Leviticus 26:41 - Ohiatonhseratokénti

⁴¹ Tánon né wakarihónhni nakhehiatʼkónhten tánon hiaʼkhehiató꞉ri tsi waʼkhenakerákwahthe né꞉ne tsi thononhontsáien ne tehonhtátʼtions niahónhne. Neʼnónenh, ne tsi nenhsewatʼwatsírihne ehtháke ensonhthatónhni tánon teshotirihwasehrákwen ne rahotirihwanerahák꞉tsheras tánon tsi nihonateʼnonhtsisʼtakshaʼthónhne,

Leviticus 26:41 ပူးပေါင်းရင်းမြစ်များ

1 Kings 21:29

“Wasatʼthokéken tsi nióre ne Ahab tsi ehtàke wahathatónhni nakʼkénhton? Tsi éhtho kíʼ nahá꞉iere, iáh kíʼ thaʼhontátkhaʼwe ne kariwahekénsera ne rahonháke tsi nikaríwes enrónhnheke; kwáh kíʼ tsi nikaríhwes né roiénha enrónnheke tsi enthékhaʼwe ne kariwahetʼkénsera ne Ahab rahowatsiráke.”

2 Chronicles 12:12

Tsoríhwa tsi iehotatatkáwenh rahohénton ne Roiá꞉ner, ne Roiá꞉ner raonhakwáhtshera iáh kíʼ thoʼkénʼen tehonwathóntonh, tánon wahohiánerenhne ne Judah aorihwáke.

2 Chronicles 32:26

Khaʼrehkiʼó꞉nen, tsi nihiótha, né Hezekiah tánon nonhkweʼshón꞉as ne Jerusalem nón꞉we etʼthá꞉ke wahonthatónhni, tánon kí ne Roiá꞉ner iáh teshakorehwáton nonhkweʼshón꞉as tsitʼwarénheʼie ne Hezekiah.

2 Chronicles 33:19

Né ronnontí꞉io tsi nihoterénhnaien tánon tsi naʼtehorihwasehráhkwen ne Rawenni꞉io, tánon tsi niʼiohthánions ne karihwánerens tsi nihotieráhnions nohénton shonsahatatréhwaʼte—né karihwahekénhseras tsi nihotieráhnion, né kahiatonhnisónhas tsi nón꞉we nikonhwatisenhnaienthákwas tánon ne kahiatarónhnions ne kaní꞉io Asherah né rosahánions tánon ne kahiathonhnisónhas né sakosénhnaien—akwé꞉kon kahiatónhnions Tsi Nihonwatikarahthónkwas ne Rotiʼtokenhséhaʼkwe.

2 Chronicles 33:23

Ók iáh é꞉tho tèhiote tsi ní꞉ioht ne ronikénʼen, iáh ehtàke teshothatónhni tánon iáh Roiá꞉ner nòkwah tieshawénon; sén꞉ha rahónha waharihwánerahke tsi né niʼiohtónhne ne ronikénʼen.

Ezra 9:13

Ók ki ó꞉ni nó꞉nen orihwakwé꞉kon tsi nahonkwahiathawénhseron tsi nokwáh ne karewathatsherarakónhson nonhkwahrihwanerahakʼtserá꞉kons ó꞉ni tsi natehionhkwahterenhthawenhréhon, ionhkwahterienʼthá꞉rakwe tsi í꞉se, nonhkwáh Ní꞉io í꞉ken, tsi káron niskwahrewáthon tsi nathahionhkwahthenhtsónke tánon waskwahrí꞉hon nahiatiónhnheke.

Ezra 9:15

Ne Roiá꞉ner Rawenni꞉io ne Israerró꞉nonhke, thisarihwaié꞉ri, ók waskwahrí꞉hon nahiatsónhnheke. Iáh kwahrihwaní꞉rats nonhkwáh nítsera ne shonhà꞉ke; iáh othé꞉nen tehionhkwaianerenhserá꞉ien ne sahénton niahiákwe.”

Nehemiah 9:33

Ní꞉se tisaieríhton nakwé꞉kon tsi nahonkwahrá꞉ne, asè꞉ken ní꞉se tsi nashá꞉tiere né꞉ne iorihwató꞉ken tsi ná꞉he thóh nihionkwahtié꞉ren ne karihwahetkénhsera.

