Leviticus 26:11 - Ohiatonhseratokénti

¹¹ Kwáh skát꞉ke tsi entewenhterónhthake nakatosehratokentíke, tánon kwáh iáh nonhwénhton thakwatʼkaraténien.

Leviticus 26:11 ပူးပေါင်းရင်းမြစ်များ

Exodus 25:8

Nonhkweshón꞉ʼa kwáh ónenk tsi enhionkhónnien ne iotokénti atóhshera, ne káti nahónton skátke ahiakwenteʼrónthake.

Revelation 21:3

Tánon onkathón꞉teʼne iowenhnakaré꞉ni thóh nontá꞉we tsi tewanitskwarahtseró꞉te watón꞉nions, “Satkáto, ne tsi ronónshote ne Ní꞉io thóh skátne nonkweʼó꞉kons. Ne Raónha thóh enhenterón꞉take skátne ne ronón꞉ha tsi ne raó꞉ti Ní꞉io enkénhake; ne ronón꞉ha raón꞉ha raonkweʼtashón꞉as enkénhake, tánon kwáh ne Ní꞉io raonhatsí꞉wa tsi enhatikweʼkónhake;

Exodus 29:45

Skátke enhiakwahnákereke nonhkweshón꞉ʼas nʼIsraerʼró꞉nons, tánon kwáh Í꞉i ne raotiní꞉io enkénhake.

Ephesians 2:22

Tsi tehionkwateriwahshón꞉tere ne keristos í꞉se ó꞉ni skát꞉ke sewaʼtón꞉on naʼkorén꞉shon nénskat khók tsi nón꞉we iehiotón꞉ʼon ne ne tsi nón꞉we nihénteron ne Rahonikonriʼiosthóntshera ne Rawenni꞉io.

Psalms 106:40

Eʼthóhʼne ne raonakwáhtshera ne Roiá꞉ner né wahatʼtsenhanétakwe tsi nòkwah ne onhkweʼshón꞉ha, tánon waʼshakokénhron ne kwáh rahónha raʼhonkweʼtashón꞉has;

Psalms 76:2

Tsi ionón꞉te ne Zion ne Jerusalem nón꞉we nihénteron.

Leviticus 20:23

Tó꞉sa tehetʼtsihiateweʼiénhnak nonhkweshón꞉a né nónhwe; Kheʼhiatinekénhsere nètho ronhnonhkwetahétkens né kíʼ nahóntonh niaʼhisewatáwehiaʼte né tsionhontsáien. Wahonkatéhaʼte akwékon tsi nihatiweienhnó꞉tens ne karihwahétkens tsi nihontserá꞉nions.

1 Kings 8:27

“Ók askwé꞉ni ken, O Sewenní꞉io, né kwáh tsi ionhwenhtsáte nónhwe nasenákereke? Akwékon iáh tsiatekaiéri tsi níwah ne tsi karonhiáke nahisatsénawasʼthe, onhkáti naiawénhne kí꞉ken Ononsatokentiʼkówa ne wakenonhshí꞉sa ne iaʼtakaiérike tsi náhonske?

1 Kings 8:13

Káti ónenh wakenonsónhni ne Iononhsanerákwat Ononsatokentiʼkówa ne sarihwáke, né thóh nónhwe nasiterónhtake né꞉ne tsi nénhwe.”

Joshua 22:19

Ethosà꞉ne, tó꞉ka ne tsi tionhontsá꞉ien iáh tehió꞉wenk ne nón꞉we nahionterénhnaien, ken nòkwah nonhthásewe tsi rothonhontsá꞉ien ne Roiá꞉ner, ne tsi nón꞉we nihotaʼtóhserote. Sewathonhontsará꞉ko tsi nón꞉we nihiákwes. Ók tó꞉sa ki tsisewanowénhten ne Roiá꞉ner ók tó꞉sa ki thakwaʼnikonhráten ne nahitsón꞉ni ne ietsienharáhkwa tánon ne iahisewawénhtate shé꞉kon ó꞉ia ne ietsienharáhkwa ahitsón꞉ni ne Roiá꞉ner Onhkwaní꞉io rahorihwà꞉ke.

Lamentations 2:7

Ne Roiá꞉ner wahakénron neh rahówenk ientsenharákwa ó꞉ni ahéren wárehte ne Rahononsatoʼkentíke; Wahsakoríhon ne tehontátswens nahathirísi noshontasónhas. Wahthotihénrete natesenniétsera tsi nónwe nihiakwaterénnaienskwe ne sihionkwatʼtsennónni.

Jeremiah 14:21

Sehiárak tsi nisharahratsthánion tánon tó꞉sa tahkwahkénron; tó꞉sa shatéhat ne Jerusalem, thóh nónhwe nishaʼtenitskwarahtseró꞉te ne shaʼnitskwahrahtsherahtokénti. To꞉sa thétiak ne aterihwasheronniátshera né sáhson tsi nahtethewáhtereh.

