Leviticus 13:2 - Ohiatonhseratokénti

² Tó꞉ka ónhka tsi nítsion ne sehwakarahrénhserons ne sewanéhonkʼne tó꞉ka ó꞉ni sewatkarohthaʼkwáhronhte tó꞉ka ó꞉ni iothóhnions né nonhtiérenk ne iathahontkaraténi ne iotennhrát꞉terons kannratarihnétsheras akoné꞉honkne, entiesahiaténhaʼwe rahotihéntons ne Aaronites ratiʼtsihénsthaʼtsis.

Leviticus 13:2 ပူးပေါင်းရင်းမြစ်များ

2 Samuel 3:29

Aiá꞉wenhs ne kaní꞉tsera aká꞉rahne ne ranontsí꞉ne ne Joab, ó꞉ni ratikwé꞉kon ne roní꞉ha raowáhtsire; tánon aiá꞉wenhs ne raowáhtsireh ne Joab iahiokontáhkwen ne ahotironhiá꞉kenke ne iokhas kanhratariné꞉tsera, iakotstawis, khéhs nón꞉kak ne ahoienawákon ne iehseriʼieʼtonniátha, khéhs thóh iahaiatiénenhne tsi waterí꞉io, khéhs ahothikwanorónsten!”

2 Kings 5:1

Né Naaman, raónha ranenhrakwení꞉iokwe ne Syriaró꞉nons ronhterí꞉ios, kwáh í꞉ken tsi ronhwakweniénsthakwe tánon tehorensháronskwe ne Syriaró꞉non ronnontí꞉io, tsioríhwa tsi raonhá꞉ke ne Roiá꞉ner teshakówi ne Syriaró꞉nons ronterí꞉ios naʼtesenhniétsera. Kwáh í꞉ken tsi rasenhnowánenʼne tsi rashotarkénʼen, ók né roʼronhiakénthaʼkwe tsi rostá꞉wiskwe.

2 Kings 5:27

Tánon káti ónen ne Naaman rahohratharihnétsera í꞉se entsisáraʼne, tánon níse ó꞉ni tsi iensatwatsírihne tsi tiókonthe ensewatsʼtawíseke!” Nó꞉nen ne Gehazi é꞉ren sonhsárethe, rostháwiskwe kíʼ—né tsi ronewáre thóh nikaráken tsi ní꞉ioht nóniete.

Isaiah 1:6

Kwáh sasitókon tsi nió꞉re ne senonhtsíne, kwáh iáh okàneka tetsiothaténron ne iáh thahisatsiatakwaráshonke khéhs nahiotó꞉ke, ók shatsatakwarákʼshon tánon shatsiato tánon ionekwáhon tsi nisatkarehwátons; ók iáh tekanóhare, khés naieshakentórenke, iáh ó꞉ni teiesaienáron naionetskáon.

Isaiah 3:17

Ne Roiá꞉ner ne ensakononwatʼtáten nahiotinonkwíserenhne kwáh onahónstha enkónton ne kontinontsínes ne Zion akohioʼokónhas, tanon ne Roiá꞉ner kwáh kokʼnón꞉we thenrónhni ne tsi iotiríhwaien.

Leviticus 13:1

Ne Roiá꞉ner thashakáwen ne Mahís tánon ne Aaron kí꞉ken kaianerénseras.

Leviticus 13:3

Ne ratsihénsthatsi enhatkenséhnion ne iononwakténions, tánon tó꞉ka nononhwé꞉ron ne thóh iononhweró꞉the karáken nihiawénʼen tánon ne ióh꞉tonh sénha tehionó꞉tes nakʼtónties ne kané꞉honk, kwáh kíʼ né꞉ne iothenhʼrát꞉terons nakoné꞉honkne íken, tánon ne ratsihénsthatsi enhiaró꞉ri iáh tesatkwéniens.

Leviticus 13:8

Ne ratsihénsthatsi shé꞉kon kíʼ enshiát꞉kenʼse, tánon tó꞉ka tehiorénion, enhiaró꞉ri kíʼ tsi iáh tesatkwéniens; kwáh kíʼ iotennhrát꞉theron sanhrá꞉re né꞉ne kanéhonk kanratariné꞉tsera.

Leviticus 14:3

ne ratsihénsthatsi ástste nienhiaiaténhaʼwe ne tsi watená꞉thaien tánon enhiatkensénion. Tó꞉ka ne kannhratharihné꞉tshera tiaʼkoiewenhtáhon,

Malachi 2:7

Aseʼkénh tsi ratihshaká꞉ronte ne ratitsihènhstatsiʼs aó꞉wenk naionteweièn꞉tonke nattokháhtshera, tánon nonkwehshón꞉ʼahs aó꞉wenk naiakéhsake ne karihonnienníhtshera ne tsi rahshaká꞉ronte, aseʼkénh ráonha rorihwakarenién꞉nis ne Sakoiá꞉ner ne ronterí꞉ios ratironhiaʼkehró꞉nonʼs.

Numbers 12:10

tánon notsíkera èhren sáwehte ne tsi watóhsehrote, ne Miriam ne tsi ioné꞉ware thonhtaiawénhstsi wahostaʼrónhnionhne tánon thóh nakaráhkenʼne tsi ní꞉ioht nóniete. Nó꞉nen ne Aaron sahaʼkenhʼénhion tánon wahatkátho thiʼtsioróhron iotsʼtháwis,

Numbers 12:12

Tó꞉sa sehríhon nàrokʼtehiakawenhnakeráton nowirá꞉ʼa, sók iakohiatakʼsénhʼen tsi wahonhnákerate.”

Matthew 8:4

Ȣahenron ne Iesos: Senikonrarak tosa onka sherori; ȣas tanon rahotihenton ratitsihenstatsi seriȣaierit tsini horiȣataton ne Moïs aiaȣens neh ȣene ahononhnien.

St. Mark 1:44

ȣahenron: senikonrarak tosa onka sherori; ȣas tanon shenatonnira ne ratitsihenstatsi nok ashenikonrasenniete tsi aseriȣaierite tsini hotenienten ne Moïs tsi tokenske sasaton.

Luke 17:14

Nok nonen sasakoken, ȣasakaȣenhase: ȣaseȣe, Ratitsihenstatsine iahasene. Nok tsniiore niiahonenonhatie eh sahatiieȣentane.

Luke 5:14

Nok ȣahotiaȣenratse nonkakiok tesakorori. Ȣas, tanisa ȣahenron, nok shenatonhas ratitsihenstatsi, nok satkaf tsi sasieȣentane tsini horiȣataton ne Moïs, neneh ȣene ahononnien;

Deuteronomy 24:8

“Nó꞉nen ne saronhiakéntha ne iothenratʼtheron ne shanehón꞉ne, kwáh orihwí꞉io tsi thóh nátser tsi nahó꞉ten ne levitical rokhá꞉res enhiaró꞉ri; ittier ne karihonhnienhní꞉tsheras tsi nitkonhiáwi.

Deuteronomy 28:27

Ne Roiá꞉ner enhtathéniete nahisatkarotakwaronhthásehron, tsi nishakoié꞉raʼse ne Egyptró꞉nons. Ne enrón꞉niate ne tierón꞉ke nahishakararénhseron. Tsathakwé꞉kon ensenhstaronhniónhne, tánon ensharónhkwen, ók kwáh ki iáh othé꞉nen thakanonhkwahtseraiéntake.