Leviticus 2:4 - Ohiatonhseratokénti

⁴ Tó꞉ka kaná꞉tharo tkaiéston tánon né꞉ne tsi iontenatharonhtákwa watenatharónhte, ónenk tsi iáh né thaʼtakaiéstonhke ne iontʼthenkwáhtha. Ahónton nakaténhsonhke né nothésehra né꞉ne iakeniewátha kénhie takaiéstonhke tó꞉ka ó꞉ni né norahwístha né꞉ne iakeniewátha kénhie ká꞉ron.

Leviticus 2:4 ပူးပေါင်းရင်းမြစ်များ

Psalms 22:14

Waʼkatesatstenserók꞉ten; thóh ní꞉ioht tsi ní꞉ioht nonékanos onhwenhtsáke waʼwé꞉ron. Tánon akwé꞉kon nastsienshón꞉has tehiosthonterakwenháton; nakwerhiáne thóh ní꞉ioht tsi shí꞉ken ní꞉ioht ne ohenhsa; thóh iowistanawénhon ne kenskwenákon;

Exodus 12:8

Nètho nʼokarasné꞉ha nowá꞉ron ó꞉nenk tsi enwaʼteskónhthake, tánon tsi enhónʼnheke né tenkaiéstonke ne otskárát ohonteʼsónha tánon ne waʼtenataʼrónhni né iáh thatekaiéston ne iontʼthenkwátha.

Exodus 16:31

Nonhkweshón꞉ʼa nIsraerʼró꞉nonke ne ká꞉khwa kaná꞉taro wahaʼtináhtonkwe. Kwáh né꞉ne ká꞉nen aʼkénhake, tánon thóh nihiaʼwekonhontseró꞉ten tsi ní꞉ioht nʼorahwístha né꞉ne ionhniáton ne otsinaʼkonhthakwá꞉ne otsiʼkhéta.

Exodus 29:2

Né íshats né kwáh katʼtheʼserí꞉io onátsia, ók iáh othènen nionhtenkwáhtha, tánon né satenatharónhniat ne iaʼkenʼiewá꞉tha kènhie, tánon ótiake ne iáh othènnen né꞉ne takaiésthonke, tánon ótiakes né꞉ne akénhake norahwístha né nenhʼienáronh.

Isaiah 42:1

Kénʼen í꞉res nakenhá꞉tsera, rahónha thiʼiatsʼwanónhne, í꞉i rihiaʼtarákwen, rahonháke nakwatón꞉nhets iawerientiʼióstha; wá꞉tsien nakenikonratokentítshera rahonháke; kwáh enthesakohawíthen ne kariwakwahrishióntshera niaʼkawenhtsakeró꞉nons

Isaiah 61:1

Ne Raoshatsʼténhsera ne Roiá꞉ner Rawenni꞉io onhtiaʼtórenhne, tsioríhwa ne Roiá꞉ner tsi ratiaʼtarákwen; thaʼkateniéton nahontátʼkhawe ne karihwí꞉ios rononhá꞉ke ne ronwatiʼwí꞉shaton, nahonshakhétienhte ne teiakawerhiaʼsaríhon, naʼkerihowanátenh natatewenhniʼiósera rononhá꞉ke ne ratinhó꞉tons, tánon nahonsahonwahtiʼnhotónhko ne ratiʼnhó꞉tons;

Ezekiel 46:20

tánon wahénron, “Kén kíʼ nónhwe ne rothikháres naʼtenhatinekónhtsethe nowáhron niahóntkaʼwe nahonteskónthake ne kariwáneren aoriwáhke tó꞉ka ó꞉ni né꞉ne ahonsakakharhiákon tsi akaró꞉ronhke, tánon ahonthariháthonke tsi iewatʼkáwen nothésehra, ne káti ne tó꞉sa othènenh ne iotokénti niakaiakénhenke nátsthe nonhtenhenráhti, tsi níwe nahiakokarónhniathe nonhkweshón꞉ʼa.”