Psalms 39:9

Kwáh sák tiwaʼkatatónh꞉ni; iáh thatekakʼkwékshions, asèken í꞉se ehʼnisá꞉shon kí꞉ken tsi niwaʼkerón꞉hiake.

Exodus 10:3

Káti ne Mahís ó꞉ni ne Aaron ronhnonhtí꞉ioʼke niahá꞉ne tánon wahonwénhase, “Ne Roiá꞉ner, ne sakoʼNí꞉io ne Hebrews, ráton, ‘Tóhʼshékon nikaríwes ensehsaterahiáʼtaʼkwe nʼaskewénhnarahʼkwe? Sehiátʼkáf nʼakonkwetashón꞉ʼa, ne káti nahónton nahionkʼsénhnaien.

Jeremiah 4:4

Sehwahtienawasthónhak ne sehwateriwahsehronniátsheras nakonháke, seh Watiá꞉ner, tánon sehwathaterihwahthokentísten nakonháke, íseh ne tiónkwe ne Judah ó꞉ni ne Jerusalem. Tó꞉ka iáh tothaisehwáhiere, nakenahkwátshera enhióteke tsi ní꞉ioht nótsire tioríwa tsi nikariwahétken tsi nisehwatiéren. Kwáh enhióteke, tánon iáh ónhka tahontetʼsénhri nahionskwáthe.”

Jeremiah 6:10

Wakʼkeriwahsehráko, “Ónhka enhionkathahónsahthate tó꞉ka enkhethárase tánon nahkheronkáhten? Rothinonhtsisthaʼnírons tánon iáh thahonthóntahte nahonthahónsahthate ne sateriwahnothátshera; enhatisteristhe tsi nahó꞉ten tatró꞉ri nahkíron.

Ezekiel 14:23

ethòne enshateriéntarahne tsi kwáh akwékon ioiánereh tsi niwahtieráhnion.” Ne Ronhnontí꞉io Roiá꞉ner wahatáti.

Ezekiel 20:43

Ethòne kwáh ensewahteriéntarahne akwékon ne ioteriwahtehashónhas tsi nisehwahtieráhnion tánon tsi ní꞉ioht tsi watesehwathatsiatátsionste. Kwáh ensehwatéhen tioríhwa tsi nihioriwáke ne kariwáksen sehwahioténhen.

Ezekiel 44:7

Rotihetkénton nakenonsatokénti tsi wahonwathiríhon ne iáh tehonatewahrahkwétharon ne thihononhontsátes, nónhkwe ne iáh tehionkewenhnaráhkwa, niahontháwehiathe Nononhsatokentiʼkówahne nónenh ne ionarésenhs tánon ne rahothinhekwénhsas ne konhwanahtsatatʼtsahátons ne katshénenhs hiontʼtáti. Káti nahkonhkwetashón꞉ʼas wahthatíhiake nahkateriwahsehronhniátshera né tsi nihioteriwahthehasónhas tsi nihonahtieráhnions.

Ezekiel 44:9

“Í꞉i, ne Wakenonhtí꞉io Watiá꞉ner, wakatró꞉ri kwáh iáh ónhka ne iáh tehotewahrahkwétharon ne thihahóntsathe, iáh ónhka ne iáh tehionkewenhnaráhkwa, niahontháwehiathe nakenonhsatokentiʼkówahne, akwékon iáh né thihahontsáthe né skátke rahthináhkere ne Israerʼró꞉nons.”

Ezekiel 6:9

Ethòne nónenh ienhonwahnahnakerahkwáhthon tsi ienahkerénions nonhkweshón꞉ʼa ne tsi ionwenhtsáte, kwáh entionkehiárahne. Kwáh enhatiʼiénterehne tsi niwahkenikonhráksens tsi iáh tehonerhiashaʼtóken tánon titkáhere natehénsera ne ratikaráhkes ne tsi nikonhwahnaskáneks nakorénsons kahiathonnisónhas. Ethòne nonàken enhiahónniaʼte kwáh enhontátstion tsewahkwékon ne rahotiriwahnerahháktshera.

Leviticus 26:24

ethòne kíʼ enskonhiatkaraténi tánon enskonhréwaʼte tsáta nihiorihwáke sánha enhioníronhke tsi nitsiotónhne.

