Leviticus 17:10 - Ohiatonhseratokénti

¹⁰ Tó꞉ka ónhka Nisraerʼró꞉nonhs tó꞉ka ó꞉ni ne tehononhontsátes ne skátʼne ratinákere enhatiwáraʼke ne shé꞉kon iotenekwénsa, ne Roiá꞉ner enshaʼkhók karathéni kíʼ tánon iáh kíʼ shé꞉kon Rawenni꞉io rahonkwéta tahonsahonatenathónkwen.

Leviticus 17:10 ပူးပေါင်းရင်းမြစ်များ

Genesis 9:4

Ne khók, tóhsa enhseʼwá꞉rake ne iotenekwénhsa, asèkenh thóh onekwenhsà꞉ke nón꞉we niká꞉ien natónhnhets.

2 Samuel 23:17

asèken wahén꞉ron, “Ne Roiá꞉ner rorihwáston ne kíʼ thóh nátiere. Akʼkwéni kén aknekíra ne raotinekwénsa ne ronnón꞉we ne roʼnón꞉ha iehonénon tsi thóh ronhnonnárakwe?” Ne káti wakarihónhni tsi iáh teonekí꞉ren. Ne áhsen nihá꞉ti ronterí꞉ios kiʼ thóh nihotiʼiéren

Psalms 34:16

Né Roiá꞉ner kwáh í꞉ken tsi sakoteniakatsténhnis ne waʼhét꞉ken tsi nihiontiéra, ensahkó꞉iatse ne ronhnonwenhtsakeró꞉nons ne tó꞉sa ahonsahonwenhnehiárake.

Exodus 30:33

Ónhka né kwáh ètho ní꞉ioht tsi enhiakónhni tó꞉ka ó꞉ni né thènen áhionsthe nónhkak iehiatháke né꞉ne iáh tehietsihénsthatsi kwáh kíʼ iáh né tahonsakénhake Ní꞉i akonkwéta akénhake.’”

Jeremiah 21:10

Iáh tewahkeriwahiéntahse ne tó꞉sa akenónhsthaʼte kíʼ kénʼen kanatowáhnenh, ók ne nakáthonte. Ók ne ne Babylonia rononhtí꞉io tentʼthónnion, tánon okenráhke enrónni tsi enhatenaténtahwe. Í꞉i, ne Watiá꞉ner, wakatáti.”

Jeremiah 44:11

“Ne káti, Í꞉i, ne Watiá꞉ner Keshastsʼtenseroʼwáhnen, ne kheʼNí꞉io ne Israerʼró꞉nons, kwáh kíʼ enkonhiatʼkónhten tánon enkenahkerahsehráhthonʼthe ne Judah.

Ezekiel 14:8

Kwáh Í꞉i tenkwáhtasthe. Kwáh tentkwahtenienténsthe. Kwáh éhreh enskwahiatenháwithe tsi natináhkere nakonhkwetashón꞉ʼa, sewakwekon onsewateientarane tsi i꞉i ne Watiá꞉ner.

Ezekiel 15:7

tánon enkheréwahthe. Ónenh énska nótsire sohnatsathotaríshion, ók kíʼ nónhwa nótsire kwáh enhiakotsatátʼtsahathe. Nónenh enhkheréwahthe, kwáh ensewahteriéntarahne tsi Í꞉i ne Watiá꞉ner.

Ezekiel 33:25

“Sehró꞉ri tsi nahó꞉ten ne Í꞉i, ne Wakenonhtí꞉io Watiá꞉ner katónhnions: Sehwahwáhrahs né shé꞉kon nihiotenekwénhsa. Kahiatonhnisónhas sehwahsénhnaiens. Iettsihiaséhtha. Onh ní꞉ioht tsi ísewere nohóntsa tsi í꞉se sehwáhwenhk?

Ezekiel 44:7

Rotihetkénton nakenonsatokénti tsi wahonwathiríhon ne iáh tehonatewahrahkwétharon ne thihononhontsátes, nónhkwe ne iáh tehionkewenhnaráhkwa, niahontháwehiathe Nononhsatokentiʼkówahne nónenh ne ionarésenhs tánon ne rahothinhekwénhsas ne konhwanahtsatatʼtsahátons ne katshénenhs hiontʼtáti. Káti nahkonhkwetashón꞉ʼas wahthatíhiake nahkateriwahsehronhniátshera né tsi nihioteriwahthehasónhas tsi nihonahtieráhnions.

Leviticus 17:11

Ne tsi konhnónhnhe ne kwáh tsikʼniatekónhti onekwenhsáke nónhwe nikonhnónhnhe, tánon né kíʼ ahoríhwa ne Roiá꞉ner rotenhnáhon kwáh akwékon nonekwénhsa ietsienharákwahke ahonthonwerónhtake né nahéren ahonsakahawíthonke nonhkweshón꞉as akorihwanerahák꞉tsheras. Nonekwénhsa, né natónhnets, é꞉ren kahawítha ne karihwánerens.

