Leviticus 2:9 - Ohiatonhseratokénti

⁹ Né ratsihénsthatsi enhatsiátaren tsi né enwenésthonke tsi oriwakwékon Roiá꞉ner ronhwáwi, tánon thóh enhátsahaʼthe ietsienharáhkwahke. Tsi tewenhsehratheníhons ne káhkhwa ne rawerientiʼióstha ne Roiá꞉ner.

Leviticus 2:9 ပူးပေါင်းရင်းမြစ်များ

Exodus 29:18

Ietsienharakwáhke rahiatakwékon sátʼtsahat ne teiotinakaronhtónʼa rátsinn né꞉ne ká꞉khwa ahoriwáhke tsi ienwakʼkhá꞉wen. Tsi natenwenhserathenihon kíʼ ken iewakʼtkáwen enwaʼkerientí꞉iosthe.

Isaiah 53:10

Kwáh kí ó꞉ni thóh nithoʼnikonhrihʼióhon ne Roiá꞉ner ne tahonensʼtsiá꞉ke tsi aharonhiáken. Né nó꞉nenh né enshón꞉niate ne tsi rónhnhe ne iàstate ne karihwáhneren aorihwáke, kwáh kí enshaʼkóken ne sakohiohʼokónhas, tánon kwáh kí enronnhé꞉sonhke; rahonháke kí thóh nenhthoʼnikonrihʼióhon ne Roiá꞉ner tsi enhoianerásthen.

Leviticus 1:9

Ónenk tsi ensehnó꞉hare ne kahiathaʼkónsons tánon ne onàken kashinaʼkésons, tánon ne roʼterihwatsʼteríston ratsihénsthatsi kahiathakwékon tsi enhateskónhten ne ietsienharákwahke. Tsi tewenhserateʼníhons kí꞉ken kákhwa ne tkaiéston né rawerientiʼióstha ne Roiá꞉ner.

Leviticus 2:16

Ne ratsiʼhénsthatsi enhátsahathe nètho kákʼkhwa tánon ne kénhie né꞉ne enweʼnésthaʼkwe, tánon akwékon ne onètha, né kákʼkhwa enwatená꞉thonkwe tsi enhónhion ne Roiá꞉ner.

Leviticus 2:2

tánon iatsiawíten ne Aaronite ratsihénsthaʼtsi. Né roterihwatsʼteríston sehwatshána enharáko nothésehra tánon ne iakeniewátha kénhie tánon akwékon ne iontsienkwahronhniaʼthákwa tánon enhátʼtsahathe thóh ne ietsienharákwahke né꞉ne tahonthontenakeráston nètho tsi akwékon Roiá꞉ner thonwá꞉wi. Ne tewenhserateʼníhons ne ká꞉khwa ne iewatkáwenh tsi rawerientiʼióstha ne Roiá꞉ner.

Leviticus 2:8

Thasehwáhaf tsi ne atsítsion ne Roiá꞉ner tánon ratsihénsthatsi tatʼtsítsion, rahónha ietsienharáhkwahke nienháhaʼwe.

Leviticus 24:7

Thóh sewáien nahóskon kanetanó꞉ron ne tsotinenhrátʼtion, tsi né tahonthontenaʼkeráston ká꞉khwa iewatkáwen íken rahohénton ne Roiá꞉ner né tahionatʼthákwen ne kanátaro.

Leviticus 4:31

Ethòne akwékon enharákewe ne iorèsenhs, kwáh kíʼ tsi ní꞉ioht tsi karahkéwen ne iorèsenhs ne katshénen tsi konwanonhwarhiákon né skaríhwa aorihwáke, tánon ietsienharáhkwahke enhátʼtsahate né꞉ne tahonserateníhon nahawerientiʼiósthaʼkwe ne Roiá꞉ner. Thóh kíʼ ní꞉ioht ne ratsihénsthatsi tsi ienháthate ne kariwiʼiosehokónhas né rónhkwe raorihwáke, tánon kwáh kíʼ ensonhwanikónhrenhse.

Leviticus 5:12

Ónenk tsi ratsihénsthatsi enthétion, rahónʼa enhatsianó꞉tienʼthe né nawénesthe tsi akwékon Roiá꞉ner ronhwáwi, tánon ietsienharahkwáhke enhátʼtsahaʼte né꞉ne ká꞉khwa tsi ienkwatkawénhke. Né iewatkáwen néhren akahá꞉wiʼte ne karihwanerahák꞉tsera.

