Lamentations 2:2 - Ohiatonhseratokénti

² Kwáh iáh kanèka ne kenténron tsi ní꞉ioht tsi wahariwentʼthóseron tsi kanataiénton ne Roiá꞉ner thòhnon ne Judah. Waharishiónko ne wahenrótaʼkwe neh kanikonráhrakwe nohóntsia. Wahsakothéhate tsi kanakeraserakéron tánon ne rathikorásons.

Lamentations 2:2 ပူးပေါင်းရင်းမြစ်များ

Job Tánon ne Raoronhiakensera 2:3

Ne Roiá꞉ner wahawénhase Sakoriwaros, “Watitsatát꞉ken ken nahkeʼná꞉tshera Job? Kwáh iáh ónhka nahonsahonwaiérenhke ne tsi ionwenhtsá꞉te, iáh othé꞉non thahonwarihwatsiénhriase tánon ne nénhska ne rónkwe kwáh í꞉ken tsi rorihwakweniénstha ne Rawenni꞉io tánon ratarónhtsiens tsi nokwáh ne karihwahetkénhsera. Tánon shé꞉kon rotienawáston ne rawetakwáhtshera, ethosà꞉ne wahsét꞉reke nahihiatkónthen, nahihiátonhte ne kwáh iáh othé꞉non tahontakarihónhni.”

Psalms 21:9

Kwáh éhʼtho ní꞉ioht tsi ensahkó꞉thonte tsi ní꞉ioht ne kwáh tehiotsienhanón꞉hiani ne nakwé꞉kon waʼtsahátha nó꞉nenh enhathotási. Né Roiá꞉ner raonakwatierákon tsi iensakotiatanékwane, tánon ótsire enhiakotsatátʼtsahate.

Psalms 74:7

Waʼhontenonkwa꞉htekʼthe ne Sanonsatokentiʼkówa; waʼthatítionste tsi nón꞉we niʼiesahsenhnaienthákwah, okenhráke wahonhnón꞉ni.

Isaiah 22:5

Asèken ne Sakoiá꞉ner ne ronterí꞉ios ratironhiakerónons rawenhniseráien ne nahtsarohkwáhtshera tánon enhiontateratatséshon tánon tenhiakonitónhnien nahonrákwahkon ne tahiakotserónhnionhse, enskaríshionke ehʼtàke ensewátionke ne tewasonhthó꞉tonhkwe tánon tehionséntʼto ne kaienawahsétshera tsi iononhtarónhnions.

Isaiah 23:9

Né Sakoiá꞉ner ne ronterí꞉ios ratiʼronhiakeró꞉nons rotenikonhrónhni— tsi enhentátsate ne kanaiésehra akwékon ne kaiatanerakwáhtshera, nasakotéhate ratiʼkwékon ne tehatirénhsaron ne tsi ionhontsáte.

Isaiah 25:12

Tsi nitsiótʼtes tsi naʼtekanatanátʼtons ne rahosontasónhas kwáh kí ehʼtàke enwátionke, ehʼtàke iónhni, iewátion nonhontsá꞉ke, iekaníhare nokenhràke nón꞉we.

Isaiah 26:5

Asèken ehʼtàke naʼthetesakohiaténha; né thóh nón꞉we nihatinákere tsi nón꞉we ne kwáh éhʼneken tiót꞉te í꞉ken; kwáh kasenhnowáhnen kanatowánenhs rahón꞉ha ehʼtàke sarón꞉ni. Èhʼtho ehʼtàke sahá꞉ien ohontsá꞉ke, thonsahakenróiente.

Isaiah 27:11

Né nó꞉nenh ne kanhá꞉hatakwení꞉io iostatʼtenhén, tekaiá꞉khons; konhnón꞉kwe entkonhne ne enkontʼtsenhonhniate. Asèken né kí ken nonkweokons né iah tehotiien nahotinikonraientane; ne neʼtho í꞉ken tsi niká꞉ien ne sakohiatison iah tahontahó꞉tenonwák꞉then, né sakohiatonhnianion kwáh iah thá꞉sakawehnesthen natatithenhron.

Isaiah 43:28

Né ká꞉ti wahónhni khehetʼkenton ne ronaterihóntons nononsatokentikówaʼne, Iehiʼiatʼkáwen ne Jacob tsi nó꞉kwah natkaronhniá꞉tshera, tánon Israel né nènhneʼe nakonwakenrenhserón꞉ni.

