Leviticus 17:7 - Ohiatonhseratokénti

⁷ Nonhkweshón꞉as Nisraerʼró꞉nonhke iáh ónenh tetsówenhk ne iáh tahotirihwatokénhake rahonháke ne Roiá꞉ner ne tsi akonhwatinonhwariákon ne rahotitsenenhókons ne kahentákes tsi ahonwateskónhtʼthaʼse ne kaiatákeras ótkon teskaierontare. Nonhkweshón꞉as Nisraerʼró꞉nonke ónenk tsi enhontewehiénton kí꞉ken kaianerénhseras né꞉ne tsi nénhwe.

Leviticus 17:7 ပူးပေါင်းရင်းမြစ်များ

2 Chronicles 11:15

Né Jeroboam rahónha khók tashakotsihensthonhniánions tsi wahonterihonhtónhnions tsi nonwésons ne kaiatónhnis tsi konwatisenhnaienthákwas tánon nahonwatisénhnaien nótkons tánon ne kaiatonhnisónhas ne roiatonhnisheronhniánions tsi naʼtethesakotenienhténstons ne tionónskwahrons ratítsinn owírah í꞉ken.

Psalms 106:37

Iekaníhare ne iahonwaʼtítate ne raotiʼnekenteronhtsherashónhas ó꞉ni ne raotiʼiatasehtsherashónhas tsi waʼshakonatsiatatʼtsaháten ne iotinó꞉wenhs niʼiohokónhas.

Psalms 106:39

Iáh teshonatʼkwénienskwe ne waʼkarihón꞉ni tsi nihatiʼweienó꞉tens, tánon tsi nahatiweienótenhne né꞉ne kwáh tsotakwahkaré꞉ni í꞉ken.

Exodus 22:19

“Enhonwanonwahrhiákon ne rónhkwe tó꞉ka rónhrats ne kontitshénens.

Exodus 22:20

“Enhonwaríwenhthe nahonwanonwarhiá꞉kon nónhka nahaʼtsatátshaʼahthe ne katshénen niaʼsakotátʼtse ne kahiaʼthonhnisónhas, ók kwáh nék khók Ní꞉i, ne Watiá꞉ner.

Exodus 27:21

Aaron tánon ne sakohʼiohokónhas enhatiʼkwahtáko ne kahá꞉sehra natohsehrákon ne tsi nónhwe níkes nátsthe nokwáhti tsi ioharénton né nohénton tsi kanorhóʼkwahien naʼteriwasehronhniáʼtshera. Thóh nakʼkhénton enhiotétʼkhake okáras entewathasákwen né꞉ne tsi nióre ienhiórenhne. Kí꞉ken kariwahtátʼtshera thóh nenhiotónhake né꞉ne tsi nénweh enhonteweiénton ne Israerʼró꞉nons tánon tsi wahatiʼwatsiratátie.

Exodus 32:8

Ónenk ahéren ronéthon tsi ní꞉ioht tsi kheró꞉ri nahaʼtísehre, owistanó꞉ron wahatiwisthanáhwenhte tánon né wahonwahiaʼtónhniate ne tionónhskwaron rátsinn owíra tánon wahonwasénhnaien ó꞉ni tahóntkawe nètho ahonteskónhthe. Ronhton né kí꞉ken nonhkwaní꞉io, tsi nikáien ne tethesakohiatinekénʼen ne Egypt.

Exodus 34:15

Kwáh tó꞉sa sehwatsianerenhserónhni nonhkweshón꞉ʼa ne tsi kanakeraseráien, tsioríwa nó꞉nen enkonhwatisénhnaien ne iáh tekónhnonhnhe raotiní꞉ios tánon enkonhwanateskóntʼthase, eniesahónkaron nasehiatsiátarahse, tánon entishaʼnikonhratihéntʼto ná꞉sehke ne káhkhwa konwatitáti ne raotiní꞉ios.

Jeremiah 3:1

Ne Roiá꞉ner ráton, “Tó꞉ka ne rónkwe teshiathekháshion ne róne, tánon enshotewénhtheʼte tánon ónhkak akóren rónkwe ró꞉ne ensehwáhton, iáh tahakwéni ne shé꞉kon aʼhonshahatiénawasʼthe. Ne kí꞉ken ne kwáh thóh kénʼen tsi enhionhontsákʼsahthe. Ók, Israel, wéso saskarahiénthakwe, tánon ónenh ísehre í꞉ih nòkwa nathahontháseh!

Ezekiel 23:3

Né shiʼtiothihiónha, Egypt nónhwe nikenináhkerehkwe, wahonahthónseh tsi kiniwínon tsi kenihiataséha tánon ne iatsiáton tionatakwakaré꞉ni.

