Leviticus 1:3 - Ohiatonhseratokénti

³ Tó꞉ka kák tsi níkonh ne shanáskwahiens enthésesʼthe nakonhwaʼteskónhten, ónenk tsi né꞉ne rátsinn tsionónskwahron enthetsiaténhawe né꞉ne kwáh iáh othènen tehotsihiótare. Ónenk tsi thóh nónhwe nahthéntsʼtastshe ne tsi iehiontawehiatákwa ne rahotohsehrákon ne Roiá꞉ner tsi nónhwe nihéntheron ne káti nahónhton nètho Roiá꞉ner nahoiéna.

Leviticus 1:3 ပူးပေါင်းရင်းမြစ်များ

Genesis 22:13

NʼAbraham wahatahrakétsko tánon wahó꞉ken tehonaʼkarontón꞉ʼa rá꞉tsiʼn tsi tehonà꞉karonte non thoiaʼtotahrhé꞉ʼon nokwirò꞉kon. Thóh niahá꞉re tánon tahoiaʼténhawe tánon neʼeh wahotiaʼtátshaʼahte tsi wahó꞉tatshe ne Rawenni꞉io tsi ní꞉ioht ne roièn꞉ʼa.

Genesis 22:2

Né Rawenni꞉io wahén꞉ron, “Iatshiaténhaf néʼtshièn꞉ʼa, énskaʼ khók sanekenhteronʼtsherá꞉ien ne ne Isaac, tsi niká꞉ien ne etshenorónhkhwa, tánon tsi tiohóntsaien ne Moriah niahá꞉sene. Thóh tsi tionontáhere nón꞉we iatʼshenonhwariá꞉kon tánon sátshaʼaht ne raoieròn꞉ta né enhséktatshe.”

Genesis 22:8

NʼAbraham waʼtharihwaʼserá꞉ko, “Ráonha ne Rawenni꞉io entháhtkaʼwe ne tehonaʼkarontón꞉ʼa owí꞉ra.” Ók tehnitsá꞉ron skátne tsi tonsahiatháharen.

Genesis 8:20

Eʼthó꞉ne ne Noah wahaón꞉nien ne Roiá꞉ner ietsenhahráhkhwa, tánon iahshakoiaʼténhawe ne ionatkwénienʼs katshenenʼó꞉kon ó꞉ni tsi nihá꞉ti ne ronatkwénienʼs notsiʼtenʼokón꞉ʼas, wahshakotiaʼtátshaʼahte ne ietsenhahrahkwà꞉ke.

2 Chronicles 29:32

70 nihathiatásen tionhnónskwahrons ratítsinn tahonwatihiatenháseron, 100 nihá꞉ti teiotinakaronhtónʼas, tánon 200 nihá꞉ti teiotinakaronhtónʼas owirasónhas né nahonwanateskónhten tsi tahatí꞉ieste ne Roiá꞉ner raorihwáke;

2 Chronicles 35:12

Ethóhʼne ó꞉nen waʼshakotiʼiakhónhase nonhkweʼshón꞉a, né꞉ne satiwaʼtsirát꞉tsons tsi kenhtsókwahien, né katshénen né khaiéston tsi konhwaʼnatéskonhte, né kíʼ nahón꞉ton ahonwaʼtí꞉tatʼtse ahontahioiawénhaʼwe tsi ki nikarihwíson ne raoianerenhserákon ne Mahís.

Psalms 110:3

Né shonkwetaʼshónhas kwáh thóh nenhotinikonhrothénhake tsi ienhonthatátʼkawe naieshatsátarahse nenhtewenhniseráteke ensehwaʼterí꞉io ne ieshá꞉shons né onontatokentíke nón꞉we tsi nentʼkaráhkenhne nonronkéne, tsi ní꞉ioht ne iohá꞉weien thóh ní꞉ioht ne shonkwetaʼshónhas ne kenhnitotihiónsas tsi entʼtonhne shonháke.

Psalms 40:8

Kenón꞉wes nahontakonhnikonhraiérihte, Ó akeʼNí꞉ioʼ ne sahianerénhsera akwerhiá꞉ne nón꞉we nikahiáton.”

