Lamentations 2:9 - Ohiatonhseratokénti

⁹ Naʼtenhenrashónhas ne tiothiʼiatháten tsi hiostókote, ne thekarenwaniónkwes kénk níwas thehiotsákons. Ne Ronnontí꞉io tánon ne rathisennowánens ó꞉nen ronahnakerákwen. Ne kaianerénsera iáh ó꞉nen thesonwatirihonniénni, tánon ne iehatiriwákens iáh othénen tesesakorihothasénnis ne Roiá꞉ner.

Lamentations 2:9 ပူးပေါင်းရင်းမြစ်များ

2 Kings 25:7

Tsi nikaʼríh꞉wes ne Zedekiah tehakánerahkwe, né roiénha wahonwanonwaríhkon; ethó꞉ne ne Nebuchadnezzar wahathénʼnane ne Zedekiah tahonwaʼkarahtháko, waʼonwaronkwahsánerenhke, tánon Babylon niahonwahiaténhawe.

2 Chronicles 15:3

Asèken karíhwes Nisraeʼró꞉nons tsi ronónnhekwe iáh tehatikwé꞉konʼne ne Rawenni꞉io, iáh tehotitsihenstaiénhthakwe nahonwatirihónhnien, tánon iáh ó꞉ni tehotiʼianerenhseraiénthaʼkwe.

Nehemiah 1:3

Tánon wahonkénhase, “Tsi nihá꞉ti ne ieteshonathaténron tsi ronwatiiatinekénhen tánon thóh ratì꞉teron ne tsi kanakerahserá꞉ien ne ne kowá꞉nen tsi watkanikónraren tánon atehénsera. Ne tsi tewashón꞉thote nosténra ne tehiokwahtaséhton ne Jerusalem ne tsi tehiorí꞉hon tánon ne tsi iotenhenrentónhnion ioté꞉ken.”

Psalms 74:9

Iáh teiakwatʼkáthos nonkwaniataráha; iáh ónen ónhka tesénhteron ne rotó꞉kenhse, tánon iáh ónhka tehioteriénhtare thóh kíʼ nenhkariwésonhke tsi thóh nenhiotónhake.

Isaiah 24:12

Ononwénhserat khók iatetiotaténron ne kanatowanénhke, ne tsi iothenhenrakarónhtons kwáh tewatʼtokwáhton tsi nihiorihwenhtáhons.

Jeremiah 14:14

Nonk ne Roiá꞉ner wathariwahsehráko, “Ne rothitó꞉kense akʼsénnakon tsi ronnhowenhtánions; iáh tiekehiateniéton, iáh ó꞉ni thènen tetetkhehiáwi nakhenáhonke, iáh ó꞉ni ne tiowénhna thènen tetkheró꞉ri. Tsi nihonatkháton naʼtettsensehrákon tsi nihatitharáhkwah iáh akonháke nónh tetiawéhnon; tsi nihontró꞉ris kwáh iáh othènen tekariwástha tsi nihonahʼnonhthonniónhon.

Jeremiah 23:16

Ne Roiá꞉ner Roshastsʼtenserowáhnen wahshaʼkawénhase ne Jerusalemró꞉nons, “Tó꞉sa sewatahónshatat tsi nihónton ne rotitokénhse; né thitʼthatiráhtha ne tionháke ne iáh othènen tehioríhonte kararáh꞉tshera. Né ietʼtsirhorhiátha tsi nihonahnonhthonniónhon ók iáh nenhné tsi nahó꞉ten wáhken.

Jeremiah 39:2

Ne tiotónhaton niʼwenhniserahkéhaton ne ne kaieríhaton shiʼwenhníthare ne Zedekiah ónenh énska shiʼhiosehráhke shihononhtí꞉io, ne kanatakʼthóntsie tewahsónthohte iathonnhótkahwe.

Jeremiah 39:8

Tsi nikaríwes, ne Babyloniaró꞉nons wahontenonhkwaʼtekthánion ne tsi rohnónhsohte ne ronnonhtí꞉io ó꞉ni tsi rohthinonhsóhtons nonhkweshón꞉ʼa tánon wahthonshontharihthánion ne tsi tekahnahthatátʼthonkwe ne Jerusalem.

Jeremiah 51:30

Ne kwáh thatishástsʼtes nahonkwetaʼshón꞉a ronhterí꞉ios iáh ó꞉nenh tesonterí꞉ios. Rahonahtosehrahkónhsons khók rahthiterónhton. Rohnahnikonhroktháhon. Wahthonatʼthonwisenhtserónhten. Ne rahthinenhrénhtha wahontenonhkwahtetʼthánion tánon wahthatirihthánion ne tsi iohtenhenrahkarónhtons ne kanatowáhnenh.

Jeremiah 52:14

tánon ne rahonkwetaʼshón꞉as ne ronhterí꞉ios wahtháaʼhiritánonhs ne tsi tewahshonthotónnionʼkwe ne kanatowáhnen.

