Leviticus 11:10 - Ohiatonhseratokénti

¹⁰ ók tsi nikáiens nawenkésons nónhwe nikonhnonʼnhénions né iáh thaʼtekonhtiwehiónhtons iáh ó꞉ni tehotitstharónhnions iáh tehiówenk naʼkonhwatiwá꞉rake.

Leviticus 11:10 ပူးပေါင်းရင်းမြစ်များ

Genesis 1:20

Tánon Rawenni꞉io wahén꞉ron, “Ánion, ne tsi kaniatarénions ne tiakóhaf teiakoʼonwarón꞉ni tsi nahò꞉ten kón꞉nes nawénʼke, tánon otsitenʼokón꞉ʼa kontitiéhshon è꞉neken ne tsi ionhontsà꞉te iaʼtekaiá꞉iakt ne tsi iotehró꞉ron ne tsi karonhià꞉te.”

Proverbs 13:20

Skátne sewé꞉shek ne ronttókha í꞉se ó꞉ni ensattókhaʼne. Tókaʼ enhsatenroʼserón꞉ni ne iáh tehonteʼnikonhrattókha eniesakarón꞉ni.

Proverbs 29:27

Ne rotirihwakwaríhshion shakotíhswenhs ne iáh tetionkweʼtaié꞉ri, tánon ne iáh tetionkweʼtaié꞉ri shakotíhswenhs ne thotirihwaié꞉ri.

Leviticus 11:11

Né kí꞉ken nikonhtirhiotótens ne konhwatiʼnatónhkwa iáh tehionatkwéniens. Iáh tehiówenk nahisewaʼwá꞉raʼke iekaníhare tó꞉sa iaʼsewaiéna ne iawenhéion rahotiʼierónhtas.

Leviticus 11:9

Enwáton ne kwák tsík nikentsótens aísewaʼke né tehatiʼwehión꞉tons ó꞉ni rotitstarónhnions,

Leviticus 7:18

Tó꞉ka thènnen aiewárahke nasénhaton niwenhniserakéhaton, ne Rawenni꞉io iáh thahaiéna ne iesatkáwen. Ne iewatkáwen iáh í꞉se thaʼisathasé꞉thase ók né kíʼ enwatenáthonkwe iáh tehiotkwéniens, tánon ónhka kíʼiok enhiéke kwáh enhieronhiake tsi nieniawenhne.

Deuteronomy 14:10

ók ne thé꞉nen nawenkéhsons kónhnes ne iáh tatehiotiwehióntons iáh ó꞉ni tehiotitstarónhnions iáh tehiówenk naiewà꞉rake; ne nénhne konwatinaʼtónhkwa iáh tehionatkwéniens.

Deuteronomy 14:3

“Tó꞉sa othé꞉nen sewawárak tsi niká꞉ien ne Roiá꞉ner rotró꞉ri iáh tehionatkwéniens.

Revelation 21:8

Ók ne roʼnát꞉tsens, ne iáh teotí꞉ien ne tewetá꞉kwen, ne teotihiatátions, ne sakonaséh꞉thas, ne roʼthí꞉teha, ne rontahenná꞉ras, ne rontenakwaiesáthas, tánon ratikwé꞉kon ne rotinhó꞉wenhs, ne raotinák꞉tes kwáh thóh nón꞉we tsi kaniatá꞉re ne iotékhas nótsire ó꞉ni iontenatentástha, ne né꞉tho ne tekeníhaton kenhé꞉iat.”