Leviticus 23:2 - Ohiatonhseratokénti

² ne tehioteriwaʼsonhterónhnions kaianerénhseras né꞉ne tsi nihiekhwahéra ne wenhtanó꞉rons, nónen nonhkweshón꞉as Nisraerrononhke enhontsiatharóhroʼke nahonterénhnaien.

Leviticus 23:2 ပူးပေါင်းရင်းမြစ်များ

2 Kings 10:20

Éhthohʼne ó꞉nen ne Jehu wahathénʼnaʼne, “Wenhniserarahkwénhak nahonwasénhnaien ó꞉ni nahonwakwéniensʼte ne Baal!” Né kaianerénsera tsi onthé꞉sa,

1 Chronicles 23:31

tánon nó꞉nen né thonwawíhon ne Roiá꞉ner nahontsahathá꞉nionhke nawenhtatokentíkes, Noráhkwahse tsi natehiontenonweráhtons, tánon noiásons nahoténsons né tehiontenonwerahtónkwas. Kaianerenhseríhson watróris tsi niháti ne Leviró꞉nons ronhwatiríhonte nahotiʼióten kí꞉ken kahioténhsera nó꞉nen ienkáheʼwe. Né Leviró꞉nons né ronhwatiríhonte ne tahatirihwásniehne né tiotkonhónwe tsi ahonwasenhnaiénsehke ne Roiá꞉ner.

2 Chronicles 2:3

Né Solomon iahoterihwaniétaʼse ne Ronnontí꞉io Hiram né Tyre nón꞉we: “Tsi naʼtetsaterihwashontérahkwe ne Táwit rakenikén꞉en tetiateniethénhni nonenhtakwetétseras karontasónhas nahatenonshónhni ne kanonhtiʼiótshera kanón꞉sa.

2 Chronicles 30:5

ká꞉ti ratikwé꞉kon wahonwatihónhkaron Nisraeʼró꞉nons, thóh tonhtáshawenh ne Dan né Nothoré꞉ke nòkwahti ne Beersheba né nenhtiéne nòkwahti, skát꞉ke tsi ahontahón꞉hne né Jerusalem nón꞉we tánon ahontenikonhró꞉ri ne é꞉neken watohetstáhkwa né entioianénhawe ne nikaianerenhseróten, iáh nonwénhton thóh teiakotsiókwasʼkwe.

Ezra 3:5

tánon ne iehiowénhte tahatí꞉ieste ne tsi nihiorenhnáhon tsi ronhteskónhtha ne kahiathakwé꞉kon tánon tsi niká꞉ien nahontahatí꞉iesthe ne orahkwáhse aorìhwake tsi akakhwárake tánon norihwakwé꞉kon noiáhsons nikarihoʼténhsons tsi nihiorenhnáhon nahontsataró꞉rohke tsi nenhonwashén꞉naien ne Roiá꞉ner, tánon nakwé꞉kon tsi nikhaiesthánion tsi nithonwá꞉wi ne Roiá꞉ner tsi ehʼnihiakonhnikonhró꞉tenskwe.

Psalms 81:3

Sewaʼhonráwat nó꞉nen enskarakwáraʼne, nó꞉nen ieiorakwaieríhon, né tsi nitewaʼtenikonhró꞉ris.

Exodus 32:5

Ethòne ne Aaron waʼrónhni ne ietsienharáhkwah aohénton ne owistanó꞉ronh tionónskwahron rátsinn owíra tánon waharihówanahthe, “Nenhiórenhne kwáh enkakʼkhwárake nahonwakwéʼniensthe ne Roiá꞉ner.”

Isaiah 33:20

Iasatkátho ne Zion, né꞉ne kanatowanénhke ne ionkwará꞉kwen nón꞉we nahitewaʼkhwaheráke! Né skaʼràke kwáh kí enwatkátho ne Jerusalem, né꞉ne sakʼthíken tsi ienákere, né꞉ne iáh tehiontohserotákwas, nahoʼwasʼtesónhas kwáh iáh nonwénhton tahiótsionke, tánon kwáh iáh nahoseriʼiesónhas thaʼtahontsáke.

Lamentations 1:4

Iáh ó꞉nen ónka tatetionterennaiénnes nononsatokentíke nawentatokentíkes Ne nitiotihiónsas ne thóhnon natekontiriwáhkwakwe konwatiʼiatinekénhen, tánon ne rathitsihénstatsis kwáh nèn꞉ne thotinikonrén꞉en. Tsi iotenhenrentónnions ne kanátakons kwáh tsatehiotenonhóntions, tánon ne Zion kwáh íken tsi ioronʼiáken.

Ezekiel 44:24

Nónen ne kahianerénsehra tahieriwahtirónhten, né rothikháres ronónha tenhatihiató꞉rete enhatísehre natianerénsehras. Enhatinónhsthá꞉te ne kariwiʼiosthóntshera tsi naʼtehionthenonhwerátons enhiósehre tsi niwakerihótens ó꞉ni natianerénsehras, tánon ónenk tsi enhatinónhsthaʼte ne iawenhthatokéntis tsi iotokénti.

Hosea 2:11

Kwáh entsá꞉ke tsi tiatehiorihwará꞉hon, tsi nikatkwáhera, nó꞉nen orákwahse í꞉ken, tánon nahowenhtatokénhtis, tánon akwé꞉kon tsi nihiorákwen tsi nenhkatkwáhren.

