Leviticus 26:12 - Ohiatonhseratokénti

¹² Kwáh kíʼ entewakwekónhake; kwáh Í꞉i Sewaní꞉io enkénhake, tánon í꞉se nakonhkwetaʼshón꞉as enkénhake.

Leviticus 26:12 ပူးပေါင်းရင်းမြစ်များ

Genesis 17:7

Tánon kwáh éntien nakaterihwahseronniáhtshera tsi naʼtetiátere ó꞉ni tsi nienhsathwatsí꞉rine, tánon kwáh ó꞉ni tsi wahatinekwenhsatátie né꞉ne tsi nén꞉we enká꞉take naterihwahseronniáhtshera, kwáh Í꞉i ne Saní꞉io enkénhake tánon tsi nienhsathwatsí꞉rine ó꞉ni nó꞉nen ensenhé꞉ionke.

Genesis 17:8

Tánon kwáh Entkón꞉ion, tánon tsi niensathwatsí꞉rine ó꞉ni nó꞉nen ensenhé꞉ionke, tsi nón꞉wa nón꞉we thisonhontsá꞉te í꞉ken, aontonhontsà꞉ke ne Canaan, né꞉ne tsi nén꞉we ensawenkhón꞉weke; tánon Í꞉i ne Raotiní꞉io enkénhake.”

Genesis 3:8

Wahonathontene ne Roiá꞉ner Rawenni꞉io kahéhtakon tehotekhahahkwenhátie né shiaʼtewatshéntho nó꞉nen shonsonhsón꞉tanohste nokarasnéha shikaʼhá꞉wi, tánon ne rón꞉kwe ó꞉ni ne ró꞉ne wahonwatahséhten tsi non nikehrhí꞉tons ne kahéhtakon.

Genesis 6:9

Né ki꞉ken tsi niehotwatsiríhnon ne Noah. Ne Noah kwáh íken tsi tronkwetaiérihkwe, iáh othénnen tahonwarihwatsénhriase tsi nihothenhnisehraténionkwe; ne Noah skátne tehiatekhahakwahkwe ne Rawenni꞉io.

2 Samuel 7:7

Tsi nonwéʼsons nahtewakatahwénhrie tsi ratiterón꞉tons ratikwé꞉kon nonkweʼó꞉kons NʼIsreronónke, nonwénhton kén nahonkewenhninekénʼen raotihén꞉ton ne sakotihenténhses ne ón꞉kak tsi nihotitsiókwas ne Israerʼronónke, tsi ronónha khená꞉on ne nasakonahtenhnikonrá꞉ren nakonkweʼtashón꞉ahs NÍsraerʼronónke, nahón꞉ken, “Ónh nontiéren tsi iáh ní꞉se teskwanonshonniénhni ne onenhthaʼkwenhtétshera nahó꞉ten akénhake?”

Psalms 50:7

“Sewaʼtahonsí꞉iost, Ó akonkwetashón꞉ha, tánon kwáh enkatáti, Ó Israel, kwáh enkonhiatanó꞉then. Í꞉i ne Ní꞉io í꞉ken, í꞉i ne Saní꞉io í꞉ken.

Exodus 29:45

Skátke enhiakwahnákereke nonhkweshón꞉ʼas nʼIsraerʼró꞉nons, tánon kwáh Í꞉i ne raotiní꞉io enkénhake.

Exodus 29:46

Tánon kwáh enhonateriéntarake tsi Í꞉i ne Watiá꞉ner Raotiní꞉io tsi nikáien ne tethesakohiatinekénʼen ne Egypt ne káti nahónton skátke ahiakwahnákereke. Í꞉i ne Watiá꞉ner Raotiní꞉io í꞉ken.

Exodus 3:6

Í꞉i Naʼkení꞉io ne sesotʼthonkonhkénʼen, né꞉ne Rahotiní꞉io ne Abraham, lsacc, ó꞉ni ne Jacob.” Káti ne Mahís wahatʼkonhsàh꞉sehʼte, tsioríwa tsi wahaʼtsàhniʼke nahó꞉ken ne Rawenni꞉io.