Leviticus 6:15

Ethòne sehwatsána enharáhko nothésehra ó꞉ni ne kénhie, tánon ne ionhtsienkwaronhniathákwah tekaiéston, tánon ietsienharáhkwahke enhátʼtsahathe né enwenésthakwe tsi orihwakwékon Roiá꞉ner ronhwáwi. Ne tewenhseraʼtenóhons kí꞉ken iewatkháwen né rawerientiʼióstha ne Roiá꞉ner.

Zechariah 13:7

Ne Roiá꞉ner Roshatstenhserowá꞉nen rá꞉ton, “Ih꞉tie, asharehkó꞉wa, tánon iatsiatiaʼthón꞉ti thí꞉ken ranónhnhe ne rahtioténhseh! Tienonhwarhià꞉konh, tánon ne teiotinakarontón꞉a tenkonhrén꞉ni. Kwáh ienkhehiatiaʼthón꞉ti nakonhkweʼtahshón꞉ʼa

Zechariah 13:9

Tánon enhihiatheniénten ne ahsénhaton ne iatenhotáhtereh ó꞉ni kwáh enshekhehionhnahserón꞉ni tsi ní꞉ioht ne ó꞉tsire sahkaristahní꞉rahte ne karistará꞉ken. Kwáh enkhehiateniénten tsi ní꞉ioht tsi wahteniéntha ne ó꞉tsire ne owistahnó꞉ron. Ethò꞉ne hakónhake nón꞉we nenhonterén꞉naien, tánon tenkheriwahserá꞉kwahse. Entkhehró꞉ri tsi Í꞉i akonkweʼthashón꞉ʼa, ó꞉ni kwáh enhatiriwahní꞉rahte tsi Í꞉i raothiní꞉io.”

Numbers 5:26

Ethòne kwáh sewatsá꞉na nothèsera ienhát꞉kawe né꞉ne iakheʼhiarastákwah enrónhniate tánon thóh enháʼtshahʼáhte ne ientsienharákwahke. Noʼnakènhkha, ónenk tsi enrónhnien ne iónhkwe nakanékeri nonékanos.

Romans 12:1

Éhʼtho káti, tewatenrosónhas, neh tsi nikowánen ne Rawenni꞉io shonkwenténras, kwahnekénnis; kwáh ieʼiokontakwénhak tsi tátʼtsion ne Rawenni꞉io tsi tiónʼnhe ók ó꞉ni nehʼne aihsewárioʼte tsi nikaríwes tionnhétie, kwáh sewariwahtokénhak tsi nòkwa ne rahohioténsera ó꞉ni thaʼtsisewanikonraʼiérit, thókiʼ nikarihóten ne kwáh ahonwasénnaien ne Rawenni꞉io.

Romans 15:16

Ne tsi rihiótense ne Kerístos Ié꞉sos nakhehiótense ne iáh tehatiʼsitaeronons. Watsióte tsi ní꞉ioht ne ratsihénstatsi ne kateriwahnhótha ne kariwí꞉ios ne Rawenní꞉ioke nitsawénon, ehnahontáwe ne iáh tehotiʼiánere nahontatiatakéna nahontahonwanikonraiériʼte ne Rawenni꞉io, neh tsi nihoriwathokenstén꞉ni ne Ronikonriʼióston ne Rawenni꞉io.

Ephesians 5:2

Tsi sónnhe ónenk tsi kanoronkwátshera entioniarótarohke, kwáh tsi nisonkwanoronkwáʼon ne Kerístos ó꞉ni tesonkwáwi tsi rónnhe tsi síken ní꞉ioht ne kwáh tehiotsikhétare tsi niwenserákon tánon ó꞉ni tahionréniaʼte tsi nitánonwes ne Rawenni꞉io.

Philippians 2:17

Tsi thisetákwen tsi nòkwa ne Roiá꞉ner tanon tsi ní꞉ioht tsi teseriwhaʼiérits ne teskaieróntare tsi ní꞉ioht nasatsienkwarónniate ne rahohénton. Tánon nakenekwénsa tòka nónwa ónen tsi neskátne entewahʼwéronke ne iontsienkwaronʼniathákwa. Tóhka káthiʼki ehʼneniáwen꞉ne, Enkatsennónʼni ó꞉ni skátne entewathonʼnáren.

Philippians 4:18

Kwá akwékon sewakatkarhiákʼse, ó꞉ni tsiníkon ioteiarónhon. Kwá íken tsi wakerientí꞉ios tsi nahoténsons waskwawíhon neh Epaphroditus thakawitén꞉ni. Neh teskaieróntare ne kwá teiohtsikhétare tsiniwenserákon ionthatáwis tóhka ó꞉ni ne kwá tkariwhaiéri ne hiontsenkwaronniathákwa ne rawehrienthiʼióstha ne Rawenni꞉io.