Leviticus 20:2 - Ohiatonhseratokénti

² nashakawénhaʼse nonhkweshón꞉as Nisraerʼró꞉nonhke, “Ónhka tsi nítsion akénhake tó꞉ka ó꞉ni ne tihononhontsátes ne skát꞉ke sewaná꞉kere ne niahonwanát꞉kaʼwe ratitsahokónhas nahonwánatsʼte nakonhwasénhnaien ne ní꞉io Molech tsi kwáh kanenhrakwékon enhonwanenhióiaʼke tsi nióre ienhrénheʼie.

Leviticus 20:2 ပူးပေါင်းရင်းမြစ်များ

1 Kings 11:7

Né tsi ionónh꞉te nàkonh nòkwahti ne Jerusalem thóh nónhwe nahathenathónhni naʼkonhwasenhnaienthákwahke ne Chemosh, né ahotehénhsera íken ne Moab, tánon thóh nónhwe nenhkonhwaʼsenhnaienʼthákwahke ne Molech, né꞉ne ahotehénsehra íken ne Ammon.

2 Kings 17:17

Kwáh ó꞉ni wahonwanateskónten ne rahotinekenhteronhtserasónhas ó꞉ni ne rahotiʼiatasetserasónhas tsi né tahatí꞉ieste, tánon ne wáhonste ne tahóntkonste tánon natenhenʼnaráhtseras, tanon wahontatenhninónhnion né꞉ne karihwahekénsera tsi nahóntsere rahohénton ne Roiá꞉ner, né nahonwanakónhni.

2 Kings 23:10

Né Ronnontí꞉io Josiah kwáh ó꞉ni wathéntionste ne Topheth, né꞉ne tsi ratisén꞉naienskwe ne kaiatónhni né Hinnom ahonrákwahkon nón꞉we, né ká꞉ti ne tó꞉sa ahónton ne roiénha khés ne sakoiénha ahonwanateskóntʼthaʼse ne raní꞉io Molech.

2 Chronicles 28:3

wahatsahathánion ne kanetanórons ne Hinnom ahonráhkwahkon, tánon iekaníhare ó꞉ni sakohiohokónhas washakoteskónhten né kahiatonhnisónhas aotirihwáke, thontahotenientenstonhátie né ioterihwatéhas tsi nihatiʼiérahkwe nonhkweʼshón꞉as tsi nikáien ne Roiá꞉ner shakohiatinekénʼen tsi ionhwenhtsáte tsi niahónhne Nisraeʼró꞉nons.

2 Chronicles 33:6

Roiénha waʼhoronhiákenhte né Hinnom nón꞉we Ahonráhkwahkon tsi waʼhoteskónhten. Né waʼhatéweiensʼte ne tahatkónsthake tánon natenhenhnarátsheras tánon né waʼsharorihwanonhthonhniónhaʼse ne sakonatʼhiatonhserátʼkenhse tánon ne rohnenheʼiónkwen. Kwáh í꞉ken tsi tehiotenonhianíton tsi ní꞉ioht tsi waʼharihwánerahke tsi nòkwah ne Roiá꞉ner tánon wahonakhwísa.

Psalms 106:38

Waʼsakotinonwarhiakónhnion ne iahothènenh tehotistón꞉ton ratiksaʼokónhas, tánon ne raotinekenteronhtsheraʼshónhas ó꞉ni ne raotiʼiatasehtsheraʼshónhas, tánon ne iahonwaʼtíthate nahonwaʼnatsatátʼtsahaten ne raotiiatón꞉nishonhas ne Canaanró꞉nons; kí꞉ken sakotinonwaʼrhiaʼkhónhnion ne waʼhonhontsiatʼsáte.

Jeremiah 32:35

Ne Baal ronhniónnienni ne ietienharáhkwah nahonráhkwahkon ne Hinnom nónhwe, né nashaʼkonahtsiatatʼtsaháthe ne shakotiʼhiohokónhas raohénton ne niio Molech. Iáh tekhenáhon né nahatí꞉iere, tánon akwékon iáh ne tiewahkanonhthonniónhon nètho kén nahatí꞉iere ne nahshaʼkonónhnien ne Judahró꞉nons nahatiʼrihwáhnerahke.”