Lamentations 1:3

Ne Judahʼs ahonkwetaʼsónhas iáh ó꞉nen thènen thesatístas tsi natehothonnakárias, ronwananakerakwáton. Àkteʼnon tkanakeraserá꞉ien iesathinákere, iáh teshononwéntsiaien nahathináthonkwe roʼnónha rahonáwenk— Ne꞉ne tehontáswens tehonwatihonwarónni, iáh kanèka tsiahón꞉ne nahonsahatiniákenʼne.

Lamentations 4:15

“Satèko!” wahtsakohénrete nonkwesónha. “Thesahiatátion! Tóhsa hiatatiéna!” Tsík nonwéson tkanakeraserakéron niahón:ne nók iáh ónka tatethonwanaróton.

Lamentations 4:20

Wahtsionkhíkwen tsi nihiakwastasónha tsi iatiónnhe, neh:ne Ronnontiʼio ne Roiá꞉ner rohrákwen, Tsi nikáien sakwaniahésenʼne nahontasónkwaʼne ne kwáh tsík ónka akénhake nahionkinenrénten.

Ezekiel 12:13

Ók tenkthakwárithe nakwaháhare tánon thóh enhihiatothárosthe. Ethòne tsitkanatowáhnenh ne Babylon nienhihiaténhawe, thóh nónhwe ienrénheie né kwáh iáh tahotkáthonke.

Ezekiel 17:20

Tentʼthakwáhrithe ne iontorátstha áshare tánon thóh nónwe nenhiʼiéhna. Babylonia nónwe nienhihiaténhawe tánon thóh nónwe ienhiráwahthe, tioríhwah tsi iáh tehoriwahtó꞉kenhne nakonháke.

Ezekiel 7:26

Tse tsiononterásehrons ne kariwaieshá꞉tsheras, tánon ioriwató꞉ken tsiʼnihioʼnáhote ne kariwáksens entewawéronhke. Kwáh ensehnéken ne rotitó꞉kense nahatirihotáshi tsi nahó꞉ten nohénton thonatʼkáton. Ne rotikháres kwáh iáh thahóten tahotiʼiéntake nashakotirihónnien nonkweshón꞉a, tánon ne rotitstenhokónhas kwáh iáh tahóten tahotiʼiéntahke nashakonatenhnikónhron.

Hosea 11:6

Asareʼkó꞉wa í꞉wes raotinatá꞉kons, watóntha ne raotiwenhnaʼshón꞉as ne ratitsihénstasis, tánon iakotóntha tiorì꞉wa tsi nihonateʼnikonronhniháties.

Hosea 3:4

Asè꞉ken nʼIsraerʼró꞉nons wé꞉so wenhniserá꞉ke iáh tahonsaotinontiiotsheraiéntake iáh ó꞉ni ne sakotihenthénse, iáh ó꞉ni thahonsahontsienkwahronhniá꞉take iáh ó꞉ni tahonsahonón꞉ni ne iotokénhtis kanawahátas, ne iáh káneka tahonhnésehke ne ephod khés ne teraphim.

Amos 1:5

Kwáh tenkhrihtánion ne tekaristahrenhwánions ne tsi iotenhenrakahrón꞉tonʼs ne Damascus, tánon kwáh enhinonhwariá꞉kon ne rakó꞉ra naonhráhkwakon ne Aven nón꞉we nihanákere, tánon tsi niká꞉ien ne raʼnhiénhawe ne rakó꞉ra ráoʼnhia ne Beth-eden nón꞉we; tánon nonkwehó꞉konʼs ne Aram nón꞉we kwáh nenʼneʼeh Kir nón꞉we ienhonwanaténniehte, rá꞉ton ne Roiá꞉ner.

Deuteronomy 28:36

“Ne Roiá꞉ner ieniahiaʼténhawe ó꞉ni ne sanonhtihiótshera nákte nón꞉we tionhontsá꞉ien, ne nón꞉we ní꞉se tánon ne sesoʼthonkonhkén꞉en iáh nonhwénton tsesewanákereʼkwe; tho nón꞉we ne tensehriwásniese ne niʼiohokón꞉as ne oiénte tánon onénhia nahó꞉tens ionhniáton.

Deuteronomy 28:63

Kwáh ki tsi ní꞉ioht ne Roiá꞉ner tsi wahawerientí꞉io tsi natsisewakwatsésten tánon tsi watsisewenhtiohkowá꞉nahthe, káti kwáh et nenhawereientí꞉io natsisewathón꞉te tánon nahontaháhawe ne karihwaieshátsheras ne tionháke. Etren enieʼtsihiatenhá꞉wite ne tsi ionhontsá꞉ien ne ó꞉nen thó꞉wa iahisewatiaʼtakwehní꞉ioste.

1 Samuel 28:6

Nó꞉nen ne Saul sahoriwanóntonhse ne Roiá꞉ner, nr Roiá꞉ner iáh tahtehoriwaserakwénhni, iáh naʼtetsenhsehrákon, khéhs ne ratsihénstatsi, khéhs ne rotitó꞉kenhse.