Leviticus 16:4 - Ohiatonhseratokénti

⁴ Ethòne ne Roiá꞉ner tahát꞉kaʼwe ne tehioterihwasónhteres karihonhnienhnhítsheras. Nohénton ne Aaron niaʼhatháwehiaʼte ne kwáh tsiotokénti nónhwe, ónenk kíʼ tsi enhatá꞉wen tánon ne hatʼtierónhniate ne ratitsihénstatsis rahonatʼtserónhnias: Noniatará꞉a wakóses tánon ne ná꞉kontiéiens, natsathána, tánon ne tehionhtenonhwaraʼnákstha.

Leviticus 16:4 ပူးပေါင်းရင်းမြစ်များ

Exodus 28:2

Tshiaʼkwenónhnien ne roʼtikharesʼnéha ne iatsíha Aaron, táhtsion ne kaʼkweniensthá꞉tshera ó꞉ni ne ioràse.

Exodus 29:4

“Tatʼtsiaténhaf ne Aaron ó꞉ni ne sakohiohʼokónhas ne tsi tsionhtawehiatákwah natosehrákon ne tsi nónhwe nikíteron, tánon ronhtáwen tsi nikarihó꞉ten noriwaʼkáion.

Exodus 30:20

nʼohénton natohsehrákon iahontáwehiaʼte tó꞉ka ó꞉ni ákta niahónʼne ne ietsienharáhkwah niahatíiesthe ne ká꞉khwa. Ethòne kíʼ iáh tahonwatiʼnonhwarhiákon.

Exodus 40:12

“Tatʼtsiaténhaf ne Aaron tánon ne sakohioʼokónha tsi tionhtawehiatáhkwa natóhsera, tánon seró꞉ri nahontiató꞉hare né noriwakáion tsi ní꞉ioht tsi enhonhtiató꞉hare.

Isaiah 53:2

Asèken wahatehiáron ne raohénton kwáh tsi ní꞉ioht ne kénk nitiohiónha kaientʼthó꞉tshera, tánon kwáh né꞉ne otèra watiótkaʼwe ne tsi iahonwenhtsiaʼthénke; iáh othènon tewatʼkatotserí꞉io khés naʼioraséhake tsi nihatʼkatotseró꞉then naʼtsitewatká꞉tho, iáh thaʼhóthen tsi nihatʼkatotseró꞉then né꞉ne atsiʼtewaská꞉neke.

Ezekiel 44:19

Nohénhton niahatihiákenhne ne átste nonhtenhenráhti tsi nónhwe nonhkweshón꞉ʼa rónhnes, ónenk tsi né enthontiérenthe enhatiríshi natʼtserónhniat né ronátsthonʼne né sihotihióthe Nononhsatokentiʼkówahne tánon thóh enhonthakweniáien tsi hionákthaien ne onakthatokentíke. Ónenk tsi ó꞉ia enshontserónhniathe né nahathinónhsthaʼthe ne kahiathateríston raonatʼtsherónhniat né tó꞉sa ahiakokarónhni nonhkweshón꞉ʼa.

Ezekiel 9:2

Kwáh ókhsak iáh-iak niháti tahónʼne ne꞉ne othoréke nòkwah tahathiʼiénthaʼkwe tsi iotenhenrahkáronte ne Ononhsatokentiʼkówa, satihiatátʼtion rathihawinónhtie ne ionteriʼiosthá꞉kwa. Rónhkwe rathikwekonhátie oniataráha rotʼtseronhniáton, knahótenk raháwi ne꞉ne ahahiáthonkwe. Rahtikwékon ákta iathatítahne tsi ietsienharáhkwa ne otsínekwar niwahsohkóten karísthatsi.

Leviticus 16:23

Ethóhʼne ne Aaron atohsehrákon nienhénre, ensharishiónhko ne ratsihénstatsi rahotserónhnias né꞉ne rotieronhniáthonhte nohénton shiahatáwehiaʼte tsi nónhwe ne kwáh tsiotokénti ít꞉ken, tánon thóh nónhwe nenháien.

Leviticus 16:24

Ónenk tsi thóh nónhwe nenshatáwen tsi nónhwe ne iotokénti í꞉ken tánon né énsrastste ne rahónʼa rahotsherónhnia. Ethóhʼne, ónenk tsi ienshahiákenhne tánon ne ienháthaʼte ne wateskonhte né nahéren ahonsakahawíthonhke né꞉ne rahónʼa rahorihwanerahák꞉tsheras tánon nonhkweshón꞉as.

Leviticus 16:32

Ne ratsihenstowánen, tkarihwaiéri tsi ní꞉ioht tsi ronhwariwaʼniráti tánon waterenhnaiéhni ne tahonsaonatʼthákwen ne roʼníha, né enhaterihwathéntsaʼte ne orihwakáhion tsiotonhnakanonhnithákwa. Né enhatʼtserónhniaʼte ne ratitsihénstatsi rahonatʼtserónhnias

Leviticus 6:10

Ethóhʼne ne ratsihénsthatsi, né róston ne kwáh rokweʼní꞉io né꞉ne waniatarará꞉ken wakóhses tánon ne waniatarará꞉ken nàkon tháiens, ónenk tsi enhará꞉ko ne tehiahowenienʼnhokónhton okènrah ne thók iekáhere ne ietsienharáhkwahke tánon ákta ne tsi ietsienharáhkwah enhá꞉ien.

Leviticus 6:3

tó꞉ka ó꞉ni ahionhnó꞉wenhte ne knahó꞉tenk ne iotónhonʼne tánon waherihwanírahthe tsi iáh tetsiakotsirénhrion.

Luke 1:35

Nok ne Raronhiakeronon tontahaȣennaȣeron ȣahenron: Rotkon Roiatatokenti enhiaiatorenne, nok nʼEnekentsi nahosastensera onsarakȣaȣerhoste; ne se ȣaonni oȣiratokenti ki nensaȣiraientane, enhonȣanatonkȣake Niio Roienha.

Philippians 2:7

Khekek, kwáh rahónha hiatoriwaientase akwékon rohtsakwarísion tánon wahonwatenaskónʼniate, Thoʼ nahahiatotenhne tsi niiot nónkwe, tanon sahatotashi onkwe teshiatseren.

Hebrews 10:22

Ánion ki rahiatát꞉ta iehetewe ne Rawenni꞉io ne kwáh aiteweriasí꞉iohake ó꞉ni aoskon ne tewetakwenh, ne seweriatokenʼtiston ne tsi niweriahsakʼsénhne ó꞉ni noieronta né skanoharéhton ne iotnekatʼkwé꞉niens.

Hebrews 2:14

Tsi ne ratikʼsaokónha, tsi nisakonatónkwah, tsi ónkwe íken rotiwáhrare ó꞉ni rotinekwénsa, ne Ié꞉sos né꞉ne kwáh ronónha waháton tánon wahsakotiátaraʼse kwáh tsi niʼiorihóten tsi ronónnhe. Né kíʼ aoríwah thóh nahá꞉iere tsoríwah tsi rawenhéion nontiéren enhothónte ne ranesonrónon, roshatsʼtenseráien tsi nòkwah ne kenhéion,

Hebrews 7:26

Ié꞉sos, káti, ne ratsihenstowáhnen né teshonkwáhwis tsi naʼteionkwahtonwenhtió꞉ni. Rohiatatokénti; iáh tahóten tatehaterientawénhries iáh ó꞉ni tekénteron ne kariwáhneren ne rahonháke; tehonwahkháshion tsi nòkwah ne rotiriwáhnerens tánon ronwahiatakaratáton è꞉neken tsi karonhiátes.