Lamentations 4:6 - Ohiatonhseratokénti

⁶ Nakonkwetaʼsónha sénha ne ronwathirewáton tsi ní꞉ioht ne Sodom non nihathinákere, neh kéntons kwáh tentsawénstsi ne Rawenni:io tsi tensakotásente.

Lamentations 4:6 ပူးပေါင်းရင်းမြစ်များ

Genesis 19:24

Thontaiawénhstsi ne Roiá꞉ner wahakennó꞉rehste ne Sodom tánon ne Gomorrah ó꞉tsire tánon iontenatenʼtáhstha tekaiéhston;

Genesis 19:25

tánon wahshakóhtonte tánon kwáh akwé꞉kon naonhráhkwakon í꞉ken, thóh ratiiá꞉tare nonkwehshón꞉ʼa ó꞉ni kwáh tsi nahotén꞉shonʼskwe neh nón꞉we niiohwentsá꞉ien niwatonniá꞉thahkwe.

Isaiah 24:2

Tánon thóh kí nenhiáwenhne, kwáh satenhkatá꞉tonhke nonkwehhó꞉kon, ó꞉ni ne ratiʼtsihénstatsis; ó꞉ni ne rahnáskwah, ó꞉ni ne rahiatahkweʼní꞉io, ó꞉ni ne kaʼnhátshera, ó꞉ni nohén꞉ton iékate ne kanónskon; ó꞉ni ne ranínons, ó꞉ni ne ratkérons; ó꞉ni ne sakoníhas, ó꞉ni ne ronhwaníhas; ó꞉ni ne sakokaró꞉tanis, ó꞉ni ne rotkárote.

Jeremiah 20:16

Aiáwenhs né tahonshaʼhiatiérenhke tsi ní꞉ioht thíken kanatowáhnenhs nètho ne Roiá꞉ner rorihwahtónton kwáh tsi thahóten ne athaniténron. Aiáwenhs nék khók ahothónteʼke ne karonhiakénsehra noronhkéʼne tánon tsi nenhontátisʼte naterihiósehra nénhtie nenhkárahke,

Jeremiah 23:14

Ók sénha wahétken wahkatkáton ne Jerusalem nónhwe tsi nihothiʼiéren ne rotitokénse: wahontenakwaʼiésaʼte tánon wahonnonhwenhtánion; wahshaʼkothiʼiénawahse nonhkweshón꞉a ne wahétken tsi nahatiʼieráhnion. Ne ne tó꞉sa ónhka ahióntkaʼwe tsi nihontiérah ne kariwahétken. Nakonháke kwáh rahtikwékon tsi ronnonhkweʼtahétken tsi ní꞉ioht nonhkweshón꞉a ne Sodom tánon ne Gomorrah.

Lamentations 4:9

Tsi niháti ne tsi waterí꞉io non nihonenhéion sénha ne tioʼiánere tsi ní꞉ioht ne tsi nikáien nonakènke ronenhéion, ronónha ne ronathonkariákon tánon kwáh skenénha tsi wahonnihéion, kwáh iáh thènen tehothikhwaiéntakwe nahonathonʼnhéston.

Daniel 8:25

Ne tsi nihatsítsho, raweienáksen kwáh ki enhoterihwahténtiaʼse. Enhatatonníheke ó꞉ni iakotiohkowá꞉nen enshakoʼwéntho ne kwáh iáh oʼthé꞉nen thaontontró꞉ri. Kwáh ó꞉ni enhonenhróthase ne kwáh thaʼshátste ronnontí꞉io, né ne Rawenni꞉io. Rawenni꞉io kiʼ ne enhóhtonte né ne kwáh iaʼtenhoiáʼtihste.

Daniel 9:12

Wahsatatewennaiérite tsi ní꞉sen ne tsi nenhskwaié꞉raʼse tánon ó꞉ni ne ionkhikoráhshon. Wahsréwahte ne Jerusalem sénha waoteʼserowanáhten tsi ní꞉ioht ne aktéshon nón꞉we nikanataién꞉tons nonhwentsià꞉ke.

Matthew 24:21

Aseken ionikonraksentseratsanit tsinenhiaȣenne nethone, neki enskat nareko nonȣenton eh tetiaȣenhon tsinahe tiotonȣentsiatasaȣe tsiniiore nonȣa, iah oni noiah eh tiiaonsaiaȣenne.

Luke 10:12

Nok ȣakȣarori, neh nonȣe teȣenniserate karo tsi nenhonȣanateseroȣanaten ne Sodomronon tsiniiot netho nonȣe nihatinakere.

Luke 12:47

Nok kenh kaien ne rannhatsera ronikonraienterhaon ne Raoianer, nok iah tehotaiaskennhaon nahonikonraieriton, isinonȣe tsi nenhonȣanonȣareke.