Exodus 12:5

Enwáthon nashaʼtateráhkwaʼse kák nikáien teiotiʼnakarontónʼa khés ne kaiatákeras, ók ónenk kíʼ tsi ènska tenhahoʼserihiákon ne ráhtsinn né꞉ne kwáh iáh othènnen tehohiatáwenhs.

Exodus 24:5

Ethòne kén nithoʼtihiónsas iasakoténienthe, tánon wahonwenhtienkwaronhniáten ne Roiá꞉ner ó꞉ni tó꞉ka niháti wakonhwanatsaʼtaʼtsa꞉áhte ne tsionónskwarons né tsi sahotiríwa íken tsi iahatíthate.

Exodus 29:18

Ietsienharakwáhke rahiatakwékon sátʼtsahat ne teiotinakaronhtónʼa rátsinn né꞉ne ká꞉khwa ahoriwáhke tsi ienwakʼkhá꞉wen. Tsi natenwenhserathenihon kíʼ ken iewakʼtkáwen enwaʼkerientí꞉iosthe.

Exodus 29:4

“Tatʼtsiaténhaf ne Aaron ó꞉ni ne sakohiohʼokónhas ne tsi tsionhtawehiatákwah natosehrákon ne tsi nónhwe nikíteron, tánon ronhtáwen tsi nikarihó꞉ten noriwaʼkáion.

Exodus 29:42

Né tsi tiókonhthe thóh nenhiotónhake, kí꞉ken watéskonhthe ne tkahiéston tsi entkahestónhake akʼkénton kíʼ nónhwe né꞉ne tsi iehontawehiatákwah natohsehrákon ne tsi kíteron. Thóh káti nónhwe natenhiakwahtátken nakonhkwetashón꞉as tánon tsi enkhetháhrase.

Exodus 32:6

Oronhkéstsi nó꞉ia sahiórenhne takonhwatiʼhiatenhásehron ne katshénens nakonhwaʼnateskónhten tánon nakorenshón꞉s nahónhneke tsi sahotiríwa tsi iahóntkawe. Nonhkweshón꞉ʼas wahóntien ne tahiontskáhon, né iatewatʼténi noʼnonhwarorí꞉tha wahakonékatane tánon wahontenonhwaró꞉risthe.

Exodus 35:21

Tánon ónhka né hionskánekskwe né nahié꞉iere tahatiháseron nahonwawíhon ne Roiá꞉ner ne nahionhníhake natóhsehra tsi nónhwe níres ne Roiá꞉ner. Tahatiháseron tsi natehiotonhwenhtsóhon náhonsthe tsi enhonterénhnaien ó꞉ni tsi enhonwanakwehniónhnien ne rothikháres.

Exodus 35:29

Onhkwetakwékon ne Israerʼró꞉nonhke ne iérahkwe nahontahatíhawe ne nahónhion ne Roiá꞉nerné tsi nihoná꞉on ne Mahís nahohióten

Exodus 35:5

Etʼtsisewawíhon ne Roiá꞉ner. Onhkweʼtakwékon ne ionskáneks né naiéiere owistanó꞉ron, kawistaráken, tó꞉ka ó꞉ni tehiowístaron notsínekwar karístatsi;

Exodus 36:3

Ne Mahís thasakowíhon akwékon ne iehiakotkáwen tsi nikáien ne Isaerʼró꞉nonhs thoʼthiháseron nahionhníhake ne atohserahtohkénti. Ók kíʼ Israerʼró꞉nons iahatiʼkónhtakwe thonwahawiténhniskwe ne Mahís iatehionhronhkheʼtseráke ne rahonaʼthatawítsheras.

Exodus 38:1

Né konwanateskóntʼtha ne katʼtshénens, acacia nikaientó꞉ten wahonhnónhniathe. Tehiotekerónhthe íken, 7½ niwashíthake naʼteiotekeronte, tánon 4½ niwashí꞉thake nitiótʼthe.

