Leviticus 13:4 - Ohiatonhseratokénti

⁴ Ók tó꞉ka ne ióto karáken ní꞉ioht tánon iáh tewéne ne ná꞉kon niaʼiawénon tsi ní꞉ioht ne kané꞉honk nákta íken tánon nonónhweron iáh karáken teiawénhen, ne ratsihénsthatsi tsáta nónhta enhianó꞉ton.

Leviticus 13:4 ပူးပေါင်းရင်းမြစ်များ

Ezekiel 44:10

Ne Roiá꞉ner wahakénhase, “Kherewáhthaʼne tí꞉ken Levites roʼnónha, skátke ne ronáhtsiakes nonhkweshón꞉ʼas ne Israerʼró꞉nonhke, hionkatewenhthéton tánon kahiatonhnisónhas konwasénhnaiens.

Leviticus 13:11

Né꞉ne iáh tetieiewénhtas kanhratarihné꞉tshera. Ne ratsihénsthatsi enhiaró꞉ri tsi iáh tesatkwéniens; iáh othènen tatetsotonhontsóhon nahonshaʼhianó꞉ton, tsioríhwa tsi tiewène tsi iáh tesatkwéniens.

Leviticus 13:25

ne ratsihénsthatsi enhiátkenʼse. Tó꞉ka né thóh nónhwe nihiononhweró꞉te karáken nahá꞉wenhne tánon thóh ní꞉ioht tsi wéne sénha ná꞉kon nieiawénon naktónhtse tsi ioné꞉ware, kwáh kí íken tsi iothennhrát꞉teron sannhrá꞉re né꞉ne kané꞉honkʼne kanratharihnétshera íken thóh thontashá꞉waʼkwe tsi iotsaháton, tánon ne ratsihénsthatsi enhiaró꞉ri iáh tesatkwéniens.

Leviticus 13:26

Tó꞉ka ne iononhweró꞉te iáh kará꞉ken tehiawénhen tánon iáh sénha ná꞉kon tseiawénon tsi ní꞉ioht nakʼtóntsies ionéʼware, ók kíʼ teioswátʼthe tsi niwasohkóten, ne ratsihénsthatsi tsáta nónh꞉ta enhianó꞉ton.

Leviticus 13:3

Ne ratsihénsthatsi enhatkenséhnion ne iononwakténions, tánon tó꞉ka nononhwé꞉ron ne thóh iononhweró꞉the karáken nihiawénʼen tánon ne ióh꞉tonh sénha tehionó꞉tes nakʼtónties ne kané꞉honk, kwáh kíʼ né꞉ne iothenhʼrát꞉terons nakoné꞉honkne íken, tánon ne ratsihénsthatsi enhiaró꞉ri iáh tesatkwéniens.

Leviticus 13:31

Tó꞉ka nó꞉nen ne ratsihénsthatsi iát꞉kenhse, tó꞉ka ne ió꞉to iáh ná꞉kon tseʼiawénon tsi ní꞉ioht naktónhtse tsi ionéwaʼre, ók shé꞉kon kíʼ ne tsi ioné꞉ware iáh tehiothaʼkaríhte, tsáta kíʼ nónhta enhianó꞉ton.

Leviticus 13:5

Ne ratsihénsthatsi shé꞉kon enshiát꞉kenhse ne tsáta nónhta nióre, tánon tokáʼha ne rahohiatoretátshera ne ióto shé꞉kon ne sáka tánon iáh thatehiorénion, shé꞉kon kíʼ tsáta nónhta enshianóton.

Leviticus 13:50

Ne ratsihénsthatsi enhatkenhséhnion tánon í꞉seh ienháreʼke né nahorihótens né꞉ne tsáta nónhta nikaríwes.

Leviticus 14:38

éren énsrethe tsi kanonshó꞉the tánon enhaʼnienthároʼke né꞉ne tsáta nónhta nikaríhwes.

Numbers 12:14

Ne Roiá꞉ner Watharihwasehráko, “Tó꞉ka ne roʼníha kanonsháke iahotiʼtskerónhtionke, ónenk kíʼ tsi tsáta nónhta nikaríhwes enwatʼtháwa nahotehénhsehra. Káti áhtste iekonhwahiatónti tsahiáksehra nikaríhwes, tánon kíʼ ethóne enwáthon ne tahontakonhwahiatínionhte.”

Numbers 12:15

Ne Miriam áhtste tkonhwahiatinekénʼen ne tsi watenátaien né꞉ne tsáta nónhta nikaríhwes, tánon nonhkweshón꞉ʼas iáh kíʼ thaʼteshonahnatáh꞉kwenh tsi nióre thonthakonʼwahiatínionhte.

1 Corinthians 4:5

Káti iáh tesateriwahiénni nónka tashehiatórethe nohénton ne iakáhewe. Nonakènkha ne karewahtátshera ónenk tsi enwahterahráton tsi naténtʼre ne Roiá꞉ner; tenhaswátʼtethe ne tetiókaras kariwahshetánions tánon enrotashiónko ne ronahtenikonrahsehtánions nonkweshónʼa. Tánon etʼthó꞉ne onkwetaʼkwékon eniehiéna tsi néntewe ne Ni꞉ióʼne ne kanonweratóntshera tsi nahtahiakoténtion.

Deuteronomy 13:14

Tó꞉ka thé꞉nen ensewarihwá꞉ronke ne karihontienónties, kwáh tokén꞉en sewarihwísak; tánon tó꞉ka tó꞉kenske í꞉ken kí꞉ken karihwahétken é꞉tho nihiawénhen,

1 Timothy 5:24

Nakorihwaneraháktseras nonkwesónha tsi nihióken nahiontʼkátho, tánon ne rahotiriwaneraháktsera ne enkahénthe tsi natenhonwathihiatórethe; onk nakorénsons akoriwaneraháktseras onakènke nen꞉ne enhiontkátho.