Leviticus 2:10 - Ohiatonhseratokénti

¹⁰ Né kenhiotsétons ne iewatká꞉wen ratsihénsthatsi né rahó꞉wenk; kwáh íken tsi iotokénti, tsioríhwa tsi thóh nónhwe nitká꞉ha ne ká꞉khwa né tsi Roiá꞉ner ronhwawíhon.

Leviticus 2:10 ပူးပေါင်းရင်းမြစ်များ

2 Chronicles 31:14

Kore né꞉ne roʼníha ne Imnah, Leviró꞉non né꞉ne ohénton iehá꞉taʼkwe ranikonhráhraʼkwe ne Tsitʼkarahkwínekens nòkwahti Iotenhenrakáhronhte Nononsatokenhtiʼkówaʼne, rahón꞉ha roterihónhtaʼkwe tsi raié꞉nasʼkwe nathatawí꞉tsheras né ronhwaʼwí꞉hon ne Roiá꞉ner tánon ne tahonsaharéhniaʼte.

Ezra 2:63

Ne Sitaeró꞉non rakó꞉ra akwé꞉kon iáh teshakorihwá꞉wi nahoné꞉kon ratitsihénstatsis rahotí꞉khwa né wateskónthe tsi nió꞉re ne ratsishénstatsi enhorihwaiénhase ne Rawenni꞉io tsi nikarihó꞉ten ne onenhiasónhas Urim tánon Thummim.

Ezekiel 44:29

Nonátsia tkaró꞉ron, ne kariwanerahákʼtshera tkaró꞉ron, tánon ne ahonsakhakarhiákon tkaró꞉ron ne nènhʼne ne rahothíkwah enkénhake ne rothikháres, tánon kwáh akwékon enhatiʼiéna ne Israerʼró꞉nonhke né karáhkwen nakeriwáhke.

Ezekiel 46:20

tánon wahénron, “Kén kíʼ nónhwe ne rothikháres naʼtenhatinekónhtsethe nowáhron niahóntkaʼwe nahonteskónthake ne kariwáneren aoriwáhke tó꞉ka ó꞉ni né꞉ne ahonsakakharhiákon tsi akaró꞉ronhke, tánon ahonthariháthonke tsi iewatʼkáwen nothésehra, ne káti ne tó꞉sa othènenh ne iotokénti niakaiakénhenke nátsthe nonhtenhenráhti, tsi níwe nahiakokarónhniathe nonhkweshón꞉ʼa.”

Leviticus 10:12

Ne Mahís waʼshakawénhase ne Aaron tánon ne tenihiáse iateshonathaʼténron sakohiohokónhas, né꞉ne Eleazar tánon ne Ithamar, “Iasehwáhaf nonátsias ne tkaiéston nètho iotekhwathaténron ne ronhwáwi ne Roiá꞉ner, né sewatenatarónhniat ne iáh thaʼtekaiéstons ne watʼthenkwátha tánon thóh sewaná꞉tharat ákta ne ietsienharáhkwahke, tsioríhwa kí꞉ken tkaiesthánions kwáh íken tsi iotokénti.

Leviticus 14:13

Enhononhwariákon ne teiotinakaronhtónʼa owíra ne tsi iotokénti nónhwe tsi nónhwe nikonhwatirhiostakwa ne konhtitshénens nenhkonhwanateskónhten ne karihwanerahák꞉tshera ahorihwáke. Ónenk kíʼ tsi thóh nenháiere tsioríhwa tsi né꞉ne enskakariákʼthonke ahorihwáke, tsi kíʼ ní꞉ioht ne kariwanerahák꞉tshera iewatkáwen ahorihwáke, né꞉ne ratsihénsthatsi rahó꞉wenk tánon kwáh íken tsi iotokénti.

Leviticus 2:3

Ne iothaténron nonátsias ne tkaiéston ratsihénsthatsi né rahówenk; kwáh iotokénhti, tsioríhwa tsi thoʼnónhwe nikaráhkwenh né꞉ne Roiá꞉ner thonwáwi.