Isaiah 47:6

Kheʼnakwáhsene nakonkwetaʼshónhas, Waketʼkénte tsi kwatsiratátie; Hiaʼkehiátʼkaʼwe thóh satsanàke, iáh othènon tesehnatónhni ne kenténhron; né꞉ne thoʼthí꞉ions washeʼhiónhnien ne saʼtientaniák꞉ta kwáh í꞉ken tsi iókste.

Jeremiah 13:14

Ethóhʼne tenkhehiatáriʼthe tsi ní꞉ioht ne katʼtsheshón꞉a thakatʼtsheténseron, ahonthahiakóhionke tó꞉ka ó꞉ni kenknahonthahiakohiónhake akénhake kwáh kíʼ ne skáka enkénhake. Iáh thahóten ne kenténron, iáh thatahkhehiaróh꞉thon, iáh ó꞉ni ne kenténrat thatahóntʼtaste nahkhenonwahrhiákon.”

Jeremiah 19:15

nètho ne Roiá꞉ner Roshaststenserowáhnenh, ne ne Israerʼró꞉non sahkohʼNí꞉io, ráhwenh, “Entétkhaweh ne kén nónhwe kíʼ tsi kanahtowáhnenh tánon ó꞉ni ne aktatsesónhas kanahtaʼiénton akwékon ne karewahtátshera tsi ehʼnénhtiereh tsi niwáhken, tioríhwa tsi nisehwaʼnonhtsistaníron ó꞉ni kwáh iáh tesehwahthahónsahtats tsi nikáton.”

Jeremiah 21:7

Ók nonkʼní꞉se, shonkwetahshón꞉a, ó꞉ni ne iaʼtenhonahtátereh ne tsi wahterí꞉io, nathonkárhiakon, ó꞉ni ne kahnrahtarinhétshera—kwáh enkatʼthóntahte ne sehwahkwékon ne rononhtí꞉io Nebuchadnezzar ahtsisehwahiéna skátne ne tionkwetaʼshón꞉as ronterí꞉ios, tsi natehonathonhontsóni nahiétʼtsinonhwahrhiakónʼnion. Nebuchadnezzar entsiʼsehwahnonhwarhiakónʼnion. Kwáh iáh ónhka tsi nítsion thatsisehwahiatanónhsthate iáh ó꞉ni tahrénesʼthe nathaniténron iáh ó꞉ni ne karhothóntshera tsi nahthétsion. Í꞉i, ne Watiá꞉ner, wahkatáti.”

Jeremiah 5:10

Ienkhehiaténieʼte ne tehontátʼtions nahatíhiake nahkonhkwetahsón꞉a rothinenharahientʼthósehron, ók iáh kíʼ tiahathikónhtahkwe nakonwahnáhthonte. Enkheró꞉ri nahathinahtoskarónko, tsioríwa thíken onahtehsonʼa tsi iáh i꞉ih tewahkáwenk.

Lamentations 2:17

Ónen ne Roiá꞉ner thóh naháiere tsi nihoterónkwen; Kwáh iáh kanèka ne kenténron tsi ní꞉ioht tsi wasonkwasénni, tsi nihthotʼróri ne wahónnise tsi náhe. Tasakáwen neh hionkíʼshons natesenniétsera, tasakáwen natʼtsenónniat tsi wahonkhisénni.

Lamentations 2:21

Nithontihiónsas óni ne rothitsténhas kwáh satèhiot tsi tekaiatotáron rhonenhéion ne kanatakésons, Nithotihiónsas ó꞉ni ne konʼnónkwe, neh tehontátswens ahsarekówa ronásthon tsi ronwanaséthon. Wasehiawéntho kwáh iáh kanèka nataniténron ne wenniserátekwe tsi nisanakwénhenʼne.

Lamentations 2:5

Tsi ní꞉ioht ne tehiakwatátʼtions, ne Roiá꞉ner wahariwéntʼtho ne Israel; Wahariwenthóseron ne watenhenrótaʼkwe ó꞉ni tsi kanonthiʼhiotseráherhe. Iáh tsehiótokʼte ne kanikonrakʼséntsera tasakáwen nonkwesónha ne Judah.

