Leviticus 15:5 - Ohiatonhseratokénti

⁵ Nónhka iahieiéna ne rahonák꞉te

Leviticus 15:5 ပူးပေါင်းရင်းမြစ်များ

Psalms 26:6

Saiá꞉ner sakatsióhare né nakéneste tsi iáh tewaʼkeníkon, tánon watkhakwahtaséhnion ne tsi kanióte ne sáwenk ietienhará꞉kwah, O Saiá꞉ner,

Psalms 51:2

Kwáh toʼkénʼen sastiató꞉hare tsi nòkwah nakerihwanerahákʼtshera, tánon kwáh sewaʼkatkwenienstónhat né꞉ne tó꞉sa ahonsakerihwáʼnerake.

Psalms 51:7

Éhʼren sá꞉wit nakeriwaʼnerahát꞉tshera, tánon kwáh ensehwaʼkatkwenienstónhake; sastiató꞉hare, tánon kwáh sénha enskerakénhake tsi ní꞉ioht nó꞉niete.

Exodus 19:10

tánon ne Roiá꞉ner wahawénhase, “Wáhs onhkwéʼne niaháse tánon sehró꞉ri né ronhnenhniserónhniat nónhwa wenhniseráte nahonsahontonhʼnakanónhni tsi enhonterénhnaien. Ónenk tsi enhatinó꞉hare ne rahonatʼtsherónhnias

Isaiah 1:16

Sashewatsóhare tánon sashewatsiaʼtóhare; sashewatkwenienstónhak; éhʼren sewaháwit ne karihwahétʼkens tsi nisewatserá꞉nions nakʼkénton tsi tetkánere; sewát꞉kaf tsi nisewatsiéra ne karihwahétken,

Isaiah 22:14

Ne Sakoiá꞉ner ne ronterí꞉ios ratiʼronhiakeró꞉nons wahattháraʼse raonhatsíwa thóh kahontákons: Oriwiʼiohónwe kí꞉ken kaní꞉kon tsi iáh tahonsaiesanikónrenhse kwáh tsi nió꞉re iensí꞉heʼie, rá꞉ton ne Sakoiá꞉ner ne Sakoní꞉io ne ronterí꞉ios ratiʼronhiakeró꞉nons.

Ezekiel 36:25

Kwáh tenhkonhiatsʼtaróhkwahthe ne kanhekí꞉io tánon enskonhiató꞉hare tsi naʼtehiesahiatatsiónston ne sahiatonhnishónhas tánon ne oiásonhs naorihoténsonhs ne tehiesahiathatiónston.

Ezekiel 36:29

Kwáh enkonhiatanónhsthaʼte entkonhiatónhneke oriwahkwékonh nahó꞉ten ne teshahiatatsiónhstha. Kwáh enkénhane onátsia ne wéso ahontakáhawe, ne káti ne tó꞉sa shé꞉kon ahonsehsaiénthaʼke ne atonhkerhiákon.

Leviticus 11:24

Tó꞉ka ienshiéna nahotiʼhieronthasónhas ne ionenhéions khontitshénens, kwáh tensahiathationtónʼhake tsi nióre ienhiókaraʼwe: kohntiʼkwékons né꞉ne tekontitsinaʼrenhtóntons, nékʼkhok tó꞉ka kén tehiotiʼtsinarentatʼkháshion tánon konhtiné꞉tats, tánon konhtikwékons ne kaiéri níkons tsi tenonhtitsinarenhthóntons. Tó꞉ka ensehianitionhkwakéthaʼte, ónenk tsi ensehsenó꞉hare ne satierónh꞉niat, ók shé꞉kon kíʼ tenshaʼhiathatiónhake tsi nióre ienhiókaraʼwe.

Leviticus 11:32

Tánon ne iawehéion rahotiʼierónhtas kakʼnónhwe iakaiénthaʼne, kwáh kíʼ tenhiotiónhtaʼne. Thóh kíʼ íkare ne kwáh tsitʼnakaientótens akénhake, oniatharáha, óhna, tó꞉ka ó꞉ni ne hiontsieʼronhniathákwa oniataráha, iáh tewatsʼterístha nahó꞉ten ahionsthákwahke. Ónenk tsi onekanóske ienhiákoʼwe, ók ónenk kíʼ tsi iáh thaʼhonsahiotkweniensthónhake tsi nióre ienhiókaraʼwe.

Leviticus 13:34

Ne tsathákʼhaton niwenhniseraʼkéhaton ne ratsihénsthatsi shékon ensátkenhse ne ió꞉to, tánon tó꞉ka iáh thatehorénion tánon iáh tewé꞉ne ne sénha ohnewó꞉kon niaʼiawénonhke,

Leviticus 13:6

Ne ratsihénsthatsi shé꞉kon enshiát꞉kenhse ne tsáta nónhta nióre, tánon tó꞉ka ne ióton ehthàke nietsawénon tánon iáh tatehiorè꞉nion, enhiaró꞉ri kíʼ tsi saiewenhtáhon; kwáh nék khók ne ió꞉to. Ónenk tsi ensehnó꞉hare ne satʼtserónhnia tánon kwáh tsi satkwéniens.

Leviticus 14:27

tánon ne rasnonhsáke ne saweienthethákwen nahatianáhti tenhastharó꞉kwahthe ostónha né꞉ne tsáta nihiorihwáke rahohénton ne Roiá꞉ner.

