Leviticus 1:9 - Ohiatonhseratokénti

⁹ Ónenk tsi ensehnó꞉hare ne kahiathaʼkónsons tánon ne onàken kashinaʼkésons, tánon ne roʼterihwatsʼteríston ratsihénsthatsi kahiathakwékon tsi enhateskónhten ne ietsienharákwahke. Tsi tewenhserateʼníhons kí꞉ken kákhwa ne tkaiéston né rawerientiʼióstha ne Roiá꞉ner.

Leviticus 1:9 ပူးပေါင်းရင်းမြစ်များ

Genesis 8:21

Tánon nó꞉nen ne Roiá꞉ner shahoienʼkwaráhsho tsi naʼtewenserateníhonhs tsi niwenhserá꞉kon, ne Roiá꞉ner, raonhá꞉ke khók tsi wahén꞉ron, “Kwáh iáh nonwén꞉ton shé꞉kon thaonsakatkón꞉ten nonhwentsà꞉ke ne nonkwehshón꞉ʼa akorihwá꞉ke, asèkenh tsi nikarihwáksen tsi nihonnonhtónnions ne raonerià꞉ne kwáh kenʼk nentiakó꞉ionke; Iáh ó꞉ni shé꞉kon nonwén꞉ton thaonsakheiáhtonʼte ne ronnonhnhénions, tsi nón꞉wa ná꞉tiere.

1 Chronicles 6:34

Elkanah, Jeroham, Eliel, Toah,

2 Chronicles 4:6

Kwáh ó꞉ni oiéri nikát꞉sakes wahatiʼtsonhniánions ne ionhtsoharethákwas, wísk nikát꞉sakes entiéne nòkwahti Nononsatokentiʼkówa enhatiké꞉ron tánon wísk níkons othoréke nòkwahti enhatekéron. Né enhónsthake nahatiʼnoharénion ne ratiʼhiatakónhsons ne katshénens ne konwanatéskonhte. Nonékanos ne kanakowanénhne kanèkare ratitsihénstatsis ne énhonste tsi enshontáwen.

Psalms 51:6

Tsi nahióntsere ne tkarihwaʼiéri nakawerhiáne nón꞉we ahontakaiénthakwe tánon ne iésehre ne iotokenskehónwe ne Rawenni꞉io raowenhnahó꞉kon né thóh ní꞉ioht tsi rarihwaʼnón꞉tons ne Rawenni꞉io; takerihón꞉nien atʼthokhátseras tsi nòkwah ne ioteriwaʼséhtons.

Psalms 66:15

Kwáh né enkontátʼtse ne khehiatéskonte ne ronaréhsenhs, tánon ne tsi nenhkaienkwahró꞉ten ne teiotinakaronhtónha ratítsinn í꞉sehke nienhénwe; kwáh né entʼtiéste ne tionhnónskwahron ratítsinn tánon ne kaiatákeras. Selah

Exodus 12:9

Tó꞉sa thènnen ísewak ne okàhthe íken tó꞉ka ó꞉ni ne tekaʼnekonhtiéton, ók ne isewák naʼkwékon wateskónhte, tsewaʼkwékon nonónhtsi, oshí꞉nas, tánon ne kaiátakons.

Exodus 29:18

Ietsienharakwáhke rahiatakwékon sátʼtsahat ne teiotinakaronhtónʼa rátsinn né꞉ne ká꞉khwa ahoriwáhke tsi ienwakʼkhá꞉wen. Tsi natenwenhserathenihon kíʼ ken iewakʼtkáwen enwaʼkerientí꞉iosthe.

Exodus 29:25

Ethóne shaʼséhkwah tánon ietsienharakwáhke sátʼtshaʼat, éhneken tsi watéskonhte ne katshénen, né꞉ne káhkhwa hionktáti. Né tehiahonserateníhon kíʼ ken hionktáti wakerientihióstha.

Jeremiah 4:14

Jerusalem, sehnóhareh ne karihwahétken ne serhiáne, ne nahionthónʼon ahonshasehniákenʼne. Tohʼnikaríwes tiotkonhónwe ne enshaʼnonhthonniónsehke ne karihwaneraháktsheras?

Ezekiel 20:28

Tekhehiaténha ne tsi ionwenhtsáte ne keierahratsʼténhni nenhtekhéhion. Nónenh sahontʼkátho ne tiótʼthe ionhniarónhnions tánon ne óhonte nikaronhtó꞉tens, wahathítate nakonhwanatsienkwahronhniáten. Wahonkenakónhniate tsi nahontsienkwahrónhniate ne wahóntsahate tánon ne otsítsa ne tahatíhawe ne niahatítate.