Leviticus 26:28

ethòne kíʼ akenakwatsherákon kwáh kíʼ enkonhiatkónhten tánon shé꞉kon tsáta naʼtestsiáseren sénha enkonhréwaʼte tsi ní꞉ioht ne tsiotserénhton.

Numbers 5:7

ónenk kíʼ tsi ensehwarihwanírate ne sewarihwanerahákʼtsheras tánon kwáh enkanáʼnonhke tsi entsiʼsewaká꞉riake, tánon ne 20 iosénhtsheroʼte, né꞉ne tsi nikáien wahitsikarónhni.

Matthew 23:12

Aseken nenhatatkonnienste enhonȣakenron nok nenhatatkenron, enhonȣakonnienste.

Luke 14:11

Aseken ehtake niienhentsien ne iontharatasts, nok enhiontharatate ne iontatkenronni.

Luke 18:14

Oriȣiio tsi kȣarori: neh kehiken shotiatokeȣenhatie tsi shotentionhatie nok iah ne saiatat: aseken onka iontatharatasts ehtake niienhentsion; nok onka ehtake iontatonni enhiontharatate.

Acts 7:51

“Tsi nisanontsistaníron!” ne Stephen hiahatasónteren tsi róhtare. “Tsi niseweriasák꞉sens, tsi naʼtesewahontakwékon tsi nòkwa ne Rawení꞉io rahoteriwanothátsera! Kwáh tsietʼtsiʼiéren ne ietʼtsisottonkonkén꞉ens: í꞉se ó꞉ni iáh nonwénton thetsisewawenʼnarhákwen ne Ronikonratokénti!

Galatians 5:6

Asèken ne nónen Kerístos Ié꞉sos tehionkwateriwasóntere, kwáh nèn꞉ne iáh thènen thatekatíhas aiontatewarakwétaronke tóhkaʼ ó꞉ni iáh, kwáh iáh thènen tewatsterístha; tsi nahóten iorihowánen nehne tewetákwen tsi iohiótens ne kanoronkwaʼtserákon.

Deuteronomy 10:16

É꞉tho káti, kén꞉en ienwatáhsawen tsi sewawenhnarákwak ne Roiá꞉ner tánon kén꞉en ienwatáhsawen sewátkaf tsi nisewanonhtsistaʼní꞉ron.

Deuteronomy 30:6

Ók ki ne Roiá꞉ner SewaNí꞉io kwáh enhakwahtháko ne seweriánes ní꞉se ó꞉ni tsi niensewatwatsí꞉rine natsisewawenhnaráhkwake, ne káti ne kwáh seweriasakwé꞉kon tsi atsisewanorónhkwake ó꞉ni sewatonhnetserakwé꞉kon, ne káti ne iahisewakón꞉taʼkwe ne tho nón꞉we nihiohontsá꞉ien ahisewanákereʼke.

Deuteronomy 31:21

tánon ki wé꞉so ne tehiotenonhianì꞉tons ne kariwaieshá꞉tsheras enhotí꞉rahne. Ók kí꞉ken karén꞉na shé꞉kon ki tenhkariwá꞉kwen, tánon ne enhiakoriwaní꞉ratse tsi nokwáh ne ronónha. Iekaní꞉hare nón꞉wa, nohénton iakhehiaʼténhawe ne tsi tsohontsá꞉ien né꞉tho kehiararatstén꞉ni nahontatkhé꞉ion, wakhaterièn꞉tare tsi nahó꞉ten ronhnonhtón꞉nions.”

Philippians 3:3

Nók í꞉i nonkwatsiáke neh ne kwá oriwiʼiohónwe tsi ionkiwharakwétaron, tsioʼríwa tsi ne thewasenʼnaientákwa thóh raosatsténsera ne Rawenni꞉io Rahonikónra tánon tsitewakweniénstha ne Kerístos Ié꞉sos. Iáh ne theionkwatharakwenháties ónh naionkwatséren.

Colossians 2:11

Tsi tetiateriwahsóntere ne Kerístos iesawahrakwè꞉taron, iáh ónhkwe teiesawahrakwetá꞉ron, onk Kerístos iawahrakwè꞉taron, neh iehiokwékʼton tsi tsisatatewenniió꞉on tsi nokwáh ne kaʼsatsténhsera ne sariwahnerahatʼténni.