Leviticus 16:2 - Ohiatonhseratokénti

² Wahénron, “Tsró꞉ri ne tiathatekénha Aaron thóh né khók né nó꞉nen kwáh tkariwaiéri tsi nenhkaháwiʼke nonàken tsi ioniatarénhton niá꞉re tsi nónh꞉we ne kwáh iotokénti íken, tsioríhwa tsi éhtho nónhwe tsi iotsíkerare nenhkathotási é꞉neken tsi iotenonhthékon ne Ateriwaseronhniátshera Onerókwah. Tó꞉ka enhatewenhnónhti, kwáh kíʼ enhonwanonhwariákon.

Leviticus 16:2 ပူးပေါင်းရင်းမြစ်များ

1 Kings 6:16

Né kwáh kanóns꞉kon iéken, né konhwanatónhkwah ne Kwáh Iotó꞉ken Nón꞉we Í꞉ken, oná꞉ken nòkwah Nononhsatokentiʼkówa nónhwe iekanonhsónhni. Né꞉ne asenhniwásenh niwashí꞉take nikanón꞉ses tánon né tewasonhthothákwen nonenhthakwénhte oskwénhkares oskwenhkaráke tiotásaʼwe tshièhio ne tsitʼkentskwáhere.

1 Kings 8:6

Ethòne ónenh ne ratiʼtsihénstatsis Ononhsatokentiʼkówaʼne niahatíhaʼwe naʼterihwaseronhniátshera nonerókwahkon í꞉wa tánon thohnónhwe nahatí꞉ien tsi nónhwe ne kwáh tsiotokénti íken, né꞉ne nàkon ne tsi tenihnerahontiónhtons ne thiʼnirhios.

Exodus 30:10

Énska ne tsósehra ne Aaron thóh nenhá꞉iere tsi nihiorenhnáhon nahonsakanoharéke ne ietsienharáhkwah né kaiéri nikanikonharáhkes tsi ienhá꞉ren nonekwénhsa ne watʼtsahaʼtákwen ne kariwá꞉neren ahoriwàke. Né꞉ne kwáh iatehiosehráke kíʼ thóh nenhkaiérahke né꞉ne tsi nénhwe. Kí꞉ken ietsienhaʼráhkwah kwáh toʼkénʼen tsi enhiotoʼkentíke, né꞉ne Í꞉i iontsiathakweniʼióston, ne Watiá꞉ner.”

Leviticus 16:13

Thóh rahohénton ne Roiá꞉ner enhát꞉tsahaʼthe ne kanetanó꞉ron ionhtsienkwaronhniaʼthákwa, tánon tsi nihioiénkwaroʼthe ne kanetanó꞉ron né enwaséhthaʼkwe nahotenontékʼtha Naʼterihwaseronhniátshera Ohneró꞉kwa né káti ne tó꞉sa ahatkátho tánon narénheie.

Leviticus 16:34

Kí꞉ken tehioterihwasónhteres ónenk tsi thóh ní꞉ioht tsi enwaterihwathenhtsáthonke énska ne tsiósera ne nahonsahonwatiʼrónhkwahse Nisraerʼró꞉nons ne rahotirihwaʼneraháktsheras. Káti ne Mahís akwékon thóh naháiere tsi kíʼ nihotenhnáhon ne Roiá꞉ner.

Leviticus 8:35

Ónenk tsi atohsehrákon ensewenhterónhthake né꞉ne tsi niwenhníseres ó꞉ni nokarasné꞉ha né꞉ne tsáta nónhta nikaríhwes, thóh nenhsewáiere tsi kíʼ nihorihwíson ne Roiá꞉ner. Tó꞉ka iáh thóh tahisewáiere, kwáh kíʼ ensewénheie. Thóh kíʼ ní꞉ioht tsi rakeríhonte ne Roiá꞉ner.”

Numbers 17:10

Ne Roiá꞉ner wahawénhase ne Mahís, “Ne Aaron rahoténhnits thóh hionhsháʼtien ohénton tsi kaneró꞉kwahien naterihwaseronhniátshera í꞉wa. Tsi enwateweienhtónhake né nahiakothokáten ne tehatinenhraríhtha Israerʼró꞉nons tsi kwáh enhonhníheie tó꞉ka iáh tehóntkawane tsi nihatirihwakátats.”

