Leviticus 24:4 - Ohiatonhseratokénti

⁴ Aaron rahónha enhatenhnikonhráren ne kahá꞉seras ne iehaserotháʼkwahke ióhaʼre né꞉ne kwáh ahóskon owistanó꞉ron íken tánon ónenk tsi enhatenhnikonhráren nahiorihwatokénhake tsi ahiotétkhaʼke tsi nónhwe nihénteron ne Roiá꞉ner.

Leviticus 24:4 ပူးပေါင်းရင်းမြစ်များ

1 Kings 7:49

né waʼthasehraʼnihionthákwah nohénton í꞉kathe tsi nónhwe ne kwáh iotokénti í꞉ken, wísk níkons nenhtiéne nòkwahti tánon wísk níkons nothoréke nòkwahti íken; notsítsas, kahá꞉sehras, tánon ne tewaswenhtoraráktha;

1 Chronicles 28:15

né skahaserátʼtsons tánon ne watʼthaseranihionthákwas,

2 Chronicles 29:7

Waʼhatinotónhnion tsi kanonhkarónhtons Nononsatokentiʼkówaʼne, waʼhonswaʼthánions, tánon waʼhotirihwanóron nahonahtsahátonhke ne kaneranóron khés né꞉ne iahotithátonhke ne waʼtéskonhte ne Raononsatokentiʼkówaʼne ne Raní꞉io Nisraeʼró꞉nonhke.

Exodus 31:8

natekhwára tánon tsi nihiowenhténions, ne watʼthaserohʼharáhkwah ne nahóskon owistanóron tánon tsi niwatsthasónhas, ne ietsienharáhkwah ne hiontsienkwahronhniátha,

Exodus 39:37

né wathaseraʼnihiontákwa nowistanoronhtseróks꞉kon íken, nahohaserasónhas, akwékon tsi niwatsthasónhas, tánon ne kènhie watʼthaserohtákwa;

Jeremiah 52:19

Kwáh akwékon iahatíhaʼwe tsi nahó꞉ten ne owistanórons tó꞉ka ó꞉ni kawistaráhkens ionhniátons: ne nikatʼsáhsas, ne ónhtak ne꞉ne rónhstha nahatiʼkahréhni ne ioswenhthaʼtaríhen, ne katʼtseshón꞉ʼas tsi nihónstha nónenh enhontenhekwenhsahráhko tsi nenhkonhwahtsatátʼtsahaʼte ne katshénenh, ne onhtat ne wahteráhkwah ne wahkenronhtákwenh, ne watʼthaseroharáhkwahs, nahkerahshón꞉as ne rontienkwahronhniatákwah, tánon nahkérah ne ronhstáhkwah nahatinekírahte notsítsa nahatihiátarah.

Leviticus 24:3

Iatehiokaraʼtsheráke ne Aaron enhahaserótʼthaʼke tánon ahiorihwatokénhake tsi enhiotékhaʼke tsi nióre ienhhiórenhne, thóh tsi nónhwe nihéntehron ne Roiá꞉ner násthe nòkwah tsi ioharénhton ne nahohénton ne aterihwasehronhniátshera oneró꞉kwa, tsi nónhwe nikáien ne kwáh íken iotokénti. Kí꞉kén kaianerénhsera né꞉ne tsi nénhwe tsi enhierihwatokenhtístake.

Numbers 3:31

Né nènhne ronaterihwaʼiénhniʼne Nahonterihwatsʼtériste Naterihwaʼseronhniátshera Onerókwah, natekwáhra, ne waʼthasehroʼharáhkwa, ne ieʼtsienharákwas, tsi nihonsthaʼsónhas ne ratiʼtsihénstaʼtsis ne tsi Iotokénti Nónhwe, tánon ne ioniatarénhton ne tsi iehionhtawehiatáhkwa ne tsi nónhwe ne Kwáh Tiotoʼkénti íken. Ronhnónha akwékon ronaterihwaiénhniʼne nahonterihwatsʼtériste tsi niwatsʼthánions kí꞉kens.

Numbers 4:9

Ónenk tsi orónhia niwasohkóten oniataráha enhatiʼróroksʼte ne waʼthasehraniʼionhtákwah, tá꞉non nahoʼhasehrasónhas, tánon ne teietsiroʼraráksʼtha, né wathaʼkenhronʼtáhkwen, tánon akwékon ne iakeniewátha kènhies waterákwas.

Numbers 8:2

“Tsró꞉ri ne Aaron ne nó꞉nen enhahaseranihiontónhnion ne waʼthaseroharákwahke, thóh ní꞉ioht tsi ahakwahtáko ne kaháseras né ohénton nónhwe iatahióiake.”

Hebrews 9:2

Wahtoseróhtakwe, ne tiotierentákwen, né konwahnatónkwahkwe Iohtokénti íken. Thóh kahiéntakwe ne waʼthaseroharáhkwah tánon thóh wahthekwahráhtserothe kanataráhere ne kanataranóron Rawenni꞉io rahorihwáhke.

Revelation 1:20

Ók tsi nihioteriwashé꞉ton ne tsá꞉ta nikatsistóhkwake né꞉tho wasatkáto ne skeweientetáhkwen, tánon ne tsá꞉ta ní꞉kons owistanó꞉rons wathaseranihiontháhkwas: ne tsá꞉ta nikatsistóhkwakes ne ne aotironhiakeró꞉nons í꞉ken ne tsá꞉ta nikanónsakes ionterenhnaientáhkwas, tánon ne tsá꞉ta ní꞉kons wathaseranihiontáhkwas né꞉ne tsá꞉ta nikanónhsakes ionterenhnaientáhkwas.

Revelation 11:4

Ne kí꞉ken ne tekarón꞉takes iakeniewá꞉tha tánon ne tékeni wathaseroharákwahs ne né꞉tho kanió꞉te raohénton ne Roiá꞉ner tsi ionwenhtsá꞉te.

Revelation 2:5

Sashehiá꞉ra káti tsi nahó꞉ten ní꞉se tisahiathénton; sashatatré꞉wat, tánon ne shasateriwathénʼtsiat ne kahioʼténhsera tsi nisahió꞉tekwe ne tiotierénhton. Tó꞉ka iáh, kwáh Í꞉i í꞉seke niénheske tánon é꞉ren ensetkhá꞉wite ne sáwenk wathaseranihiontháhkwa tsi nón꞉we niká꞉ien, nok khók tó꞉ka ken enseshatatré꞉wate.