Isaiah 1:11

Nahó꞉ten nènhneʼe kástha nakerihwáke thóh nahkonhá꞉ke ahietsiʼiatsiatátʼtsahate ne kontitshénenhs? Rá꞉ton ne Roiá꞉ner; Kwáh ísiʼnónhwe tsi iatewatserihse tsi nihsehiatsiaʼtátʼtsahatha ratiʼiathakwékon ne tehotinakaronhtónha ratítsinn tánon ne ióresens ne ietsiʼiarehsénston katshénens; Iáh ne tekhatsenhnonhniá꞉tha ne raotinekwénhsas ne kenhnithotiʼiónsas tionhnónskwarons ratítsinn, khés ne teiotinakaronhtónhas, khés ne kaiatákeras.

Ezekiel 20:40

Thóh nónhwe ne iohontsáien, né nakenonhtatokenhtíke, né꞉ne tiotenónhtahte Israerʼró꞉nonhke, sehwahkwékon ne Israerʼró꞉nonhke tsi enskwasénhnaien. Kwáh enwahkerientí꞉io tsi nòkwah ní꞉se tánon kwáh enwahkeráhreke nahontaskwahawíthase ne sehwatsahathá꞉kwen, ne kwáh tioiáneres ne sewahthatawítsheras, tánon ne sewáhwenk ne iotokéntis naskwáhion.

Ezekiel 40:39

Né kí꞉ken iontewehiathákwa ionákthaien thóh wathekhwarahtsheró꞉the kaiéri níkon, tekenísons ne skatísonhs nokwáhti ne ionákthaien. Thóh kíʼ atekhwárahne nónhwe nikonhwahtiriosthákwa ne katshénenhs niahatítate nenhkonhwanatsatátʼtsahathe, ne꞉ne tsekonhtihiathakwékon tsi ahontsahathónhake tó꞉ka ó꞉ni akonhwanahteskónhten né kariwáhneren aoriwáhke tó꞉ka ó꞉ni né꞉ne ahonsahkakarhiákonh tsi akaró꞉ronhke.

Leviticus 1:10

Tó꞉ka teséstha énska ne shaʼtshenenhókons teiotinakaronhtónha tó꞉ka ó꞉ni kahiatákeras, ónenk tsi rátsinn enkénhake né꞉ne iáh othènen tehotsihiótaʼre.

Leviticus 14:10

Né shatekónhaton niwenhniserakéhaton ónenk tsi tenihiáse enteshehiaténhaʼwe ne teiotinakaronhtónha tenítsinn owíra tánon skaiáta teiotinakaronhtónha ohné꞉tsien owíra ne nénska tehonoserihiákon né꞉ne kwáh iáh othènen tehotitsihiótare, wísk niʼkakonhtseráke othésehra né꞉ne iakeniewátha kénhie tekaiéston, tánon satekatshetíhen ne iakeniewátha kénhie.

Leviticus 16:7

Ethòne ne tenihiáse kaiatákeras ienshakohiaténhaʼwe tsi iehionhthawehiatákwah natohsehrákon tsi nónhwe nihéntheron ne Roiá꞉ner.

Leviticus 17:8

Ne tsikʼhónka Nisraerʼró꞉nons tó꞉ka ó꞉ni ne tihononhontsátes ne kanakeraserákon ratinákere ne ronhnónha ienhatíthaʼte ne watéskonhte tó꞉ka ó꞉ni nó꞉ia nahiotónhake ne karihwihioserihokónhas

Leviticus 17:9

ne iahonwátatʼtse ne Roiá꞉ner ne tsikʼnónhwe ók iáh kíʼ ne tsi iehiontawehiathákwah natohserákon iáh kíʼ ne tahonsahiakotenathónkwen Rawenni꞉io rahonkwéta akénhake.

Leviticus 23:12

Nenwenhniseráteke iensát꞉kaʼwe nonátsia, tánon káti ó꞉ni tsiathesʼkónten ne nénska tahahoserihiákon teiotinakaronhtónha rátsinn né꞉ne iáh othènen tehotsihióthaʼre.

