Leviticus 17:12 - Ohiatonhseratokénti

¹² Né kíʼ ahoríhwa ne Roiá꞉ner washakoró꞉ri nonhkweshón꞉as ne Israerʼró꞉nonhke né꞉ne ronónha khés ne tihononhontsátes né skátʼke ratinákeres tsi iáh tehiówenhk né thènen ahathiwárahke ne shé꞉kon iotenekwénhsa.

Leviticus 17:12 ပူးပေါင်းရင်းမြစ်များ

Exodus 12:49

Kwáh né sahoʼtihʼianerénsheras ne thoʼnatierénton roʼnahnakeráhton ne lsraeró꞉nonhke ó꞉ni ne tihoʼnonhontsàtes tsi niháti ne skátke sewanáhkeʼre.”

Ezekiel 33:25

“Sehró꞉ri tsi nahó꞉ten ne Í꞉i, ne Wakenonhtí꞉io Watiá꞉ner katónhnions: Sehwahwáhrahs né shé꞉kon nihiotenekwénhsa. Kahiatonhnisónhas sehwahsénhnaiens. Iettsihiaséhtha. Onh ní꞉ioht tsi ísewere nohóntsa tsi í꞉se sehwáhwenhk?

Leviticus 17:11

Ne tsi konhnónhnhe ne kwáh tsikʼniatekónhti onekwenhsáke nónhwe nikonhnónhnhe, tánon né kíʼ ahoríhwa ne Roiá꞉ner rotenhnáhon kwáh akwékon nonekwénhsa ietsienharákwahke ahonthonwerónhtake né nahéren ahonsakahawíthonke nonhkweshón꞉as akorihwanerahák꞉tsheras. Nonekwénhsa, né natónhnets, é꞉ren kahawítha ne karihwánerens.

Leviticus 17:13

Tó꞉ka nónhka Nisraerʼró꞉nons khés né tihononhontsátes ne skátʼke rathinákere nakonhwaiéna ne katshénen khés notsiténha né꞉ne kwáh iotkwéniens, ónenk kíʼ tsi enhkonhwanekwenhsí꞉nekenhwe tánon ohontsáke enhonwéron tánon okénhra enhathiró꞉rohke.

Leviticus 3:17

Iáh ónhka Nisraerʼró꞉nonhs thaʼhónton nahónhneke ne thènen iorèsenhs iáh ó꞉ni nonekwénhsa; né kí꞉ken ne kaianerénsera tsi nénhwe tsi enká꞉thake né꞉ne roʼnonháke Nisraerʼró꞉nonhs kwáh tsi nónhwe nahatinákereʼke.