Leviticus 22:2 - Ohiatonhseratokénti

² nahoró꞉ri ne Aaron ó꞉ni ne sakohiohokónhas, “Iáh tehiówenk nahonthásaʼwe naksénhnakon ne ioterihwatéhat, káti teserihwásniek né꞉ne kakweniensthátshera ne iotokénti iewatkáwen nètho nonhkweshón꞉as Nisraerʼró꞉nonke iakorihwatokénston nakerihwáke. Í꞉i ne Watiá꞉ner.

Leviticus 22:2 ပူးပေါင်းရင်းမြစ်များ

Ezra 8:28

Wakheró꞉ri, “Sewahiathatokéntis tsi nokwáh ne Roiá꞉ner, ne Shakoní꞉io ne ietsisoʼthonkonhkén꞉en, tánon ó꞉ni akwé꞉kon ne kawistará꞉kens ó꞉ni ne kawistanó꞉rons tsi nihionsthashón꞉as iahisewatʼkaʼwe rahonhà꞉ke tsi kwáh thóh nisewanikonhró꞉ten.

Exodus 13:12

ónenk tsi entsítion ne Roiá꞉ner nenthontiérenthe enhonnahkeráhthe ne rotsiʼskenrahkète. Rahtiʼkwékon nenthontiérenthe nenhonʼnáhkerathe ne rahtítsinn kaʼtshénens Roiá꞉ner nènhʼne rahoʼtshenenhókonhs,

Exodus 28:38

Aaron rahkenkwahráke nónhwe nénhratsthe, ne káti Ní꞉i ne Watiá꞉ner, entiéna akwékon tsi niʼhionkawíhon ne lsraerʼró꞉nons tsi hiontiaʼthakweniʼióston, iekaníhare tó꞉ka nonhkweshón꞉ʼa énska tahonterientawénrie tsi nenhatíʼtate.

Isaiah 52:11

Éhrenh sásewet éhrenh sásewet, sasewahiáken né nón꞉we! Tó꞉sa tánon othénen iasewaiéna ne iáh tehiotkwéniens akénhake; sasewahiáken nahotiʼnenhríhen, sasewaʼtonhnakanónhni, í꞉se ne sewaháwis ne raóʼtshe ne Roiá꞉ner.

Ezekiel 44:8

Iáh tehonahtienahwáston ne kariwatokénston kariwihiosehokónhas nakenonsatokentiʼkówahne, ók khèʼkok né꞉ne thihononhontsátes wahonwahthirihónten.

Leviticus 15:31

Ne Roiá꞉ner wahoró꞉ri ne Mahís nashakoronhkáten nonhkweshónhas Nisraerʼró꞉nonhke tsi nòkwah tsi iáh tehonatʼkwéniens, ne káti ne tó꞉sa tahatítsionsʼte tsi nónhwe nihenténhron, né꞉ne kwáh asénhnonh nónhwe tsi ronatenáthaien. Tó꞉ka tohnenhatí꞉iere, kwáh kíʼ enhonwatinonhwariákon.

Leviticus 18:21

Tó꞉sa ienseiát꞉kaʼwe ne seʼienhokónhas nahonwánatsʼte tsi akonhwasénhnaien ne Molech ní꞉io, tsioríhwa tsi ne entkáhaʼwe nahonwasenhnák꞉saʼte ne Rawenni꞉io, ne Roiá꞉ner.

Leviticus 19:12

Tó꞉sa othènen shaʼráratst ne Í꞉i aksénhnakon tó꞉ka iáh éhtho thesanikonhró꞉ten naserihwaiérihte; né ní꞉ioht ne tkáhas natehénsera naksénhnakon. Í꞉i ne Watiá꞉ner Sewaní꞉io íken.

Leviticus 20:3

Tó꞉ka ónhka tsi nítsion iaietʼtsihiátkaʼwe kakʼnikáien ne ietsiʼienhokónhas ahonháke ne Molech tánon enhiónhni ne takenhtiónste nakatóhsera tánon enwatéhate natsenhnatokénti, kwáh kíʼ enkwatónhten tánon iáh shé꞉kon ne tahonsehsewatenathónkwen Í꞉i akonhkwéta íken.

Leviticus 21:6

Ónenk tsi enhohiathatokenhtíhake tánon iáh tehiówenk nahatsenhnátsaʼte. Ne Ká꞉khwa rakthátis, tánon káti ónenk tsi enhohiatatokenhtíke.

Leviticus 22:1

Ne Roiá꞉ner wahorihónten ne Mahís

Leviticus 22:32

Tó꞉sa tasewáhaf natehénsera natsenhnatokenhtíke; onhkwetaʼkwékon Nisraerʼró꞉nonhke ónenk tsi enhionhkeriwaníratʼtse tsi watiatatokénti. Í꞉i ne Watiá꞉ner tánon Í꞉i konhionhniénhnis naisahiatatokénhtike;

Numbers 18:32

Iáh kíʼ thahishá꞉nike nónen énhsehke, tsi kíʼ nióre né꞉ne iesatʼkáwen ne kwáh tsioiáneres rahohénton ne Roiá꞉ner. Ók orihwí꞉io sónhni tsi iáh thasétkente ne iotokéntis rahonatatawítsheras NʼIsraerʼró꞉nons tsi ásheʼke nahoténsons ne kwáh tsioiáneres nohénton nahontkáwenhke; tó꞉ka thóh nénhshiere, kwáh kíʼ enhiesanonhwariákon.”

Deuteronomy 15:19

“Ákte natsiénhas ne Roiá꞉ner saʼNí꞉io ratikwékon nentewatié꞉renhte enhonnakerà꞉te ne satshenenhó꞉kons tionhnónskwarons ó꞉ni ne teiotinakarontón꞉a; tó꞉sa sehió꞉tents kí꞉ken tionónhskwarons tánon tó꞉sa ó꞉ni ne skahiáta asehnónhkaron kí꞉ken teiotinakarontón꞉a owí꞉ra.