Lamentations 4:2 - Ohiatonhseratokénti

² Ne Zion ahonkwetaʼsónhas ne ken nithotihiónsas thóh nikanóronkwe nonkwariwáke tsi ní꞉ioht nowistanóron, Nok kiʼnónwa thóh nhithonwáthite tsi ní꞉ioht ne thikénha onawastakarí꞉ios kátshes.

Lamentations 4:2 ပူးပေါင်းရင်းမြစ်များ

Isaiah 30:14

Tsi natkaríhne kwáh thóh ní꞉ioht kwáh né꞉ne raʼtsetónhni rahót꞉tse tsi natewaʼtetʼtshetóko kwáh iáh othènon tekáien nathaniténron. Kénk níwas skakéron iáh tahonsónhton nahonsaieʼniáhese né karístakon aietsirahrá꞉ko, khés ne áhionste naʼienekotsénhtaʼkwe.

Isaiah 51:18

Kwáh iáh ónka thaʼhontetʼtsénhri nahonsakonwasaríhne iekaníhare ratiʼkwékon ne ratiksaʼokónhas tsi nihá꞉ti ne kwáh ahónha iakawenhnakeráts꞉ton; iáh ónka tahonteʼtsénhri nahontakonwanénhtsa iekaníhare ratiʼkwékon ne ratiksaʼokónhas ne kwáh ahónha iakawehiáron.

Jeremiah 19:1

Ne Roiá꞉ner wahakró꞉ri nakninónhrah ne otáhra kátʼtshe. Ó꞉ni wahakró꞉ri ne thóh꞉ka niháti ne thonʼnonhkwátahions tánon tóka niháti ne rotikháres hiakhehiaténhaʼwe,

Jeremiah 19:11

tánon natkheró꞉ri nètho Roiá꞉ner Roshaststenserowáhnen ráwen, “Kwáh thenkhehiáke kíʼ onhkweshón꞉a ne kénʼen kanátahien, tánon kwáh tsi ní꞉ioht kí꞉ken otáhra kátshe tsi tehiotʼtsetaríhon iáh thahónton ne shé꞉kon tahonsahkatkhánionʼke. Nonhkweshón꞉a nahkawenheʼióntas iekaníhare Topheth nónhwe ienhionthatsiatháta tioríhwa tsi iáh kahnèka nakʼtenónhwe tekáien nashakotihiatháta.

Jeremiah 22:28

Wakíron, “Ne ronnonhtí꞉io Jehoiachin thóh kén nihohiatawénhon tsi ní꞉ioht ne tehiotsetaríhon ne íhseh iewáhtion tánon iáh ónhka thaʼtehiakothonwenhtsióni? Né ken aoríhwa ne rahónʼa tánon ne sahkoienʼokónha ronwahʼnahnakerahkwáhton ne tsi tiohontsáien ne kwáh iáh othènen tehathiʼientéri?”

Lamentations 2:21

Nithontihiónsas óni ne rothitsténhas kwáh satèhiot tsi tekaiatotáron rhonenhéion ne kanatakésons, Nithotihiónsas ó꞉ni ne konʼnónkwe, neh tehontátswens ahsarekówa ronásthon tsi ronwanaséthon. Wasehiawéntho kwáh iáh kanèka nataniténron ne wenniserátekwe tsi nisanakwénhenʼne.

Lamentations 5:12

Ne hionkhihéntense iehonwathiʼiaténha tánon ronwathiniéteren; non tsionkwetaʼsónhas ne rathiʼtsihénthatsis iáh thènen thehonwatikweʼniénsta.

Hosea 8:8

Ne Israel iekonwatsatanekwáhnon; ón꞉nen ská꞉ne ratinákere ne tihononhontsá꞉tes kwáh iáh othé꞉nen tehatiriwástha tsi ní꞉ioht ne ohtsetós꞉kon.

Zechariah 9:13

Ne Judah thóh ní꞉ioht tsi enkhehiáste tsi ní꞉ioht ne ronhterí꞉ios raothihén꞉na. Tánon ne Israerʼró꞉nons tsi ne ní꞉ioht ne kaienhkwí꞉res. Ne ronónhkwe ne Zion thóh ne ní꞉ioht tsi enkhehiáste tsi ní꞉ioht nasahreʼkó꞉wa, nahonterí꞉io ne ronhnónhkwe ne Greece nón꞉we.”

2 Corinthians 4:7

Ne tetsitewatié꞉ren tsi ní꞉ioht ne oʼtá꞉ra katsheʼshón꞉ʼa tsi nón꞉we niwateweién꞉ton ne ahtshokowáhtshera. Ne kwáh kahsatstenhserowà꞉nen Niiò꞉ne nón꞉we nitewé꞉tha, iáh ne ontionhà꞉ke.

2 Timothy 2:20

Kànon ne kanonsowáhnen kwáh niaʼtekákʼsakes thóh nón nikáiens: ótsakes kawistarákens tánon owistanórons nahóten ionniáton, ótsakes óiente tánon ionawastakarí꞉io; ótsakes kwáh kaksahtokenhátons, ótsakes thiʼkawenní꞉io tsi nikaksótens.