Exodus 6:7

Entsiónhnien í꞉se ne kwáh akonhkweʼtashón꞉ha enkénhake, tánon Í꞉i ne sewahʼNí꞉io enkénhake. Kwáh ensewateriéntarahʼne tsi Í꞉i ne Watiá꞉ner ne sewaʼNí꞉io ó꞉nen enskaniakènthonʼke tsi niʼhietsinaskonhnisʼkwe ne Egypt nónwe.

Isaiah 12:2

Oriwiʼiohónwe ne Ní꞉io tsi né natsatakeʼnátsera í꞉ken; kwáh kí enhini tánon iáh kí tahónteronhne, asèken ne Roiá꞉ner rahónha rakeshatstenhseráwis ó꞉ni ne nakerénhna; rahónha ne rotónhon natsatakeʼnátsera.

Isaiah 41:10

tó꞉sa sáteron, asèken í꞉i tenikwé꞉kon, tó꞉sa sáteron, asèken í꞉i ne Saní꞉io í꞉ken; Kwáh kí enkonsasténhseron, kwáh kí enkoniénawaʼse, Kwáh kí enkonhiatenháwa né watesenhniétha ne tsi keweientetákwen.

Jeremiah 11:4

Ne ne ateriwahsehronniátshera ne kheʼhionniénni ne sakothisotʼthonkonkénʼen ne ne sahthontatʼkhehiatínekenʼwe ne Egypt, nonhwénhtsia thóh niʼiotónʼne tsi ní꞉ioht ne kwáh tehiotsenhanonhiáni ne rahotiriwáhke. Kheró꞉ri nahionkewénhnarahkwe tánon éhtho nihatí꞉ier tsi niwahkatenná꞉hon. Kheró꞉ri tó꞉ka enhionkewénhnarahkwe, ronónha ne akonhkwetahshón꞉a enhónton tánon Í꞉i ne Raotí꞉io enkénhake.

Jeremiah 31:33

Ne áse aterihwahseronniátshera nenhkónni skátke nonhkweshón꞉a ne Israelronónke nónhwe tsi néntewe nenníseras kwáh kén ní꞉ioht, ráton ne Roiá꞉ner: Rahotinikonrakéson nónwe néntsien natianerénseras tánon rahonerianésons nónwe nenkʼkhiáton. Í꞉i ne raotiʼNí꞉io enkénhake, tánon roʼnónha nakonhkwetahshón꞉a enkénhake.

Jeremiah 32:38

Ethóhʼne Í꞉i akonhkwetaʼshón꞉a enhónton, tánon Í꞉i ne raotiʼNí꞉io enkénhake.

Jeremiah 7:23

Ók kíʼ kheró꞉ri nahionkewenhnaráhkwahke, né꞉ne Í꞉i Raotiní꞉io akénhake tánon ronnónha nahkonhkwetahshón꞉a. Tánon kheró꞉ri thóh ní꞉ioht tsi ronónhnhek tsi nikheró꞉ri, ne ne ahothihianerásthen ne rahothiriwahshón꞉a.

Ezekiel 11:20

Ethòne enhonteweiénton natianerénhseras tánon enhothiriwahtokénhake tsi enhontewénhnarahkwe nakeriwahtátʼtsheras. Ronónha nahkonhkwetashón꞉ʼa enkénhake, tánon Í꞉i ne raotiní꞉io enkénhake.

Ezekiel 36:38

Ne tsi kanatowáhnenhs nónhwa ioriwenhtásehronhs kwáh éhthoh nenhtionhthonkwetaʼkáteke tsi ní꞉ioht ne Jerusalem iehioterátston titʼkonhtírahkwe teiotinakaronhtónha né꞉ne rahtítatsʼkwe tsi konhwahnahtsatatʼtsaháthaʼkwe ne tsi kakʼkwháhere. Ethòne enhonateriéntarahne tsi Í꞉i ne Watiá꞉ner.”

Joel 2:27

Ní꞉se kwáh ensaterienʼtá꞉rane né꞉tho tsi kwáh satekanenhrí꞉hen nón꞉we níkes Nisraeró꞉nonke, tánon ne tsi Í꞉ih ne Watiá꞉ner í꞉ken, né꞉ne Saní꞉io í꞉ken tánon iáh ónhka nakó꞉ren akénhake. Tánon nakonkweʼtashón꞉as kwáh iáh shé꞉kon nonhwén꞉ton tahonsahonwanatehá꞉te.

