Lamentations 5:16 - Ohiatonhseratokénti

¹⁶ Iáh thènen tetiothaténron tsi nahóten ne iakwanónweskwe. Ionkwariwáneren, tánon ó꞉nen hionkhirewáthon.

Lamentations 5:16 ပူးပေါင်းရင်းမြစ်များ

Job Tánon ne Raoronhiakensera 19:9

Sahakhékwa naʼkhatsokowáhtshera, iekanihare ionsaháhawe nakerenhsarónhtshera tsi ses ne ní꞉ioht né꞉ne waʼkanonwaró꞉ronkwe.

Psalms 89:39

Thonthatsiatatihéntʼthoʼs ne saterihwasehronʼniátshera ne sanhá꞉tshera; waʼteshí꞉tionste ne raonónwaʼroʼre tsi okenhrá꞉ke waʼtesatesénhniaʼte.

Proverbs 14:34

Nón꞉kwe tiakorihwaié꞉ri ne ión꞉nis ne kanakerahserá꞉kon enkanakerahseriióhake kiʼ; karihwanéren tkáhas atehénhsera ne kanakerahserá꞉kon.

Proverbs 27:24

aseʼkénh ahtshoʼkowáhtshera iáh thaʼtekahwiʼshátsteʼ, iáh ó꞉ni tsi kanakerahseraké꞉ron.

Isaiah 3:8

Asèken ne Jerusalem watʼkarakwénhtarane tánon ne Judah wakaiatsénenhne, tsioríhwa tsi nihontátis tánon tsi nihatiweienótens kwáh kí ronwákʼkonte ne Roiá꞉ner, ronateraiatáhkwen ne raoiatanerakwáhtshera tsi thóh í꞉wes.

Jeremiah 13:18

Ne Roiá꞉ner wahakénhase, “Tsió꞉ri ne ronnonhtí꞉io ó꞉ni ne ronisténha ianitskwaráhko ne rahonanitskwahráhne, tioríhwa ne watʼkahthotsherí꞉io rahonahnónhwarohʼre tsi thonsènʼne ne nihnonhtsíʼne.

Jeremiah 2:17

Israerʼró꞉non kwáh iashatátʼkwahse! Tahkahtewenhthéton, ne Roiá꞉ner SahʼNí꞉io, tsi nikaríhwes konhiashá꞉rihneʼne tsi nihioháhes.

Jeremiah 2:19

Kwáh hiateshiáti sharihwahnerahátʼtshera tsi ensharéwahte, tánon tsi takatʼkahrahthénion ne ensharíhwenhte. Tánon kwáh ensehwehientéthaʼne tsi niwahétʼken ó꞉ni iáh tetʼkarihwahiéri nahionkatewénhthete, ne Roiá꞉ner sahNí꞉io, tánon iáh óhnenh tetsisharihwahtó꞉ken tsi nòkwahʼa ní꞉ih. Í꞉i, ne wahkenonhtí꞉io Watiá꞉ner Keshaststenseroʼwáhnenh, wahkahtáhti.”

Jeremiah 32:23

Ók shonsahónneʼwe ne kénʼen ionhontsiáien ó꞉ni wahontsiénawasʼthe, iáh tehonatewenhnahráhkwen tsi nisehró꞉ri tó꞉ka ó꞉ni thóh ní꞉ioht tsi ahonnónhnheʼke tsi nisehrihonniénni; kwáh iáh othènen etʼtehothiʼiéren tsi nisehríhonte. Tánon káti tahshá꞉we akwékon kí꞉ken kakahronniátshera ne ronónhake.

Jeremiah 4:18

Judah, kwáh iasatátkwahse ne tsi ní꞉ioht tsi sonnhétieʼne tánon tsi nikarihoténsons tsi nishatieráhnion. Sahriwahneraháktshera kí꞉ken éhtho nahkásah ne karonhiakénsehra; kwáh wahthisehrhiasháwehesthe.

