Leviticus 16:34 - Ohiatonhseratokénti

³⁴ Kí꞉ken tehioterihwasónhteres ónenk tsi thóh ní꞉ioht tsi enwaterihwathenhtsáthonke énska ne tsiósera ne nahonsahonwatiʼrónhkwahse Nisraerʼró꞉nons ne rahotirihwaʼneraháktsheras. Káti ne Mahís akwékon thóh naháiere tsi kíʼ nihotenhnáhon ne Roiá꞉ner.

Leviticus 16:34 ပူးပေါင်းရင်းမြစ်များ

Hebrews 9:7

ónk nék khók ne kwáh rahtsihenstowáhnen iehatawehiátha ne tekeníhaton ionáktaien natohsherákon, tánon énskat khók ne tsóshera thóh kíʼ nihaiérah. Tánon onekwénhsa ieháhas tsi tenhononwehráhton ne Rawenni꞉io ne raónha rahorihwáhke tánon tsi nihiákon ne iáh tehiakotheriéntare tsi nihiakorihwáhneren.

Hebrews 9:25

Ne Sitaeró꞉non ratsihenstowáhnen iehatawehiátha ne kwáh Iotokénti Ionatʼtaien énskak ne tióshera ne ieháhas ne kário raotinekwénsa. Nok né Kerístos iáh nenhné꞉e tóhka tehiorihwáhke tiehotawehiáton ne hiahotatatʼká꞉wen,

Exodus 30:10

Énska ne tsósehra ne Aaron thóh nenhá꞉iere tsi nihiorenhnáhon nahonsakanoharéke ne ietsienharáhkwah né kaiéri nikanikonharáhkes tsi ienhá꞉ren nonekwénhsa ne watʼtsahaʼtákwen ne kariwá꞉neren ahoriwàke. Né꞉ne kwáh iatehiosehráke kíʼ thóh nenhkaiérahke né꞉ne tsi nénhwe. Kí꞉ken ietsienhaʼráhkwah kwáh toʼkénʼen tsi enhiotoʼkentíke, né꞉ne Í꞉i iontsiathakweniʼióston, ne Watiá꞉ner.”

Hebrews 10:14

Né énskak karonhiakénshera, nekáti, rahonniáton ne tósa thé꞉nen ahiakohnhitsheraiéntake tsi nihiákon tiakotonʼnakanón꞉ni tsi nòkwa ne karihwáhneren.

Hebrews 10:3

Kwáh kíʼ tsi ní꞉ioht, kíʼ ó꞉ni, ne iontienkwahronniatákwahs ronterihwahtentsáthaʼkwe niaʼteioseráhke nahonsahonwennenhiaráhkwen nonkwesónha ne raotirihwahneraháktsheras.

Numbers 29:7

Sewatiatarórok nahisewaterénhnaien noieríhaton niwenhniserakéhaton né tsatákhaton niwenhnithakéhaton; tó꞉sa othènen tesewatskáhon tó꞉sa ó꞉ni thènen sewahióten.

Leviticus 23:31

Kí꞉ken kaianerénhsera enhiakóraʼne ratikwékon ne tsi nienhsatwatsírihne, iáh tewastherístha kaʼnónhwe nahatinákereʼke.

Exodus 27:21

Aaron tánon ne sakohʼiohokónhas enhatiʼkwahtáko ne kahá꞉sehra natohsehrákon ne tsi nónhwe níkes nátsthe nokwáhti tsi ioharénton né nohénton tsi kanorhóʼkwahien naʼteriwasehronhniáʼtshera. Thóh nakʼkhénton enhiotétʼkhake okáras entewathasákwen né꞉ne tsi nióre ienhiórenhne. Kí꞉ken kariwahtátʼtshera thóh nenhiotónhake né꞉ne tsi nénweh enhonteweiénton ne Israerʼró꞉nons tánon tsi wahatiʼwatsiratátie.

Leviticus 17:1

Ne Roiá꞉ner wahorihónten ne Mahís

Leviticus 23:28

Tó꞉sa othènen ensehwahióten né wenhniseráte, tsioríhwa tsi né wenhniseronhthákwen né꞉ne ahionhterihwathéntsiaʼte norihwakáhion néhren ahonsakahaʼwíthonke ne karihwánerens.

Exodus 39:43

Ne Mahís kwáh akwékon niaʼhakenhenhiónko tánon wahatkátho akwékon thóh ní꞉ioht tsi kasahánion kwáh kíʼ tsi nihontenhnáhon ne Roiá꞉ner. Káti ne Mahís wahahiatatéristhe.

Leviticus 3:17

Iáh ónhka Nisraerʼró꞉nonhs thaʼhónton nahónhneke ne thènen iorèsenhs iáh ó꞉ni nonekwénhsa; né kí꞉ken ne kaianerénsera tsi nénhwe tsi enká꞉thake né꞉ne roʼnonháke Nisraerʼró꞉nonhs kwáh tsi nónhwe nahatinákereʼke.

Leviticus 16:2

Wahénron, “Tsró꞉ri ne tiathatekénha Aaron thóh né khók né nó꞉nen kwáh tkariwaiéri tsi nenhkaháwiʼke nonàken tsi ioniatarénhton niá꞉re tsi nónh꞉we ne kwáh iotokénti íken, tsioríhwa tsi éhtho nónhwe tsi iotsíkerare nenhkathotási é꞉neken tsi iotenonhthékon ne Ateriwaseronhniátshera Onerókwah. Tó꞉ka enhatewenhnónhti, kwáh kíʼ enhonwanonhwariákon.

Leviticus 24:23

Nó꞉nen ne Mahís ne washakoró꞉ri kí꞉ken nonhkweshón꞉as Nisraerʼró꞉nonhke, iahonwahiaténhawe kíʼ rónhkwe nástste ne tsi ronatená꞉thaien tánon wahonwanenhióhiaʼke tsi warénheʼie. Thóh kíʼ nahatí꞉iere Nisraerʼró꞉nons tsi kíʼ nahó꞉ten ne Roiá꞉ner roríhonte ne Mahís.