Leviticus 23:3 - Ohiatonhseratokénti

³ Iá-iak nónhta senhniseráien nahisahióten ne shahioténhsera, ók sehiá꞉rak nètho tsatákhaton niwenhniserakéhaton, ne Iawenhthatokénton, né nahonthashaʼterakáren. Nètho wenhniseráte tó꞉sa enshahióten, ók né sewatiataróhrok nahisewaterénhnaien. Ne Iawenhthatokentíke Roiá꞉ner nènhne rawenhnísera, iáh tewatsterístha kanónhwe nashenákereke.

Leviticus 23:3 ပူးပေါင်းရင်းမြစ်များ

Exodus 16:23

Tánon waʼsakawénhase, “Ne Roiá꞉ner rotró꞉ri nenhiórenhne tsi iawenhtatoʼkènti né nahiontoʼríhsen, rahónʼa ronwaʼhiathatoʼkentíston. Ónhwa sewatenahtarón꞉ten tsi nahó꞉ten tesewathonwenhtsóni nahisewatenahtarónhten ó꞉ni tesewanenónhtsiet tsi nahó꞉ten tesewaʼthonwenhtsóni ne tahisewanekonhtiéte. Tsi nahó꞉ten nenhiotátere ahó꞉wenk nákte nakaiénthake tánon nahontewehiénthonhake nenhiórenhne aoriwàke.”

Exodus 16:29

Sewehiá꞉rak tsi Í꞉i, ne Watiá꞉ner, tkwáwi nawenhnísera nahisewathoʼrísen, tánon ne káti aoríwa ne iaʼiákʼkhaton niwenhniserakéhaton kwáh tiókonhte tsi iatekaiéri tsi níkonh èntʼtshion ne ká꞉khwa niaʼtahisewaié꞉riʼse ne tewenhniseràke nikaríwes. Kwáh niatehionkwétake tsi thoʼnónhwe nihatiʼterónhtak tsi nónhwe nenhonʼnésehke ne tsaʼtákʼkhaton niwenhniserakéhaton tánon tó꞉sa ètren írek ne rahoʼnónhskon.”

Exodus 16:30

Káti nonhkweshón꞉ʼa iáh othènnenh tehoʼtiʼhiótenʼen ne tsaʼtákʼkhaton niwenhniserakéhaton.

Exodus 23:12

“Iáh꞉iak nónta sahióten ne tsahiá꞉sehra, ók tó꞉sa enshaʼhióten ne tsatákhaton nónhta, né káti nahónton ne sahnhatserahó꞉kons ó꞉ni ne tihononhontsátes né ieshaʼhiótenhse tánon iekaníhare ne satʼtshenenhókons nahonthorísen.

Exodus 34:21

“Iáh꞉iak nónhta sáien nahisahióten ne sahioténsera, ók tó꞉sa kíʼ sahióten ne tsatákhaton niwenhniserakéhaton, iáh ó꞉ni tsi niʼietarahkaráthos nikaháwi khés niʼieientóhkwas.

Isaiah 56:2

Iakotáskats ná꞉ha nónkwé né nenhiehieʼre kí꞉ken, né꞉ne tsi nikáien rotsenawáston, né꞉ne ronónste nawenhtatokentíke, iáh tehahetkéntha, tánon thotátonhne né naháiere ne karihwahét꞉ken.

Isaiah 56:6

Tánon ne thiʼononhontsátes né ronhwatsatará꞉ni ne Roiá꞉ner, né nahonwahióthense, naienó꞉ronhkwe ne raosénhna Roiá꞉ner, tánon rahónha ne raonhá꞉tsheras enkénhake, ratiʼkwé꞉kon ne ronhthenhnorónstha naʼwenhtatokentíke, tánon iáh tehatihetkéntha, tánon iorihwató꞉ken tsi ronatienawáston naʼkateriwasehronniátshera—

Isaiah 58:13

Tó꞉ka ensátkaʼwe tó꞉sa asehrihwátonʼte nawenhtatokentíke, tsi nihsatiéra ne iateshiá꞉ti ahiʼsahianerásthen naʼkenhniseratokentíke; tó꞉ka né ensehnátonʼkwe ne iawenhtaʼtokentíke iatetsokétoʼte atonhnarhátshera í꞉ken tánon né꞉ne rawenhniseratokentítshera ne Roiá꞉ner iotkwenienskó꞉wa íken; tó꞉ka ensenhniseranóronsʼte, iáh né tashaʼterihwaténtiaʼte né í꞉se sarihwashón꞉has, né ashaʼterihwaténtiaʼte ne iateshiá꞉ti ahiʼsahianerásthen, khés né꞉ne ashaʼterihwaténtsiaʼte ne iateshiá꞉ti sarihwashón꞉has;

Leviticus 19:3

Tsi sewahiatátʼtions ónenk tsi enhietʼtsikweniénsthake ne ietsinisténhas ó꞉ni ne ietsinihó꞉kons, tánon ensewenhtanorónsthaʼke ne iawenhthatokentíke, tsi kíʼ niwakerihwíson. Í꞉i ne Watiá꞉ner Sewaní꞉io íken.

Luke 13:14

Kenh kaien ne ratsihenstakȣeniio neh nonȣe niionterennaientakȣa oia nontahotierase tsi aȣentatokentike sahatetsiente ne Iesos, tahatati kati ȣahenron; Iaiak ȣahi nonta iotoriȣison naiakoioten; ethononȣe kati aonteseȣe naonsaietsitsiente nok tosa nʼaȣentatokentike.

Luke 23:56

Nok sakontenti, oni ȣakontikȣatako ȣenhienakonhonsson; kenȣentatie ȣakontorissen naȣentatokentike, tsiniiot tsi iotsiate ne kaianerensera.

Acts 15:21

Asèken ne Mahís raoianerénsera wahónnise shiʼiotewennanóte nononsatokentíke kwáh niaʼtewéntake nawentathokentíke, tánon ne raowennaókons kwáh tsi niaʼtekanátake tsi wateriwanóte.”

Revelation 1:10

Í꞉i akatonhnatserá꞉kon kénhne thóh rawenhniserá꞉kon ne Roiá꞉ner, tánon onkatón꞉teʼne thók shón꞉ne ne ne iowenhnakaré꞉ni kwáh ne ne iehonrawátstha