Leviticus 23:18

Skát꞉ke ne kanátaro ne ienákere tsáta niháti nénska tehonoserihiákons teiotinakarontónʼas, sahiáta tèro, tánon tenihiáse teiotinakarontónʼas tenítsinn, iáh ne sahiáta ne thènen ahotitsihióhake. Ónenk tsi ne ienhonwanát꞉kaʼwe nahonwateskóntʼthaʼse ne Roiá꞉ner, skát꞉ke nonátsia tánon ne onenharatasehontserákeri ienwatkáwenhke. Ne tenwenhserateníhon kí꞉ken iewatkáwen né rawerienhtiʼióstha ne Roiá꞉ner.

Leviticus 3:1

Ne nónen ónhkak tsi nítsion ieietʼtsihiátkaʼwe ne sewatsenenhó꞉kons né sakaríhwa í꞉ken tsi iaʼisewátkaʼwe, ónenk né꞉ne rátsinn tsionónskwahron enkénhake tó꞉ka ó꞉ni tsionónskwahron né꞉ne iáh othènen tehiotsihiótare.

Leviticus 4:15

ne shakotihéntense nonhkweshón꞉as tenhonwaniʼsnonhsáren ranonhtsíne, tánon thóh enhonwanonhwariákon.

Leviticus 4:23

ethóhʼne kíʼ kwáh tsi niostó꞉re ne karihwáneren tsi enhonwarihwahéraʼse, ónenk tsi kahiatákeras ienhót꞉kaʼwe né꞉ne kwáh iáh othènen tehotsihiótare.

Leviticus 4:3

Tó꞉ka né꞉ne kwáh éhʼneken tót꞉the ratsihénsthatsi wahariwánerake tánon taháhaʼwe nashakorihwároh nonhkweshón꞉as, ónenk tsi ienhót꞉kaʼwe ken nithohiónha tionhnónskwahron rátsinn né꞉ne iáh othènen tehotsihióha tánon ne enhoteskónhten rahohénton ne Roiá꞉ner né tsi rorihwanerenhákskon.

Leviticus 4:32

Tó꞉ka teiotinakaronhtónʼa enteshiaténhaʼwe ne iahontkáwen né꞉ne karihwáneren aorihwáke, ónenk tsi oné꞉tsien enkénhake né꞉ne kwáh iáh othènen tehiotsihiótare.

Leviticus 5:15

Tó꞉ka ónhka tsi nítsion ensewarihwánerahke ne iáh taisewanikonhrónhni ne tsi wesewarihwanó꞉ron niaisewatkáwen ne sewakháriaks né꞉ne iotokénti rahonháke ne Roiá꞉ner, entéshaʼwe né꞉ne aská꞉riakʼte enthétion ne Roiá꞉ner teiotinakaronhtónʼa rátsinn tó꞉ka ó꞉ni kahiatákeras né꞉ne iáh othènen tehiotsihiótare. Tsi nikanó꞉ron né entewanónhton entsiohianénhaʼwe ne tkarihwaiéri atenienténhtshera.

Leviticus 5:18

Ónenk tsi entetsiʼsewahawíten ne ratsihénsthatsi ne akakarhiátonke né꞉ne rátsinn teiotinakaronhtónha tó꞉ka ó꞉ni kahiatákeras né꞉ne iáh othènen tehiotsihiótare. Né tsi satèkena né entewanónhton tsi entsiohianénhaʼwe né tkarihwaiéri atenienténhtsera. Ne ratsihénsthatsi né ienhót꞉kaʼwe né꞉ne karihwáneren ahorihwáke tsi né thóh nisaiéren né꞉ne iáh tetisanonhtónhon, tánon kíʼ entiesanikónhrenhse.

Leviticus 6:2

Ónenk tsi enhionhníhake niahontkáwen tó꞉ka ónhkak tsi nítsion wesewarihwánerahke tsi nòkwah ne Roiá꞉ner né tsi wesewaterahiáthaʼkwe niahontsisewáhaʼke tsi nahó꞉ten ne óia Israerʼró꞉non thóh rothakweniáien tó꞉ka ó꞉ni knahó꞉tenk waʼtsisewanénsko tó꞉ka ó꞉ni watsisewanikonhráhten

Leviticus 6:8

Ne Roiá꞉ner wahorihónten ne Mahís

Leviticus 7:16

Tó꞉ka ensátʼtsahaʼthe ne skaríhwa íken tsi iewatkáwen né nakaná꞉nontʼthe ne warahrát꞉ston tó꞉ka ó꞉ni ne tsi kwáh í꞉se thóh nisanikonhró꞉ten, iáh kíʼ akwékon thaʼkawaráhkonhke né꞉ne shaʼhenhnísera iewatkáwen, ók né thènen enhiotátere enwáton ne óia wenhniseráte ahiewárahke.