Deuteronomy 32:19

“Nó꞉nen ne Roiá꞉ner sahatkátho kí꞉ken, wahoná꞉kwen tánon washakokénhron ne sakohiohokón꞉as rotiskenrakéhte ó꞉ni ne tsonaʼthonhwí꞉sens.

Zechariah 11:8

Watekhehiatherhiathítkon ne áhsen nihá꞉ti sakotinónhnhe ne kaʼtshé꞉nenh, ióntʼshions, tánon tsi nió꞉re ne sehwenhní꞉tha ratikwé꞉kon ahé꞉renh wahkhehiaʼtenhá꞉wite.

Psalms 78:59

Ne Rawenni꞉io kwáh waʼhoteʼnhakwawenhrát꞉tse nó꞉nen sahatkátho, kwáh kíʼ tóh kénʼen tsi waʼsakokénhron ne Israerʼró꞉nons.

Revelation 7:15

Asè꞉ken ne kíʼ aorì꞉wa thóh rón꞉nete ohén꞉ton tsi rotenitskwaratseróte ne Ní꞉io, tánon ronwashénh꞉naiens tsi niwenhní꞉seres ó꞉ni tsi niwashón꞉tes raonónskon raononsatokentikó꞉wahne, ó꞉ni tsi niká꞉ien né꞉tho renskwáhere nanitskwaráhne kwáh enteshá꞉kone.

Exodus 29:46

Tánon kwáh enhonateriéntarake tsi Í꞉i ne Watiá꞉ner Raotiní꞉io tsi nikáien ne tethesakohiatinekénʼen ne Egypt ne káti nahónton skátke ahiakwahnákereke. Í꞉i ne Watiá꞉ner Raotiní꞉io í꞉ken.

Leviticus 26:15

Tó꞉ka ensewaterahiáthaʼkwe nahiʼsewatewénhnaraʼkwe natianerénhseras ó꞉ni nakerihwatátʼtseras tánon tesewáhiake naʼterihwaseronhniátshera né wát꞉son skát꞉ke níse,

Leviticus 26:43

Nenhtewatsérenhte, ethosáne, nonhóntsa ónenk tsi éhren enhiakohiatenháwite nahonkwetashón꞉as, né nahiawerientí꞉io ne kwáh íken tsi ahonsonhtoríhsen, tánon ónenk tsi kwáh enkanánonhke tsi tenhsatirihwaseráko tsi nihotiníkon né tsi wahathikénron natianerénhseras tánon nakerihwatátʼtsheras.

Leviticus 26:44

Ók ethosáne, nó꞉nen shé꞉kon thóh ratinákere rahononhontsáke ne tehontátʼtsions, iáh kíʼ kwáh takhehiaʼtewénhtethe iáh ó꞉ni takhehiáthonhthe. Né nènhne ne ienwatsiástsi naʼkaterihwasehronhniátshera tsi nòkwah ne ronónha, tánon Í꞉i ne Watiá꞉ner Raotiní꞉io íken.

Joshua 22:31

Ne Phinehas, ne roiénha ne Eleazar né꞉ne ratsihénsthatsi, washakawénhase, “Ó꞉nen wahonkwaterienʼtharáne né꞉tho Roiá꞉ner tsi tewakwé꞉kon. Iáh thatetsishekwahnenrarihténhni, tánon káti wahitsinonhstháthe nonhkweshón꞉ʼas Nisraerʼró꞉nonhke tsi iáh thashakoré꞉waʼthe ne Roiá꞉ner.”

2 Samuel 7:7

Tsi nonwéʼsons nahtewakatahwénhrie tsi ratiterón꞉tons ratikwé꞉kon nonkweʼó꞉kons NʼIsreronónke, nonwénhton kén nahonkewenhninekénʼen raotihén꞉ton ne sakotihenténhses ne ón꞉kak tsi nihotitsiókwas ne Israerʼronónke, tsi ronónha khená꞉on ne nasakonahtenhnikonrá꞉ren nakonkweʼtashón꞉ahs NÍsraerʼronónke, nahón꞉ken, “Ónh nontiéren tsi iáh ní꞉se teskwanonshonniénhni ne onenhthaʼkwenhtétshera nahó꞉ten akénhake?”

1 Kings 6:13

Thóh skátʼke enhiakwenhterónhtake nakonhkwetashón꞉as kénʼen kíʼ Ononhsatokentiʼkówaʼne né sanonhshón꞉nihatie, tánon iáh ki nonhwénhton takehiatewénhtheʼte.”

Joel 2:27

Ní꞉se kwáh ensaterienʼtá꞉rane né꞉tho tsi kwáh satekanenhrí꞉hen nón꞉we níkes Nisraeró꞉nonke, tánon ne tsi Í꞉ih ne Watiá꞉ner í꞉ken, né꞉ne Saní꞉io í꞉ken tánon iáh ónhka nakó꞉ren akénhake. Tánon nakonkweʼtashón꞉as kwáh iáh shé꞉kon nonhwén꞉ton tahonsahonwanatehá꞉te.