Lamentations 1:1

Iatetioʼiatíston ne Jerusalem, tewenniserátekwe kwáh titkanenráhrakwe! Tewenniserátekwe tsi niʼionwéntsia tekonwarensáronskwe, ó꞉nen nónwa thoníʼioht tsi síken ní꞉ioht ne ioteréʼons; Né kwáh tkasennowanénʼne tsi níkon ne kanahtowá꞉nens ó꞉nen kanáskwa iotónʼon.

Lamentations 1:18

“Nók ne Roiá꞉ner roriwakwarísion, asèken riwennóntion. Takwatahónsatat, tionkwetaʼkwékon kwáh tsiknonwéson akénhake; takwakʼkátho tsi naʼtewakawehésta. Nithonthihiónsas óni nitiothihiónsas ronwathiʼiénen.

Lamentations 1:20

“Satkátho, O Saiá꞉ner, tsi niwakeronhiáken, tsi niʼiokarárens nakwathónnhes! Tewakeriasaríʼon tsi niwakenikonráksens nakeriwaneraháktseras. Sakonasétas ne tsi tekanatokenhátons; iahióhe nòn꞉ne kanonskónsons thóh ronnihéions.

Lamentations 1:8

Nahorensaróntsera iotónʼon; ahoʼnhostóskon íken tánon titkonwanonthónni tsi konwaié꞉nen. Iahonséhna tánon hiotkonsaséhton tsi niwatéhens. Kwáh ahónha ne Jerusalem waʼtewathatsatátsionsʼte neh kwáh tehiotenonianíthon ne kariwanerahákʼtshera.

Lamentations 2:1

Ne rahonahkwatserákon ne Roiá꞉ner rohrorókston ne Zion ne tetiókaras. Ne karonhiakhéka ahoiatanerakwátsera neh watakaraténiate nakahetkénton. Ne wenniserátekwe tsi nihonakwehén:ne, akwékon ne Rahononsatokénti wahatewénthete.

Lamentations 4:13

Nok thoniʼiawén:en, iehonataweiáthon neh tsi rothiriwáneren nahonkwetaʼsónhas ne iehathiriwákens tánon nahotsihénstatsis rothinhíkon Neh tsi ronnónha rothirihónni iakawenhéion nónkwe ne iathénen tehothinhíkons.

Ezekiel 21:26

Í꞉i, ne Wakenonhtí꞉io Watiá꞉ner, wakatáti. Shaʼnonhwaroróksi tánon ne tesatenonwarahnákstha. Iáh thènenh ne shé꞉kon tahonsakénhake. Enhionttatʼtsenhnakaráhthate netàhke ionhtatónhnis, tánon entʼtiontatsátenhthe ne éneken hiontatónhnis.

Micah 6:13

Né káti aorì꞉wa ó꞉nenk tewakatáhsawen nakonrewáte ne wakonionniá꞉te ne iáh othé꞉non tasherihwasthátonke ne iorihón꞉ni ne sarihwaneraháktsheras.

Revelation 2:10

Tó꞉sa shá꞉teron tsi nahoʼténhsons aseronhiáken. Thasatatehnikón꞉raren, ne ranikonraʼsen skanó꞉rons iatsisewahiatónhti tohkára nítion tsi ionthatenotónhkwah ne káti ní꞉se naietsiiateʼniénten, tánon oié꞉ri nón꞉ta ní꞉se kwáh tensewaterientakári. Ók sewariwatokénhak tsi nió꞉re kenhé꞉iatne, tánon í꞉i entkwáhion ne oronhónkwa ne iónhne.

Revelation 3:11

Ní꞉i kwáh ióstre tón꞉take; senónstat tsi nahò꞉ten sá꞉ien, ne káti ne tóhsa ónhka aiesá꞉kwa ne sanón꞉warore.

1 Samuel 7:6

Káti waʼhonnitiokwaró꞉roke ne Mizpah nón꞉we, tánon iahatiʼnekó꞉tsenʼte tánon tahatiʼneká꞉weron raoʼhén꞉ton ne Roiá꞉ner. Tánon wahonentontié꞉te nétho wenhniserá꞉te, tánon wahonníron, “Ionkwarihwáneren tsi nòkwah ne Roiá꞉ner.” Tánon ne Samuel watehshakoiaʼtó꞉rehte NʼIsraerʼró꞉nons thó nón꞉we Mizpah.