Ezekiel 20:41

Nónenh tetkwahiatínekenwe ne tsi kanakerahserahkéronhs tsi nonhwéson iateietʼtsiʼiareniáton tánon skátke sakwahiataró꞉rohke, kwáh entiéna ne sewariwiʼiosehokónhas ne sewatʼtsahathánion, tánon nonhkweshón꞉ʼa enhontkáto tsi watiatatokénti.

Ezekiel 40:38

Né ástste nonhtenhenráhti thóh iononhsanenhthákon né꞉ne atenhénrahkon ne othoréke nokwáhti. Iatewatenónhontse ne tsi iehiontawehiathákwa ionákthaien nètho niehiotseráhton ne atenhénrahkon,

Leviticus 1:13

Ónenk tsi ensenó꞉hare ne kahiathaʼkónsons ó꞉ni nonàken kashinakésons, tánon ne ratsihénsthatsi enhotátʼtse ne Roiá꞉ner nahonteskónhthake tánon akwékon enwatʼtsahatónhaʼke ne ietsienharákwahke. Ne tewenhseratheníhons ne tkaiéston kákhwa ne rawerientiʼióstha ne Roiá꞉ner.

Leviticus 1:17

Enhaiéna ne rahonerahónhtsas tánon enharáhtions ne rahoierónhta tsi tenhakháshion, iáh thaʼharáhtion ne rahowèhia, tánon ethóhʼne rahiathaʼkwékon tsi enhátʼtsahathe ne ietsienharáhkwahke. Ne tsi tewenhseratheníhons ne rawenhrientiʼióstha ne Roiá꞉ner.

Leviticus 2:16

Ne ratsiʼhénsthatsi enhátsahathe nètho kákʼkhwa tánon ne kénhie né꞉ne enweʼnésthaʼkwe, tánon akwékon ne onètha, né kákʼkhwa enwatená꞉thonkwe tsi enhónhion ne Roiá꞉ner.

Leviticus 2:2

tánon iatsiawíten ne Aaronite ratsihénsthaʼtsi. Né roterihwatsʼteríston sehwatshána enharáko nothésehra tánon ne iakeniewátha kénhie tánon akwékon ne iontsienkwahronhniaʼthákwa tánon enhátʼtsahathe thóh ne ietsienharákwahke né꞉ne tahonthontenakeráston nètho tsi akwékon Roiá꞉ner thonwá꞉wi. Ne tewenhserateʼníhons ne ká꞉khwa ne iewatkáwenh tsi rawerientiʼióstha ne Roiá꞉ner.

Leviticus 2:9

Né ratsihénsthatsi enhatsiátaren tsi né enwenésthonke tsi oriwakwékon Roiá꞉ner ronhwáwi, tánon thóh enhátsahaʼthe ietsienharáhkwahke. Tsi tewenhsehratheníhons ne káhkhwa ne rawerientiʼióstha ne Roiá꞉ner.

Leviticus 3:11

Ne roteriwatsteríston ne ratsihénsthaʼtsi akwékon kíʼ enhátʼtsahathe ne ietsienharákwahke né꞉ne ká꞉khwa iotenathónkwenh tsi ronhwatáti ne Roiá꞉ner.

Leviticus 3:5

Ne ratsihénsthatsi akwékon kí꞉ken enhátʼtsahaʼte ne ietsienharáhkwahke skátke ne watéskonhtes. Né tewenhserateníhons ne ká꞉khwas ne iewatkáwen né rawerientiʼióstha ne Roiá꞉ner.

Leviticus 4:31

Ethòne akwékon enharákewe ne iorèsenhs, kwáh kíʼ tsi ní꞉ioht tsi karahkéwen ne iorèsenhs ne katshénen tsi konwanonhwarhiákon né skaríhwa aorihwáke, tánon ietsienharáhkwahke enhátʼtsahate né꞉ne tahonserateníhon nahawerientiʼiósthaʼkwe ne Roiá꞉ner. Thóh kíʼ ní꞉ioht ne ratsihénsthatsi tsi ienháthate ne kariwiʼiosehokónhas né rónhkwe raorihwáke, tánon kwáh kíʼ ensonhwanikónhrenhse.

Leviticus 6:14

Né tehioterihwasonhterónhnions ne kaianerénsehras né꞉ne onátsias ahorihwáke tsi tsiakoiesthánion. Né Aaronite ratsihénsthatsi ónenk tsi ienháthate nonátsias né tkaiéstons rahohénton ne Roiá꞉nerʼ né꞉ne ohénton ne ieʼtsienharáhkwahke.

Leviticus 8:28

Ethòne ne Mahís sashakhó꞉kwa ne ká꞉khwas tánon ietsienharákwahke wahát꞉tsahaʼte, é꞉neken thóh thaharónhnion ne tsi watéskonte, né꞉ne tsi wahonwatiʼrihwaní꞉ratʼtse aorihwáke. Né kí꞉ken ne ká꞉khwa aorihwáke tsi iahóntkaʼwe, tánon tsi tewenhseratiníhons ne wahawerienhtí꞉iosʼthe ne Roiá꞉ner.