Leviticus 8:18

Ethòne ne Mahís iahohiaténhaʼwe ne teiotinakaronhtónha rátsinn né nahoteskónhten, tánon ne Aaron ó꞉ni ne shaʼkohiohokónhas wathonwanisnónh꞉saren ranonhtsí꞉ne.

Leviticus 9:2

Wahawénhase ne Aaron, “Iatsiaténhaf ne tsionónskwahron rátsinn tánon ne teiotinakaronhtónʼa rátsinn né꞉ne kwáh iahothènen tehothiʼtsihióthare tánon thá꞉tion ne Roiá꞉ner, ne tsionónskwahron rátsinn né꞉ne kariwanerenhákʼtshera aorihwáke tánon ne teiotinakarontónʼa né nenʼné꞉e nahonwateskónhten aorihwáke.

Zechariah 13:7

Ne Roiá꞉ner Roshatstenhserowá꞉nen rá꞉ton, “Ih꞉tie, asharehkó꞉wa, tánon iatsiatiaʼthón꞉ti thí꞉ken ranónhnhe ne rahtioténhseh! Tienonhwarhià꞉konh, tánon ne teiotinakarontón꞉a tenkonhrén꞉ni. Kwáh ienkhehiatiaʼthón꞉ti nakonhkweʼtahshón꞉ʼa

Malachi 1:14

Ók ronorónhsten ne raʼnikonhrhá꞉tha ne rá꞉tsiʼn ronáhskwaien tánon enhahrhá꞉ratsteʼ nahatenáhskon, tánon eʼthó sá꞉ne ne enhotʼskónthahse ne Roiá꞉ner nahó꞉ten ne iáh tshiekaiaʼtaié꞉ri; Aseʼkénh Í꞉i ne Kenontiiohtsherowá꞉nen í꞉ken, Rá꞉ton ne Sakoiá꞉ner ne ratironhiaʼkehró꞉nonʼs, tánon nakhsèn꞉na kwáh tsi niaʼteionkwé꞉tákeʼs tsi ratikweniènhstha.

Numbers 15:3

Né꞉ne teró, teiotinakaronhtónʼa rátsinn, teiotinakaronhtónʼa, khès ne kaiatákeras enwá꞉ton nahónhion ne Roiá꞉ner nahonwanateskónhten khès né꞉ne karihwiʼiosehokónhas ahorihwáke tsi akanánonhke ne wararáts꞉ton khès né꞉ne tsi kwáh ehʼnihiakonikonhró꞉ten tsi iahóntkaʼwe khès né꞉ne ahontakaiéstonhke ne iorihwató꞉ken karihwiʼiostónhtshera tsi nisehwakhwahéra; ne ahonséhra kí꞉ken káhkhwas né rawenhrenhtiʼióstha ne Roiá꞉ner.

Numbers 15:8

Nó꞉nen ne teró ienhonwát꞉kaʼwe nahonwateskónhten ne Roiá꞉ner rahorihwáke khès ne karihwiʼiosehokónhas né nakananónhke ne wararátston khès ne skaʼríhwa ahorihwáke tsi iewatkáwen,

Numbers 19:2

nahontasakónon NʼIsraerʼró꞉nons ne naioriwatokénhake kaianerénseras. Tsi ítnes ne Mahís tánon ne Aaron thonwahiaténhaf nonekwénhtara niwashokóten tsionónskwahron né꞉ne kwáh iáh othènen tehiotsihiótare tánon né꞉ne iáh nonhwénhton tehiohioténhʼen,

Numbers 23:19

Ne Rawenni꞉io iáh né thóh tehahiatóʼten tsi ní꞉ioht nonhkweshón꞉ʼas, tsi nihotinówenhs; Iáh né ónhkwe tèken ne tahonshaʼhoterihwaténien. Tsi nahó꞉ten nenharárasthe, ehʼnihaiérha; Enhthatáti, tánon thóh nenhiáwenhne.

