Leviticus 10:2 - Ohiatonhseratokénti

² Thontaiawénstsi ne Roiá꞉ner ótsire tahathénieʼte, tánon kwáh wahakotsiatátʼtsahaʼthe tsi watʼníheie thóh rahohénton ne Roiá꞉ner.

Leviticus 10:2 ပူးပေါင်းရင်းမြစ်များ

2 Samuel 6:7

Kwáh ók꞉saʼok ne Roiá꞉ner wahonhákwase ne Uzzah; tánon ne Ní꞉io kwáh thonónhwe wahononwarhiákhon tsioríwa tsi iathatsáneste tsi kanorokwáhere nateriwaseronniátshera; tánon thóh warénheie ákta tsi kanorokwáhere ne raoteriwaseronniátshera ne Ní꞉io.

1 Kings 13:28

tánon iahosháthen tánon iahatʼtsénhri ne rothó꞉kenhse rahoierónhta owahá꞉ke káien, né tewahóntes ó꞉ni ne kénreks shé꞉kon thóh ákta íh꞉nete. Né kénreks iáh tehawékon ne oierónhta iáh ó꞉ni tsehotsathóntion ne tewahóntes.

1 Kings 18:38

Né Roiá꞉ner ótsire ehtàke tahathénieʼte, tánon onhtsahá꞉the ne nahonteskónhthake, ó꞉ni nó꞉ienthe, tánon nonénhias, ohontsaʼtektánion wakastátʼthaʼte noné꞉kanos ne tsi teiahontsakonhátse.

2 Kings 1:10

“Tó꞉ka Ní꞉io ní꞉i rahonkwéta í꞉ken,” ne Elijah watharihwaseráko, “aiáwens ótsire karonhiáke nahontáwe tánon ahisanonhwarhiákon tánon ne shonkwetaʼsónhas!” Kwáh óksaʼk nó꞉tsire tóntsnenhte tánon wahononhwarhiákon ne rasenhnowánen ó꞉ni ne rahonkwatashón꞉ʼas.

2 Kings 1:12

“Tó꞉ka ne rónhkwe Ní꞉io rahonkwéta í꞉ken,” ne Elijah wathariwaseráko, “aiáwens ótsire karonhiáke nahontháwe tánon ahisanonhwarhiákon ó꞉ni ne shonhkwetaʼshónhas!” Kwáh óksaʼk né Rawenni꞉io raótsire tóntsnenhte tánon wahononhwarhiákon ó꞉ni ne rahonkwetashón꞉ʼas.

1 Chronicles 13:10

Kwáh osakʼok ne Roiá꞉ner wahonákwahse ne Uzzah tánon waʼononwariákon né tsi iahaiéna Noneróʼkwah. Kwáh thóh raoʼhénton ne Rawenni꞉io waʼrénheʼie,

1 Chronicles 15:13

Tsioríh꞉wa tsi iáh ètho tésewesʼkwe niaʼisewáhake né shontonhtsérenhte sonhterihwaʼnón꞉ton, ne Roiá꞉ner ónhkwahʼNí꞉io waʼshonkwahréʼwaʼte né tsi iáh tetsitewasén꞉naien tsi nihionkwaʼterihwaʼiénhnikwe.”

1 Chronicles 24:2

Né Nadab tánon ne Abihu tenitsáron ohénton watʼníheʼie tsi ní꞉ioht ne ronhwaníha, tánon kwáh iáh othènen tehonatwatsirónhni, ká꞉ti ne ronhtatekenʼokónhas ne Eleazar tánon ne Ithamar waiatʼtsihentónhni nenhné꞉e.

Job Tánon ne Raoronhiakensera 1:16

Tsi ná꞉he shé꞉kon nihó꞉thare, thihá꞉te thóh sará꞉we tánon wahèn꞉ron, “Ne raótsire Rawenni꞉io tonhsénhne karonhiá꞉ke tánon wahakotiataʼtsahá꞉te ne teiotinakaronhtón꞉as tánon ne ratinhá꞉tseras, tánon wahakó꞉thonhte; akonwá꞉ha khók iatonhshonkatátere sakeniá꞉kenhne nahonsakonhró꞉ri.”

Psalms 50:3

NonkwahNí꞉io tá꞉re tánon iáh sák thihothatónhni, tehiotonkwahnónhiani rahohénton í꞉we, tánon iowerashástste tehioweratáse ne rahiatátʼtonhtse.