Leviticus 21:22

Nètho rónhkwe nonhtiérenk énraʼke ne ká꞉khwa né hionkthátire, tetsáron né꞉ne iotokénti ká꞉khwa tánon ne kwáh iotokénti ká꞉khwa iewatʼkáwen,

Leviticus 5:13

Thóh kíʼ ní꞉ioht ne ratsihénsthaʼtsi tsi ienháthaʼte ne karihwiʼiosehokónhas tsi nòkwah ne sarihwanerahák꞉tshera, tánon kíʼ entiesanikónhrenhse. Ne iothaténron nonátsas ratsihénsthatsi né rahówenk, kwáh kíʼ tsi ní꞉ioht ne onátsas tsi iewatkáwen.

Leviticus 6:16

Tánon ne iothaténron nonátsias Aaron tánon ne rahoneʼkenteronhtsheraʼsónhas né enhónʼneke. Enkanatharonhniá꞉tonke né꞉ne iáh othènen thaʼtakaiéstonhke ne watʼtenkwáhtha tánon thóh nónhwe nenhónne꞉ke tsi nónhwe niʼiotokénti íken, né꞉ne atenhénrakon né tsi watóhsehrothe tsi nónhwe nihénteron ne Roiá꞉ner. Ráton ne Roiá꞉ner ratiʼtsihénsthatsis tetkheʼhiáwi né꞉ne áhonsthe nahionkʼtátʼtse né tsi iotékʼkha. Kwáh íken tsi iotokénti, tsi kíʼ ní꞉ioht ne karihwáneren tsi iehiontkháwas ó꞉ni ne nahonshaʼkakarhiákonʼke aorihwá꞉ke.

Leviticus 6:23

Iáh othènen ne onátsias ne iewatkáwen nètho ratsihénsthatsi kén nienháiere nónhka aiéke; kwáh kíʼ akwékon tsi enwatʼtsahathónhaʼke.

Leviticus 6:9

nahonthaháwen ne Aaron ó꞉ni ne rahonekenterashón꞉as ne tehioterihwasonhterónhnions kaianerénsehras né nakonwanateskónhten. Né konwanatéskonhte ietsienharáhkwahke enkará꞉ken asonhthakwékon, tánon ne iotékʼkha iahiokonhthakwénhake ahiotékʼkhake.

Leviticus 7:7

Énskak ne kaianerénhsera ká꞉ien né꞉ne tetsáron né꞉ne karihwáneren tánon ne ahonsakakarhiákonʼke tsi iewatkáwen: nowáron ratsihénsthatsi né rahówenk né tsi rahónha raʼteskóntʼtha.

Numbers 18:9

Né꞉ne kwáh iotokéntis íken ne tkaiesthánion ne iáh tewatʼtsaháton ne ietsienharakwáhke, ne kén iotiétons íse ne sáwenk: nonátsias tkaiesthánion, ne karihwáneren aorihwáke tsi tkaiesthánion, tánon ne ahonsakakariákonke aorihwáke tsi tkaiesthánion. Orihwakwékon tsi nahoténsons hionkawíhon ne iotokénti íkens íse tánon ne sehiohʼokónhas sewákwenh íken.

1 Samuel 2:28

Í꞉ih waʼhiʼiataráko thóh nón꞉we ne tékeniʼiawénhre nihotiʼtarákes ne Israerʼró꞉nons neh natʼtsihénstatsi ahá꞉ton, thóh iaharatʼténstake tsi ietsienharákwahke, nahatʼtsaháhtaʼke wenhnekerá꞉khon, ahteniʼión꞉ta ahatʼtserónhniaʼte nakʼkhénton; tánon tekheiá꞉wi ne raoʼtiwá꞉tsire ne ietsishotʼthonkonkénha akwé꞉kon tsi aiontʼtátʼtie ne notsirá꞉ke nahontahatíhaʼwe ne Israerʼró꞉nons.