Lamentations 3:43

“Waskwarontéraʼne tánon waskwário; ne saténrat ne:ne sanakwatserákon non niʼiotaséhton:ne.

Ezekiel 5:11

“Tsi nihioriwihiohónwe tsi kónnhe, ráton ne Ronhnontiio Roiá꞉ner, Kwáh tohʼkénʼen tsi enkonhiák꞉se. Iáh othènen thakonhienésten nataniténron tioríhwa tsi naʼtesenhtsiónston Nakenonsatokentiʼkówa tsi nishatieráhnion ne kariwahétkens, tánon ne iáh tehiotkwéniens.

Ezekiel 7:4

Kwáh iáh takonhnónhsthate iáh ó꞉ni takonhnathónhase nataniténron. Enkonhréwahte ne tsi nihioteriwahtéhas tsi nishatieráhnion, ne káti nahishaterientárahne tsi Í꞉i ne Watiá꞉ner.”

Ezekiel 7:9

Kwáh iáh takonhnónhstahte iáh ó꞉ni takonhnatónhase nataniténhron. Enkonhréwahte tsi nihioteriwahtéhas tsi nitsatieráhnion, ne káti ne kwáh ahishateriéntahrahne tsi Í꞉i ne Watiá꞉ner tánon akonhá꞉ʼa khók ne konhrehwáhtha.”

Ezekiel 8:18

Kwáh enhóntʼthoke kashastsʼtenserahkwékon nakenahkwáhtshera. Kwáh iáh takhenónhsthate iáh ó꞉ni takhenahtónhase nataniténron. Kwáh tenhotihénreʼte nahterénhnaient nakonháke tsi nihiorahkaréhni tsi ahathikwéhni, ók iáh kíʼ taʼkhehiatahónshathaʼte.”

Ezekiel 9:10

Ók kwáh kíʼ iáh tatkhétenreh; thóh nenhkheiérahse tsi kíʼ nishakothiʼiéraseh nakorénsons.”

Micah 5:14

Tánon enkontiónkos ne kanió꞉tons Asherah. Tánon enkátonhte ne sanatowá꞉nens.

Malachi 1:4

Tókaʼ ne Edom wá꞉ton, “Teionkwanitshahtarokwá꞉ʼon ók shé꞉kon kiʼ entsitewatenonhsonniánion ne iorihwentá꞉seronʼs,” ne Sakoiá꞉ner ne ratironhiaʼkehró꞉nonʼs ratónnions: Aón꞉ton naonsahontenonhsón꞉ni, ók kwáh kiʼ enskenonhsarihshión꞉ko, ne ienhonwatiná꞉tonhkweʼ ne karihwaneraʼáktshera kanakeraserá꞉ien, ne ne nonkwehshón꞉ʼahs ne Roiá꞉ner shakonaʼkhwá꞉se tsi nén꞉we enkénhake.

Matthew 18:33

Iah katiken taioianerenhon natsitenron ne tsiatenro tsiniiot tsi kontenron nii?

2 Corinthians 10:4

Tókas ó꞉ni entewaterí꞉io, iáh kiʼ né꞉ʼe tetewátstha ne onhontsaʼkéhkha ionteriiostáhkhwa. Ne khók tewátstha ne Rawenni꞉io raohsatsténhsera, ne khók kakwénies tekahrí꞉tha ne iorihwahní꞉rons. Tewarihwahtón꞉tha ne aterihotahrhóktshera.

Deuteronomy 28:52

Kwáh kanatakwé꞉kons tsi ienskonwanatiaʼtón꞉ti ne kanathaiéntons ne tsi ionhontsá꞉ien ne Roiá꞉ner saNí꞉io thiawì꞉re, tánon tsiotʼtes ne tekenstó꞉rote ne teshanathanaʼtons né꞉ne seniahésen enkareniénhne.

Deuteronomy 32:22

Nakhenakwáhtshera kwáh tenwanitonkwahnékare tsi ní꞉ioht nó꞉tsire tánon enwaʼtsaháthe akwé꞉kon ne tsi ionwenhtsà꞉te. Ienhwá꞉we nó꞉thake tiohontsá꞉te tánon enwatsaháthe ne tsi katerahthénions ne tsi iononhtarón꞉nions.