Leviticus 10:9 - Ohiatonhseratokénti

⁹ “I꞉se tánon ne sanekenteronhtsheraʼsónhas tó꞉sa entisewatáwehiaʼte natohsehrákon tsi nónhwe nikíteron nónen sewanikirá꞉shon ne onenharataʼsehontserákeri tó꞉ka ó꞉ni nonentákeri, tó꞉ka thóh nensewáiere, kwáh kíʼ ensewénheʼie. Né kí꞉ken ne kaianerénsera ónenk tsi ensehwakwéniensʼthe tsi nienhsewatwatsiríne.

Leviticus 10:9 ပူးပေါင်းရင်းမြစ်များ

Exodus 27:21

Aaron tánon ne sakohʼiohokónhas enhatiʼkwahtáko ne kahá꞉sehra natohsehrákon ne tsi nónhwe níkes nátsthe nokwáhti tsi ioharénton né nohénton tsi kanorhóʼkwahien naʼteriwasehronhniáʼtshera. Thóh nakʼkhénton enhiotétʼkhake okáras entewathasákwen né꞉ne tsi nióre ienhiórenhne. Kí꞉ken kariwahtátʼtshera thóh nenhiotónhake né꞉ne tsi nénweh enhonteweiénton ne Israerʼró꞉nons tánon tsi wahatiʼwatsiratátie.

Proverbs 20:1

Só꞉tsi wé꞉so enhsnekí꞉ra tesaterienʼtakáriatonke tánon ensanonhwaró꞉rike. Teiotenonhwarorí꞉tonte naiakohné꞉kataʼne.

Isaiah 28:7

Né ronón꞉ha ó꞉ni ne rotiréh꞉serons notsítsa tánon né tehotiʼiatakentón꞉kwah ne ionekaníron; ne ratitsihénstatsis tánon ne rotiʼtókenhse ne rotiréhserons ne ionekaníron, né teiakohnithonʼniaténhnis notsítsa, ne tehiakohiathentón꞉kwas ne ionekaníron; iah tsateshatiʼkaraién꞉tas, ne tehothiniotákwas tsi thontkáwas ne karihwenhtátshera.

Ezekiel 44:21

Ne Rothikháres iáh tehiówenk nahatinekíra notsítsia nohénton niahontáwehiathe natenhénrakon.

Hosea 4:11

kanakwaieshátshera. Onenharákeris tánon nonékase onenharákeris ne iekáhas ne raotinikonhraienthátshera.

Leviticus 10:8

Ne Roiá꞉ner wahawénhase ne Aaron,

Leviticus 3:17

Iáh ónhka Nisraerʼró꞉nonhs thaʼhónton nahónhneke ne thènen iorèsenhs iáh ó꞉ni nonekwénhsa; né kí꞉ken ne kaianerénsera tsi nénhwe tsi enká꞉thake né꞉ne roʼnonháke Nisraerʼró꞉nonhs kwáh tsi nónhwe nahatinákereʼke.

Numbers 6:20

Nó꞉ia, ne ratsihénstatsi ienhatʼkawánion né꞉ne katokénston atatawítsheras enhá꞉wenh ne Roiá꞉ner; né꞉ne iotokéntis ronhwaná꞉wis ne ratiʼtsihénstatsis, né iehioʼwénhtes né ronhskwená꞉kes ó꞉ni ne ratishiʼnákes ne teiotinakaronhtónʼa rátsinn tsi nikaianerenhseró꞉ten ratiʼtsihénstatsi né rahonáwenk. Ethòne, ne nazirite enwáton nahaʼtinekíra nonenharataʼsehontsheʼrákeri.

Numbers 6:3

kwáh kíʼ enhòntkaʼwe iáh thahatiʼnekiráʼsehke ne onenharataʼsehontserákeri tánon nonentá꞉keri. Kwáh tó꞉sa othènen sewaneʼkíra ne tsit nakanekoténhake né onénhare kanekonhniáton khès ne ahisewáhiake ne tsík nikanenharó꞉tens khès ne ionaharáʼthens.

Luke 1:15

Aseken henhaiatanoronke rahohenton ne Roianer, nok iah thahanekirhake notsitsia iah oni nʼiako-nonȣaratonta; nok tsi enthatiatata ne ronistenha Kaiatakon entnikȣekhene ne Rotkon Roiatatokenti,

Ephesians 5:18

Tóhsa sanonwaráthont tsi nasnekíra notsítsia, kwáh nènʼne nek khók nensakarón꞉ni; khék, neh tiatanahnónhak ne kanikonrí꞉io.

1 Timothy 3:3

iáh tehówenk nahanekahkátsʼtake tóhkaʼ ó꞉ni naronkwetatʼsénhake, ónk ahontahorihwahiérike ó꞉ni sákʼtakénhake; iáh tehówenk nahawistanorónkwahke;

1 Timothy 3:8

Nononsatokentíke rontsniénons ahówenk nahotihianerenserihióhake tánon ahothiriwahtokénhake; iáh thehiówenk ne wéso ahatinekhírake notsítsia tóhkaʼ ó꞉ni ahonatetʼtséntake tsi nòkwa nowístha;

1 Timothy 5:23

Tóhsa onékanos khók snekírah, onstónha otsítsia snekírah naisaiénawaʼse niasanékwaʼne ne sákʼkwha, neh tsi nihiotʼkáte sanonwáktani.

Titus 1:7

Asèhken ne sakohéntense nononsatokentíke raónha roteriwatsʼteríston ne Rawenni꞉io rahohioténsera, kwá kíʼ tóhsa thènen ahonhíkonke. Iáh tehiówenk naronkwetatsénhake tóhka ó꞉ni ahanakwastó꞉reke, tóhka ó꞉ni ahanekahkátsthake tóhka ó꞉ni ronkwetátsen tóka ó꞉ni rotwistatékʼtien.