Leviticus 9:14

Ethóhʼne wahanoharénion ne rahiathakónsons ne katshénen tsi nihioteriwatséren tánon wahát꞉tsahaʼte ne ietsienharákwahke é꞉neken taharónhnion ne tsi wateskónthaʼkwe.

Zechariah 13:7

Ne Roiá꞉ner Roshatstenhserowá꞉nen rá꞉ton, “Ih꞉tie, asharehkó꞉wa, tánon iatsiatiaʼthón꞉ti thí꞉ken ranónhnhe ne rahtioténhseh! Tienonhwarhià꞉konh, tánon ne teiotinakarontón꞉a tenkonhrén꞉ni. Kwáh ienkhehiatiaʼthón꞉ti nakonhkweʼtahshón꞉ʼa

Numbers 15:3

Né꞉ne teró, teiotinakaronhtónʼa rátsinn, teiotinakaronhtónʼa, khès ne kaiatákeras enwá꞉ton nahónhion ne Roiá꞉ner nahonwanateskónhten khès né꞉ne karihwiʼiosehokónhas ahorihwáke tsi akanánonhke ne wararáts꞉ton khès né꞉ne tsi kwáh ehʼnihiakonikonhró꞉ten tsi iahóntkaʼwe khès né꞉ne ahontakaiéstonhke ne iorihwató꞉ken karihwiʼiostónhtshera tsi nisehwakhwahéra; ne ahonséhra kí꞉ken káhkhwas né rawenhrenhtiʼióstha ne Roiá꞉ner.

Numbers 28:11

Iasehwát꞉kaf ne watéskonhte rahonháke ne Roiá꞉ner né tiókonhte nensewenhnitárane: né꞉ne teniʼiáhse ne kenhnithonihiónha téro, saiáta teiotinakarontónʼa rátsinn, tsáta niháti ne énska tehonosehrihiákons teiotinakaronhtónʼa ratítsinn, ratikwékon ne iáh othènen tehothitsihióthare.

Numbers 28:7

Né onenharatasehontserákeri né enhkenikweʼkonhátie nenhthatiérenhte teiotinakaronhtónʼa owíra, ietsienharakwáʼke tasehwáweron tekhatshétake ne onenharatasehontserákeri.

Numbers 28:8

Nókarasnéha né hionshatshisehwátkaf ne tekeníhaton teiotinakaronhtónʼa owíra kwáh kíʼ né sá꞉ka kenhák tsi kíʼ ní꞉ioht ne shiʼhioronhkenéha iesehwatkáwen, skát꞉ke kenhák ne onenharatasehontserákeri. Né kíʼ nónh꞉ne ne ká꞉khwa í꞉ken tsi iewatkáwen, ne tewenhsehrateníhons ne rawerienhtiʼióstha ne Roiá꞉ner.

2 Corinthians 2:15

Asèken tho nitewaiaʼtò꞉ten tsi ní꞉ioht ne kwáh tewenserákon ne teshonkwahwi Kerístos rahonhà꞉ke ne Ni꞉io, tsitenwaré꞉ni tsi í꞉iens ne onkweʼshón꞉ʼa, ne ne tsi niká꞉ien ne tiakotatrewaton tánon tsi niká꞉ien ne iakoniatatonʼon.

Ephesians 5:2

Tsi sónnhe ónenk tsi kanoronkwátshera entioniarótarohke, kwáh tsi nisonkwanoronkwáʼon ne Kerístos ó꞉ni tesonkwáwi tsi rónnhe tsi síken ní꞉ioht ne kwáh tehiotsikhétare tsi niwenserákon tánon ó꞉ni tahionréniaʼte tsi nitánonwes ne Rawenni꞉io.

Deuteronomy 12:27

Thó꞉nonhwe iahástat ne kariwihiosehʼokónhas né꞉ne kwáh ahonteskónhtake ne Roiá꞉ner rahotsenharáhkwake. Káti ó꞉ni iahástat thí꞉ken kariwihiosehʼokónhas tsi niká꞉ien ná꞉sehke noʼwá꞉ron tánon nonekwénhsa ietienharáhkwake tasawé꞉ron.

Philippians 4:18

Kwá akwékon sewakatkarhiákʼse, ó꞉ni tsiníkon ioteiarónhon. Kwá íken tsi wakerientí꞉ios tsi nahoténsons waskwawíhon neh Epaphroditus thakawitén꞉ni. Neh teskaieróntare ne kwá teiohtsikhétare tsiniwenserákon ionthatáwis tóhka ó꞉ni ne kwá tkariwhaiéri ne hiontsenkwaronniathákwa ne rawehrienthiʼióstha ne Rawenni꞉io.