Joel 1:14

Sewaʼrihó꞉wanat naʼwenhtónhtiete, ietsihiaʼtaró꞉rok nonkweshón꞉as ne naiotokentí꞉ke raohénton ne Ní꞉io. Ietsihiaʼtaró꞉rok ne thotí꞉ions tánon ratikwé꞉kon ne tsi ionhontsá꞉ien ratiná꞉kere thóh athenhenrá꞉kon ne raononsatokentikó꞉wane ne Sewaní꞉io, tánon iaʼtesewasénhtho rahonhà꞉ke ne Roiá꞉ner.

Joel 2:15

Sewathá꞉tist ne iehonrawátstha ne Zion nón꞉we; sewarihowánat tsi ensewenhtóntiete! Iahitsinontʼset nonkweshón꞉a ne naierihwatokentíste raohénton ne Ní꞉io!

Leviticus 23:1

Ne Roiá꞉ner taháwen ne Mahís

Leviticus 23:21

Né thóh enwenhniseráteke tó꞉sa othènen saterihwaténtsiat tsi niʼsahiotenhseró꞉ten ne niaʼtewenhniseráke, ók sewatsiataróhrok nahisewaterénhnaien. Tsi niensewatwatsírine thóh kí꞉ken nienkaianerenhseroténhake né꞉ne tsi nénhwe enkénhake, iáh tewasterístha kaʼnónhwe nahathinákereʼke.

Leviticus 23:37

Ne kí꞉ken ne karihwiʼióston tehiontenonhwerathóntha né tsi atsisewakwéʼniensthe ne Roiá꞉ner tsi skát꞉ke ensewáton nahisewaterénhnaien tánon ká꞉khwa aorihwáke tsi iensewát꞉kaʼwe, tánon ne watéskonhte, nonátsia aorihwáke, karihwihiosehokónhas, tánon ne onenharatasehontserákeri aorihwáke, tsi natenwathonhóntsioʼwe ne niaʼtewenhniseráke.

Leviticus 23:4

Sewénest ne kén hiotsétons ne tahionhtenonhweráton tsi nienkáhewe.

Leviticus 23:44

Thóh káti kíʼ ní꞉ioht ne Mahís tsi thaʼshakáwen nonhkweshón꞉as Nisraerʼró꞉nonhke ne kaianerénhseras tsi ahatiʼkweniénsthake ne karihwiʼiostónhtsheras tehiontenonhweraʼthóntha ne nahonwakwéʼniensʼthe ne Roiá꞉ner.

Nahum 1:15

Satkátho! Thóh tsi ionnontáhronhnions ne ne ratsitákes tsi niká꞉ien ne raónha thá꞉has ne karí꞉wiios, raónha ratró꞉ris ne skén꞉nen í꞉ken! Sateʼnikonhró꞉ri tsi nisakhwáhere, O Judah, iatesót꞉ten tsi nisararátston, asè꞉ken iáh shé꞉kon ne kwáh rotiriwanéren nahonsaiesanénhrenhte; ne ronónha kwáh ne í꞉ken tsi ronwatiiátʼse.

Numbers 10:10

Káti ó꞉ni tsi nisehwatonhʼnahéra ne iotkàte—né꞉ne orá꞉kwaʼse tsi nisewakhwahérha tánon noiásons íken ne karihwiʼióhston aorihwáke tsi sewakhwahéras—ónenk kíʼ tsi ensewatátiste ne kahonrawatskówa nó꞉nen né ensewaterihwaténtiaʼte nahisewateskónhten aorihwàke tánon ne skaʼríhwa aorihwáke íken. Ethòne kíʼ enkwasniénon. Í꞉i né Watiá꞉ner Sewaní꞉io í꞉ken.”

Numbers 29:39

Né kí꞉ken tsi nikaianerenhseró꞉tens tsi ní꞉ioht nahionteskónhten, nonátsias aorihwáke, nonenharatasehontserákeri aorihwáke, tánon ne skaríhwa aorihwáke íken thóh nenhsewáiere rahohénton ne Roiá꞉ner tsi nisewenhnisehraʼráhkwen tsi nisewatenikonhró꞉ris. Né kí꞉ken ne iehiowenhté꞉nions tsi entisehwá꞉iestʼte nienhsewát꞉kawe nakanánonhke tsi nisewararátston khès né kwáh ètho nisehwanikonhró꞉ten tsi tisehwaiéstʼton.

John 5:1

ETHONE are onen ionsakaeȣe tsini honentanoronse ne Sitaeronon Jerusalem niiahare ne Iesos.

Colossians 2:1

Tóh kwaró꞉ri tsi nío꞉re tsi wakatatre꞉ne tsi nikwahʼiòtense ó꞉ni ne Laodicea nón꞉we tatinákere ó꞉ni ne ronatiakhéson ne iáh tehiontienté꞉ri.

Colossians 2:16

Kwáh káti tóhsa ónhka iesaianerenserónhnien nahóten asekʼséke tóhka ó꞉ni nahóten asnekirá꞉ke tóhka ó꞉ni ne iawentatokentíhsons tóhka ó꞉ni tsi natehontenonwérons nó꞉nen tsiorahkwará꞉on nasonhthenhné꞉kha tóhka ó꞉ni nawentatokentí꞉ke.