Jeremiah 7:31

Nahonráhkwakon ne Hinnom ronnónhni ne ietsienharáhkwa ne konwanahthónkwa Topheth, ne káti nahonwanahtiatatʼtiáhaʼte ne shá꞉kothiienhokonhas ne tsi iotékha. Iáh thekheró꞉ri kíʼ ne thóh nahathí꞉iere—akwékon iáh ne tewahkanonhthonniónʼon.

Ezekiel 20:26

Wahkheríhon ne tahontatsiathátionste né꞉ne rahonnahwenhkhónwe nathatawítsheras, tánon wakheríhon nahonwahnatsatátʼtsahate nenhtewatsérenhte enhotiwiraiéntahne rotiskenrahkéte. Né kí꞉ken wakherewáhthaʼkwe tánon nakhenatónhase tsi Í꞉i ne Watiá꞉ner.

Ezekiel 20:31

Shé꞉kon nónhwa wenhnisehrátes kwáh ne sáhka tsi iesehwáhtats tánon tesehwathatiatatiónstha ne ne sakaiathonhnísehras tsi ietʼtsihiatiatatʼtsaháta ne ietʼtsiʼienokónhas ne tsi iotékha. Tánon ethòne i꞉se Nisraeró꞉nonhs shé꞉kon tisehwétha naskwahriwahnónhtonse onhniwahkenikonhró꞉ten! Tsi nihioriwí꞉io tsi í꞉ih ne Wakenonhtí꞉io Watiá꞉ner, ne konhnhehónwe Ní꞉io, kwáh iáh othènenh takonhríhon naskeriwahnónhtonse.

Ezekiel 23:37

Ionahtenahkwahiesáhton tánon iakonahséhton—kanahkwahiesáhtshera skátʼke ne kahiatónhnis tánon iakonahséhton ne ratiksahokónhas ne ionkenahkeratsʼténhni. Iakonahtiaʼtatsaháton ne kheienhokónha rahotihénton ne kahiatónhnis.

Ezekiel 23:39

Kwáh né sahennísehra iakotinonhwahrhiákon ne kheʼienhokónha tsi iakonahtsatatʼtsaháton rahotihénton ne kahiatónhnis, akenonsatokentikóhwahne nonhtáhke tánon wakʼkenitsiónhte!

Leviticus 17:13

Tó꞉ka nónhka Nisraerʼró꞉nons khés né tihononhontsátes ne skátʼke rathinákere nakonhwaiéna ne katshénen khés notsiténha né꞉ne kwáh iotkwéniens, ónenk kíʼ tsi enhkonhwanekwenhsí꞉nekenhwe tánon ohontsáke enhonwéron tánon okénhra enhathiró꞉rohke.

Leviticus 17:15

Ónhka nónhkwe akénhake, Israerʼró꞉nons khés ne tihononhontsátes, nónhka ahiewáraʼke né katshénen ne thiʼkawenhní꞉io iawehéion khés né꞉ne konhtírio konhwanonhwariákon ónenk tsi enshatinóhare ne rahonatʼtserónhnia, enshontáwen ó꞉ni, tánon enhonteráraʼthe tsi nióre ienhiókaraʼwe ne kwáh ahonshahonatkweʼniensthónhake.

Leviticus 17:8

Ne tsikʼhónka Nisraerʼró꞉nons tó꞉ka ó꞉ni ne tihononhontsátes ne kanakeraserákon ratinákere ne ronhnónha ienhatíthaʼte ne watéskonhte tó꞉ka ó꞉ni nó꞉ia nahiotónhake ne karihwihioserihokónhas

Leviticus 18:21

Tó꞉sa ienseiát꞉kaʼwe ne seʼienhokónhas nahonwánatsʼte tsi akonhwasénhnaien ne Molech ní꞉io, tsioríhwa tsi ne entkáhaʼwe nahonwasenhnák꞉saʼte ne Rawenni꞉io, ne Roiá꞉ner.

Leviticus 20:1

Ne Roiá꞉ner wahoró꞉ri ne Mahís

Leviticus 20:27

“Ónhka ne rónhkwe tó꞉ka ó꞉ni ne iónhkwe nashakotiʼnikonhríhshaʼke ne iaʼkawehéion kwáh kíʼ enhonwanenhióiaʼke tsi enhrénheʼie; ónhka tsi nítionh né kíʼ thoʼnahisewáieʼre íhseʼkiʼ sewaríhwa tsi enhsewénheʼie.”