Zechariah 13:9

Tánon enhihiatheniénten ne ahsénhaton ne iatenhotáhtereh ó꞉ni kwáh enshekhehionhnahserón꞉ni tsi ní꞉ioht ne ó꞉tsire sahkaristahní꞉rahte ne karistará꞉ken. Kwáh enkhehiateniénten tsi ní꞉ioht tsi wahteniéntha ne ó꞉tsire ne owistahnó꞉ron. Ethò꞉ne hakónhake nón꞉we nenhonterén꞉naien, tánon tenkheriwahserá꞉kwahse. Entkhehró꞉ri tsi Í꞉i akonkweʼthashón꞉ʼa, ó꞉ni kwáh enhatiriwahní꞉rahte tsi Í꞉i raothiní꞉io.”

Numbers 5:3

Ratiʼkwékon ietsihiatínekenf kí꞉ken ne shiʼhiorihwakáion tehiaʼkohiatátshons, né káti ne tó꞉sa thaʼhatítsionhte tsi watenáthaʼien, tsi nónhwe ne skát꞉ke iakwaná꞉kere nakonhkwetashón꞉ʼas.”

Matthew 22:32

Ii Rao-Niio nʼAbraham, Isaak oni ne Jacob? Iah kati ȣahi teshako-Niio ne Niio niakoȣentaon, neh tanon Ronȣa-Niio nʼiakonnhe.

2 Corinthians 6:16

Thó: ónhte kenʼ tiónakte ne Rawenni꞉io raononhsatokenhtí꞉ke ne kaiaʼtonniʼshón꞉ʼa? Onnonhsatokénhti ne wáhi tsi tiónhnhe ó꞉ni otionhà꞉ke nón꞉we nihèn꞉teron ne ronhnheʼón꞉we Rawenni꞉io. Ne seʼ aorì꞉wa rá꞉ton: “Eniakwakwekonhatié꞉sheke Iʼi ne raotiní꞉io enkénhake tánon akwé꞉kon I꞉ʼí akonkwé꞉ta enkénhake.”

Deuteronomy 23:14

Shakwenienstónhak ne tsi satená꞉taien, tiorì꞉wa ne Roiá꞉ner saNí꞉io tsi senikwé꞉kon ne tsi satená꞉taien ne nahonthahiane tánon ahontáhion naʼteseniéntshera tsi nokwáh ne tetsatà꞉tsons. Tó꞉sa othé꞉nen ne shateriwaténtiat ne iáh tehiotkwé꞉niens né꞉ne akarihón꞉ni ne Roiá꞉ner ahiatswaʼténien.

Deuteronomy 23:15

“Tó꞉ka ne ratináskwas ensehshakotiʼniakénsehse ne ratihiaʼtakwehní꞉ios tánon í꞉se aieshahiatórenhne nahontásehne, tó꞉sa shasehiaʼtékwak.

Hebrews 11:16

Khèkhok, sénha kahnakerahserí꞉io tohnatonwenhtióniʼne, né karonhiakéka kanakeráhsera. Tánon káti ne Rawenni꞉io iáh tehathé꞉ens naʼhonwahnátonkwe Raothiʼní꞉io, tsoríwah tsi shakonahtonniénni.

Revelation 2:1

“Raonhà꞉ke ne raronhiakeró꞉non ne tsi ionterennaientáhkwa thóh nón꞉we Ephesus shiá꞉ton: Ne kí꞉ken ne raowenhnaó꞉kons ne raónha rahá꞉we ne tsá꞉ta nikatsistóhkwakes thóh saweiententáhkwen, raónha thóh nón꞉we natehatekhahákwa tsi natekóntere ne owistanó꞉rons wathasherotákwas:

Revelation 21:7

Tsi niiá꞉kon nenhiontesénhni eniehié꞉na kíʼ naorihoʼténsons, tánon í꞉ih ne raoti Ní꞉io enkénhake tánon ronón꞉ha keienhokónha enhón꞉ton.