Leviticus 1:11

Ónenk tsi othoréke nokwàhti ne ietsienharákwa nónhwe nenhtsenonhwariákon, tánon ne ratsihénsthatsi ne kaiéri naʼtekahiosakérons ne ietsienharáhkwa ienhonekwenhsónhti.

Leviticus 10:12

Ne Mahís waʼshakawénhase ne Aaron tánon ne tenihiáse iateshonathaʼténron sakohiohokónhas, né꞉ne Eleazar tánon ne Ithamar, “Iasehwáhaf nonátsias ne tkaiéston nètho iotekhwathaténron ne ronhwáwi ne Roiá꞉ner, né sewatenatarónhniat ne iáh thaʼtekaiéstons ne watʼthenkwátha tánon thóh sewaná꞉tharat ákta ne ietsienharáhkwahke, tsioríhwa kí꞉ken tkaiesthánions kwáh íken tsi iotokénti.

Leviticus 7:12

Tó꞉ka tsi entéshiesʼthe kí꞉ken né꞉ne tahionteʼnonweráthonʼkwe nahonwátatʼtse ne Rawenni꞉io, ónenk tsi í꞉se ienshát꞉kaʼwe, skátke ne katshénen nahonteskónhthake, né tkaiéston kanátaro tsi iónhni iáh thaʼtekaiéston ne watʼthenkwáhta: tsitnikáien naʼkanatharaʼténʼsonhke né꞉ne ionhniáton ne nothésera ne teweienaʼiéston ne iaʼkeniewáhtha tó꞉ka ó꞉ni ne kaʼkaretserátens né ká꞉ronh ne iaʼkeniewáhtha kénhie tó꞉ka ó꞉ni ne kàret ne ionhniáton ne othésera teweienaiéston ne iakeniewáhtha.

Numbers 6:15

Káti ó꞉ni ónenk tsi iensátkaʼwe sehwathéra kanátaro né꞉ne iáh othènen thatekaiéston ne waʼthenhkwáhtha: kanatharátens né nothésehra tekaiéston ne iakenʼiewátha kènhie tánon ne kakaʼretsheʼrátens né káronh ne iakenieʼwátha kènhie, tánon ne iehiowènhte ne tsi niwaterihwanónhtons nonátsias tánon ne onenharataʼsehontserákeri.

Matthew 26:38

Ethone oni onen ȣasakorori ȣahenron; Skanorons aonkeriiote tsini ȣakenikonranonȣaks; kentho seȣenterontak nok seȣatieȣaten.

John 12:27

Onen nonȣa ok osʼsontiȣakonnhaȣens; oh onte nahoten akerase? O rakeni! askiatanonstate nonȣa nikahaȣis; nese sane teȣakenienton tsi teȣakehnon.

John 3:34

Aseken ne Niio thotennieton nekiok ratrori ne Niio raoȣenna aseken iah ki ok tiieroheststa ne Niio tsini honikonraȣis.

Hebrews 7:26

Ié꞉sos, káti, ne ratsihenstowáhnen né teshonkwáhwis tsi naʼteionkwahtonwenhtió꞉ni. Rohiatatokénti; iáh tahóten tatehaterientawénhries iáh ó꞉ni tekénteron ne kariwáhneren ne rahonháke; tehonwahkháshion tsi nòkwah ne rotiriwáhnerens tánon ronwahiatakaratáton è꞉neken tsi karonhiátes.

1 Tiér 2:1

Sewatiakwarísi, káti, akwékon ne kariwákʼsen; tóhsa ónen sasewanowénhtak tóhsa ó꞉ni thaseiéron tóhsa ó꞉ni naisatekéfʼfen tóhsa ó꞉ni naisatewennátkonhake.

1 Tiér 2:22

Kwáh iáh thènen tehoriwáneren, tánon iáh ónhka nonwénton teiakhokthontéʼon ne tsi rasakáronte nahonowénton.