Leviticus 10:7 - Ohiatonhseratokénti

⁷ Tó꞉sa ónenk hionshaʼsewahiáken ne tsi tsionhthawehiathákwa natóhsera ashé꞉ken iótʼtheron ensewénheʼie, tsioríhwa tsi sewahiathatokentíhon tsi entsisewaienáron ne Roiá꞉ner.” Káti thóh nahatí꞉iere tsi kíʼ nashakoró꞉ri ne Mahís.

Leviticus 10:7 ပူးပေါင်းရင်းမြစ်များ

Exodus 28:41

Kí꞉ken atʼtsherónhniat né tshiatawit ne iatsíha Aaron ó꞉ni ne sakohiohʼokónhas. Ethòne seriwaʼnírats tánon seiaterenhnaʼiénhas tsi né ensehiókaʼwe ne iakenʼiewáhtha kènhie, ne káti nahónton nahiontiótenhse tsi ratiʼtsihénstatsis.

Exodus 29:7

Ethòne tések ne hionthatiatoʼkástha kènhie, tánon ranonhtsíne tasáweron, tánon tieʼriwanírats.

Exodus 30:30

Ethòne sehiathatoʼkéntist ne Aaron ó꞉ni ne sakohiohʼokónhas, tánon serihwanírats tsi ratitsihénsthatsis naiontsiótense.

Leviticus 10:8

Ne Roiá꞉ner wahawénhase ne Aaron,

Leviticus 8:12

Káti wahorihwaníratʼtse ne Aaron tsi tahá꞉weronh ne sakoienarós꞉tha kénhie ne ranonhtsíne.

Leviticus 8:30

Ne Mahís iaharáko kénk níkon ne shaʼkoienaróstha kénhie tánon kénk níkon nonekwénhsa né thóh kahé꞉re ne ietsienharákwaʼke tánon watatstarokwathánion rahonatʼtseronhniákwahke ne Aaron tánon ne sakohiohokónhas. Thóh kíʼ ní꞉ioht tsi waharihwatokéntisʼte ne rahonatʼtserónhniat rahonháke ne Roiá꞉ner.

Luke 9:60

Tontahenron ne Iesos: eh kaientak naȣenheionta neh iontatiatata nakaȣenheionta, nok ki nise ȣas serioȣanatana ne Niio raonakerasera.

Acts 10:38

Sewateriéntare tsi nókwa ne Ié꞉sos Kerístos ne Nazarethro꞉non, tánon ó꞉ni ne Rawenni꞉io tsi nihohiatanorónston nikwékon ne Ronikonrarokén꞉ti ó꞉ni ne kaʼsatsténsera. Kwák tsikʼnonwéson niehawénon, ioʼiánere tsi nihotieránion ó꞉ni akwékon sesakotsientonhátie tsi nihiákon nehne iakotsenawáston nonesonrónon rahosatsténsera, Asèken nikwekón꞉ne ne Rawenni꞉io.

2 Corinthians 1:21

Ne káti aorì꞉wa ne Rawenni꞉io eh niwatié꞉sen tsi skátne tehshonkwatáhstha ne Kerístos kwáh aiorihwahnirón꞉hake. Rawenni꞉io se wáhi shonkwaiaʼtarákwas.