Numbers 23:27

Ne Balak wahénron, “Káts íteʼne, tánon ó꞉ia tsiokwénhrare nónhwe nienskonhiaténhawe. Tó꞉ka nónhwa ne Rawenni꞉io enhathónthate né nónhwe naseréwathe nakerihwáke.”

Numbers 23:3

Ethòne ne Balaam wahawénhase ne Balak, “Kénʼen téstann ákta ne tsi satéskonhte, tsi nikaríhwes enkatʼkenhséra tó꞉ka kén ne Roiá꞉ner tenhiatiaʼtátken khès ne iáh.” Káti rahonháhak khók iahanonhtárane,

Numbers 23:30

Ne Balak thóh kíʼ naháiere tsi nahonwaró꞉ri, tánon iasakohiatarónhnion ne teró ó꞉ni ne teiotinakaronhtónʼa ratítsinn ne skát꞉tshons ne ietsienharakwáhke.

Numbers 28:11

Iasehwát꞉kaf ne watéskonhte rahonháke ne Roiá꞉ner né tiókonhte nensewenhnitárane: né꞉ne teniʼiáhse ne kenhnithonihiónha téro, saiáta teiotinakarontónʼa rátsinn, tsáta niháti ne énska tehonosehrihiákons teiotinakaronhtónʼa ratítsinn, ratikwékon ne iáh othènen tehothitsihióthare.

Numbers 28:19

Sehwateskónhten né꞉ne ká꞉khwa aoriwáke tsi iensewát꞉kawe rahonháke ne Roiá꞉ner: tenihiáse nithotihiónha teró, saiáta teiotinakaronhtónʼa rátsinn, tánon tsáta niháti nénska tehonosehrihiákon teiotinakaronhtónʼa ratítsinn owíra, ratikwékon ne iáh othènen tehotitsihiótare.

Numbers 28:31

Né kí꞉ken tasehwá꞉iest tánon ne onenharatasehontserákeri né iehiowènhtek niatewenhniseráke ionhteskónhtha aorihwáke tánon nonátsia aorihwáke.

Numbers 29:13

Nentewenhtenhniseratiérente tsi sewakhwahéras ne Roiá꞉ner, nahón꞉sera ne rawerienhtiʼiostákwa: áhsenh-iawénhre niháti teró nithotihiónha, tenihiáse teiotinakarontónʼa tenítsinn, tánon kaiéri-iawénhre niháti nènska tehonoserihiákons teiotinakarontónʼas ratítsinn, né꞉ne kwáh iáh othènen tehotiʼtsihiótares.

Numbers 29:2

Né sehwaterihwaténtiat natsisewateskóntʼthase ne Roiá꞉ner, nahonséhra né rawerientiʼiostákwa: saiáta nithohiónha teró, saiáta teiotinakaronhtónʼa rátsinn, tánon tsáta niháti nénska tehonoserihiákon teiotinakarontónʼa ratítsinn owíra, ratikwékon ne kwáh iáh othènen thahotitsihiótarake.

Luke 1:35

Nok ne Raronhiakeronon tontahaȣennaȣeron ȣahenron: Rotkon Roiatatokenti enhiaiatorenne, nok nʼEnekentsi nahosastensera onsarakȣaȣerhoste; ne se ȣaonni oȣiratokenti ki nensaȣiraientane, enhonȣanatonkȣake Niio Roienha.

John 1:36

Nok tehakanere tsi rotoheststonhatie ne Iesos, ȣahenron: Neh kehiken ne Niio Roienha.

John 10:7

Sekon kati ne Iesos ȣahenron: Oriȣiio akȣa oriȣiio tsi Ii ne tsi kannhokaronte tsi nonȣe nitkonnetta ne teiotinakarontonha.

John 10:9

Ii ne tsi kannhokaronte; onka iihne enhiontaȣeiate neh enhieniakenne, enhiontaȣeiate oni entsieiakenne nok enhiestsenri ne kakkȣiio.