Leviticus 24:14

“Hiatsaténhaf nètho rónhkwe nástste ne tsi watenáthaien. Tsi nihiákon wahakothónteʼne tsi wahariwaiésaʼte ónenk tsi ranonhtsíne tenhonwanisnonsáren naʼieriwaníraʼte tsi roʼníkon, tánon ethòne kanakeraseraʼkwékon enhonwanenhióhiaʼke tsi tsienhrénheie.

Leviticus 24:16

tánon enhonwanonwariákon. Ónhka Nisraerʼró꞉non tó꞉ka ó꞉ni ne tihononhontsáte ne Israerʼró꞉nonke ratinákere enhonwakenrenhserón꞉ni ne Roiá꞉ner enhonwanenhióhiaʼke tsi enrénheʼie né꞉ne kanakeraseraʼkwékon thóh neniéieʼre.

Leviticus 24:23

Nó꞉nen ne Mahís ne washakoró꞉ri kí꞉ken nonhkweshón꞉as Nisraerʼró꞉nonhke, iahonwahiaténhawe kíʼ rónhkwe nástste ne tsi ronatená꞉thaien tánon wahonwanenhióhiaʼke tsi warénheʼie. Thóh kíʼ nahatí꞉iere Nisraerʼró꞉nons tsi kíʼ nahó꞉ten ne Roiá꞉ner roríhonte ne Mahís.

Acts 7:43

Nehne rahothósera ne Molech sewaháwi, tánon ne kahiatón꞉ni Rephan, nehne rahotsísto ne sewahiatón꞉ni; Neh wesewatiatonniserón꞉ni naisewasénʼnaien. Nók káti tenskwanathákwate neh꞉ne iehiothoʼhétston ne Babylon nónwe.’

Deuteronomy 12:31

Tó꞉sa thóh ní꞉ioh thónhak tsi atsisewasénhnaien ne Roiá꞉ner sewaNí꞉io tsi nihatiʼié꞉ra tsi konhwasén꞉naiens ne rahotiní꞉ios, asè꞉ken tsi ratisénhnaiens ne rahotiní꞉ios akwé꞉kon é꞉tho nihatiʼié꞉ra ne ioteriwatehaʼsónhas né꞉ne tsi nahoʼténhsons rariwáhsons ne Roiá꞉ner. Iekaní꞉hare shakonatiaʼtatsahátha ne shakotihioʼokón꞉as tsi iotè꞉kha ne tsi ratitsenharáhkwas.

Deuteronomy 17:2

“Tó꞉ka shí꞉ken waseriwà꞉ronke kak tsi ní꞉kon ne sewanatákons otià꞉kes ne ronhnónkwe tó꞉ka ó꞉ni konhnónkwe wahatirihwánerake tsi nokwáh ne Roiá꞉ner tánon waʼthatí꞉hiake ne rahoteriwaʼseronhniá꞉tshera

Deuteronomy 18:10

Tó꞉sa sehiateskónten ne sheienʼokónhas ne tsi iotè꞉kha ne tsi tsenharáhkwas; tánon tó꞉sa seríhon nonhkweshón꞉a ne ken niahatí꞉iere ne iótkons tó꞉ka ó꞉ni nahonhnésake nataharenhnátsheras tó꞉ka ó꞉ni ne rónhstha nónhkak tashakotihierón꞉nion

Deuteronomy 21:21

Ethò꞉ne ne rotikstenhokónhas ne ratinatakonró꞉nons enhonwanenhióhiaʼke tsi nió꞉re iatenhatikón꞉ten, tánon ne káti nahisewathonse ne kariwahétken. Onhkweʼtakwé꞉kon ne Israerʼró꞉nonke enhieriwà꞉ronke tánon enhiakoterón꞉ne.

Deuteronomy 22:21

ethò꞉ne ki ienhshakotihiaʼténhawe tsi hiehiontawehiaʼtákhwa ne ronhwaʼní꞉ha tsi ronónhsote, thóh nón꞉we ne rotikstenhokónhas ne akoná꞉takon enhshakotinenhióhiaʼke tsi nió꞉re iaʼtenhatikónhten. Wahtehenhsehrowá꞉nen tsi nahéiere tsi nokwáh nontionhkweʼtashón꞉as tsi iakotenonwarohríston nohénton wahakonià꞉ke, tsi shé꞉kon ronhwaʼní꞉ha rahonónhskon hieʼterón꞉taʼkwe. Thóh ki ní꞉ioht tsi étren enhsewahá꞉wite ne karihwahetkénhsera.