtsàke, tánon nonátsias, tsi nentkáhawe nonwenhtsàke, né꞉ne enhiokwatsʼtónhake tánon enkanákerenhne. Nètho enwennhniseráteʼke ne satshenenhókons tionnónskwahrons thóh nón꞉we nenhkontekónhni tsi watenhenró꞉wanenke;

Jeremiah 23:6

Ne nónen enhonontí꞉ioʼke, nonhkweshón꞉a ne Judah kwáh enshontatewenhní꞉ioʼke, tánon nonhkweshón꞉a ne Israerʼró꞉nons skénnon tsi enshonnónhnheke. Ne enhonwanahtónkwahke ‘Ne Roiá꞉ner nonhkwahiathaʼkenhátshera.’

Hosea 2:18

Kwáh enkonhiónhnien naterihwaseronhniá꞉tshera né꞉tho enwenhniserá꞉teke skátne ne kontírios, notsitenokónhas ne tsi ió꞉werare kontí꞉tses, tánon ne onhontsá꞉ke kontéseres; tánon kwáh enkátonhte nahén꞉na, nasareʼkó꞉wa, tánon nateriióhsera ne tsi ionhontsá꞉te; tánon ne enkonhniá꞉te ní꞉se kwáh skén꞉nonk tsi ashenákereʼke.

Hosea 2:20

Kwáh karihwatokentitserá꞉kon tsi ienkonhiathénhawe ní꞉se ne tethenitéron ahsá꞉ton; tánon kwáh entsienterá꞉ne ne Roiá꞉ner.

Joel 2:19

Tsi wateshakoriwaʼserá꞉kwahse ne rahonkweʼtashón꞉as ne Roiá꞉ner wahèn꞉ron: iakwateniéten ne sewarihwà꞉ke nonátsias, onenhará꞉keri, tánon kénhie, tánon kwáh ensehwerienʼtí꞉io tánon iáh shé꞉kon ne thahonshationhniáte ne naietsiiatehá꞉te tsi ratinákere ne ronhnonhontsakeró꞉nons.

Joel 2:22

Tó꞉sa sewatéron, í꞉se ne kaʼtshé꞉nens nisewahiató꞉tens ne tsi kahentaiéntons, asè꞉ken ne tsi konwatiterontáhkwas ne iahonwentsiaʼthénhake ioʼtonhtón꞉ni; ne tsi keríhtons ioientón꞉nions, ne tionhnionwaronhtonhakó꞉wa tánon ne watenenharíseres tsi nitsionát꞉re.

Joel 2:26

Ní꞉se kwáh wé꞉so thenshatskà꞉hon tsi nió꞉re iathensaié꞉rise, tánon thensatenonwerá꞉ton ne raoshén꞉na ne Roiá꞉ner Saní꞉io í꞉ken, rahónha rohiothénhen ne iorihwanerakwahténions ne sarihwá꞉ke. Tánon nakonkweʼtashón꞉as kwáh iáh shé꞉kon nonhwén꞉ton tahonsahonwanateháte.

Amos 9:13

Ne kawistáhets orihwiiohón꞉we tsi táwe, rá꞉ton ne Roiá꞉ner, nó꞉nen tsi niká꞉ien renhtarakaráttos thenhoiataskénhni tsi niká꞉ien ne raienkwáhkwas, tánon ne ronhsitáke tsi tehonhiaríhtha nonenhára ne tsi niká꞉ien raiénthos ne kánenh; ne tsi ionhnontáhere entkastárenhne ne tehionekatsikhétare onenharákeri, tánon akwé꞉kon ne tsi ionhniarónhnions ne enkarionhatátse.

Matthew 23:37

Jerusalem, Jerusalem, ise ne Sherios ne Rotitokense nok ietsinenhioiaks ne tekheiatories! Toh niioriȣake ȣakatenienten aonsakheiataroroke ne Sheienhokonha tsiniiot ne kitkit kaneraontsokon iakoiatasetha nakoienhokonha, nok iah teseȣathontaton.

Acts 14:17

Nók kíʼ tiókonte rawenestonhátie tsi thóh ítres neh tsi niʼiohiáneres tsi nisakotiéraʼse nonkwesónhas: tsi karonhiátes non tatheniétas nokennorésera ó꞉ni tsi niʼieientwákwas; hiakwhanóntens ó꞉ni neh ranahnónktha ne seriáne natʼtsennonniátseras.”

Deuteronomy 11:15

tánon entkahonʼtánio ne sewahentà꞉kes ne sewatshenenó꞉kons akónhneke. Kwáh tsi ní꞉kon tesewatonwenhtsóni ne káhkhwa tsi ensewaiéntake.

1 Timothy 6:17

Sherórih kí꞉ken nahorihoténsons tsi niháti ne rotikwátses ne kén꞉en ionwentsiáte tó꞉sa rotatonníhak, tó꞉sa ne rathiniahesénhak nahóten ne iáh tehioriwatóken tsi ní꞉ioht ne aktiokowátseras, ók Rawenní꞉ioke nónwe nihatiniahesénhak, kwáh rahotsennonniatserákon tesonkwáwis tsi nahoténsons tahionkwatonwentió꞉nike naitewatʼtsennonniátaʼkwe.

1 Tiér 1:5

Í꞉se sáwenk, tsioríhwa tsi tieniahésen ne Kerístos rahónha ne raosatsʼténsera ne Rawenni꞉io kanikónrare tsi nióre iensèna kí꞉ken kaiatakeʼnhátsera. Kwáh enhiotáshionke nonàken tewenniserónthe nakwékon enhiontʼkátho.