Leviticus 12:5 - Ohiatonhseratokénti

⁵ Né꞉ne kaiéri-iawénhre niwenhniseráke nónen ne iónhkwe ieksháʼa iowiraientáhon, kwáh kíʼ iáh tehiokwéniens, tsi kíʼ ní꞉ioht nónen iotenhnitaráni. Ethóhʼne iá꞉iak niwáhsenh-iá꞉iak niwenhniseráke nióre ientsiotkweʼniensthónhake ne tsi níkon ionekʼkwáhon.

Leviticus 12:5 ပူးပေါင်းရင်းမြစ်များ

Genesis 3:13

Eʼthó꞉ne ne Roiá꞉ner Rawenni꞉io wahrénhahse ne tsothonwí꞉sen, “Nontié꞉ren kí꞉ken tsi tho náhshiere?” Ne tsothonwí꞉sen waʼkén꞉ron, “Thí ó꞉niare waʼtewakeʼnikonhrakén꞉ni tsi waʼká꞉iake.”

Leviticus 12:2

né꞉ne onhkweshón꞉as Nisraerʼró꞉nonke akorihwáke. Né tsáta nónhta onakènhke tsi náhe tsowiraientáhon ne roskenrakéte ne iónhkwe, kwáh kíʼ tsiontonhkwetatkwéniens ísken, tsi kíʼ ní꞉ioht ne iaʼtewenhníthake tsi iotenhnitaránis.

Leviticus 12:4

Ethóhʼne shé꞉kon asenhniwáhsen-áhsen niwenhniseráke kwáh ientsiotkweniensthónhake né tsi níkon wakanékwa; kwáh iáh tehioterihwíson ne thènen iakaiéna ne iotokénti tó꞉ka ó꞉ni niahontáwehiaʼte ne iotokénti atohsehrákon tsi nióre ienkáhewe nahonsonhtonhnakaʼnónhni ienwatésha.

Leviticus 12:6

Nó꞉nen ioteweienhnenhtáhon tsi tsiotonhnakanonhníhon, né꞉ne roskenrakéte tó꞉ka ó꞉ni ieksáha akénhake, ónenk tsi ienhionthawehiatákwa ienhohiaténhaʼwe né énska tehahoserihiákon teiotinakaronhtónʼa owíra né꞉ne ahonwateskónhten tánon oríhthe né nenhné꞉e ne karihwanerahákʼtshera aorihwáke.