Lamentations 5:18 - Ohiatonhseratokénti

¹⁸ ne tsi tionónte ne Zion kwáh sakthí꞉ken ó꞉ni thiʼiahonhá꞉a, tánon ne karahkonrónon nʼérhar thonatʼtokwáton ne watkénstons.

Lamentations 5:18 ပူးပေါင်းရင်းမြစ်များ

2 Kings 25:9

Wahatenonkwatetʼte ne Ononsatokentikó꞉wa, ne tsi kanontiʼiotseráien, tánon ne tsi rotinonshótons ne thó natonkwetaʼtónhnions ne Jerusalem,

Nehemiah 4:3

Tánon ne Tobiah né꞉ne Ammonró꞉non rahónha ne rahiatákta ratákwe, wahèn꞉ron, “Nosténra ronathenhenronhnihátie ne rononhnihátie Shé꞉kon ki ne tsístso thóh iaharát꞉ten kwáh kíʼ thewaréni!”

Psalms 63:10

Kwáh kíʼ tsi waʼterí꞉io nón꞉we enhonwatinonwariákon, tánon ne raotiʼierón꞉tas okwáho nenhné꞉e enhónhneke.

Isaiah 64:9

Tó꞉sa né kwáh í꞉ken tsi ahiʼsanakwenhénhake, Ó Saiá꞉ner, tánon tó꞉sa sehiá꞉rak né karihwaneraháktsera né tsi nènwe ahkénhake. Nón꞉wa tetsató꞉ret, iakwahkwé꞉kon í꞉se shonkwéta í꞉ken.

Jeremiah 17:3

tánon ne tsi ionnonhtharónnions ó꞉ni ne kahetahkésons. Enkhénahʼne ne tesehwatátʼtsions ienhatíhaʼwe ne sewatsiotʼkowáhtsheras ó꞉ni ne sehwáwenhk ne kanhorónsons né tsi niʼsehwariwahnerahákʼkonhs kwáh tsík nonhwésons ne tionhontsakésons.

Jeremiah 26:9

Nonhtiéren tsi né wahshíron thóh rahosénnahkon ne Roiá꞉ner kí꞉ken Ononhsatokénti kwáh eh nenhiáwenhne tsi niʼhioiathawénhʼon ne Shiloh tánon kí꞉ken kanatowáhnenh kwáh enkariwénhtʼthonke tánon iáh ónhka tahonsahienáhkerehke?” Ethóhʼne nonhkweshón꞉a wationkenenhrónni.

Jeremiah 44:2

Ne Roiá꞉ner Roshaststenserowáhʼnen, ne shakoʼNí꞉io ne Israerʼró꞉nons, wahénron, “Tionháʼa sehwatʼkáhton ne kariwahiesáhtshera tsi niʼtetkhawithénhni ne Jerusalem tánon ó꞉ni notsakhésons ne kanahtowáhnenhs ne Judah. Shé꞉kon nónhwa nikaháwis nihioriwenhtásehron, tánon iáh ónhka tetsenáhkere

Jeremiah 44:6

Sók kíʼ thaʼkahwénhron nahkenhakwáhtshera tánon onhkatenhakwahwénhratʼtse ne tsi kanahthaʼkérons ne Judah tánon ne kanahtakónhsons ne Jerusalem, tánon wahkheʼhiatenonhkwéntahwe. Nék iaʼtetsiothaténron ne ioriwahiehsáhon tánon ne iahónton ne kahetʼkénsehra, tsi niʼnónhwa ní꞉ioht nónhwa nikaháwis.

Jeremiah 52:13

Wahatenónhkwahtekʼte Nononhsatokentiʼkówa, tánon ne tsi rohnónhsohte ne Ronhnonhtí꞉io, tánon ne tsi rohtiʼnonhsóhtons ne ronhnonhkweʼtowáhnenhs ne Jerusalem;

Jeremiah 9:10

Wakíron, “Tenkaséntʼthoseh ne tsi iononhtharónʼnions ó꞉ni tenkasénthoseh ne tsi konwathiʼteronthákwahs nahtenhenráhkonhs ne katshénenhs, tsioríhwah tsi akwékon iostatʼténhen, tánon iáh ónhka éhtho nónhhwe tetionthohénstha. Tsi nahionatʼtsiarokwáhtonke ne katshéʼnenh iáh ónenh ónhka tetsiakóthonʼte; otsitenokónhas ó꞉ni ne konhthitshénenhs kák tiehionénonh.”

Jeremiah 9:11

Ne Roiá꞉ner ráton, “Kwáh enkónhnien ne Jerusalem nahiothonhióthonke ne ioriwahiesáhsehrons, thóh nónhwe ne érhar nenhathináhkerehke; ne tsi kanahtowáhnenhs ne Judah karhákonh enwáhthon, thóh nónhwe ne iáh ónhka tahienáhkerehke.”

Ezekiel 13:4

Nonhkweshón꞉ʼas Nisraeronónhkes, ne tionkwetaʼshón꞉ʼas ne rotitó꞉kense thóh nióre tsi iáh thènenh tehatísthas tsi ní꞉ioht ne tsítsos thóh rahthináhkeres ne ioriwenhtáhon kanatowáhnen.

Daniel 9:17

O Saiá꞉ner Onkwaʼní꞉io, sathóntek nakwaterénnaient tánon tsi konianiténhtase. Sasenonhsahserón꞉ni ne sanonhsatokenhtiʼkó꞉wa, tsi naʼtekahríhton; saskwatá꞉ko ehʼnaontáwe onkwétakwe aiakoterién꞉taráʼne tsi í꞉se ne Ní꞉io.

Micah 3:12

É꞉tho káti í꞉se sarì꞉wa ne Zion kwáh tsi ní꞉ioht ne kahentà꞉ke tsi enhathitarakarát꞉tho; né Jerusalem né꞉ne ienhwá꞉ton enhiontohiótane ononhwénhsera, tánon Nononsatokentikó꞉wane karakonʼkó꞉wa enwá꞉ton.