Leviticus 14:7 - Ohiatonhseratokénti

⁷ Ónenk tsi tsáta nihiorihwáke tenshakotstaró꞉kwahte nonekwénhsa tsi ní꞉tsion ne tsi sewaiewenhtáhon ne kanéhonk kannhratharihné꞉tshera, tánon ethóhʼne enʼtsisewaró꞉ri kwáh kíʼ tsi sewatkwéniens. Tánon iensát꞉kaʼwe ne otsiténha kahenthakéson niaʼhonshakátie

Leviticus 14:7 ပူးပေါင်းရင်းမြစ်များ

2 Kings 5:10

Né Elisha rahonhátsera wahoróri niahahiákenhne nahoróri thóh iére tsi kaniatarathátse ne Jordan tánon tsáta nihioríhwake shatiatóhare, tánon kwáh kíʼ ienshaiewénhtaste tsi nihononhwákʼthani.

2 Kings 5:14

Sók kíʼ ne Naaman Jordan niaháre, tsáta nihioríhwake iahatéskowe, tsi kíʼ nihorihwatáʼti ne Elisha, tánon kwáh kíʼ sahaiewénhtane. Né tsi rónhnhe kwáh kíʼ sahiohiánerenhne tsi ní꞉ioht ne ieksáha.

Psalms 51:2

Kwáh toʼkénʼen sastiató꞉hare tsi nòkwah nakerihwanerahákʼtshera, tánon kwáh sewaʼkatkwenienstónhat né꞉ne tó꞉sa ahonsakerihwáʼnerake.

Psalms 51:7

Éhʼren sá꞉wit nakeriwaʼnerahát꞉tshera, tánon kwáh ensehwaʼkatkwenienstónhake; sastiató꞉hare, tánon kwáh sénha enskerakénhake tsi ní꞉ioht nó꞉niete.

Isaiah 52:15

ká꞉ti kwáh entesakotón꞉nekʼthe iakotioʼkowánen; né rontiʼnontí꞉ios kwáh enhóntskweʼke rahónha entʼtharihónhni; asèken ne tsi nahó꞉ten ne iáh tehonwatiʼró꞉ri né꞉ne kwáh ne enhontʼkátho, tánon tsi nahó꞉ten ne iáh tehonarónhken kwáh kí né꞉e tenhatiʼiatóreʼte.

Ezekiel 36:25

Kwáh tenhkonhiatsʼtaróhkwahthe ne kanhekí꞉io tánon enskonhiató꞉hare tsi naʼtehiesahiatatsiónston ne sahiatonhnishónhas tánon ne oiásonhs naorihoténsonhs ne tehiesahiathatiónston.

Daniel 9:24

“Tsá꞉ta niiorì꞉wake ne tsá꞉ta niwáhsen niiohserá꞉ke nikarí꞉wes ne Rawenni꞉io roteʼnienténhston ensehshakohnerénhsi ne sonkweʼtaʼshón꞉ʼa tánon ne sanatatokénhti tsi nihotirihwané꞉ren tánon tsi nihonnonkweʼtahétken. Enskaʼnikonrhén꞉en ne karihwané꞉ren tánon enskakwatákwen ne karihwakwarihshóntshera tsi nén꞉we, eʼtho naontá꞉we ne atetshénhsera tánon ne iekarí꞉waken né naiá꞉wenʼne, ó꞉ni ne ononhsatokenhtiʼkó꞉wa enskarihwatokénhston.

Leviticus 13:13

ne ratsihénsthatsi shé꞉kon kíʼ enshiát꞉kenhse. Tó꞉ka enhatʼtsénhri kwáh kíʼ íken tsi tiathakwékon ioteró꞉ron, kwáh kíʼ enhiaró꞉ri tsi satkwéniens kíʼ. Tó꞉ka shaʼnewakwékon karáken nahá꞉wenhne, kwáh kíʼ íken tsi satkwéniens.

Leviticus 13:17

Rahónʼa shé꞉kon enshiátkenhse. Tó꞉ka ne ióto kará꞉ken nihiawénhen, kwáh íken tsi satkwéniens, tánon ne ratsihénsthatsi enhiaró꞉ri satkwéniens.

Leviticus 14:51

Ethóhʼne ténhrakwe ne onenhthakwénhte óienhte, ne hyssop óhonte, nonekwénhtara asehríhie, tánon ne iónhnhe otsiténha tánon thóh ienhrónhnionhwe nonekwenhsáke ne ranonhwariákon otsiténha tánon ne ioné꞉kano. Tánon né tehatstharokwahthánion tsi kanónhshote tsáta nihiorihwáke.

Leviticus 16:14

Enhatʼtháwa ne tèro rahonekwénhsa tánon rasnonsáke énratsthe tsi tehatstarokwahthánion ahohénton naʼtenonhtékʼtha tánon ethóhʼne tsáta nihiorihwáke né thensatsʼtharokwahthánion ahohénton ne Aterihwaʼseronhniátshera Ohneró꞉kwa.

Leviticus 16:19

Ethò꞉ne kwáh thenhastarokwate tsáta niioriwà꞉ke ostonha nonekwensa rasnonsake enrastetsata niioriwake, ensanoharete, tanon enhatokenstiste ne tsi nateotiiatation ne ratitsaokonhas ne Israel.

Leviticus 16:22

Ne kaiatákeras akwékon ienháhaʼwe ne rahotirihwaneraháktsheras kakʼnónhwe né꞉ne tsi nónhwe iáh ónhka tetsenákere ne tsi ionhwenhtsáte.

