Lamentations 4:11 - Ohiatonhseratokénti

¹¹ Ne Roiá꞉ner kwáh thokén:en tsi kasastenserakwékon tahátkaʼwe ne rahonhakwátsera; Wahatsiróten ne Zion nónwe kwáh ohontsiáke wahónni.

Lamentations 4:11 ပူးပေါင်းရင်းမြစ်များ

Isaiah 51:20

Né seiohokónhas wahotiʼnikonráton, thóh ratiʼiatakérons tsi tekaiósaiens ne tsi naʼtekanatokénhserons kwáh tsi ní꞉ioht noskenón꞉ton roʼiatotaréhon ahá꞉rake; kwáh né ratiʼiataná꞉non ne raonakwáhtshera ne Roiá꞉ner, né꞉ne raoʼtewenhnaientónhtshera ne sahʼNí꞉io.

Jeremiah 13:14

Ethóhʼne tenkhehiatáriʼthe tsi ní꞉ioht ne katʼtsheshón꞉a thakatʼtsheténseron, ahonthahiakóhionke tó꞉ka ó꞉ni kenknahonthahiakohiónhake akénhake kwáh kíʼ ne skáka enkénhake. Iáh thahóten ne kenténron, iáh thatahkhehiaróh꞉thon, iáh ó꞉ni ne kenténrat thatahóntʼtaste nahkhenonwahrhiákon.”

Jeremiah 17:27

Ók ónenk tsi enhionkewénhnarahkwe tánon enhatikwéniensʼte ne tsatákhaton nónhta ne tsi iawenhthatokénti. Kwáh iáh tehiówenhk ne thènenh ahathikaréni ne iorhiénatsthe ne tahonnhóhetsthe tsi iotenhenrahkáronthe ne Jerusalem né nenhwenhniseráhteke, asèken tó꞉ka éhtho nenhatíhiere, kwáh enkahté꞉kaʼthe ne tsi iotenhenrénton ne Jerusalem. Enwahtenonhkwentsahatónhake tsi rotinonhsóhtons ne rontinonhtí꞉ios ne Jerusalem, tánon kwáh iáh ónhka thahiekwéni nahiónswahthe.”

Jeremiah 21:14

Ók enkonhréhwaʼthe ne tsi nisahtiéren. Enʼkatenonhkwahtékʼthe tsi sahnónhsohthe, tánon nótsireh akwékon enwátʼtsahaʼte nakthatsieshón꞉a. Í꞉i, ne Watiá꞉ner, wakatati.”

Jeremiah 36:7

Tó꞉ka kíʼ nónhwa shé꞉kon tensontkarahténi tsi nihatiʼweiennáksens tánon ahonʼwahriwahnónhtonse ne Roiá꞉ner ahonshaʼsakonikónhrenhse nohénton sóhtsi ahiokaraháthaʼne. Asèken ne Roiá꞉ner ne tehiotenonhianíthon rahonhakwáhtshera tsi ohénton tonwahnaronkahténni.”

Jeremiah 7:20

Ne káti, Í꞉i, ne Wakenonhtí꞉io Watiá꞉ner, kwáh entʼkáweron nahkenahkwatsherowahnhátshera ne kénʼen Ononhsatokentiʼkówaʼne. Kwáh enthekhehiawerónhase nonhkweshón꞉a tánon kwáh sahtenhiothónhake ne konhtiʼtshénenhs, iekaníhare ó꞉ni ne tsi iorontó꞉tons tánon ne kaienthóhtsheras. Nakenahkwátshera thóh nenhióthon tsi ní꞉ioht nótsire iáh ónhka tahkakwéni nahónswahthe.

Lamentations 2:1

Ne rahonahkwatserákon ne Roiá꞉ner rohrorókston ne Zion ne tetiókaras. Ne karonhiakhéka ahoiatanerakwátsera neh watakaraténiate nakahetkénton. Ne wenniserátekwe tsi nihonakwehén:ne, akwékon ne Rahononsatokénti wahatewénthete.

Lamentations 2:17

Ónen ne Roiá꞉ner thóh naháiere tsi nihoterónkwen; Kwáh iáh kanèka ne kenténron tsi ní꞉ioht tsi wasonkwasénni, tsi nihthotʼróri ne wahónnise tsi náhe. Tasakáwen neh hionkíʼshons natesenniétsera, tasakáwen natʼtsenónniat tsi wahonkhisénni.