Leviticus 19:26

“Tó꞉sa othènen sewawá꞉rak ne shé꞉kon iotenekwénhsa. Tó꞉sa othènen sewatéweienst ne iótkons.

Leviticus 26:17

Kwáh kíʼ enkonhiatʼkónhten, né nahónton ne kwáh ahieshassénhni, tánon tsi nikáien ne sèhsons kwáh kíʼ enhiesatkórasʼthe; thoʼnióre tsi enshaterónhsehke kwáh kíʼ enshaʼtekwenhá꞉tie nó꞉nen iáh ónhka tehieshá꞉sehre.

Leviticus 3:17

Iáh ónhka Nisraerʼró꞉nonhs thaʼhónton nahónhneke ne thènen iorèsenhs iáh ó꞉ni nonekwénhsa; né kí꞉ken ne kaianerénsera tsi nénhwe tsi enká꞉thake né꞉ne roʼnonháke Nisraerʼró꞉nonhs kwáh tsi nónhwe nahatinákereʼke.

Amos 9:4

Tánon ethosà꞉ne niahontatenó꞉ton raotihénton ne tehontat꞉tions, thóh kí nón꞉we nenhkénane nasareʼkó꞉wa ahiakowent꞉to; tánon kí kwáh thenkhehiatkáneren ne nahotikaréwate tánon iáh ne naotihianerásthen.

Acts 15:20

Khék, tehiotonwentióʼon ne iahietʼthihiátonse naietʼthiróri tóhsa thènen rónʼnek ne iáh tehiotʼkwéniens tsioríhwa tsi kahiatónni konhiohesténni;

Acts 15:29

tóhsa thènen isewak tsi nahóten ne kahiatonni konhiohestenni; tóhsa ísewak nonekwénsa; tóhsa thènen sewahwárak ne wathoriohthákwen; tánon sewahtatenónstat tsi nòkwa ne kentétsera. Kwáh ensewahianerásten tóhka iáh kentsiaʼisewáiere kinahorihoténsons. Kwáh teraswiʼiosténnis.”

Deuteronomy 12:16

Ók tó꞉sa ki sewahnekíra ne rahotinekwénhsa; ó꞉nenk tsi ohontsá꞉ke enteshá꞉weron tsi ní꞉ioht nohné꞉kanos.

Deuteronomy 12:23

Nek kók tó꞉sa sewahwárat ne shé꞉kon nihiotenekwénhsa, asè꞉ken onekwénhsa tiówis nahontónhetste ne iónhnhe. Tánon káti ní꞉se iáh tehiówenk nasèhke ne iónhe noʼwá꞉ron.

Deuteronomy 15:23

Ók tó꞉sa ki ne rahotinekwénhsa nahisewateʼkhonhniá꞉te; khékok, ohontsà꞉ke tasewáweron tsi ní꞉ioht nohné꞉kanos.

Hebrews 10:29

Nahó꞉ten, káti ónen, tsi niháti ronwahkenronni ne Rawenni꞉io Roiénha? Tóh꞉ní꞉ioht tsi ronnonthonnions iáh thenen tekastha nohnekwénhsa ne Rawenni꞉io rahoterihwahseronniennitshera tsi ní꞉ioht tsi tiakahonnahkanonni tsi nókwa ne karihwahneren? Rohnónha konwahnikonratsaton ne Kashastensera ne kentenron? Kwáh sehwahnonthonnionf tóh ní꞉ioht tsi sénha kowahnen ne karewahthatshera enhatiʼié꞉na!

1 Samuel 14:32

Káti kwáh tsiatʼthonskénhni tsi tkaké꞉rons ne kanenskwenhá꞉ton, tánon wasakotiʼiéna ne teiotinakarontón꞉ʼa ó꞉ni ne teotinákares tionhnónskwarons ó꞉ni natenaskonhnihasónhas tionónskwarons, tánon kwáh thók ohontsá꞉ke wasakotinonwarhiaʼkhónhnion; tánon ne ronterí꞉ios wahatiwáraʼke tieotenekwénhsa.

1 Samuel 14:33

Eʼthó꞉ne ónkak wahonwaró꞉ri ne Saul, “Satkátho, ne ronterí꞉ios kwáh rotiriwanerenhakʼsehátie tsi nòkwah ne Roiá꞉ner tsi nahteonatskáontse tieiotenekwénsa.” Tánon ne raónha wahén꞉ron, “Tsi nesewátiere ioteronhón꞉we; tasewakaʼraténiat ne kwáh kanenhiowá꞉nen kén꞉en akkén꞉ton sewá꞉ien.”