Numbers 18:7

Ók í꞉se tánon ne sehiohʼokónhas iatesewahiátis tsi kwáh akwékon kèn nienhsewáiere tsi nihotiʼhiotenhseró꞉tens ne ratiʼtsihénstatsis ó꞉ni tsi nó꞉kwah ne ietsienharákwa tánon tsi nahoténsons ne kwáh Iotokénti í꞉ken. Kíʼ nahorihoténhsons í꞉se sewahioténhseras íken, tsioríhwa tsi tkwá꞉wi nathatawítshera nahisewatʼtsihenstónhni. Ónhka ne iáh tehiakohiotenhserarenhnáhon ákta niáien ne Iotokéntis í꞉ken kwáh kíʼ enhionhtaʼtenonhwariákon.”

Numbers 4:19

nahonwatiʼnonhwariákon tsi ákta ienhónhne ne iotokéntis íkens. Né tó꞉hsa kí꞉ken thóh nahiáwenhne, ne Aaron tánon ne sakohiohʼokónhas ienhontáwehiaʼte tánon shaʼtihiatáʼtshons enhonwatiʼhiotensehrawíhon tánon enhonwatiʼró꞉ri tsi nahó꞉ten ahatíhaʼwe.

Numbers 4:5

Ne Roiá꞉ner tahá꞉wen ne Mahís ne tehioterihwaʼsonhterónhnion karihonhnienhnítsheras. Nó꞉nen ienkáhewe ne tahonsehsewanáhʼtahkwe, ne Aaron tánon ne sakohiohkónhas ónenk tsi atohsehrákon ienhontáwehiate, enhatiʼniataraniʼiontàko nohénton ioharénhton Naterihwaseʼronhniátshera Oneró꞉kwah, tánon né enhatiʼróhrokste Nʼoneróhkwah.

Matthew 27:51

Eh nikahaȣi Ononsatokentike ioniatarenton asennon ȣateȣatoren, ehneken tontasaȣen tsiniiore netake; nok ȣatiaonȣentsishonkȣe ȣateȣatenenhiorenseron oni.

Hebrews 6:19

Tsi nitiónnhe né kí꞉ken nonkwahrahráʼtshera tsi ní꞉ioht ne iakoristhontiétha. Kwáh iorihwahníron ó꞉ni orihwí꞉io, tánon ne ononsatokentíke kanónskon tioniatarénton kwáh iatheiohétstha.

Hebrews 9:25

Ne Sitaeró꞉non ratsihenstowáhnen iehatawehiátha ne kwáh Iotokénti Ionatʼtaien énskak ne tióshera ne ieháhas ne kário raotinekwénsa. Nok né Kerístos iáh nenhné꞉e tóhka tehiorihwáhke tiehotawehiáton ne hiahotatatʼká꞉wen,

Hebrews 9:3

Nonàken ne tekeníhaton ioʼniatarénton né wahtoseróhthe konwahnathónkwah Né Kwáh Iotokénti íken.

Hebrews 9:5

Éhneken ne tsi kanorohkwáhere níties né teninerahóntionthe káhrios né꞉ne Rawenni꞉io rahorihwáhke tsi thóh í꞉nes, ne rahotinerahhóntia tehotiʼthakahráwenh iohróron tsi nónwe ne karihwáhneren niskanikonrénʼen. Nók iáh kíʼ ónwah tiehió꞉eh nakahnikonrahientáton nakwékon tsi nihioteriwahtiéren.

Revelation 15:8

tánon nononsatokentikó꞉wane kwáh tontakaienkwará꞉rahne thóh nontá꞉we ne raohiatanerakwahtsherá꞉kon ne Ní꞉io tánon ne raoshatstenhserá꞉kon, tánon iáh ónhka taiekwé꞉ni niahiontá꞉wehiate nonhnonsatokentikó꞉wane tsi niió꞉re ne tsá꞉ta kanratarihnétshera ne tsá꞉ta nihá꞉ti ratironhiakeró꞉nons thotí꞉ha ienwatót꞉ten.