2 Corinthians 8:12

Iáh tewatsterístha tó: naiesakwahtshéhake. Ne tewanónhtons tó: ní꞉kon enhshé꞉ion tsi nisá꞉ien.

2 Corinthians 9:7

Tsi sewaiaʼtátshon ó꞉nenk tsi iatensewarihwaién꞉taʼse tó: ní꞉kon aontesewaiéste. Nok tóhsa kiʼ sasewatateriʼwásten tó: naontesewá꞉ieste, tóhsa ó꞉ni sewéhrhek sewaterihwaién꞉ni kenʼ. Shakonorónhkhwa ne Rawenni꞉io nónhka akotshennonniahtsherà꞉kon tsi entióntkaʼwe.

Ephesians 2:18

Kwahse iatekakonte ne iorihonhniʼon ne Keristos tsi nioieren kwáh tewakwé꞉kon, tetsá꞉ron ne Sitaeró꞉nons ó꞉ni ne iáh tehatisitaeʼró꞉nons, enwá꞉ton ne rahiaták꞉ta ne Kaní꞉sera niaʼí꞉tewe kwáh ne shanihiáta ne Ronikonriʼióston.

Ephesians 5:27

Ne nahónton kwáh rahonhatsíwa ahaiénhase nononsatokénti tsewakwékon tsi niwatkathotserí꞉io—iáh thènen tekahetkénton iáh ó꞉ni tekanikonraksáton, kwáh iáh thènen tehiorákware iáh ó꞉ni tatehionitsʼtsiákon tóhkaʼ ó꞉ni ne thènen ne iáh tahontakaiérike.

Deuteronomy 12:27

Thó꞉nonhwe iahástat ne kariwihiosehʼokónhas né꞉ne kwáh ahonteskónhtake ne Roiá꞉ner rahotsenharáhkwake. Káti ó꞉ni iahástat thí꞉ken kariwihiosehʼokónhas tsi niká꞉ien ná꞉sehke noʼwá꞉ron tánon nonekwénhsa ietienharáhkwake tasawé꞉ron.

Deuteronomy 15:21

Ók tó꞉ka káti thé꞉nen nihiotehiátawens ne konhtiʼtshénens, tó꞉ka iotihiaʼtakenhé꞉ion tó꞉ka nʼó꞉ni iáh tekonhtíken tó꞉ka ó꞉ni ó꞉ia nahó꞉ten tsi nahiotihiaʼthawénhseke tsi konhnónh꞉nhe, iáh ki tehió꞉wenk ne Roiá꞉ner iastátske.

Deuteronomy 17:1

“Tó꞉sa othé꞉nen tsi sewateskóntas ne Roiá꞉ner sewaNí꞉io ne tionónskwahron tó꞉ka ó꞉ni ne teiotinakarontón꞉a ne thé꞉nen ahiotinonwaktaníheke; ne Roiá꞉ner kwáh í꞉ken tsi ráshons ne thóh nikontihiaʼthó꞉tens.

Hebrews 7:26

Ié꞉sos, káti, ne ratsihenstowáhnen né teshonkwáhwis tsi naʼteionkwahtonwenhtió꞉ni. Rohiatatokénti; iáh tahóten tatehaterientawénhries iáh ó꞉ni tekénteron ne kariwáhneren ne rahonháke; tehonwahkháshion tsi nòkwah ne rotiriwáhnerens tánon ronwahiatakaratáton è꞉neken tsi karonhiátes.

Hebrews 9:14

Tsi kwáh kí꞉ken orihwí꞉io íken, tohʼniwéso tsi sénha karihwahkwahtákwas ne Kerístos raonekwénsa! Thóh nónwe ne ionnheónwe kashatsʼténsera raónha iahatatátʼkaʼwe né꞉ne ahontakarihwahiérike ne karonhiakénshera raohénton ne Rawenni꞉io. Né raonekwénsa né entionkweriashaserón꞉ni tsi nòkwa ne iáh thènen thekarihwásthas tsi nikarihótenne, ne káti nahónton atsitewaiótense ne ronnheón꞉we Ní꞉io.