Ezekiel 23:8

Iehiothasónhtere tsi nitisiothá꞉sawenh tsi nihioriwahiathatónhon ne Egypt nónhwe, tsi nónhwe tsioʼthónhni tsi kahiatásehne. Kwáh kén shiʼtiohiónha, skátʼke ronhrátskwe ne ronónhkwe tánon thóh nitkonhwátatskwe tsi ní꞉ioht ne watʼthonwisenhtsheráksen.

Leviticus 17:8

Ne tsikʼhónka Nisraerʼró꞉nons tó꞉ka ó꞉ni ne tihononhontsátes ne kanakeraserákon ratinákere ne ronhnónha ienhatíthaʼte ne watéskonhte tó꞉ka ó꞉ni nó꞉ia nahiotónhake ne karihwihioserihokónhas

Leviticus 20:5

Kwáh kíʼ Iatetiáti tsi enkwatkónhten tánon sewahwatsirakwékon ó꞉ni enhkheiatkónhten ratikwékon ne waheshaʼtsatárahse tsi iáh teshaterihwatokénston nakonháke tánon wesewasénhnaien ne Molech. Iáh kíʼ ónenh thóh nahonsonhkerikonhroténhake níse Í꞉i akonkwéta akénhake.

Leviticus 3:17

Iáh ónhka Nisraerʼró꞉nonhs thaʼhónton nahónhneke ne thènen iorèsenhs iáh ó꞉ni nonekwénhsa; né kí꞉ken ne kaianerénsera tsi nénhwe tsi enká꞉thake né꞉ne roʼnonháke Nisraerʼró꞉nonhs kwáh tsi nónhwe nahatinákereʼke.

John 12:31

Onen onȣe naoriȣentatsera tsi ionȣentsiate; Onen oni astste enhonȣaiatontiete ne ronȣakoȣanen tsi ionȣentsiate.

John 14:30

Onen thoha aontiake tsi teteȣatharha: aseken tare ne ronȣakoȣanen tsi ionȣentsiate; iah sane othenon tehoriȣake niihne.

1 Corinthians 10:20

Iáh! Tsi nahóten káton nahóten né iáh tehotiriwiʼióston rohnatéskonthe ne tsi ratitsienharáhkwah ranesonrónon ronwahtáti, iáh ne Rawenni꞉io. Tánon iáh tatewahkatonwenhtióni ne taiesewahiéna ne ranesonrónon.

2 Corinthians 4:4

Ne ranehsonhró꞉non ne tsi ionhontsiá꞉te shakoʼnikonhrharó꞉ron tsi nihá꞉ti ne iáh tethonehtáhkwen. Iáh tehatikwénies nahontkáhtho ne kaswathéhtshera, ne wathró꞉ris ne karihwí꞉ios tsi nahoʼténhshon ne raoiaʼtanehrakwáhtshera ne Kerístos, ne shonkweʼnestén꞉nis tsi nihaweiennò꞉tens ne Rawenni꞉io.

Ephesians 2:2

Neh thóh sontakaháwi neh í꞉tshereskwe ne tsi ionwentsiáte ahoriwahetkénʼtseras; neh wasatewénʼnarakwe ne kanikonrahétken, ne kanikonrákʼsen tsi neh tsakoniarótaron nonkwesónha tsi niháti ne iáh tehonwahwenʼnarákwa ne Rawení꞉io.

Deuteronomy 31:16

Ne Roiá꞉ner wahawénhase ne Mahís, “Kwáh iostó꞉re enshí꞉heie, tánon nó꞉nen ensenheiónhke nonhkweshón꞉a iáh tahonsahothiriwatokénhake nakonhà꞉ke tánon tenhatihiáke nateriwaʼseronhniá꞉tshera ne watʼson skátke ne ronhnónha. Enhionkatewenhthéte tánon ne enskonhwatishén꞉naien ne thikáhiont nihioʼokón꞉as ne tsi ionhontsá꞉ien ne ó꞉nen thóhwa thoniahón꞉ne.

Deuteronomy 32:17

Ne wakonhwanateskónthase ne nihiohokón꞉as ne iáh othé꞉nen tekonhnónhne, oniiosehráses ne shakotisoʼthonkonhkén꞉en iáh nonhwénton tethatiienté꞉rihne, né꞉ne nihiohokón꞉as ne Israerʼró꞉nons iáh nonhwénton tekonhwatiwenhnarákwen.

Revelation 9:20

Ne ken iotsétons nonkwehó꞉kons, iáh nenhné꞉e ne teiakononhwarià꞉khon kí꞉kens kariwaiesátsheras, iáh teshonatatrewáton naoioʼténhseras ne ratitsá꞉nakes khéks nahonatsakwahrí꞉shion tsi konwasenhnaiénskwe ranikonra꞉sen ó꞉ni kaiatonhnishón꞉as ó꞉ni owistanó꞉rons tánon kawistará꞉kens ó꞉ni nowásas ó꞉ni nonénhias ó꞉ni noién꞉te, né꞉ne iáh tekontí꞉kens iáh ó꞉ni teionathón꞉te khéks takontekhá꞉hakwe.