Leviticus 4:17

iaʼtenhanisnonhsóh꞉we, tánon tehatsʼtharokwahthánion tsi ioharénhtons tsáta nienwáterasthe.

Leviticus 4:6

Onekwenhsáke iatenhanisnonshó꞉we tánon tenhatstharokwahthánion ne ohénton tsi ioniatharenhtónnions ne iotokéntis tsáta nienwáteratsʼthe.

Leviticus 8:11

Kénk níkon iaháhaʼwe ne kénhie tánon wathastsʼtharokwahthánion tsáta nihiorihwáke ne ientsienharákwahke tánon ne tsi niwatsthasónhas tánon ó꞉ni ne hiontsioharetákwah akéra tánon ne tsitkárathe, né nahónton nahotonhnahéraʼse ne Roiá꞉ner.

Micah 7:19

Kwáh kíʼ shé꞉kon tentre tánon ensheshonkwenténhre; kwáh kíʼ enharatatiéson nonkwahrihwaneraháktshera. Akwé꞉kon isehienhóti nonkwahrihwaneraháktsheras tsi nón꞉we ne kwáh tionó꞉tes kaniatarakeʼkowáhne.

Numbers 19:12

Ónenk tsi enshontiatóhare onékanos énhonhste né꞉ne tionhthonhnakanonhnitákwah né asénhaton nónhta tánon ne tsatakháton nenhwenhnisehráteke, tánon kíʼ ethòne entsakotkwenienstónhake. Ók kíʼ tó꞉ka iáh tahonsahiontiató꞉hare nasenháton niwenhniserakéhaton ó꞉ni ne tsatakháton nónhta, kwáh kíʼ iáh tahonsahiakotkwenienstónhake.

John 19:34

Saiatat tanon ne Sotar, asikȣe ȣahohastste ranahatake, onekȣensa kontihente takontiiakenne nok ethone nonekanos.

Hebrews 10:22

Ánion ki rahiatát꞉ta iehetewe ne Rawenni꞉io ne kwáh aiteweriasí꞉iohake ó꞉ni aoskon ne tewetakwenh, ne seweriatokenʼtiston ne tsi niweriahsakʼsénhne ó꞉ni noieronta né skanoharéhton ne iotnekatʼkwé꞉niens.

Hebrews 12:24

Rahonháke ne Ié꞉sos nontáh꞉se, rahónha shokwahtákwen náse aterihwahseronniátshera, tánon tsi tekanekwenhsentónʼon ne warahrátstha sénha ioiáneres tsi ní꞉ioht ne Abel raonekwénsa.

Hebrews 9:13

Ne raotinekwénsa ne kaiatákeras ó꞉ni ne teotinakáres ratítsinn ó꞉ni ne wahkenrontákwen ne ronaʼtsaháton ne tionhnónskwahron owíra né ronwahnakenróserhas nonkwesónha tsi nikáien ne kwáh shiʼioriwahkáion iáh tehonatʼkwéniens, tánon ne kí꞉ken shotihiataserónnis ahéren kahawítha ne shiʼioriwahkáion iáh shihonatkwé꞉niens.

Hebrews 9:19

Tiotierentákwen, Mahís wahshakorórih nonkwesónha orihwakwékon ne atsiawenhráhtshera tsi nikahiatónnion ne kaianerenserákon. Ehthóhʼne teotinákares ratísinn tánon ne kaiatákeras raotinekwénsa wáhratsʼthe, onékanos wahtháiesthe, tánon kahiatonseráhke ne kaianerénsera wahtanekéntonwe tánon ó꞉ni ratikwékon nonkwesónhas wahtesakonekéntonwe, hyssop ahonhatasónhas wáhratsʼthe tánon onekwéntara niwahshokóten okénha wahawahnerékthe.

Hebrews 9:21

Kwáh né sahoríhwah ne Mahís tsi tehonekwensentón꞉on ne Karihwahtokénston natóh꞉sera ó꞉ni orihwakwékon tsi niʼióntstha ne tehiontenonwehráhton.

Hebrews 9:26

asè꞉ken ónenk tsi wéso iorihwáhke ahonsahoronhiakénʼen tsi náhe tiotonhontsí꞉shon. Khèʼkhok, nónwah ónen norihwakwékon ákta íweh ne tsi iehiótokʼte, énskak khók iehototáshion, nahonsaharáhkeʼwe ne kariwáhneren ehnahóntawe tsi rahonhatsí꞉wah roronhiakén꞉en.

1 Tiér 1:2

Ietsiʼiaʼtará꞉kwen ne tsi nithonikonriʼióʼon ne Rawenni꞉io ne Kanísera ó꞉ni Rawenni꞉io Raonikonratokénti wakarihonni tsi wesewahiatatokentíne, né꞉ne ahtsisewawénnarakwe ne Ié꞉sos Kerístos tánon ne ahonsehsewatonnakanónniathe ne rahonekwénsa. Aiáwens kenténrat ó꞉ni ne skénnen aisewawenhkónweke ó꞉ni aiawetowénhnenke.

1 Sawátis 5:6

Ié꞉sos Kerístos rahónha thóha nonékanos tsi rotenekwahesthákwen ó꞉ni nonekwénsa tsi iehawenheiáton. Iáh onékanos khók thetóha, nók tetsiáron nonékanos ó꞉ni nonekwénsa, Tánon rahónha ne Ronikonriʼióston ratróris tóhske thóh ní꞉ioht, Asèken kwá aóskon nʼoriwíʼio ne Ronikonriʼióston