Lamentations 2:3

Thóh rahonhakwatserákon wahtarhéniaʼte nahosasténsera ne Israerʼró꞉non; Wahateriwhaiésahte nasonkwasniénonke sahónʼnewe ne teiakwatátshons. Tashonkwatiathónti tsi ní꞉ioht nótsire, kwáh akwékon wahariwéntho.

Lamentations 2:4

Tashonkwatakwaríshiaʼse ne rahoiénkwire tsi ní꞉ioht ne tahiakwatatʼtiónseke; Kanenrakwékon wasakowéntho tsi niháti neh ionkhinikonróriskwe ó꞉ni hiontionwenskwaníhakwe. Kén:en Jerusalem wahakwátʼthoke ne rahonakwátsera tsi nihiotékah.

Lamentations 2:8

Ne Roiá꞉ner kwáh thonikonrakontákwen nètho tewasontóthon ne Zion ó꞉nenk tsi enkarieniénton; Wahathenienténnion né kwáh oriwí꞉io ahrónni tsi kwáh enkariwénthonke. Ne kanikatóthonkwe óni tsi tewashonthótonkwes ó꞉nen akwékon hioreniénseron.

Lamentations 4:22

Ne Zion tetioriwaserákwen tsi nihioriwáneren; Ne Roiá꞉ner iáh shékon tahonsahsonkwanakerákwaʼte. Nók ne Edom, ne Roiá꞉ner enhiaréwaʼte; enréneste tsi nisaníkon tsi nisatieránion.

Ezekiel 22:31

Káti ienkátʼkaʼwe nakenahkwáhtshera ne rononháke, tánon tsi ní꞉ioht nótsire kwáh enkhehiáthonthe ne tsi nihonahtiéren.” Ne Ronhnontí꞉io Roiá꞉ner wahatáti.

Ezekiel 36:18

Wakheríhon nahóntʼthoke nakenahkwáhtshera tioríhwa natathaséhton kén niehotihiéren ne tsi ionhwenhtsáien tánon tioríhwa ne kahiatónhnis tsi né tehothitionsthákwen.

Ezekiel 6:12

Kannrahtarinhétshera enhiakohiatiénenhte tsi niháti ne ahínonh nióre iehiakonahkeráhkwen. Ateriʼiósera enhiakóthonte tsi niháti ne ákta ratináhkere, Tánon nónhka iatenhiakotátere athonkarhiákon enhiakoríhiote.

Daniel 9:12

Wahsatatewennaiérite tsi ní꞉sen ne tsi nenhskwaié꞉raʼse tánon ó꞉ni ne ionkhikoráhshon. Wahsréwahte ne Jerusalem sénha waoteʼserowanáhten tsi ní꞉ioht ne aktéshon nón꞉we nikanataién꞉tons nonhwentsià꞉ke.

Leviticus 26:28

ethòne kíʼ akenakwatsherákon kwáh kíʼ enkonhiatkónhten tánon shé꞉kon tsáta naʼtestsiáseren sénha enkonhréwaʼte tsi ní꞉ioht ne tsiotserénhton.

Zephaniah 2:2

nohénton ne kaianerénhsera aontónnhete nohénton ahontenhniseró꞉hetste, tsi ní꞉ioht ne káwahe ne tsi iahóte ká꞉tses; nohénton ne nón꞉we nahisewárane tsi niotenakwawenhráti Roiá꞉ner ahisewárahne nohénton ne raonhakwáhtshera ne Roiá꞉ner ahisahráne.

Zechariah 1:6

Nakenhatsherahó꞉kons ne rothitokenséhakwe nón꞉we nitsawè꞉nonh tsi tekhehiá꞉wi ne ietsisoʼthonkonhkén꞉en tsi kheró꞉ri tánon kheronkahtén꞉ni, ók iáh othé꞉nen karì꞉wa tehononhʼni tánon wahathironhiáken tsi niahá꞉wenhne. Ethò꞉ne shahontatré꞉wahte tánon wahathiriwahní꞉rahte tsi Í꞉i, ne Watiá꞉ner Wakeshatstenhserowá꞉nen, kherewáhthon tsi natehonhaténtʼtion tánon tsi niwahkatenikonrón꞉niʼne tsi niénhtiere.’”

Luke 21:22

Aseken onen nehne kareȣatatsera enȣenniserontakȣen; noriȣakȣekon akanane tsini kaiaton.