Lamentations 3:57 - Ohiatonhseratokénti

⁵⁷ Wateskeriwaserákwaʼse tánon wasekʼróri ne tóhsa ahketʼtiánihke.

Lamentations 3:57 ပူးပေါင်းရင်းမြစ်များ

Genesis 26:24

Tánon kwáh né siwahsontá꞉te ne Roiá꞉ner wahototáhshien tánon wahén꞉ron, “Í꞉I ne Raoní꞉io ne iaʼníha Abraham; tóhsa sáhteronʼn aseʼkénh Í꞉I tenikwé꞉kon tánon kwáh Enkoniaʼtaté꞉rihste ó꞉ni wé꞉so enkonhwatsirónnien ne nakehnhá꞉tshera Abraham raorihwá꞉ke.”

2 Kings 19:6

ionsahaterihwaniéte: “Né Roiá꞉ner tsisewaró꞉ris tó꞉sa ietsiríhon ne Assyriaró꞉nons naietʼtsiterón꞉kwen tsi nihontónhnions nètho Roiá꞉ner tsi iáh tahakwéni naʼtsisewanónsthate.

Psalms 138:3

Né tewenhniserátekwe shiakonhnáton, wateskerihwasehrákwahse, sénha sahshesasthénseron nakatónnhets.

Psalms 145:18

Ne Roiá꞉ner kwáh ratiʼiatátʼtha í꞉res tsi nihiákon ne ienhonwanáton, né꞉ne ratikwékon nienhonwanáton ne tewethákwen í꞉ken.

Psalms 69:18

Ákta í꞉set tsi nón꞉we níkes, sastsiatáko, saskatatewenhniʼióseron ne ratirihón꞉ni ne iónkshons.

Isaiah 41:10

tó꞉sa sáteron, asèken í꞉i tenikwé꞉kon, tó꞉sa sáteron, asèken í꞉i ne Saní꞉io í꞉ken; Kwáh kí enkonsasténhseron, kwáh kí enkoniénawaʼse, Kwáh kí enkonhiatenháwa né watesenhniétha ne tsi keweientetákwen.

Isaiah 41:14

Tó꞉sa sáteronh, í꞉se notsinonwanhéta Jacob, í꞉se nontsinón꞉wa Israel! Kwáh kí enkonsniénon, rá꞉ton ne Roiá꞉ner; né shiaʼiatákwen né꞉ne Roiatatokénti khók í꞉ken ne Israerʼronónke.

Isaiah 58:9

Eʼthóhne ientiená꞉ton, tánon ne Roiá꞉ner kwáh thenharihwaseráko; thenshaséntʼtho nahiaʼiénawaʼse, tánon kwáh enhénron, kénʼen í꞉kes. Tó꞉ka éhʼren ensewahá꞉wiʼte ne iontientaniákstha ne sewanenhrí꞉hen, tsi iesheʼwatsatónhnions, sewaʼtewenhnaksátha,

Jeremiah 1:17

Shaʼtahtewehiennénhtah, Jeremiah; wáhs tánon sehró꞉ri oriwahkwékon tsi nikonhríhonte ne ahsíhron. Tó꞉sa ó꞉nen shaʼsehtshaníhsek. Khés kwáh enkonhiónʼnien ne sénha enshaterónsehke nó꞉nen skátʼke ensehwésehke.

Acts 18:9

Énskat tsi niwasóntes tsi náhe rótasʼkwe ne Kór, rahotetʼtsenserákon ne Roiá꞉ner wahothotáshiase tánon wahawénhase, “Tóhsa sáteron, nók iasatasónteren tsi nahóten sahiothátie tánon tóhsa sahtsiakwarísi,

Acts 27:24

tánon wahénron, ‘Thó꞉sa sáteron, Kór! Ónen tsi rahohénton iatenstá꞉ne ne Rakora. Tánon ne Rawenni꞉io tsi nithoriwaiéri ne sonháke kwáh rathikwékon wasakoniákente tsi niháti ne skátʼke sewatʼtsirótatse.’

Hebrews 7:19

Asèken ne Mahís raoianerénsera iáh tewáhtonskwe né thènen ahontakarihwahiérithe. Tánon kiʼnónwah ónen sénha iohiánere tsi tionkwáhrare tsi nikakwahtákwen né꞉ne ákta aítewehthe rahonháke ne Ní꞉io.

Ne꞉ne Sák Rohiaton 4:8

Rahiaták꞉ta ne Rawenni꞉io niahásewe, tánon ó꞉ni ne raónha sehwahiatat꞉ta nént꞉reh. Sahsewatióhare, í꞉se ne sewariwánerens! Sasewatateriasaʼserón꞉ni, í꞉se nanónwaras

Revelation 1:17

Nó꞉nen sahí꞉ken, watsiataién꞉taʼne rashitákʼtha tsi ní꞉iot nahonkihé꞉ionke. Ók wathakanisnónhsaren ne saweientenhthákwen, ratón꞉nions, “Tó꞉sa saterónh; Í꞉i ne tiotierenhthá꞉kwen tánon nonaʼkénkha í꞉ken,

Revelation 2:10

Tó꞉sa shá꞉teron tsi nahoʼténhsons aseronhiáken. Thasatatehnikón꞉raren, ne ranikonraʼsen skanó꞉rons iatsisewahiatónhti tohkára nítion tsi ionthatenotónhkwah ne káti ní꞉se naietsiiateʼniénten, tánon oié꞉ri nón꞉ta ní꞉se kwáh tensewaterientakári. Ók sewariwatokénhak tsi nió꞉re kenhé꞉iatne, tánon í꞉i entkwáhion ne oronhónkwa ne iónhne.