Exodus 24:1

Ne Roiá꞉ner wahawénhase ne Mahís, “Káts akonhàke nonhtáse kènʼen tsi iononhtáhere, íse tánon ne Aaron, Nadab, Abihu, tánon ne tsáta niwáhsen niháti ne sakotiʼhentènhse ne lsraerʼró꞉nons; tánon tsi ioʼtiesáonʼk shé꞉kon kwáh kén nióre théses, teshaʼtsháket saterénhnaien.

Isaiah 30:33

Asèken ne iotékha kanátaien wahónhnise tkaweienhnenhtáhon; oriwiʼiohónhwe tsi ne kasahathákwen tsi niʼkaweienhnenhtáhon ne ronnontí꞉io raorihwàke, tanon tsi iontsahatákwah iosónhwes í꞉ken tánon tewatakáron, né ótsire tánon nóiente wé꞉so káien; ne rahonhnísera ne Roiá꞉ner, kwáh né꞉ne iontenatentástha í꞉ken, ne enwatekátakwe.

Leviticus 10:5

Káti tá꞉ne tánon rahonatʼtserónhniaʼkwahke wanhiʼiéna ne ronenhéion rahotiʼierónhtas tánon ástste ne tsi watenáthaien nianhí꞉haʼwe, kwáh kíʼ tsi nishakoró꞉ri ne Mahís.

Leviticus 16:1

Ne Roiá꞉ner wahotháraʼse ne Mahís nó꞉nen sihonenhéion ne tenihiáse Aaron sakohiohokónha ronhwatinonhwariákon né tsi wahonwátatʼtse ne Roiá꞉ner nótsire ne iáh tehiotokénti.

Leviticus 9:24

Thonthaiaʼwénhstsi ne Roiá꞉ner ótsire tahathénieʼte, tánon onhthónhte ne watéskonte tánon ne iorèsenhs nahoténsons ne ietsienharákwahke. Nó꞉nen nonhkweshón꞉a sahontkátho, ratikwékon watotihénreʼthe tánon wathontʼtsákeʼte tsiahatiʼkonhsaiénthaʼne nonhontsáke.

Numbers 16:35

Ethòne ne Roiá꞉ner ótsire tahaténiete wakatsiróten tánon wahakotiatáʼtsahate ne 250 niháti ne iehonatkáwen ne kanetanó꞉ron.

Numbers 16:49

Tsi niháti ne wahonhníheie 14,700, niháti iáh tehonwanaséhton tsi niháti ronenhéion ne Korah ronenhraketskwénhne.

Numbers 26:61

Ne Nadab tánon ne Abihu watníheie né nó꞉nen sahonwatáʼtse ne Roiá꞉ner nótsire ne iáh tehiotokénti í꞉ken.

Acts 5:10

Kwáh óksak rashitáktha wakahiatiénenʼne tánon wakénheie. Ne nithoʼthihiónsa tahontáwehiate wahontʼkátho tsi hiawehéion, sók kíʼ iahathiʼiákenhwe tánon rahotsiathonkwákʼtha ne rò꞉ne wakonwahiatátha.

Acts 5:5

Kwáh tsi niʼiosthóre ne Ananias waháronke kí꞉ken, wahahiatiénenʼne wahrénheie; tánon tsi niʼhiákon wahónronke wahakoteroniénten.

1 Corinthians 10:11

Oriwahkwékon kíʼ tsi niʼiawénhon né꞉ne ahionkwenésten, tánon kahiáton né꞉ne ahionkwahronkáten. Asèhken thóh nónwe nitionnhétie ne tsi ieiotókʼthe ónen thóh waháhonwe.

1 Samuel 6:19

Tsi nithotwatsirí꞉non ne Jeconiah kwáh iáh skátne tehonaʼtonnáhere nónkweʼókons ne Beth Shemesh nó꞉nenh tenhontátken tánon washaʼkononwaʼrhiákon tó꞉ka ní꞉hati nonkweʼókons ne Beth Shemesh, tsioríwa tsi iahontkehtó꞉ten raoʼneró꞉kwakon ne Roiá꞉ner; tánon waʼshakononwarhiákon wísk niwáhsen niwenhniawehetsherásen tánon tsá꞉ta niwáhsen niháti ronhnón꞉kwe. Nonkweʼókons wahontsónnion tsioríwa ne Roiá꞉ner tsi naʼthatenonhianíton washakowéntho nonkweʼókons.