Leviticus 15:18

Nó꞉nen ne rónhkwe tánon ne iónhkwe skát꞉ke rohnarátonhne ónenk tsi enshiátawenh, tánon kíʼ tenhothihiatationthónhake tsi nióre ienhiókaraʼwe.

Leviticus 15:4

Kwáh tsík nikanatʼtóten tsi nónhwe nenhátsien tó꞉ka ó꞉ni nahá꞉rathe tsi iáh tehotkwéniens.

Leviticus 15:6

tó꞉ka ó꞉ni thóh ahiónhtsien nètho rónhkwe tsi nónhwe nihentskwáhraʼkwe ónenk tsi entienó꞉hare nakotsherónhnia tánon entionhtáwen, tánon kíʼ tehiakohiathatiónhake tsi nióre ienhiókaraʼwe.

Leviticus 16:26

Né rónhkwe né iehohiaténha ne kaiatákeras ne iahonwenhtsiatʼthénhke ne tsítʼres ne Azazel ónenk tsi enshanóhare ne rahotsherónhnia tánon enshatáwen nohénhton tahontháre ne tsi rotenáthaien.

Leviticus 16:28

Tsi nikáien nenhát꞉tsahate ónenk tsi enshanóhare ne rahotsherónhnia tánon enshatháwen nohénton iénsre tsi nónhwe niwatená꞉thaien.

Leviticus 17:15

Ónhka nónhkwe akénhake, Israerʼró꞉nons khés ne tihononhontsátes, nónhka ahiewáraʼke né katshénen ne thiʼkawenhní꞉io iawehéion khés né꞉ne konhtírio konhwanonhwariákon ónenk tsi enshatinóhare ne rahonatʼtserónhnia, enshontáwen ó꞉ni, tánon enhonteráraʼthe tsi nióre ienhiókaraʼwe ne kwáh ahonshahonatkweʼniensthónhake.

Numbers 19:10

Tsi nikáien ne rokenraró꞉ron ónenk kíʼ tsi enshanóhare ne rahotserónhnia, ók tenhohiatátshonhke tsi nióre ienhiókarawe. Kí꞉ken kaianerénhsera tsi kwáh enhioianeréhake né꞉ne tsi nènhwe thóh nenhiotónhake, tetsarónhkwen tsi thóh nenhiotónhake né꞉ne Israerʼró꞉nons tánon ne tihononhontsátes ne skát꞉ke ratinákere.

Numbers 19:22

Kwáh tsík nahó꞉ten ne iáh tehiakotkwéniens nónhkwe ienhieiéna tsi iáh tahonsahiotkwenienstónhake, tánon ónhka nakóren ienhieiéna kwáh kíʼ iáh tahiotkwenienstónhake tsi nióre ienhiókarawe.

Hebrews 10:22

Ánion ki rahiatát꞉ta iehetewe ne Rawenni꞉io ne kwáh aiteweriasí꞉iohake ó꞉ni aoskon ne tewetakwenh, ne seweriatokenʼtiston ne tsi niweriahsakʼsénhne ó꞉ni noieronta né skanoharéhton ne iotnekatʼkwé꞉niens.

Hebrews 9:14

Tsi kwáh kí꞉ken orihwí꞉io íken, tohʼniwéso tsi sénha karihwahkwahtákwas ne Kerístos raonekwénsa! Thóh nónwe ne ionnheónwe kashatsʼténsera raónha iahatatátʼkaʼwe né꞉ne ahontakarihwahiérike ne karonhiakénshera raohénton ne Rawenni꞉io. Né raonekwénsa né entionkweriashaserón꞉ni tsi nòkwa ne iáh thènen thekarihwásthas tsi nikarihótenne, ne káti nahónton atsitewaiótense ne ronnheón꞉we Ní꞉io.

Hebrews 9:26

asè꞉ken ónenk tsi wéso iorihwáhke ahonsahoronhiakénʼen tsi náhe tiotonhontsí꞉shon. Khèʼkhok, nónwah ónen norihwakwékon ákta íweh ne tsi iehiótokʼte, énskak khók iehototáshion, nahonsaharáhkeʼwe ne kariwáhneren ehnahóntawe tsi rahonhatsí꞉wah roronhiakén꞉en.

Ne꞉ne Sák Rohiaton 4:8

Rahiaták꞉ta ne Rawenni꞉io niahásewe, tánon ó꞉ni ne raónha sehwahiatat꞉ta nént꞉reh. Sahsewatióhare, í꞉se ne sewariwánerens! Sasewatateriasaʼserón꞉ni, í꞉se nanónwaras

Revelation 7:14

Wahiiénhase, “Sénhshon, í꞉se khók saterièn꞉tare.” Ethò꞉ne wahakénhase, “Né꞉ne ronón꞉ha tontahonhnótkawe ne tsi nateiotenonhianì꞉ton tsi niioteriwatiérenhkwe; shotinhoharéhnion ne teontewehiarákwas tánon sahatirakénste thóh raonekwénhsake ne teiotinaʼkaronhtónha owí꞉ra.

1 Samuel 20:26

Ne Saul kwáh iáh netsiowénhna tehá꞉wenh nètho wenhniserátekwe; asèken ne rahón꞉ha wárehre nenhné꞉ʼeh, “Khahohiátawenh; iáh tehotʼkwéniens, oriwiʼiohónwe tsi iáh tehotkwéniens.”