Leviticus 22:16 - Ohiatonhseratokénti

¹⁶ nashakoríhon ne iáh othènen tehiakoríhwaien né thènen áhieke; né kí꞉ken enhiakonhítsheron tánon enhiakoréwaʼte nètho nonhkweshón꞉ʼas. Í꞉i ne Watiá꞉ner tánon Í꞉i kónhnis nahiotokenhtíne ne iewatkáwens.”

Leviticus 22:16 ပူးပေါင်းရင်းမြစ်များ

Psalms 38:4

Asèken nakerihwaneraháktsera iohtón꞉iohte sénha tiót꞉the tsi nitewakenonhtsistó꞉hare; né꞉ne iohrieniáhste só꞉tsi hiókste né tahiékwe.

Exodus 28:38

Aaron rahkenkwahráke nónhwe nénhratsthe, ne káti Ní꞉i ne Watiá꞉ner, entiéna akwékon tsi niʼhionkawíhon ne lsraerʼró꞉nons tsi hiontiaʼthakweniʼióston, iekaníhare tó꞉ka nonhkweshón꞉ʼa énska tahonterientawénrie tsi nenhatíʼtate.

Leviticus 10:17

“Onhnihiotséren tsi iáh thóh nónhwe thaʼtesewatskáhons tsi nónhwe nihiotokénti íken ne karihwáneren aorihwáke tsi iewatkáwen? Kwáh íken tsi iotokénti íken, tánon ne Roiá꞉ner í꞉se theʼtsisewáwi né nahón꞉ton né꞉ren ahonsakahawíthonhke naʼkorihwanerahaʼkʼtsheras ne ienákere kanakeraserákon.

Leviticus 20:8

Sewatewénhnarak naʼtianerénhseras, tsioríhwa tsi Í꞉i ne Watiá꞉ner tánon kwahiathatokentíston.”

Leviticus 21:15

Asèken, ne sakohiohokónhas, ahiowenhkénʼen ahotiʼhiathatokenhtíken, kwáh kíʼ tenhotihiathátsionhke. Í꞉i ne Watiá꞉ner tánon Í꞉i ákte nihiteron nahatsihenstowanénhake.”

Leviticus 21:23

ók ne tsioríhwa tsi iáh tiehahiataiéri, iáh kíʼ tehiówenk nát꞉tha árete tsi ioniatharénhton ne iotokénti khés ne tsi ietsienhará꞉kwah. Iáh tehiówenk ne tahéntsionste kí꞉ken orihwatokéntis, tsioríhwa tsi Í꞉i ne Watiá꞉ner tánon Í꞉i kónhnis nahiothitokenhtíke.”

Leviticus 21:8

Nonhkweshón꞉as ónenk tsi thóh ní꞉ioht tsi enhonwananonhthónhnionʼse ne ratitsihénstatsis tsi rotihiathatokénti íken, tsioríhwa tsi rahónha rakʼthátis ne ká꞉khwa. Í꞉i ne Watiá꞉ner; Watiathatokénti tánon Í꞉i kheʼhionhniénhnis naʼkonhkwetaʼshón꞉as nahononhkwetathokenhtíke.

Leviticus 22:17

Ne Roiá꞉ner wahorihónten ne Mahís

Leviticus 22:9

“Ratikwékon ne ratitsihénstatsis tsi enhontewénhnarakwe kí꞉ken kaianerénseras iewakatkáwen. Ne kíʼ, enkarihónhni enhotínike tánon enhonnhíheie, tsioríhwa iáh tehonatewenhnarákwen ne iotokénti kaianerénhseras. Í꞉i ne Watiá꞉ner tánon Í꞉i khehionhniénʼnis nahotiʼtokenhtíke.

Leviticus 7:18

Tó꞉ka thènnen aiewárahke nasénhaton niwenhniserakéhaton, ne Rawenni꞉io iáh thahaiéna ne iesatkáwen. Ne iewatkáwen iáh í꞉se thaʼisathasé꞉thase ók né kíʼ enwatenáthonkwe iáh tehiotkwéniens, tánon ónhka kíʼiok enhiéke kwáh enhieronhiake tsi nieniawenhne.

Numbers 18:1

Ne Roiá꞉ner wahawénhase ne Aaron, “Í꞉se, tánon ne sehiohʼokónhas, tánon ne Levites ónenk tsi ensewaronhiáken tsi nienhiáwenhne tó꞉ka ne thènen kaʼníkon tekeníneren tsi sewahióte natohsehrákon tsi nónhwe nikíteron; ók í꞉se kík tánon ne sehiohʼokónhas ensewaronhiáken tsi nienhiáwenhne tsi sewahióte tsi sewatsihénstatsis íken.

Numbers 18:32

Iáh kíʼ thahishá꞉nike nónen énhsehke, tsi kíʼ nióre né꞉ne iesatʼkáwen ne kwáh tsioiáneres rahohénton ne Roiá꞉ner. Ók orihwí꞉io sónhni tsi iáh thasétkente ne iotokéntis rahonatatawítsheras NʼIsraerʼró꞉nons tsi ásheʼke nahoténsons ne kwáh tsioiáneres nohénton nahontkáwenhke; tó꞉ka thóh nénhshiere, kwáh kíʼ enhiesanonhwariákon.”

Matthew 23:17

Teseȣanonȣaraȣenrie oni teseȣaronȣekon! Kah nah nikaien senha kanoron: oȣistanoron, ok ne neh Ononsatokenti ne se ȣahi ionoronstakȣen noȣistanoron?

1 Tiér 2:24

Rahonhatsíwa ne Kerístos rotketáthon nonkwariwanerahákʼtseras tsi tetkaiásonte, neh nahónton naitewenhéiate ne kariwáneren tánon neh nónwe naisetiónnheke ne tkariwaiéri. Neh tsi nihotʼkarewatánion neh tsiʼsatiénton.